Leksiyon 48: Doktrina ug mga Pakigsaad 30–36

Doktrina ug mga Pakigsaad 30–36, Bahin 2

“Ablihi ang Inyong mga Baba ug Kini Makasulti”

Sa dihang ang Ginoo mitawag og mga misyonaryo aron sa pagsangyaw sa Iyang ebanghelyo wala madugay human sa organisasyon sa Iyang Simbahan, mihatag Siya og tambag aron sa paglig-on ug paggiya kanila sa ilang misyonaryo nga mga buluhaton. Kini nga leksiyon makatabang sa mga estudyante sa ilang mga paningkamot sa pagpakigbahin sa ebanghelyo.

Mga Posibleng Kalihokan sa Pagkat-on

Mga kabalaka sa pagpakigbahin sa ebanghelyo

Ikonsiderar ang pagsugod sa leksiyon pinaagi sa pagpakigbahin sa mosunod nga senaryo ug mga pangutana.

Samtang ang usa ka mamumulong sa miting sa sakramento mipakigbahin mahitungod sa kamahinungdanon sa misyonaryo nga buhat, gibati ni Conor ang iyang kaugalingon nga misupak sa ideya sa pagpakigsulti sa ubang mga tawo mahitungod sa ebanghelyo. Medyo hilomon si Conor. Dugang pa, wala pa gayod siya makaistorya bahin sa ebanghelyo ngadto sa usa ka tawo nga dili miyembro sa Simbahan. Nabalaka siya kon unsa ang dagan sa usa ka panag-istoryahanay nga sama niana. Ang iyang hilomon nga kinaiya ug kakulang sa kasinatian nakapahimo kaniya nga dili komportable sa ideya sa pagsugod sa panag-istoryahanay bahin sa ebanghelyo ngadto sa laing tawo.

• Unsa sa imong hunahuna ang makatabang kang Conor nga masabtan ang mahitungod sa misyonaryo nga buhat?

• Unsa ang uban pang mga kabalaka ang sagad aduna ang mga tawo mahitungod sa pagpakigbahin sa ebanghelyo sa Manluluwas?

Pahinumdomi ang mga estudyante nga sa miaging leksiyon, ilang nahibaloan ang mahitungod sa daghang mga indibidwal kinsa gitawag sa misyonaryo nga pagserbisyo wala madugay human natukod ang Simbahan. Pipila niini nga mga lalakin-an nakahibalo mahitungod sa gipahiuli nga ebanghelyo sulod lamang sa mubo nga panahon sa wala pa sila gitawag sa mga misyon.

Dapita ang mga estudyante sa pagpakigbahin og pipila ka mga kabalaka nga tingali aduna niining bag-ong gitawag nga mga misyonaryo. Mahimo usab nimong hangyoon ang mga estudyante sa paghunahuna sa ilang kaugalingong mga kabalaka mahitungod sa pagpakigbahin sa ebanghelyo ngadto sa uban. Dayon ipakigbahin ang mosunod aron makatabang sa pag-andam sa mga estudyante sa pagtuon.

Karong adlawa magtuon ka sa mga pagtulun-an gikan sa Ginoo diha sa Doktrina ug mga Pakigsaad 30–36 nga makatabang kanimo sa pag-ila sa Iyang kahinam sa pagtabang kanimo sa pagpakigbahin sa Iyang ebanghelyo. Samtang magtuon ka, pangita og mga pagtulun-an nga makatabang nga magdugang sa imong kaandam ug abilidad sa pagpakigbahin sa ebanghelyo ni Jesukristo.

Ang Ginoo naghatag og makatabang nga tambag ngadto sa Iyang mga misyonaryo

Hatagi og panahon ang mga estudyante sa pagtuon sa tambag sa Ginoo sa mosunod nga mga bersikulo. Usa ka paagi sa pagbuhat niini mao ang pagbahin sa klase ngadto sa lima ka mga grupo. Hatagi ang matag grupo og blangko nga piraso sa papel, ug dapita sila sa pagdesinyo og usa ka pahina nga adunay ulohan sama sa “Makatabang nga misyonaryo nga tambag gikan sa Ginoo.”

