Lesson 20: Doktrina at mga Tipan 6-9

Pagsasanay sa Doctrinal Mastery 1

Pagsasaulo at Pagtatamo ng Espirituwal na Kaalaman

Ang doctrinal mastery ay makatutulong sa mga estudyante na maitayo ang pundasyon ng kanilang buhay kay Jesucristo at sa Kanyang ebanghelyo. Ang lesson na ito ay magbibigay sa mga estudyante ng mga pagkakataon na matutuhan ang mga doctrinal mastery passage at ang mga katotohanang nilalaman nito gayundin ang matutuhan at ipamuhay ang mga banal na alituntunin para sa pagtatamo ng espirituwal na kaalaman.

Mga Posibleng Aktibidad sa Pag-aaral

Pagrerebyu ng doctrinal mastery: Isaulo

Maaaring naipabatid mo na sa mga estudyante ang ilang doctrinal mastery passage sa Doktrina at mga Tipan ngayong taon. Maaaring kasama rito ang Joseph Smith—Kasaysayan 1:15–20, Doktrina at mga Tipan 1:30, at Doktrina at mga Tipan 1:37–38. Ang sumusunod na aktibidad ay nagbibigay sa mga estudyante ng pagkakataon na marebyu ang tatlong passage na iyon at maging pamilyar sa susunod na siyam na doctrinal mastery passage mula sa Joseph Smith—Kasaysayan 1:15–20 hanggang Doktrina at mga Tipan 49:15–17. Kung sa palagay mo ay mas makabubuti para sa iyong mga estudyante, maaari mo itong iakma para pagtuunan lamang ang mga doctrinal mastery passage na natutuhan na ng mga estudyante.

Ang aktibidad na ito ay dapat lamang tumagal nang 10–15 minuto para magkaroon ng sapat na oras para sa pagsasanay sa paggamit ng doctrinal mastery kalaunan sa lesson.

Magdala ng ilang kasangkapan sa klase na makikilala at malalaman ng mga estudyante kung paano gamitin. Maaaring kabilang dito ang isang screwdriver, martilyo, at lagari.

• Kailan kayo magpapasalamat na mayroon kayo ng isa sa mga kasangkapang ito?

  Hayaang magbahagi ang ilang estudyante. Maaari silang magbahagi ng mga personal na karanasan o mag-isip ng kunwa-kunwariang mga sitwasyon. Maaaring maging masaya at maging malikhain ang mga estudyante sa kanilang mga sagot.

• Ano ang ilang sitwasyon kung saan magpapasalamat kayo na may naisaulo kayong banal na kasulatan?

Ang mga doctrinal mastery passage ay isang seleksyon ng mga banal na kasulatan na makatutulong lalo na sa inyo at sa iba. Sa seminary, may mga pagkakataon kayong isaulo ang mga reperensya at mahahalagang parirala ng banal na kasulatan ng mga doctrinal mastery passage. Maaari din ninyong subukang isaulo ang mga buong talata ng ilan sa mga passage na ito.

Basahin at markahan ang mga sumusunod na passage sa inyong mga banal na kasulatan. Pumili ng isa o dalawa na sa palagay ninyo ay pinakamakabuluhan sa inyo.

Ipakita ang chart na nagtatala ng mga doctrinal mastery passage at mahahalagang parirala ng banal na kasulatan. Bigyan ang mga estudyante ng sapat na oras para markahan ang bawat isa sa mga passage.

