59-р хичээл Сургаал ба Гэрээ 45

Сургаал ба Гэрээ 45:9–75, 1-р хэсэг

Есүс Христийн Хоёр дахь ирэлтийн өмнөх тэмдгүүд

Бидний эргэн тойрны тэмдгүүд Аврагчийн Хоёр дахь ирэлт ойртсоныг гэрчилдэг. Зарим нь аймшигтай байхад зарим нь алдар суут байдаг. Энэ хичээл нь Аврагчийн Хоёр дахь ирэлтийн өмнө тохиох тэмдгүүдийг олж харахдаа хэрхэн амар амгаланг олж болохыг илүү сайн ойлгоход суралцагчдад туслах зорилготой.

Боломжит суралцах үйл ажиллагаа

Та энэ хичээлд бэлдэж заахдаа, “Сургаал ба Гэрээ 45:9–75, 2-р хэсэг” нь Хоёр дахь ирэлтэд бэлтгэхэд төвлөрнө гэдгийг санаарай. Хичээлээр ариун газруудад зогсож, Сүнсийг хөтчөө болгохыг онцолно (32, 57-р шүлгийг үзнэ үү).

Барилга байгууламж

Суралцагчдыг амьдарч буй газарт нь байдаг, гэр бүлүүд зорьж очдог олны танил газрын талаар бодоход урь. Нэг суралцагчийг сайн дураараа гарч ирэн самбарын нэг талд тэр газраа төлөөлөн зурахыг хүс. Өөр нэг суралцагчаас сайн дураараа гарч ирэн самбарын нөгөө талд семинарынхаа байршлыг төлөөлөн зурахыг хүс. Суралцагчдыг тэр газрыг сайн мэдэхгүй хүнд семинарын байрнаас олны танил газар луу хэрхэн хүрч очихыг заах талаар бодож үзэхэд урь. Тэднээс самбарын өмнө гараад, хүрэх газраа очих замд нь харагдах тодорхой барилга байгууламжуудыг зурж эсвэл жагсаан бичихийг хүс.

Замд тавьсан барилга байгууламж болгон нь очих газраа улам ойртож байгаа гэдэгт итгэх итгэлийг нь бататгадаг гэдгийг онцол.

• Эдгээр барилга байгууламж нь хэрхэн Аврагчийн Хоёр дахь ирэлтийн өмнөх тэмдгүүдтэй адилхан бэ?

  Та самбар дээрх семинарын байршлыг “Бидний цаг үе” гэж, олны танил газраа “Хоёр дахь ирэлт” (эсвэл Хоёр дахь ирэлтийн зураг үзүүлж) гэж өөрчилж болно.

  Суралцагчдыг өөрсдийн мэдэх Аврагчийн Хоёр дахь ирэлтийн тэмдгүүдийг самбарт жагсаан бичихэд урь. Тэдгээр тэмдэг нь бүрэн илчлэгдээгүй байгаа тул дараалалд нь санаа зовох хэрэггүй гэдгийг сануул.

• Хоёр дахь ирэлтийн тэмдгүүдийн тухай бодох үед танд ямар мэдрэмж төрж байна вэ?

• Яагаад Аврагч эдгээр шинж тэмдгийг мэдээсэй хэмээн биднээс хүсдэг гэж та бодож байна вэ?

Өнөөдөр судалж байхдаа та Аврагчийн Хоёр дахь ирэлтийн тэмдгүүдийг мэдэх нь таны амьдралд хэрхэн амар амгалан, итгэл найдварыг авчирч болох талаар бодож үз.

Цагийн тэмдгүүд

Сургаал ба Гэрээ 45-ын ихэнх нь Хоёр дахь ирэлтийн тэмдгүүдийн талаарх шавь нарынхаа асуултад хариулан өгсөн Аврагчийн бошиглолын номлолыг тусгасан байдаг (Матай 24; Иосеф Смит—Матай 1-ийг үзнэ үү).

45-р хэсэгт Аврагчийн заасан зарим тэмдгийг ойлгоход нь суралцагчдад туслахын тулд дараах тохируулах үйл ажиллагааг үзүүлж эсвэл хувийг нь тарааж өгөхийг бод. Та суралцагчдыг ганцаараа, хосоороо эсвэл жижиг бүлгээр ажиллан эдгээр шүлгийг тэдгээрт дүрсэлсэн тэмдгүүдтэй нь тохируулахад урьж болно.