Pag-assign og usa ka hugpong sa mga bersikulo sa matag grupo. Mahimo dayong idugang sa mga estudyante diha sa ilang mga pahina ang labing menos tulo ka mga punto sa tambag nga ilang makita diha sa ilang mga bersikulo. Mahimo silang magdugang og mga ilustrasyon sa ilang mga pahina kon gustohon. Mahimo dayon nimong dapiton ang mga estudyante sa pagpakigbahin sa ilang nahuman nga mga pahina ngadto sa klase.

Basaha ang mosunod nga mga bersikulo, nga mangita sa tambag nga gihatag sa Ginoo nga makatabang nimo nga mahimong mas andam ug makahimo sa pagpakigbahin sa ebanghelyo.

Doktrina ug mga Pakigsaad 30:5, 8–11 (Mahimong makatabang ang pagkahibalo nga ang “igsoon” ni Peter Whitmer nga gipasabot sa bersikulo 5 mao si Oliver Cowdery, kinsa gitawag aron sa pagsangyaw sa naunang pagpadayag [tan-awa sa Doktrina ug mga Pakigsaad 28:14–16].)

Doktrina ug mga Pakigsaad 31:4–9, 11–13

Doktrina ug mga Pakigsaad 32:1–5

Doktrina ug mga Pakigsaad 33:8–12, 16–17

Doktrina ug mga Pakigsaad 35:13–15, 24

Kon mahuman na ang mga estudyante sa pagtuon, hatagi sila og kahigayonan nga ipakigbahin ang ilang nakat-onan. Usa ka paagi sa pagbuhat niini mao ang pagdapit sa nagkalainlaing mga estudyante sa pagpakigbahin sa tambag nga ilang nakaplagan gikan sa ilang mga bersikulo nga labing makahuluganon ngadto kanila ug sa pagpakigbahin og kamatuoran nga atong makat-onan gikan niini nga tambag. Mahimo nimong isulat kini nga mga kamatuoran diha sa pisara o dapita ang mga estudyante sa pagsulat niini.

Mga ehemplo sa mga kamatuoran nga mahimong hisgotan sa mga estudyante naglakip sa mosunod: imbes mahadlok sa uban, makasalig kita sa Ginoo alang sa tabang sa pagpakigbahin sa Iyang ebanghelyo (tan-awa sa Doktrina ug mga Pakigsaad 30:11); ang Ginoo moabli sa mga kasingkasing sa mga tawo nga atong gitudlo (tan-awa sa Doktrina ug mga Pakigsaad 31:7); ang Ginoo magauban kanato samtang kita magtinguha sa pagpakigbahin sa Iyang ebanghelyo (tan-awa sa Doktrina ug mga Pakigsaad 32:3); samtang atong ablihan ang atong mga baba sa pagpakigbahin sa ebanghelyo, ang Ginoo motabang kanato nga mahibalo unsay isulti (tan-awa sa Doktrina ug mga Pakigsaad 33:8–10); ang Ginoo naghatag sa gahom sa Iyang Espiritu ngadto sa mga mahuyang nga nagserbisyo Kaniya (tan-awa sa Doktrina ug mga Pakigsaad 35:13–14).

• Ngano sa imong hunahuna nga ang Ginoo matinguhaon kaayo sa pagtabang kanato sa pagpakigbahin sa ebanghelyo?

• Sa unsang paagi kini nga mga kamatuoran mahitungod sa Ginoo makatabang kanato sa atong mga paningkamot sa pagsangyaw sa ebanghelyo?

Mga ideya sa pag-abli sa imong baba sa pagpakigbahin sa ebanghelyo

Paggahin og panahon sa pagtabang sa mga estudyante nga makat-on ug maghisgot og piho nga mga paagi nga ilang matuman ang sugo sa Ginoo sa “pag-abli sa [ilang] mga baba” (Doktrina ug mga Pakigsaad 33:8–10; tan-awa usab sa 30:5,11) ug sa pagpakigbahin sa ebanghelyo. Ang pagtabang sa mga estudyante nga makakita og piho ug makab-ot nga mga paagi sa pagbuhat niini makapalig-on sa ilang pagsalig sa pagpakigbahin sa ebanghelyo.

