Դաս 20. Վարդապետություն և Ուխտեր 6-9

Վարդապետության սերտման գործնական պարապմունք 1

Մտապահեք և ձեռք բերեք հոգևոր գիտելիքներ

Վարդապետության սերտումը կօգնի ուսանողներին կառուցել իրենց կյանքի հիմքը Հիսուս Քրիստոսի և Նրա ավետարանի վրա: Այս դասը ուսանողներին հնարավորություն կտա սովորել վարդապետության սերտման հատվածները և դրանցում պարունակվող ճշմարտությունները, ինչպես նաև սովորել և կիրառել հոգևոր գիտելիքներ ձեռք բերելու աստվածային սկզբունքները:

Հնարավոր ուսումնական վարժություններ

Վարդապետության սերտման կրկնություն․ Մտապահել

Այս տարի դուք հավանաբար արդեն ծանոթացրել եք ուսանողներին Վարդապետություն և Ուխտերի վարդապետության սերտման մի քանի հատվածների հետ: Այդ հատվածների թվում են․ Ջոզեֆ Սմիթ—Պատմություն 1.15–20, Վարդապետություն և Ուխտեր 1.30 և Վարդապետություն և Ուխտեր 1.37–38։ Ստորև ներկայացվող վարժությունը ուսանողներին հնարավորություն է տալիս վերանայել այս երեք հատվածը և ծանոթանալ վարդապետության սերտման հաջորդ ինը հատվածին՝ Ջոզեֆ Սմիթ—Պատմություն 1.15–20-ից մինչև Վարդապետություն և Ուխտեր 49.15–17։ Կարող եք հարմարեցնել վարժությունը այնպես, որ կենտրոնանաք միայն վարդապետության սերտման այն հատվածների վրա, որոնք ուսանողները սովորել են մինչ այժմ, եթե կարծում եք, որ դա ավելի արդյունավետ կլինի ձեր ուսանողների համար։

Այս վարժությունը պետք է տևի ընդամենը 10–15 րոպե, որպեսզի դասի ընթացքում բավականաչափ ժամանակ լինի վարդապետության սերտման գործնական պարապմունքի համար:

Դասարան բերեք մի քանի գործիք, որոնց ուսանողները ծանոթ են և գիտեն, թե ինչպես օգտագործել դրանք: Դա կարող է լինել պտուտակահան, մուրճ և սղոց:

• Ե՞րբ երախտապարտ կլինեիք այս գործիքներից մեկը ունենալու համար:

  Մի քանի ուսանողի կիսվելու հնարավորություն տվեք: Նրանք կարող են կիսվել անձնական փորձով կամ պատկերացնել իրավիճակներ: Ուսանողները կարող են հետաքրքիր ժամանակ անցկացնել և ստեղծագործաբար մոտենալ իրենց պատասխաններին:

• Ո՞ր հանգամանքների դեպքում դուք երախտապարտ կլինեիք սուրբ գրություններն անգիր իմանալու համար։

Վարդապետության սերտման հատվածները սուրբ գրությունների ընտրանի են, որոնք կարող են հատկապես օգտակար լինել ձեզ և ուրիշներին: Սեմինարիայում դուք հնարավորություն ունեք անգիր անելու վարդապետության սերտման հատվածների հղումները և սուրբ գրության հիմնական արտահայտությունները: Կարող եք փորձել նույնիսկ անգիր անել այս հատվածներից մի քանիսն ամբողջությամբ։

Կարդացեք և նշեք հետևյալ հատվածները ձեր սուրբ գրություններում: Ընտրեք մեկը կամ երկուսը, որոնք, ըստ ձեզ, առավել կարևոր են ձեզ համար:

Ցուցադրեք աղյուսակ, որտեղ տրված են վարդապետության սերտման հատվածների ցանկը և դրանց հիմնական արտահայտությունները: Ուսանողներին բավարար ժամանակ տրամադրեք, որպեսզի նշեն յուրաքանչյուր հատված:

