Tokāteline mo e Ngaahi Fuakava 19

Tokāteline mo e Ngaahi Fuakava 19

Vakai Fakalūkufuá

Naʻe kole ʻe Māteni Hālisi ki he Palōfita ko Siosefa Sāmitá ha fakahā mei he ʻEikí ʻi heʻene ʻilo ʻe ala mole ʻene fāmá ke totongi ʻaki hono paaki ʻo e Tohi ʻa Molomoná. Naʻe fakamatalaʻi ʻe he Fakamoʻuí ʻi he Tokāteline mo e Ngaahi Fuakava 19, ʻa e founga naʻá Ne fili ai ke fakaongoongo ki he finangalo ʻo e Tamai Hēvaní pea maʻu ʻa e mālohi ke ikunaʻi ʻa e meʻa kotoa pē. Naʻe faleʻi ʻe he ʻEikí ʻa Māteni ke fakatomala mo fai ʻa e feilaulau naʻe fiemaʻu ke totongi ʻaki hono moʻua ki he tokotaha faipākí.

Tokanga Taha kia Sīsū Kalaisi: ʻE lava ke ueʻi kitautolu ʻe he ako fekauʻaki mo Sīsū Kalaisí ke tau hoko ʻo hangē ko Iá. Ka ʻoku toki hoko pē ʻa e hoko ʻo hangē ko Iá ʻi heʻetau ngāue ʻi he tuí, ʻi loto pea ʻi tuʻa fakatouʻosi ʻi he kalasí. Ki ha fakamatala lahi ange, vakai ki he konga “Tokoniʻi e Kau Akó ke Nau Feinga ʻi he ʻIloʻilo Pau ke Hangē Ange ko Sīsū Kalaisí” ʻi he Ko e Faiako ʻi he Founga ʻa e Fakamoʻuí. Te ke lava ʻo vakai ki ha sīpinga ʻo e founga ke fakahoko ai ʻeni ʻi he lēsoni ʻo e uike ní, ʻa ia ko e “Tokāteline mo e Ngaahi Fuakava 19:1–24, Konga 1.”

Teuteu ke akoʻi

ʻOku ʻoatu ʻe he fakamatala ko ʻení ha ngaahi fakakaukau ʻo e meʻa ʻe ala fiemaʻu ke teuteuʻi kimuʻa ‘i he lēsoni takitaha.

Tokāteline mo e Ngaahi Fuakava 19:1–24, Konga 1

Taumuʻa ʻo e lēsoní: Ke tokoni ke fakatupulaki e holi ʻa e kau akó ke muimui ʻi he sīpinga ʻa Sīsū Kalaisi ʻo e fakaongoongo ki he finangalo ʻo e Tamai Hēvaní

• Teuteu ʻa e tokotaha akó: ʻE lava ke ke fakaafeʻi ʻa e kau akó ke fakakaukau ki ha ngaahi taimi ʻoku ʻahiʻahiʻi ai e toʻu tupú ke fakahoko ʻa e meʻa ʻoku nau fiemaʻú kae ʻikai ko e finangalo ʻo e ʻEikí.

• Meʻa ke fakaʻaliʻalí: Fakamatala meia Palesiteni ʻĒsela Tafu Penisoni

Tokāteline mo e Ngaahi Fuakava 19:1–24, Konga 2

Taumuʻa ʻo e lēsoní: Ke tokoniʻi ʻa e kau akó ke fakahoungaʻi lahi ange ʻa e meʻaʻofa ʻo e fakatomala ʻa e Fakamoʻuí, ʻa ia ʻoku malava ʻi Heʻene feilaulau fakalelei maʻongoʻongá

• Teuteu ʻa e tokotaha akó: Fakakaukau ke fakaafeʻi ʻa e kau akó ke lau ʻa e ʻAlamā 36:12–21, ʻo kumi ʻa e ʻuhinga naʻe fakatou ongoʻi ai ʻe ʻAlamā ha mamahi lahi mo ha fiefia lahi ʻi heʻene fakatomalá.

• Meʻa ke fakaʻaliʻalí: Ngaahi fakamatala fekauʻaki mo e fakatomalá

• Naunaú: Ngaahi vaeuaʻi laʻipepa

• Vitiō: “For God So Loved the World” (4:48; mamata mei he taimi 1:56 ki he 4:48)

• Laʻipepa Tufá: “Sīsū Kalaisi mo ʻEtau Fakatomalá”

Tokāteline mo e Ngaahi Fuakava 19:25–41

Taumuʻa ʻo e lēsoní: Ke tokoni ki he kau akó ke muimui ʻi he sīpinga ʻa e Fakamoʻuí ʻo feilaulauʻi ha meʻa pē ʻoku kole mai ʻe he Tamai Hēvaní meiate kitautolú

• Teuteu ʻa e tokotaha akó: Te ke lava ʻo fakaafeʻi ʻa e kau akó ke fehuʻi ki ha mēmipa falalaʻanga ʻo e Siasí pe ko e hā ha ngaahi feilaulau kuo nau fakahoko ʻi heʻenau hoko ko ha ākonga ʻa e ʻEikí.

• Meʻa ke fakaʻaliʻalí: Ngaahi ueʻi ki ha ʻekitivitī tohinoa ako

Siviʻi Hono 2 Hoʻo Akó

Taumuʻa ʻo e lēsoní: Ke tokoni ke manatuʻi mo vakaiʻi ʻe he kau akó ʻa e founga kuo tokoniʻi ai kinautolu ʻe heʻenau ngaahi aʻusia ʻi hono ako ʻo e Tokāteline mo e Ngaahi Fuakavá ke nau tupulaki fakalaumālié

• Teuteu ʻa e tokotaha akó: Te ke lava ʻo fakaafeʻi ʻa e kau akó ke fakakaukau ki ha lēsoni semineli kimuí ni naʻe mātuʻaki ʻaonga kiate kinautolu. ʻE lava ke nau fakalaulauloto ki ha ngaahi liliu kuo nau fakahoko ko ha ola ʻo e lēsoni ko iá.

• Naunaú: Fanga kiʻi laʻipepa iiki

• Ngaahi ʻAtá: Hā ʻa Molonai kia Siosefa Sāmitá; Siosefa Sāmita mo ʻŌliva Kautele ʻi heʻena liliu ʻa e ʻū lauʻi peletí; ko e mamata ʻa e Kau Fakamoʻoni ʻe Toko Tolú ki he ʻū lauʻi peletí; ko ha fakatātā ʻo ha taha kuo fakahingoa hono ʻatamaí mo e lotó