Usa ka paagi sa pagbuhat niini mao ang pagpakita sa usa o daghan pa sa mosunod nga mga bidyo. Dapita ang mga estudyante sa pagpangita og nagkalainlaing mga paagi nga ang mga tawo miabli sa ilang mga baba ug midapit sa mga panalangin sa Ginoo. Mahimo ka usab magpakigbahin og ubang mga kapanguhaan gikan sa mga page sa “Pagpakigbahin sa Ebanghelyo” diha sa ChurchofJesusChrist.org.

Ang mosunod nga mga bidyo mopakigbahin og mga ideya kon unsaon nimo “pag-abli sa imong baba” (Doktrina ug mga Pakigsaad 30:5) ug pagdapit sa uban sa natural ug makahuloganong paagi sa pagsinati sa ebanghelyo ni Jesukristo.

Inviting Others to "Come and See"

People like being included. They just need to be invited. This video shows how invitations to "come and see" can be just a normal and natural part of everyday life for members of the Church of Jesus Christ of Latter-day Saints.

Inviting Others to "Come and Help"

People want to help; often all they need is an invitation. This video depicts the ease of inviting people to lend a helping hand in church-related service opportunities for The Church of Jesus Christ of Latter-day Saints.

Sharing the Gospel

What we call “member missionary work” is not a program but an attitude of love and outreach to help those around us.

• Unsa nga mga kasinatian ang imong nasinati sa pagpakigbahin sa ebanghelyo? Unsa ang imong namatikdan nga labing nakatabang nga pagpangandam alang niadto nga mga kasinatian?

Paghimo og plano

Hatagi og panahon ang mga estudyante sa pagsulat og yano nga plano mahitungod kon unsay ilang buhaton sa pagpakigbahin sa ebanghelyo ngadto sa uban. Ang mosunod nga mga pangutana makahatag kanila og mga ideya kon unsay isulat.

• Kinsa ang imong gibati nga mahimo nimong ipakigbahin ang ebanghelyo?

• Gikan sa unsay imong nakat-onan karon, unsa ang natural ug makahuluganon nga mga paagi nga imong matabangan kining tawhana nga mas maduol ngadto kang Jesukristo?

• Unsa nga mga babag sa imong hunahuna ang makapugong kanimo sa pagbuhat sa imong plano?

• Unsa nga mga kamatuoran mahitungod sa Manluluwas ang imong nakat-onan gikan sa Doktrina ug mga Pakigsaad 30–36 nga makatabang kanimo sa pagbuntog niini nga mga babag?

Ikonsiderar kon unsaon nimo pagdasig ang mga estudyante sa paglihok uban sa hugot nga pagtuo sa unsay ilang gibati karon. Mahimo nimo silang dapiton sa pagkonsiderar sa pagtakda og panahon sa pagbuhat sa unsay ilang gisulat. Ipakigbahin ang imong pagsalig sa abilidad sa Manluluwas sa paghikap sa kasingkasing sa uban pinaagi kanila.

Dapita ang mga estudyante sa pagsunod sa unsay ilang nakat-onan: Alang sa pagbansay kon unsaon pag-follow up sa mga estudyante sa ilang mga plano sa pagsunod sa unsay ilang nakat-onan, tan-awa ang pagbansay nga giulohan og, “Dapita ang mga tigkat-on sa pagsunod sa unsay ilang nakat-onan,” nga makita diha sa Pagpalambo sa mga Kahanas sa Magtutudlo nga pagbansay.

Dugang nga mga Kapanguhaan

Unsa kaha kon ang mga tawo dili modawat sa akong gipakigbahin kanila?

Si Elder Dieter F. Uchtdorf sa Korum sa Napulog Duha ka Apostoles mitudlo:

Misyonaryo nga Buhat: Pagpakigbahin sa Unsay Anaa sa Inyong Kasingkasing

Si Elder Uchtdorf naghatag og lima ka mga sugyot kon unsaon pag-apil sa misyonaryo nga buhat.

Sabta nga dili inyong trabaho ang pagkabig sa mga tawo. Mao kana ang tahas sa Espiritu Santo. Inyong tahas ang pagpakigbahin kon unsa ang anaa sa inyong kasingkasing ug ang pagpuyo sumala sa inyong gituohan.

