« គោលលទ្ធិ និងសេចក្ដីសញ្ញា ៣៧–៤០ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៣៧–៤០ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្ដីសញ្ញា ៣៧–៤០
គោលលទ្ធិ និងសេចក្ដីសញ្ញា ៣៧–៤០
ទិដ្ឋភាពទូទៅ
កាលមនុស្សជាច្រើននៅរដ្ឋអូហៃអូបានទទួលយកសារលិខិតនៃដំណឹងល្អរបស់ព្រះអង្គសង្រ្គោះ នោះសមាជិកសាសនាចក្រនៅរដ្ឋញូវ យ៉ក បានជួបនឹងការបៀតបៀនយ៉ាងធ្ងន់ធ្ងរ ។ នៅក្នុងវិវរណៈមួយទៅកាន់ព្យាការី យ៉ូសែប ស្ម៊ីធ ព្រះអម្ចាស់បានបញ្ជាឲ្យសមាជិកសាសនាចក្រប្រមូលផ្តុំគ្នានៅរដ្ឋអូហៃអូ ។ ព្រះអម្ចាស់ទ្រង់បានបង្គាប់ពួកបរិសុទ្ធរបស់ទ្រង់ឲ្យគោរពដល់គ្នាទៅវិញទៅមកដូចជាការគោរពខ្លួនឯងដែរ ហើយត្រូវមានសាមគ្គីភាពគ្នា ។ យ៉េម្ស ខូវិល ជាអាចារ្យសាសនាចក្រផ្នែកបាទីស្ទ បានចុះសេចក្ដីសញ្ញាដើម្បីគោរពតាមអ្វីដែលព្រះអម្ចាស់នឹងបញ្ជាគាត់តាមរយៈ យ៉ូសែប ស្ម៊ីធ ។ ប៉ុន្តែបន្ទាប់ពីបានទទួលការបញ្ជាឲ្យធ្វើបុណ្យជ្រមុជទឹក និងប្រមូលផ្តុំជាមួយពួកបរិសុទ្ធនៅរដ្ឋអូហៃអូ គាត់បែរជាបដិសេធវិវរណៈនេះទៅវិញ ។
សូមប្រើប្រសាសន៍របស់ព្យាការីសម័យទំនើប ដើម្បីសង្កត់ធ្ងន់លើគោលលទ្ធិ និងគោលការណ៍នានា ។ ព្យាការី និងពួកសាវកដែលនៅរស់ជាច្រើនបង្រៀន ពន្យល់ និងបរិយាយអំពីគោលលទ្ធិ និងគោលការណ៍នានាដែលបានបង្រៀននៅក្នុងព្រះគម្ពីរដ៏បរិសុទ្ធ ។ ការប្រើប្រសាសន៍របស់ព្យាការីអាចជួយសិស្សឲ្យយល់កាន់តែច្បាស់ និងរស់នៅតាមដំណឹងល្អរបស់ព្រះយេស៊ូវគ្រីស្ទ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើកិច្ចការនេះ សូមមើល « ព្រះអម្ចាស់បានបង្រៀនចេញពីព្រះគម្ពីរ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ ឧទាហរណ៍មួយនៃរបៀបដែលអ្នកអាចអនុវត្តការណ៍នេះបាន មាននៅក្នុងមេរៀនអំពី « គោលលទ្ធិ និងសេចក្ដីសញ្ញា ៣៨:១៥–២៧, ៣៤–៤២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៣៧; ៣៨:១–៩, ២៨–៣៣
គោលបំណងមេរៀន ៖ ដើម្បីជួយសិស្សឲ្យយល់ពីមូលហេតុដែលព្រះអង្គសង្គ្រោះបញ្ជាឲ្យរាស្ដ្ររបស់ទ្រង់ឲ្យប្រមូលផ្តុំគ្នា ។
-
ការរៀបចំសិស្ស ៖ សូមអញ្ជើញសិស្សឲ្យមកថ្នាក់រៀនស្វែងរកការបំផុសគំនិតពីព្រះវរបិតាសួគ៌ ដើម្បីមានការណែនាំក្នុងជីវិតផ្ទាល់ខ្លួនរបស់ពួកគេ ។
