Mataupu Faavae ma Feagaiga 18

Mataupu Faavae ma Feagaiga 18

Vaaiga Aoao

Sa faaali mai e le Alii upumoni taua e uiga i lo tatou taua i Lana silafaga, o le olioli e mafai ona tatou maua pe a faasoa atu le talalelei, ma agavaa ma tiutetauave o Aposetolo e Toasefululua.

Fai se siosiomaga e amanaia ai uma tagata ma iloa ai e faatauaina a latou saofaga: O le toatele o tagata aoga o loo e aoaoina e ono faafaigata ona lagona le amanaiaina ma le faatauaina. O le ala e te alofa ma faaaloalo ai ia i latou, e mafai ai ona e fesootai atu e faapea e talileleia ma manaomia i latou. Mo nisi faamatalaga i le ala na faia ai e le Faaola lenei mea, tagai i le vaega o le “Sa Faamautinoa e le Faaola Sa Lagona e Tagata Uma le Faaaloalogia ma le Faatauaina,” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 18:1–13.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 18:1–13

Faamoemoega o le lesona: Ina ia fesoasoani i tagata aoga ia lagona o le taua o latou agaga e lelei tele i le silafaga a le Atua.

• Sauniuniga a le tagata aoga: Valaaulia tagata aoga e faitau, mafaufau loloto, ma mafaufau e tauloto nisi po o le Mataupu Faavae ma Feagaiga 18:10–11. Fai atu ia i latou e omai sauni e faasoa mai o latou lagona e uiga i upumoni na aoaoina i lenei fuaitau.

• Pepa e tufa atu: “Manatuaina o Lo Tatou Taua i le Atua”

• Vitio: “O Le Faamoemoe o le Malamalama o le Atua” (6:46)

Mataupu Faavae ma Feagaiga 18:11–16

Faamoemoega o le lesona: Ina ia fesoasoani e faateleina le manao o tagata aoga e faasoa atu i isi le talalelei a le Faaola.

• Sauniuniga a le tagata aoga: Valaaulia tagata aoga e mafaufau loloto ma o mai saunia e faasoa mai se lisi o mea e lima e aumaia le olioli ia i latou ma pe aisea.

• Vitio: “Ia Tuu i Luga Lou Malamalama” (10:16; matamata vaavaai mai le faailo taimi 2:20 i le 4:15); “Valaauliaina o Tagata Uma e O Mai ia Keriso: Faasoaina Atu o le Talalelei” (4:30)

Mataupu Faavae ma Feagaiga 18:21–47

Faamoemoega o le lesona: Ina ia fesoasoani i tagata aoga ia malamalama pe faapefea ona fesoasoani ma faamanuiaina i tatou e le Alii e ala i le valaauina o Ana Aposetolo.

• Sauniuniga a le tagata aoga: Valaaulia tagata aoga e faitau se vaega o se lauga talu ai nei, tusiga o le mekasini a le Ekalesia, po o se faasalalauga faaagafesootai mai se tasi o Aposetolo o i ai nei, ma vaavaai pe faapefea ona fesoasoani lena savali ia i latou e o mai ai ia Keriso.

• Anotusi e faaali atu: Ata o le Au Peresitene Sili ma le Korama a Aposetolo e Toasefululua o i ai i le taimi lenei

• Anomea: Lauga o le konafesi aoao po o tusiga o mekasini a le Ekalesia na tusia e Aposetolo

Faataitaiga o le Atamai i Aoaoga Faavae 2

Faamoemoega o le lesona: Ina ia tuu atu i tagata aoga ni avanoa e faataitai ai fuaitau o le atamai i aoaoga faavae ma mataupu faavae latou te aoao atu faapea foi ma le aoaoina ma le faaaogaina o mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e filifili se fuaitau se tasi pe lua o le atamai i aoaoga faavae latou te mananao e malamalama atili iai.

• Aitema e saunia ai: O se pese po o se viiga e tata mo le vasega

• Anomea: Pepa Autu o le Atamai i Aoaoga Faavae (2023)