Busa dili mo kinahanglang maluya kon ang tawo dili dayon modawat sa mensahe sa ebanghelyo. Dili kini usa ka personal nga kapakyasan.

Tali ra kana sa indibidwal ug sa Langitnong Amahan.

Ang inyo mao ang paghigugma sa Dios ug sa inyong silingan, Iyang mga anak.

Tuhoi, higugmaa, buhata.

Sunda kini nga dalan, ug ang Dios mohimo og mga milagro pinaagi kanimo sa pagpanalangin sa Iyang bililhon nga mga anak. (Dieter F. Uchtdorf, “Misyonaryo nga Buhat: Pagpakigbahin sa Unsay Anaa sa Inyong Kasingkasing,” Liahona, Mayo 2019, 17)

Doktrina ug mga Pakigsaad 33:9. Unsa ang gipasabot sa “magpas-an og mga binugkos diha sa inyong mga likod”?

Si Elder David A. Bednar sa Korum sa Napulog Duha ka Apostoles mitanyag sa mosunod nga panabot niini nga analohiya:

Honorably Hold a Name and Standing

The fire of the covenant will burn in the heart of every faithful member of this Church who shall worship and honorably hold a name and standing in the Lord’s holy house.

Ang mga bugkos [lugas] dinhi niining pasumbingay nagrepresentar sa bag-ong nabunyagan nga mga miyembro sa Simbahan. Ang mga kamalig [mga dapit diin gitipigan ang mga lugas] mao ang mga balaang templo. Si Elder Neal A. Maxwell mipasabot: “Tataw kaayo, sa dihang kita nabunyagan, ang atong mga mata naglantaw lapas pa sa bunyaganan ngadto sa balaang templo. Ang mahinungdanong kamalig diin kini nga mga bugkos ipundok mao ang balaang templo” (sa John L. Hart, “Make Calling Focus of Your Mission,” Church News, Sept. 17, 1994, 4). Kini nga pahimangno miklaro ug mipasabot og maayo sa kamahinungdanon sa sagrado nga mga ordinansa ug mga pakigsaad sa templo—nga ang mga bugkos dili gayod mausik. (David A. Bednar, “Madungganon nga Paghupot og usa ka Pangalan ug Katungdanan,” Liahona, Mayo 2009, 97-98)

Tan-awa sa Alma 26:5 alang sa laing pananglitan kon giunsa kini nga simbolo gigamit diha sa mga kasulatan.

Unsaon nako pagpakigbahin ang ebanghelyo ngadto sa uban sa natural nga paagi?

Si Elder Gary E. Stevenson sa Korum sa Napulog Duha ka Apostoles mitudlo:

Pag-alima ug Paghatag sa Inyong Pagpamatuod

Si Elder Stevenson nagtudlo mahitungod unsa ang usa ka pagpamatuod ug sa kaimportante sa pagpabilin sa pagpamatuod nga lig-on ug sa paghatag niini sa pulong ug sa buhat.

Kamo mohatag sa inyong pagpamatuod kon kamo mopaambit og espirituhanong mga pagbati ngadto sa uban. Isip usa ka miyembro sa Simbahan, ang mga oportunidad sa paghatag sa inyong gipamulong nga pagpamatuod moabot diha sa pormal nga mga panagpundok sa Simbahan o sa dili kaayo pormal, sa tinagsa nga pakig-istorya sa pamilya, mga higala, ug sa uban.

Laing paagi sa inyong pagpaambit sa inyong pagpamatuod mao ang pinaagi sa matarong nga kinaiya. Ang inyong pagpamatuod ni Jesukristo dili lang unsay inyong isulti—kon dili kinsa kamo.

Matag higayon nga kamo motingog sa pagsaksi o mopakita pinaagi sa inyong mga aksiyon sa inyong pasalig sa pagsunod ni Jesukristo, kamo nagdapit sa uban sa “pagduol ngadto ni Kristo” [Moroni 10:32].