Doctrinal mastery scripture reference	Mahalagang parirala ng banal na kasulatan
Doctrinal mastery scripture reference Joseph Smith—Kasaysayan 1:15–20	Mahalagang parirala ng banal na kasulatan “Nakakita [si Joseph Smith] ng dalawang Katauhan, na ang liwanag at kaluwalhatian ay hindi kayang maisalarawan.”
Doctrinal mastery scripture reference Doktrina at mga Tipan 1:30	Mahalagang parirala ng banal na kasulatan Ang Simbahan ni Jesucristo “ang tanging tunay at buhay na simbahan.”
Doctrinal mastery scripture reference Doktrina at mga Tipan 1:37–38	Mahalagang parirala ng banal na kasulatan “Maging sa pamamagitan ng sarili kong tinig o sa tinig man ng aking mga tagapaglingkod, ito ay iisa.”
Doctrinal mastery scripture reference Doktrina at mga Tipan 6:36	Mahalagang parirala ng banal na kasulatan “Isaalang-alang ako sa bawat pag-iisip; huwag mag-alinlangan, huwag matakot.”
Doctrinal mastery scripture reference Doktrina at mga Tipan 8:2–3	Mahalagang parirala ng banal na kasulatan “Sasabihin ko sa iyo sa iyong isipan at sa iyong puso, sa pamamagitan ng Espiritu Santo.”
Doctrinal mastery scripture reference Doktrina at mga Tipan 13:1	Mahalagang parirala ng banal na kasulatan Ang Aaronic Priesthood ang “may hawak ng mga susi ng paglilingkod ng mga anghel, at ng ebanghelyo ng pagsisisi, at ng pagbibinyag.”
Doctrinal mastery scripture reference Doktrina at mga Tipan 18:10–11	Mahalagang parirala ng banal na kasulatan “Ang kahalagahan ng mga kaluluwa ay dakila sa paningin ng Diyos.”
Doctrinal mastery scripture reference Doktrina at mga Tipan 18:15–16	Mahalagang parirala ng banal na kasulatan “Anong laki ng inyong kagalakan kung makapagdadala kayo ng maraming kaluluwa sa akin!”
Doctrinal mastery scripture reference Doktrina at mga Tipan 19:16–19	Mahalagang parirala ng banal na kasulatan “Ako, [si Jesucristo], ay pinagdusahan ang mga bagay na ito para sa lahat.”
Doctrinal mastery scripture reference Doktrina at mga Tipan 21:4–6	Mahalagang parirala ng banal na kasulatan Ang “salita [ng propeta] ay inyong tatanggapin, na parang mula sa sarili kong bibig.”
Doctrinal mastery scripture reference Doktrina at mga Tipan 29:10–11	Mahalagang parirala ng banal na kasulatan “Aking ipakikita ang aking sarili mula sa langit sa kapangyarihan at dakilang kaluwalhatian … at mananahanan sa kabutihan kasama ng mga tao sa mundo ng isanlibong taon.”
Doctrinal mastery scripture reference Doktrina at mga Tipan 49:15–17	Mahalagang parirala ng banal na kasulatan “Ang kasal ay inorden ng Diyos.”

Maglaan ng sandali para subukang isaulo ang reperensya at mahalagang parirala sa isa o dalawang passage na pinakamakabuluhan sa inyo. Isipin din ang isang sitwasyon kung saan ang pagsasaulo ng reperensya at mahalagang parirala ay maaaring maging isang pagpapala sa inyo o sa ibang tao.

Bigyan ang mga estudyante ng sapat na oras para masimulan ang pagsasaulo ng mga scripture reference at mahahalagang parirala ng banal na kasulatan na pinili nila. Maaaring makatulong na ipaalam sa mga estudyante na ang Doctrinal Mastery app ay makatutulong din sa kanila na maisaulo ang mga doctrinal mastery passage.

Kapag nagkaroon na ng sapat na oras ang mga estudyante, anyayahan ang ilan na sanaying ibahagi ang mahahalagang parirala ng banal na kasulatan na sinimulan nilang isaulo. Maaari mo rin silang anyayahang ipaliwanag kung bakit makatutulong sa kanila na isaulo ang mga reperensya at pariralang ito.

Hikayatin ang mga estudyante na patuloy na isaulo ang mga reperensya at mahahalagang parirala ng banal na kasulatan sa buong taon. Maaari din nilang isaulo ang buong scripture passage kung gusto nila.