-
សម្ភារ ៖ ចង្កាក់តូចៗមួយបាច់ និងចង្កាក់ធំមួយ
គោលលទ្ធិ និងសេចក្តីសញ្ញា ៣៨:១៥–២៧, ៣៤–៤២
គោលបំណងមេរៀន ៖ ដើម្បីជួយសិស្សឲ្យក្លាយដូចជាព្រះអង្គសង្គ្រោះ តាមរយៈការវាយតម្លៃអ្នកដទៃ និងស្វែងរកសាមគ្គីភាព ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីក្រុមនានាដែលពួកគេជាសមាជិក ហើយសួរបុគ្គលម្នាក់នៅក្នុងក្រុមនោះពីអារម្មណ៍ដែលចាំបាច់ដើម្បីមានសាមគ្គីភាពគ្នា ។ សិស្សអាចនិយាយជាមួយសមាជិកគ្រួសារ អ្នកដឹកនាំកូរ៉ុម ឬអ្នកដឹកនាំថ្នាក់ គ្រូបង្រៀន ឬគ្រូបង្វឹកម្នាក់ ។
-
សម្ភារ ៖ បំណែកក្រដាសពណ៌ដើម្បីជួយសិស្សឲ្យរៀបចំទៅជាក្រុម
-
វីដេអូ ៖ « One in Christ » ( ៤:៤៨ ); « The Peace of Christ Abolishes Enmity » ( ១២:៣៩; សូមមើលពីនាទីទី ៤:៤៩ ដល់នាទីទី ៦:៣២ )
គោលលទ្ធិ និងសេចក្តីសញ្ញា ៣៩–៤០
គោលបំណងមេរៀន ៖ ដើម្បីជួយសិស្សឲ្យមានបំណងប្រាថ្នាចង់ធ្វើ និងរក្សាសេចក្ដីសញ្ញាជាមួយព្រះយេស៊ូវគ្រីស្ទ ដើម្បីទទួលបានព្រះចេស្ដារបស់ទ្រង់កាន់តែខ្លាំងឡើង ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាអំពីរបៀបដែលការចុះសេចក្ដីសញ្ញាដ៏ពិសិដ្ឋ បាននាំឲ្យមានអំណាចនៅក្នុងជីវិតរបស់ពួកគេ ។ ប្រសិនបើចាំបាច់ ពួកគេអាចអញ្ជើញសមាជិកគ្រួសារ មិត្តភក្តិ ឬអ្នកដឹកនាំសាសនាចក្រម្នាក់ ឲ្យចែកចាយនូវពរជ័យដែលកើតពីការចុះសេចក្ដីសញ្ញា ។
-
សម្ភារ ៖ អំពូលភ្លើងមួយ និងចង្កៀង
-
វីដេអូ ៖ « Overcome the World and Find Rest » ( ១៨:៣១; សូមមើលពីនាទីទី ៤:២១ ដល់នាទីទី ៥:៣៩ )
វាយតម្លៃការរៀនសូត្ររបស់អ្នកទី ៣
គោលបំណងមេរៀន ៖ ដើម្បីជួយសិស្សឲ្យចងចាំ និងវាយតម្លៃពីរបៀបដែលបទពិសោធន៍របស់ពួកគេរហូតមកដល់ពេលនេះនៅក្នុងការសិក្សាព្រះគម្ពីរគោលលទ្ធិ និងសេចក្ដីសញ្ញា បានជួយពួកគេឲ្យរីកចម្រើនខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យមើលរូបភាពខ្លួនឯង កាលពួកគេនៅក្មេង ហើយគិតថាតើពួកគេធំប៉ុណ្ណា ហើយបានផ្លាស់ប្ដូរយ៉ាងណាដែរ ។ អ្នកអាចសុំឲ្យសិស្សយករូបភាពមួយមកបង្ហាញនៅក្នុងថ្នាក់រៀនបាន ។
-
សម្ភារ ៖ ការដាក់រូបភាពទន្ទឹមគ្នាប្រៀបធៀប ដែលបង្ហាញពីការរីកចម្រើន