Ang mga miyembro sa Simbahan nagbarog isip mga saksi sa Dios sa tanan nga mga panahon, diha sa tanan nga mga butang, ug diha sa tanan nga mga dapit. Ang mga oportunidad sa paghimo niini diha sa internet gamit ang makadasig nga sulodalang sa atong kaugalingon o sa pagpaambit og makabayaw nga sulod nga giandam sa uban walay kataposan. Kita mopamatuod kon kita mohigugma, mopaambit, ug modapit diha sa online. Ang inyong mga tweet, direkta nga mga mensahe, ug mga post magpakita og mas taas, mas balaan nga katuyoan kon kamo mogamit usab sa social media sa pagpakita kon sa unsa nga paagi nga ang ebanghelyo ni Jesukristo mihulma sa inyong kinabuhi. (Gary E. Stevenson, “Pag-alima ug Paghatag sa Inyong Pagpamatuod,” Liahona, Nob. 2022, 112)

Dugang nga mga Kalihokan sa Pagkat-on

Pagkat-on mahitungod sa pagkakabig ni Phebe ug ni Sidney Rigdon

Mahimong malingaw ang mga estudyante nga mahibalo mahitungod sa pipila ka mga kalamposan nga nasinati sa pipila ka mga misyonaryo kinsa gitawag aron sa pagsangyaw sa ebanghelyo diha sa mga pagpadayag nga narekord sa Doktrina ug mga Pakigsaad 30–36.

Ipasabot nga atol sa panahon nga si Parley Pratt ug ang iyang mga kauban nagtuman sa ilang buluhaton sa pagsangyaw sa ebanghelyo “ngadto sa kamingawan taliwala sa mga Lamanite” (Doktrina ug mga Pakigsaad 32:2), sila mibisita sa Mentor, Ohio. Didto gitudloan ni Parley ang iyang higala nga si Sidney Rigdon, kinsa usa ka relihiyosong ministro.

Mahimong basahon sa mga estudyante ang mubo nga asoy sa mga panghitabo nga mosangpot ngadto sa pagkakabig ni Sidney ug Phebe Rigdon “Voices of the Restoration: Early Converts [Mga tingog sa Pagpahiuli: Nahaunang mga Kinabig]” (tan-awa usab sa Come, Follow Me—For Home and Church: Doctrine and Covenants 2025 [Dali, Sunod Kanako—Alang sa Panimalay ug Simbahan: Doktrina ug mga Pakigsaad 2025]; Mga Santos: Ang Istorya sa Simbahan ni Jesukristo sa Ulahing mga Adlaw, Vol. 1 , Ang Sumbanan sa Kamatuoran, 1815–1846 [2018], 115).

Human mabasa kini nga asoy, mahimo nimong dapiton ang mga estudyante sa paghisgot unsa ang mipatigbabaw ngadto kanila. Ikonsiderar usab ang paghisgot nga agi og dugang sa pagkakabig ni Sidney, laing sobra sa 100 pa diha sa rehiyon ang nakabig usab ug nahimong dakong panalangin sa batan-ong Simbahan.

Molukop sa yuta ingon sa usa ka lunop

Aron matabangan ang mga estudyante nga makahibalo unsaon nila paggamit ang social media sa pagpakigbahin sa ebanghelyo, ikonsiderar ang pagpakigbahin sa bidyo nga “Sweep the Earth as with a Flood—Highlight [Molukop sa Yuta ingon sa usa ka Lunop—Highlight]” (2:56). Mahimo nimong dapiton ang mga estudyante sa pagkuha sa ilang mga device ug sa pagpakigbahin og mensahe nga nakasentro sa ebanghelyo nga gibati nila nga nadasig nga ipakigbahin sa dili pa mobiya sa klase, o mahimo silang mopakigbahin og usa ka butang inig-uli nila.

Bag-ohay lang nga nauli nga mga misyonaryo

Ikonsiderar ang pagdapit og usa o labaw pa sa bag-ohay langnga nauli nga mga misyonaryo gikan sa inyong dapit aron sa pagtambong sa klase ug sa pagpakigbahin sa ilang kaugalingong mga kasinatian sa pagtudlo sa ebanghelyo ngadto sa uban. Mahimo usab nilang ipakigbahin ang ilang nakita kon giunsa sa mga miyembro pagpakigbahin sa ebanghelyo ngadto sa mga higala ug pamilya. Seguroha nga mokonsulta sa imong mga lider sa seminary ug institute aron makakuha og pagtugot alang sa ingon nga kalihokan.