Pag-aralan at ipamuhay ang mga alituntunin ng pagtatamo ng espirituwal na kaalaman

Ang natitirang bahagi ng lesson ay nakatuon sa pagtulong sa mga estudyante na magamit ang mga alituntunin ng pagtatamo ng espirituwal na kaalaman sa isang sitwasyon sa totoong buhay. Bago basahin ang sitwasyon sa ibaba, maaaring makatulong na sabihin sa mga estudyante na rebyuhin muna ang mga alituntunin ng pagtatamo ng espirituwal na kaalaman. Ang mga iminumungkahing aktibidad sa pagrerebyu ay kasama sa bahagi ng appendix na may pamagat na “Mga Aktibidad sa Pagrerebyu ng Doctrinal Mastery.” Makikita ang mga paglalarawan ng mga alituntunin sa talata 5–12 sa bahaging “Pagtatamo ng Espirituwal na Kaalaman” ng Doctrinal Mastery Core Document (2023).

Sinimulang pag-aralan ni Ava ang Joseph Smith—Kasaysayan at ang Doktrina at mga Tipan at maganda ang nagiging karanasan niya. Gayunpaman, nakita niya ang ilang negatibong komento sa social media tungkol kay Propetang Joseph Smith na nagpalito at nagpabalisa sa kanya.

Kung kapaki-pakinabang, maaari kang magtanong ng mga follow-up na tanong tulad ng “Bakit kaya siya nalilito o nababalisa?”

Maaari mong ilagay ang mga estudyante sa maliliit na grupo at sabihin sa kanila na mag-isip ng mga paraan kung paano makatutulong kay Ava ang mga alituntunin ng pagtatamo ng espirituwal na kaalaman sa sitwasyong ito. Kung kapaki-pakinabang, maaari mong ipakita ang ilan o lahat ng sumusunod na aktibidad, at maaari mong anyayahan ang mga grupo na kumpletuhin ang mga ito bilang bahagi ng kanilang talakayan.

Suriin ang mga konsepto at tanong nang may walang-hanggang pananaw

1. Maglista ng tatlong propeta mula sa nakaraan na sinunod ng ilang tao nang may pananampalataya samantalang ang iba ay hindi sumunod at maaaring bumatikos pa nga sa kanila.

   • Ano ang ilang dahilan kung bakit may mga taong sumunod samantalang ang iba ay bumabatikos?

   • Paano pinagpala ng Panginoon ang mga sumunod sa Kanyang mga propeta?

   • Paano nagbibigay sa atin ng mas magandang pananaw ang pag-isipan ang mga bagay na ito tungkol sa mga naunang propeta para makatugon sa negatibong impormasyon tungkol kay Joseph Smith?

Kung magbabanggit ang mga estudyante ng isang alalahanin sa kasaysayan tungkol sa Propeta, maaaring makatulong na basahin ang talata 9–10 sa bahaging “Pagtatamo ng Espirituwal na Kaalaman” sa Doctrinal Mastery Core Document (2023).

Hangaring mas makaunawa sa pamamagitan ng sources na itinalaga ng Diyos

2. Maghanap ng isang source na itinalaga ng Diyos tungkol kay Propetang Joseph Smith na sa palagay ninyo ay makatutulong kay Ava. Maaaring makatulong sa inyo ang sumusunod para magawa ito:

   • Maghanap ng mga talata sa Joseph Smith—Kasaysayan o sa Doktrina at mga Tipan na napag-aralan ninyo na naglalarawan kung ano ang magagawa natin kapag nahaharap tayo sa pag-aalinlangan o mga tanong.

   • Hanapin ang “Joseph Smith” sa Gabay sa mga Banal na Kasulatan. O hanapin ang “Joseph Smith” sa index ng pangkalahatang kumperensya sa Liahona o sa Gospel Library app.

   • Kung may naiisip kang partikular na negatibong komento na maaaring sabihin ng isang tao tungkol sa Propeta, tingnan ang mga paksa sa bahaging Mga Paksa at Mga Tanong ng ChurchofJesusChrist.org para malaman kung may impormasyon na makatutulong. Mag-isip din ng isang pinagkakatiwalaang tao na maaari ninyong irekomendang kausapin ng teenager na ito.

