Doktrina ug mga Pakigsaad 18

Doktrina ug mga Pakigsaad 18

Kinatibuk-ang Pagpasabot

Ang Ginoo mipadayag sa bililhong mga kamatuoran mahitungod sa atong bili diha sa Iyang panan-aw, ang kalipay nga atong madawat kon mopakigbahin sa ebanghelyo, ug ang mga kwalipikasyon ug mga responsibilidad sa Napulog Duha ka Apostoles.

Paghimo og palibot diin ang tanan gitahod ug nahibalo nga ang ilang mga tampo gihatagan og bili: Daghang mga estudyante nga imong gitudloan mahimong naglisod nga mobati nga gitahod ug gihatagan og bili. Sa paagi nga ikaw naghigugma ug nagtahod kanila, imong mapaabot nga sila gihangop ug gikinahanglan. Alang sa dugang pa kon giunsa kini pagbuhat sa Manluluwas, tan-awa ang seksiyon nga “Gipaniguro sa Manluluwas Nga ang Tanan Mibati nga Gitahod ug Gihatagan og Bili” diha sa Pagtudlo Sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon karong semanaha nga giulohan og “Doktrina ug mga Pakigsaad 18:1–13.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 18:1–13

Katuyoan sa leksiyon: Aron matabangan ang mga estudyante nga mobati nga ang bili sa ilang mga kalag mahinungdanon sa panan-aw sa Dios.

• Pagpangandam sa estudyante: Dapita ang mga estudyante sa pagbasa, pagpamalandong, ug sa pagkonsiderar sa pagsag-ulo sa pipila o sa tanan sa Doktrina ug mga Pakigsaad 18:10–11. Hangyoa sila sa pagtambong nga andam sa pagpakigbahin sa ilang mga pagbati mahitungod sa mga kamatuoran nga gitudlo niini nga tudling.

• Handout: “Paghinumdom sa Atong Bili ngadto sa Dios”

• Bidyo: “The Hope of God’s Light” (6:46)

Doktrina ug mga Pakigsaad 18:11–16

Katuyoan sa leksiyon: Aron matabangan nga madugangan ang tinguha sa mga estudyante sa pagpakigbahin sa ebanghelyo sa Manluluwas ngadto sa uban.

• Pagpangandam sa estudyante: Dapita ang mga estudyante sa pagpamalandong ug sa pagtambong nga andam sa pagpakigbahin og lista sa lima ka butang nga makahatag kanila og kalipay ug ngano.

• Mga Bidyo: “Ipakita Ninyo ang Inyong Kahayag” (10:16; tan-awa gikan sa time code 2:20 hangtod sa 4:15); “Inviting All to Come unto Christ: Sharing the Gospel” (4:30)

Doktrina ug mga Pakigsaad 18:21–47

Katuyoan sa leksiyon: Aron matabangan ang mga estudyante nga makasabot kon sa unsang paagi ang Ginoo nagtabang ug nagpanalangin kanato pinaagi sa pagtawag og Iyang Apostoles.

• Pagpangandam sa estudyante: Dapita ang mga estudyante sa pagbasa og bahin sa bag-ohay lang nga pakigpulong, artikulo sa magasin sa Simbahan, o post sa social media gikan sa usa sa Apostoles karon, nga mangita kon sa unsang paagi kana nga mensahe nakatabang kanila sa pagduol ngadto kang Kristo.

• Sulod nga ipakita: Kasamtangang hulagway sa Unang Kapangulohan ug Korum sa Napulog Duha ka Apostoles

• Mga Materyal: Mga pakigpulong sa kinatibuk-ang komperensiya o mga artikulo sa magasin sa Simbahan nga gisulat sa Apostoles

Pagbansay 2 sa Doktrinal nga Kahanas

Katuyoan sa leksiyon: Aron mahatagan ang mga estudyante og mga kahigayonan sa pagbansay nga mahanas sa mga tudling sa doktrinal nga kahanas ug sa doktrina nga gitudlo niini ingon man sa pagkat-on ug paggamit sa balaanong mga baroganan sa pag-angkon og espirituhanong kahibalo.

• Pagpangandam sa estudyante: Dapita ang mga estudyante sa pagpili og usa o duha ka tudling sa doktrinal nga kahanas nga gusto nilang mas masabtan.

• Butang nga andamon: Usa ka kanta o himno nga ipatukar alang sa klase

• Mga Materyal: Mahinungdanon nga Dokumento sa Doktrinal nga Kahanas (2023)