Doktrina ug mga Pakigsaad 19

Doktrina ug mga Pakigsaad 19

Kinatibuk-ang Pagpasabot

Si Martin Harris nangayo ni Propeta Joseph Smith og pagpadayag gikan sa Ginoo sa dihang iyang naamgohan nga basin mawad-an siya sa iyang uma aron ibayad sa pag-imprinta sa Basahon ni Mormon. Diha sa Doktrina ug mga Pakigsaad 19, ang Manluluwas miasoy kon sa unsang paagi Siya mipili sa pagtugyan ngadto sa kabubut-on sa Langitnong Amahan ug nakaangkon sa gahom sa pagbuntog sa tanang mga butang. Ang Ginoo mitambag ni Martin sa paghinulsol ug sa paghimo sa sakripisyo nga gikinahanglan aron mabayran ang utang nga iyang nautang ngadto sa tig-imprinta.

Magpunting kang Jesukristo: Ang pagkat-on mahitungod kang Jesukristo makadasig kanato nga mahimong mas mahisama Kaniya. Apan ang pagkahimong sama Kaniya mahitabo lamang kon kita molihok uban sa hugot nga pagtuo, sa sulod ug gawas sa klase. Alang sa dugang nga impormasyon, tan-awa ang seksiyon nga “Tabangi ang mga Estudyante nga Tuyoong Maningkamot nga Mahimong Mas mahisama ni Jesukristo” diha sa Pagtudlo Sumala sa Pamaagi sa Manluluwas. Makita nimo ang usa ka pananglitan kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 19:1–24, Bahin 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 19:1–24, Bahin 1

Katuyoan sa leksiyon: Aron matabangan nga madugangan ang tinguha sa mga estudyante sa pagsunod sa ehemplo ni Jesukristo sa pagtugyan ngadto sa kabubut-on sa Langitnong Amahan

• Pagpangandam sa estudyante: Ikonsiderar ang pagdapit sa mga estudyante sa paghunahuna og mga panahon dihang ang kabatan-onan matintal sa pagbuhat sa unsay ilang gusto kay sa unsay gusto sa Ginoo.

• Sulod nga ipakita: Pamahayag gikan ni Presidente Ezra Taft Benson

Doktrina ug mga Pakigsaad 19:1–24, Bahin 2

Katuyoan sa leksiyon: Aron matabangan ang mga estudyante nga mas magmapasalamaton sa gasa sa Manluluwas sa paghinulsol, nga nahimong posible pinaagi sa Iyang dakong maulaong sakripisyo

• Pagpangandam sa estudyante: Ikonsiderar ang pagdapit sa mga estudyante sa pagbasa sa Alma 36:12–21, mangita kon nganong gibati ni Alma ang hilabihang kasakit ug talagsaong kalipay sa iyang paghinulsol.

• Sulod nga ipakita: Mga pamahayag mahitungod sa paghinulsol

• Mga materyal: Mga katunga sa panid nga papel

• Bidyo: “For God So Loved the World” (4:48; tan-awa gikan sa time code 1:56 hangtod sa 4:48)

• Handout: “Si Jesukristo ug ang Atong Paghinulsol”

Doktrina ug mga Pakigsaad 19:25–41

Katuyoan sa leksiyon: Aron matabangan ang mga estudyante nga makasunod sa ehemplo sa Manluluwas sa pagsakripisyo sa bisan unsa nga isugo kanato sa Langitnong Amahan

• Pagpangandam sa estudyante: Mahimo nimong dapiton ang mga estudyante sa pagpangutana sa usa ka kasaligang miyembro sa Simbahan kon unsa nga mga sakripisyo ang iyang nahimo isip usa ka disipulo sa Ginoo.

• Sulod nga ipakita: Mga aghat alang sa kalihokan sa study dyurnal

Sukda ang Imong Nakat-onan 2

Katuyoan sa leksiyon: Aron matabangan ang mga estudyante sa paghinumdom ug sa pagsukod kon sa unsang paagi ang ilang mga kasinatian sa pagtuon sa Doktrina ug mga Pakigsaad sa pagkakaron nakatabang kanila nga molambo sa espirituhanong paagi

• Pagpangandam sa estudyante: Mahimo nimong dapiton ang mga estudyante sa pagpamalandong sa bag-o lang nga leksiyon sa seminary nga labing nakaapekto ngadto kanila. Mahimo nilang pamalandongan ang bisan unsang kausaban nga ilang nahimo tungod sa maong leksiyon.

• Mga materyal: Gagmay nga mga piraso sa papel

• Mga Hulagway: Si Moroni nagpakita ngadto ni Joseph Smith; Si Joseph Smith ug Oliver Cowdery naghubad sa mga palid; ang Tulo ka mga Saksi nakakita sa mga palid; usa ka dayagram sa usa ka tawo nga adunay nakasulat sa iyang hunahuna ug kasingkasing