Хариулт: 1-E, 2-C, 3-B, 4-F, 5-D, 6-A

Аврагчийн Хоёр дахь ирэлтийн тэмдгүүд		Аврагчийн Хоёр дахь ирэлтийн тэмдгүүд
Аврагчийн Хоёр дахь ирэлтийн тэмдгүүд Сургаал ба Гэрээ 45:24–25	Аврагчийн Хоёр дахь ирэлтийн тэмдгүүд Есүс Чидуны уулан дээр Өөрийгөө Бурханы Хүү хэмээн иудейчуудад илчлэх болно.
Аврагчийн Хоёр дахь ирэлтийн тэмдгүүд Сургаал ба Гэрээ 45:26–27	Аврагчийн Хоёр дахь ирэлтийн тэмдгүүд Сайн мэдээ сэргээгдэх бөгөөд дэлхийд гэрэл авчрах болно.
Аврагчийн Хоёр дахь ирэлтийн тэмдгүүд Сургаал ба Гэрээ 45:28–29	Аврагчийн Хоёр дахь ирэлтийн тэмдгүүд Дайн, үзэн ядалт, ёсон бус түгэх болно.
Аврагчийн Хоёр дахь ирэлтийн тэмдгүүд Сургаал ба Гэрээ 45:31–33	Аврагчийн Хоёр дахь ирэлтийн тэмдгүүд Тэмдгүүд хийгээд гайхамшгууд тэнгэрт мөн газарт үзэгдэх болно.
Аврагчийн Хоёр дахь ирэлтийн тэмдгүүд Сургаал ба Гэрээ 45:40–42	Аврагчийн Хоёр дахь ирэлтийн тэмдгүүд Израил тараагдаж, дараа нь цуглуулагдах болно.
Аврагчийн Хоёр дахь ирэлтийн тэмдгүүд Сургаал ба Гэрээ 45:48–53	Аврагчийн Хоёр дахь ирэлтийн тэмдгүүд Газар дэлхийд өвчин эмгэг мөн газар хөдлөлтүүд тохиох болно. Ёс бусчууд нь Бурханы өмнө зүрх сэтгэлээ хатууруулах боловч шавь нар ариун газруудад зогсох болно.

Тэмдгүүдийн талаар аль эсвэл эдгээрийн утга агуулга юм уу биеллийн талаар таамаглахад цагаа зарцуулахаас зайлсхий. Ихэнх нь илчлэгдээгүй байгаа бөгөөд Ариун Сүнс худал хуурмаг тайлбарыг гэрчлэхгүй.

• Тэдгээрээс алиныг нь бид өнөөдөр харж байна гэж та бодож байна вэ?

• Аврагч яагаад биднийг найдвар төрүүлсэн мөн түгшүүртэй тэмдгүүдийн аль алиныг нь мэддэг байгаасай гэж хүсдэг гэж та бодож байна вэ?

• Есүс өнөө үеийн талаар эдгээрийг мэддэг байсныг мэдэх нь Түүнд итгэх итгэлийг тань хэрхэн нэмэгдүүлж байна вэ?

Бид Хоёр дахь ирэлтийн тэмдгүүдэд хэрхэн хариулж болох вэ?

Сургаал ба Гэрээ 45:35, Иосеф Смит—Матай 1:23, 39-ийг уншаад, Аврагч шавь нараасаа Өөрийнх нь ирэх үеийн тэмдгүүдийн талаар юуг ойлгож, мэдрээсэй гэж хүсдэгийг олж мэд.

• Та юу олж мэдсэн бэ?

  Шаардлагатай бол суралцагчдад дараах үнэнийг тодорхойлоход тусал. Аврагчийн Хоёр дахь ирэлтийн тэмдгүүд гүйцэлдэж байгааг хараад бид Түүний бидэнд өгсөн амлалтууд гүйцэлдэж байгааг олж харж чадна.

• Энэ үнэнийг ойлгох нь Хоёр дахь ирэлтийн өмнөх тэмдгүүдийг хараад айж сандрахгүй байхад бидэнд хэрхэн туслах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

Ах, эгч нар аа, бид “цаг үеийн тэмдгүүдийг, мөн Хүний Хүүгийн Ирэлтийн тэмдгүүдийг мэдэх[ийн]” [Сургаал ба Гэрээ 68:11] тулд Бурханы үгийг судлан, Сүнсний дуу хоолойг анхааралтай сонсох үүрэгтэй.