Վարդապետության սերտման սուրբ գրության հղումը	Սուրբ գրության հիմնական արտահայտությունը
Վարդապետության սերտման սուրբ գրության հղումը Ջոզեֆ Սմիթ—Պատմություն 1.15–20	Սուրբ գրության հիմնական արտահայտությունը Ջոզեֆ Սմիթը «տեսավ երկու Անձնավորություն, որոնց պայծառությունն ու փառքը ամեն նկարագրությունից վեր էր»:
Վարդապետության սերտման սուրբ գրության հղումը Վարդապետություն և Ուխտեր 1.30	Սուրբ գրության հիմնական արտահայտությունը Հիսուս Քրիստոսի Եկեղեցին «միակ ճշմարիտ և կենդանի եկեղեցին է»:
Վարդապետության սերտման սուրբ գրության հղումը Վարդապետություն և Ուխտեր 1.37–38	Սուրբ գրության հիմնական արտահայտությունը «Լինի դա իմ իսկ ձայնով, թե իմ ծառաների ձայնով՝ միևնույն է»։
Վարդապետության սերտման սուրբ գրության հղումը Վարդապետություն և Ուխտեր 6.36	Սուրբ գրության հիմնական արտահայտությունը «Նայեք ինձ ձեր բոլոր մտորումներում. մի կասկածեք, մի վախեցեք»:
Վարդապետության սերտման սուրբ գրության հղումը Վարդապետություն և Ուխտեր 8.2–3	Սուրբ գրության հիմնական արտահայտությունը «Ես կասեմ քեզ քո մտքում և քո սրտում, Սուրբ Հոգով»։
Վարդապետության սերտման սուրբ գրության հղումը Վարդապետություն և Ուխտեր 13.1	Սուրբ գրության հիմնական արտահայտությունը Ահարոնյան քահանայությունը «կրում է հրեշտակների սպասավորության, ապաշխարության ավետարանի և մեղքերի թողության համար ընկղմամբ մկրտության բանալիները»:
Վարդապետության սերտման սուրբ գրության հղումը Վարդապետություն և Ուխտեր 18.10–11	Սուրբ գրության հիմնական արտահայտությունը «Հոգիների արժեքը մեծ է Աստծո աչքում»:
Վարդապետության սերտման սուրբ գրության հղումը Վարդապետություն և Ուխտեր 18.15–16	Սուրբ գրության հիմնական արտահայտությունը «Որքան մեծ կլինի ձեր ուրախությունը, եթե դուք շատ հոգիներ բերեք ինձ մոտ»:
Վարդապետության սերտման սուրբ գրության հղումը Վարդապետություն և Ուխտեր 19.16–19	Սուրբ գրության հիմնական արտահայտությունը «Ես, [Հիսուս Քրիստոսը] տառապել եմ այս բաները բոլորի համար»։
Վարդապետության սերտման սուրբ գրության հղումը Վարդապետություն և Ուխտեր 21.4–6	Սուրբ գրության հիմնական արտահայտությունը Մարգարեի «խոսքը դուք պետք է ընդունեք, ինչպես որ իմ իսկ բերանից»:
Վարդապետության սերտման սուրբ գրության հղումը Վարդապետություն և Ուխտեր 29.10–11	Սուրբ գրության հիմնական արտահայտությունը «Ես կհայտնվեմ երկնքից զորությամբ ու մեծ փառքով … և մարդկանց հետ արդարության մեջ կբնակվեմ երկրի վրա, հազար տարի»:
Վարդապետության սերտման սուրբ գրության հղումը Վարդապետություն և Ուխտեր 49.15–17	Սուրբ գրության հիմնական արտահայտությունը «Ամուսնությունը կարգված է Աստծու կողմից»:

Մի քանի րոպե հատկացրեք և փորձեք անգիր անել մեկ կամ երկու հատվածների հղումը և հիմնական արտահայտությունը, որոնք առավել կարևոր են ձեզ համար: Պատկերացրեք նաև մի իրավիճակ, երբ հղումն ու հիմնական արտահայտությունը անգիր իմանալը կարող է օրհնություն լինել ձեզ կամ մեկ ուրիշի համար:

Բավարար ժամանակ տվեք ուսանողներին՝ սկսելու անգիր անել սուրբ գրությունների հղումները և հիմնական արտահայտությունները, որոնք նրանք ընտրել են: Օգտակար կլինի տեղեկացնել ուսանողներին, որ Վարդապետության սերտման հավելվածը կարող է նաև օգնել իրենց անգիր անել վարդապետության սերտման հատվածները:

Ուսանողներին բավարար ժամանակ տրամադրելուց հետո նրանցից մի քանիսին առաջարկեք փորձել կիսվել սուրբ գրությունների հիմնական արտահայտություններով, որոնք նրանք սկսեցին անգիր սովորել: Կարող եք նաև առաջարկել նրանց բացատրել, թե ինչու իրենց համար օգտակար կլինի այս հղումներն ու արտահայտություններն անգիր անելը:

Խրախուսեք ուսանողներին շարունակել անգիր անել հղումները և սուրբ գրության հիմնական արտահայտությունները ողջ տարվա ընթացքում: Ցանկության դեպքում նրանք կարող են նաև անգիր սովորել սուրբ գրության հատվածներն ամբողջությամբ:

Սովորեք և կիրառեք հոգևոր գիտելիքներ ձեռք բերելու սկզբունքները

Դասի մնացած մասը կենտրոնացրեք այն նպատակի վրա, որ օգնեք ուսանողներին կիրառել հոգևոր գիտելիքներ ձեռք բերելու սկզբունքները կյանքի իրական իրավիճակներում: Նախքան ստորև ներկայացված իրավիճակը կարդալը՝ օգտակար կլինի նախ առաջարկել ուսանողներին կրկնել հոգևոր գիտելիքներ ձեռք բերելու սկզբունքները: Կրկնության համար առաջարկվող վարժությունները ներառված են հավելվածի «Վարդապետության սերտման կրկնության վարժություններ» բաժնում: Սկզբունքների նկարագրությունները ներկայացված են Ձեռք բերել հոգևոր գիտելիքներ բաժնի «5–12-րդ պարբերություններում»՝ Վարդապետության սերտման հիմնական փաստաթղթում (2023)։

Ավան սկսեց ուսումնասիրել Ջոզեֆ Սմիթ—Պատմություն և Վարդապետություն և Ուխտեր գրքերը և լավ փորձառություն ձեռք բերեց: Սակայն սոցիալական ցանցերում նա հանդիպեց մի քանի բացասական մեկնաբանությունների Մարգարե Ջոզեֆ Սմիթի մասին, որոնք շփոթեցրին և անհանգստացրին նրան:

Եթե օգտակար համարեք, կարող եք լրացուցիչ հարցեր տալ, օրինակ՝ «Ձեր կարծիքով ինչո՞ւ նա շփոթվեց կամ անհանգստացավ»:

Կարող եք ուսանողներին փոքր խմբերի բաժանել և առաջարկել նրանց քննարկել թե հոգևոր գիտելիքներ ձեռք բերելու սկզբունքներն ինչպես կարող են օգնել Ավային այս իրավիճակում: Եթե օգտակար լինի, կարող եք ցուցադրել ստորև նշված վարժություններից մի քանիսը կամ բոլորը և խմբերին առաջարկել կատարել դրանք՝ որպես իրենց քննարկման մաս:

Քննեք հասկացություններն ու հարցերը հավերժության հեռանկարից

1. Թվարկեք անցյալի երեք մարգարեների անուններ, որոնց որոշ մարդիկ հետևել են հավատքով, իսկ մյուսները՝ ոչ, և գուցե նույնիսկ քննադատել են նրանց:

