Doktrina ug mga Pakigsaad 30–36

Doktrina ug mga Pakigsaad 30–36

Kinatibuk-ang Pagpasabot

Wala madugay human natukod ang Simbahan, ang Ginoo mitawag og daghang mga indibidwal ngadto sa misyonaryo nga pagserbisyo. Iyang gitudloan kining bag-ong gitawag nga mga elder og daghang importante nga kamatuoran kon nganong gusto Niya nga isangyaw nila ang Iyang ebanghelyo. Gihatagan usab Niya sila og mga kaseguroan sa Iyang tabang ug tambag kon unsaon nila sa pagsangyaw nga epektibo.

Dapita ang mga estudyante nga puy-an nila ang unsay ilang nakat-onan.Ang mga kasulatan ug ang mga pulong sa mga propeta sa ulahing mga adlaw sa kasagaran nagpadayag og matarong nga mga sumbanan sa kinaiya. Hatagi og mga kahigayonan ang mga estudyante sa paghimo og plano sa pagbuhat sa unsay ilang nakat-onan ug dasiga sila sa pagpadayon sa pagpatuman. Alang sa dugang pa kon sa unsang paagi gibuhat kini sa Manluluwas, tan-awa ang seksiyon nga “Giawhag sa Manluluwas ang Uban sa Pag-ila Kaniya pinaagi sa Pagtuon sa Iyang Pulong” diha sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 30–36 Bahin 2.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 30–36, Bahin 1

Katuyoan sa leksiyon: Aron matabangan ang mga estudyante nga makasabot sa pipila ka rason sa Manluluwas sa pagsugo kanato sa pagsangyaw sa Iyang ebanghelyo.

• Pagpangandam sa estudyante: Dapita ang mga estudyante sa pagtambong nga andam nga adunay tubag sa mosunod nga pangutana: Ngano nga ang mga miyembro sa Ang Simbahan ni Jesukristo sa mga Santos sa Ulahing mga Adlaw nagtutok og maayo sa misyonaryo nga buhat?

• Bidyo: “Pagsangyaw sa Ebanghelyo sa Kalinaw” (5:22; tan-awa gikan sa time code 2:52 hangtod sa 5:00)

• Sulod nga ipakita: Ang mga ngalan niadtong gitawag sa pagsangyaw sa ebanghelyo diha sa Doktrina ug mga Pakigsaad 30–36 (gilista sa leksiyon ubos sa ulohan nga “Pagsangyaw gikan niini nga higayon”)

• Handout: “Ang Tambag sa Ginoo ngadto sa mga Misyonaryo diha sa Doktrina ug mga Pakigsaad 30–36”

Doktrina ug mga Pakigsaad 30–36, Bahin 2

Katuyoan sa leksiyon: Aron matabangan ang mga estudyante sa ilang mga paningkamot sa pagpakigbahin sa ebanghelyo.

• Pagpangandam sa estudyante: Ikonsiderar ang pagdapit sa mga estudyante sa pagbisita sa “Pagpakigbahin sa Ebanghelyo” nga web page aron makakita og mga ideya sa pagpakigbahin sa ebanghelyo ngadto sa uban sa natural ug normal nga mga paagi.

• Mga Bidyo: “Come and See” (1:17); “Come and Help” (1:03); “Sharing the Gospel” (3:49)

Doktrina ug mga Pakigsaad 35

Katuyoan sa leksiyon: Aron matabangan ang mga estudyante nga mobati og pasalamat sa unsay gipadayag sa Ginoo pinaagi sa Hubad ni Joseph Smith sa Biblia.

• Pagpangandam sa estudyante: Ihatag sa mga estudyante ang mosunod nga pamahayag: “Wala madugay human gimantala ang Basahon ni Mormon niadtong 1830, ang Ginoo misugo kang Joseph Smith sa pagsugod og hubad sa Biblia.” Dapita sila sa pagtino kon ang pamahayag tinuod ba o sayop ug sa pagpangita og bisan unsa nga dugang nga impormasyon ngailang mapalgan nga makapainteres sa hilisgotan. Dapita sila sa pagpamalandong kon ngano kaha nga importante kini kanila ug sa pagtambong sa klase nga adunay bisan unsang may kalabotan nga mga pangutana.

• Handout: “Ang Hubad ni Joseph Smith”

Pagbansay 3 sa Doktrinal nga Kahanas

Katuyoan sa leksiyon: Aron mahatagan ang mga estudyante og mga kahigayonan sa pagbansay nga mahanas sa mga tudling sa doktrinal nga kahanas ug sa doktrina nga gitudlo niini. Makatabang usab kini kanila sa pagkat-on ug paggamit sa balaanong mga baroganan sa pag-angkon og espirituhanong kahibalo.

• Pagpangandam sa estudyante: Dapita ang mga estudyante sa pagbansay sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan sa pipila ka mga tudling sa doktrinal nga kahanas nga ilang natun-an.