Kumilos nang may pananampalataya

3. Sa pamamagitan ni Joseph Smith, inilabas ng Panginoon ang sumusunod: ang Aklat ni Mormon, ang Pagpapanumbalik ng tunay at buhay na Simbahan sa mundo, ang mga tipan at mga ordenansang kailangan para sa kadakilaan, at ang malaking bahagi ng Doktrina at mga Tipan. Isipin ang mga partikular na paraan na napagpala na ng Panginoon ang inyong buhay sa pamamagitan ng mga bagay na ito at kung paano makatutulong ang mga ito para mapalakas ang inyong patotoo tungkol sa Propeta. Isipin kung ano ang mga ginawa ninyo para matanggap ang mga pagpapalang ito. Maglista ng ilang paraan na maaari ninyong imungkahi na gawin ni Ava nang may pananampalataya upang patuloy na mapalakas ang kanyang patotoo kay Joseph Smith bilang propeta ng Diyos.

Pagkatapos magkaroon ng oras ang mga estudyante na mag-isip at marahil nagawa na ang ilan sa mga aktibidad sa itaas, sabihin sa kanila na ibahagi kung ano sa palagay nila ang pinakamakatutulong kay Ava. Hikayating magbahagi ang maraming estudyante. Maaari mo ring itanong, “Ano sa palagay ninyo ang iba pang mga paraan na magagamit natin ang mga alituntunin ng pagtatamo ng espirituwal na kaalaman para tulungan ang isang tao sa sitwasyong ito?”

Mga Karagdagang Aktibidad sa Pag-aaral

Gumawa ng mga memory card

Hikayatin ang mga estudyante na gamitin ang mga memory card sa Doctrinal Mastery app o gumawa ng sarili nilang mga memory card. O maaari kang maghanap ng paraan para ipakita ang mga card mula sa sarili mong mobile device at sabihin sa mga estudyante na magsanay na tukuyin ang mga talata. Kung ang mga estudyante ay gagawa ng sarili nilang mga card, maaari silang bigyan ng mga sumusunod na tagubilin:

1. Gamit ang buong bahagi ng isang papel, gumuhit ng dalawang column na may tatlong kahon na magkakasinlaki sa bawat column.

2. Baliktarin ang papel at gawin din ito sa bahaging iyon.

3. Sa isang bahagi, isulat ang mga scripture reference para sa bawat doctrinal mastery passage. (Bilang alternatibo, maaaring gawin ng mga estudyante ang pagsusulat ng pariralang may tugma, paggamit ng mga larawan, o iba pang paraan para matulungan silang maalala ang reperensya. Tulungan ang mga estudyante na maunawaan na ang mga paraang ito ay hindi dapat gawin sa paraang nakakabawas sa kasagraduhan ng teksto ng banal na kasulatan.)

4. Sa likod ng papel, isulat ang mahahalagang parirala ng scripture reference na nasa kaugnay na kahon sa kabilang bahagi ng papel.

5. Gupitin ang bawat kahon nang sa gayon ay nasa harap ng bawat card ang isang reperensya at nasa likod nito ang mahalagang parirala ng banal na kasulatan.

6. Ulitin para sa mga natitirang passage.

Sa klase o sa bahay, maaaring pasadahan ng mga estudyante ang kanilang mga memory card nang dalawa o tatlong beses, habang tinitingnan ang isang bahagi ng mga ito at inaalam kung ilan ang mahuhulaan nila nang tama. Pagkatapos ay maaari nilang baliktarin at pasadahan ulit ang mga ito.

Alternatibong sitwasyon

Kung sa palagay mo ay mas nauugnay ito sa iyong mga estudyante, sabihin sa kanila na pag-isipan ang sumusunod na sitwasyon para sa pagtatamo ng espirituwal na kaalaman: Naglalakad sina Dante at Kevin papasok sa paaralan isang umaga nang bumaling si Kevin kay Dante at nagsabing, “Matagal na tayong matalik na magkaibigan, kaya huwag mo itong masamain, pero bakit sinasabi mong kabilang ka sa totoong simbahan? Hindi mo ba naisip na kayabangan ang sabihing totoo ang relihiyon ninyo at huwad ang relihiyon ng iba?” Anyayahan ang mga estudyante na gamitin ang mga alituntunin ng pagtatamo ng espirituwal na kaalaman para makatulong. Maaari din nilang gamitin ang Joseph Smith—Kasaysayan 1:15–20 at Doktrina at mga Tipan 1:30.