   • Ի՞նչ պատճառներով են որոշ մարդիկ հետևել այդ մարգարեներին, իսկ մյուսները՝ քննադատել:

   • Ինչպե՞ս Տերն օրհնեց նրանց, ովքեր հետևեցին Իր մարգարեներին:

   • Անցյալի մարգարեների վերաբերյալ այս տեղեկությունների մասին խորհելն ինչպե՞ս կարող է մեզ համար ավելի լայն հեռանկար ապահովել Ջոզեֆ Սմիթի մասին բացասական տեղեկությունների հանդիպելիս:

Եթե ուսանողները նշում են Մարգարեի մասին պատմական տեղեկությունների վերաբերյալ մտահոգություն, օգտակար կլինի կարդալ «Ձեռք բերել հոգևոր գիտերիքներ» բաժնի պարբերություններ 9–10-ը Վարդապետության սերտման հիմնական փաստաթղթում (2023):

Ձգտեք մեծացնել հասկացողությունը աստվածային աղբյուրների միջոցով

2. Գտեք աստվածային մեկ աղբյուր Մարգարե Ջոզեֆ Սմիթի մասին, որը, ձեր կարծիքով, կարող է օգնել Ավային: Դա անելու համար ձեզ կօգնի հետևյալը.

   • Գտեք հատվածներ Ջոզեֆ Սմիթ—Պատմություն կամ Վարդապետություն և Ուխտեր գրքերում, որոնք մինչ այժմ ուսումնասիրել եք և որոնք ցույց են տալիս, թե ինչ կարող ենք անել, երբ բախվում ենք կասկածների կամ հարցերի:

   • Սուրբ գրքերի ուղեցույցում և Թեմատիկ ուղեցույցում որոնում կատարեք «Ջոզեֆ Սմիթ» հարցումով։ Կամ «Ջոզեֆ Սմիթ» հարցումով որոնում կատարեք գերագույն համաժողովի ցանկում Լիահոնա կամ Gospel Library հավելվածում։

   • Եթե որոնում եք որևէ հատուկ բացասական մեկնաբանություն, որ ինչ-որ մեկը կարող է արտահայտած լինել Մարգարեի մասին, նայեք Թեմաներ և հարցեր բաժինը ChurchofJesusChrist.org կայքում տեսնելու համար, թե արդյոք կան տեղեկություններ, որոնք կարող են օգտակար լինել: Մտածեք նաև, թե որպես վստահելի մարդ, ում հետ կարող եք խորհուրդ տալ, որ խոսի այդ դեռահասը։

Գործեք հավատքով

3. Ջոզեֆ Սմիթի միջոցով Տերը ի հայտ բերեց հետևյալը. Մորմոնի Գիրքը, երկրի վրա ճշմարիտ և կենդանի Եկեղեցու վերականգնումը, վեհացման համար անհրաժեշտ ուխտերն ու արարողությունները և Վարդապետություն և Ուխտեր գրքի մեծ մասը: Խորհեք, թե ինչ հատուկ եղանակներով է Տերն արդեն օրհնել ձեր կյանքը այս բաների միջոցով, և դրանք ինչպես կարող են օգնել ամրապնդել ձեր վկայությունը Մարգարեի մասին: Մտածեք, թե ինչ եք արել այս օրհնությունները ստանալու համար: Թվարկեք մի քանի եղանակ, որոնցով կարող եք խորհուրդ տալ Ավային գործել հավատքով, որպեսզի շարունակի ամրապնդել Ջոզեֆ Սմիթի՝ որպես Աստծո մարգարեի մասին իր վկայությունը:

Երբ ուսանողները հատկացված ժամանակի ընթացքում փոխանակեն իրենց մտքերը և, հնարավոր է, կատարեն վերը նշված վարժություններից մի քանիսը, առաջարկեք նրանց կիսվել այն ամենով, ինչ նրանք կարծում են, որ կարող է առավել օգտակար լինել Ավային: Մի քանի ուսանողի խրախուսեք կիսվել: Կարող եք նաև հարցնել. «Ի՞նչ այլ եղանակներով կարող ենք օգտագործել հոգևոր գիտելիքներ ձեռք բերելու սկզբունքները՝ որևէ մեկին այս իրավիճակում օգնելու համար»:

Լրացուցիչ ուսումնական վարժություններ

Ստեղծեք հուշաթերթեր

Խրախուսեք ուսանողներին օգտագործել Doctrinal Mastery հավելվածի հուշաթերթերը կամ ստեղծել իրենցը: Կամ կարող եք գտնել հուշաթերթերը ձեր բջջային սարքից ցուցադրելու եղանակ և ուսանողների հետ անցկացնել հատվածները նույնականացնելու վարժություն: Եթե ուսանողները ստեղծում են իրենց հուշաթերթերը, նրանց կարող եք տալ հետևյալ ցուցումները.

1. Օգտագործելով թերթիկի ամբողջ կողմը՝ նկարեք երկու սյունակներ՝ երեքական նույնաչափ վանդակներով:

2. Շրջեք թուղթը և արեք նույնը մյուս կողմում:

3. Մի կողմում գրեք սուրբ գրությունների հղումները վարդապետության սերտման յուրաքանչյուր հատվածի համար: (Որպես այլընտրանք, ուսանողները կարող են հասնել նպատակին՝ գրելով հանգավոր արտահայտություն, օգտագործելով նկարներ կամ այլ մոտեցում, որը կօգնի նրանց հիշել հղումը: Օգնեք ուսանողներին հասկանալ, որ այս մոտեցումները չպետք է արվեն այնպես, որ շեղեն կամ նվազեցնեն սուրբ գրությունների տեքստի սրբազան բնույթը։)

4. Հակառակ կողմում գրեք սուրբ գրության հիմնական արտահայտությունները, որոնք վերաբերում են այն հղումներին, որոնք գտնվում են թերթի հակառակ կողմի համապատասխան վանդակում:

5. Յուրաքանչյուր վանդակ կտրեք այնպես, որ յուրաքանչյուր քարտի մի կողմում գրված լինի հղումը, իսկ մյուս կողմում՝ սուրբ գրության հիմնական արտահայտությունը:

6. Կրկնեք նույնը մնացած հատվածների համար:

Դասարանում կամ տանը ուսանողները կարող են անցնել իրենց հուշաթերթերով երկու կամ երեք անգամ՝ նայելով դրանց մի կողմին և ստուգելով, թե դրանցից քանիսը կարող են ճիշտ գուշակել: Այնուհետև նրանք կարող են շրջել հուշաթերթերը և նորից անցնել դրանցով:

Այլընտրանքային սցենար

Եթե ուսանողների համար ավելի նպատակահարմար կգտնեք, առաջարկեք նրանց դիտարկել հետևյալ սցենարը հոգևոր գիտելիքներ ձեռք բերելու սկզբունքների գործնական կիրառման համար. Դանթեն և Քևինը մի առավոտ գնում են դպրոց, ճանապարհին Քևինը դիմում է Դանթեին և ասում. «Մենք լավ ընկերներ ենք երկար ժամանակ, այնպես որ սխալ մի ընդունիր հարցս, բայց ինչո՞ւ ես դու ասում, որ պատկանում ես ճշմարիտ եկեղեցուն: Չե՞ս կարծում, որ վիրավորական է ասել, որ ձեր կրոնը ճշմարիտ է, իսկ ուրիշների կրոնը կեղծ է»: Ուսանողներին առաջարկեք օգտագործել հոգևոր գիտելիքներ ձեռք բերելու սկզբունքները՝ օգնելու համար։ Նրանք կարող են անդրադառնալ նաև Ջոզեֆ Սմիթ—Պատմություն 1.15–20 և Վարդապետություն և Ուխտեր 1.30 հատվածներին։