Doktrina ug mga Pakigsaad 12–17; Joseph Smith—Kasaysayan 1:66–75

Doktrina ug mga Pakigsaad 12–17; Joseph Smith—Kasaysayan 1:66–75

Kinatibuk-ang Pagpasabot

Samtang naghubad sa Basahon ni Mormon, si Joseph Smith ug Oliver Cowdery adunay pangutana mahitungod sa bunyag alang sa kapasayloan sa mga sala. Nangutana sila sa Ginoo. Agig tubag sa ilang pangutana, si Juan Bautista mipakita ug mipahiuli sa Aaronic nga Pagkapari. Ang pagpahiuli sa pagkapari nagpadayon paglabay sa mga semana sa dihang gipahiuli ni Pedro, Santiago, ug Juan ang Melchizedek nga Pagkapari. Sa dihang natapos na ang paghubad sa Basahon ni Mormon, tulo ka mga indibidwal ang gipili aron makakita sa bulawan nga mga palid. Si Oliver Cowdery, David Whitmer, ug Martin Harris nakakita kang anghel Moroni ug sa bulawan nga mga palid sa usa ka panan-awon. Nadungog usab nila ang tingog sa Ginoo nga nagpahayag nga ang Basahon ni Mormon tinuod.

Tabangi ang mga estudyante nga magputing kang Jesukristo: Kon imong tabangan ang mga estudyante nga masentro ang ilang pagkat-on sa ebanghelyo ngadto ni Jesukristo, ang Espiritu Santo makapalig-on sa ilang pagsabot ug pagpasalamat sa Manluluwas. Pangutana og mga pangutana nga makatabang sa mga estudyante sa pagpangita og ebidensiya sa Iyang gahom, kaluoy, ug maulaong misyon. Dapita ang mga estudyante sa pagrekord o pagpakigbahin sa ilang mga pagbati alang Kaniya. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Tabangi ang mga Estudyante sa Pag-ila sa Gugma, Gahom, ug Kaluoy sa Ginoo diha sa Ilang mga Kinabuhi” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon pagbuhat niini diha sa leksiyon karong semanaha nga giulohan nga “Doktrina ug mga Pakigsaad 14.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Joseph Smith—Kasaysayan 1:68–75; Doktrina ug mga Pakigsaad 13

Katuyoan sa leksiyon: Aron matabangan ang mga estudyante nga mobati sa kamahinungdanon sa pagpahiuli sa awtoridad sa pagkapari sa Manluluwas

• Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin og mga detalye o mga pangutana nga aduna sila mahitungod sa pagpahiuli sa pagkapari. Mahimo silang mangandam pinaagi sa pagbasa sa teksto sa litrato 5 sa kasaysayan sa Simbahan, “Suba sa Susquehanna,” nga makita sa kataposan sa tulo ka kombinasyon [triple combination] o sa seksiyon sa “Mga Tabang sa Pagtuon” diha sa Gospel Library.

• Bidyo: “Espirituhanon nga mga Bahandi” (18:07; tan-awa gikan sa time code 3:00 hangtod sa 3:51)

Doktrina ug mga Pakigsaad 14

Katuyoan sa leksiyon: Aron matabangan ang mga estudyante nga magmasulundon ug molahutay hangtod sa kataposan uban sa makapahimo nga gahom sa Manluluwas

• Pagpangandam sa estudyante: Mahimo nimong dapiton ang mga estudyante sa pagpangita og baroganan nga ilang magamit gikan sa ilang personal nga pagtuon sa kasulatan. Mahimong gustohon sa mga estudyante ang paggamit sa pipila ka mga kapanguhaan sa pagtuon sa Dali, Sunod Kanako.

• Bidyo: “Ugma ang Ginoo Mobuhat og Katingalahan diha Kanimo” (19:18; tan-awa gikan sa time code 15:08 hangtod sa 16:21)

Doktrina ug mga Pakigsaad 17

Katuyoan sa leksiyon: Aron matabangan ang mga estudyante nga mapalig-on ang ilang kaugalingong pagsaksi sa Basahon ni Mormon samtang magtuon sila sa mga pagpamatuod sa Tulo ka mga Saksi

• Pagpangandam sa estudyante: Mahimo nimong dapiton ang mga estudyante sa pagpangita diha sa ChurchofJesusChrist.org sa impormasyon mahitungod sa Tulo ka mga Saksi sa Basahon ni Mormon ug sa pagtambong nga andam sa pagpakigbahin sa unsay ilang nakaplagan.

• Mga Materyal: Usa ka bag ug usa ka butang (ang bag kinahanglan nga makatago sa usa ka butang nga makita sa pipila ka mga estudyante ug mahulagway ngadto sa klase)

• Mga Bidyo: “A Day for the Eternities” (23:09; tan-awa gikan sa time code 15:01 hangtod sa 17:55); “An Enduring Testimony of the Mission of the Prophet Joseph” (17:32; tan-awa gikan sa time code 4:18 hangtod sa 5:43)