Тиймээс бид дэлхийн асуудлыг мэддэггүй, өнөө үеийн хүнд хэцүү зүйлсээс ангид хүмүүс биш юм. Гэхдээ энэ нь өөрсдийгөө болон бусдыг үргэлж айдсаар дарах ёстой гэсэн үг биш. Бид хамаг анхаарлаа сорилт бэрхшээлийнхээ хүнд хэцүүд биш харин Бурханыхаа хязгааргүй сүр жавхлан, сайн сайхан, хэмжээлшгүй хүч чадалд төвлөрүүлэн, Түүнд итгэж найдан, Есүс Христийн ирэлтэд баяр талархалтайгаар бэлдэх нь хавьгүй дээр биш гэж үү?

Түүний гэрээт хүмүүсийн хувьд бид болзошгүй муу зүйлүүдээс болж үйлдэхээ болих хэрэггүй. Харин бид тулгарах саад бэрхшээл, өгөгдөх боломжийг итгэл, эр зориг, шийдэмгий байдлаар, Бурханд найдан хүлээн авч, урагш алхаж чадна. (Дийтр Ф.Угдорф, “Төгс хайр нь айдсыг хөөн зайлуулна,” Лиахона, 2017 оны 4-р сар, 94)

• Энэ мэдэгдлээс юу нь таны анхаарлыг татсан бэ?

• Та бүх зүйл Есүс Христийн хяналтан доор байгаа гэх ямар нотолгоонуудыг дэлхий дээр өрнөж байгаа болон ирээдүйд өрнөх бүх эмх замбараагүй байдлаас олж харсан бэ?

Сургаал ба Гэрээ 45:36–38-аас Аврагчийн заасан сургаалт зүйрлэлийг уншина уу. Модны навч бидэнд зун хэзээ болохыг мэдэхэд тусалдаг талаар бодож үз.

Сургаалт зүйрлэлийг уншихын оронд та ChurchofJesusChrist.org -оос “Be Not Troubled” (5:14) видеог үзүүлж болно.

• Энэ сургаалт зүйрлэл дээр гарч буй модны навчис Аврагчийн бидэнд өгсөн цаг үеийн тэмдгүүдтэй юугаараа адил байна вэ?

• Энэ сургаалт зүйрлэл хожмын үед амьдарч буй хүмүүст тэвдэн сандрахгүй байхад нь хэрхэн тусалж болох вэ?

Энэ хичээлээр ярилцсан зарчмыг хэрхэн ойлгосноо тайлбарлахад нь суралцагчдад туслахын тулд дараах жишээг харуулаад, тэднийг хариулахад урихыг бод. Эсвэл та тэднийг найзын нэр болон олон залуугийн санаа зовниж явдаг Аврагчийн Хоёр дахь ирэлтийн өмнөх үйл явдлууд гэх мэт нөхцөл байдлын талаар тодорхой мэдээлэл өгөхөд урьж болно.

Аврагчийн Хоёр дахь ирэлтийн өмнөх аймшигт тэмдгүүдийн талаар найз тань олж сонссон байна гэж төсөөл. Саяхан ойрхон газарт газар хөдлөлт болоход тэр эдгээр шинж тэмдгийн зарим нь аль хэдийн тохиож байна гэж бодоод, болоогүй зүйлд тэвдэн сандарчээ. Эдгээр үйл явдлыг ирээдүйд нь хэрхэн нөлөөлөх бол гэж түүний санаа зовов.

Суралцагчдыг өнөөдөр сурсан зүйл дээрээ үндэслээд энэ найздаа зориулж тэмдэглэл дээрээ хэдэн зөвлөгөө бичихэд урь. Дараах асуултууд бичихэд тус болох санаануудыг өгч болох юм.

Эсвэл суралцагчид уг нөхцөл байдалд хэрхэн хариулахаа хоёр хоёроороо эсвэл жижиг бүлгээрээ ярилцаж болно.

• Ямар судар танай найзад Аврагчийн сайн сайхныг болон Түүний ирэлтийн өмнөх үйл явдлуудыг илүү сайн ойлгоход тусалж чадах вэ?

  Суралцагчдыг дараах асуултад хариулах хооронд хичээлийн эхэнд гарсан ахлагч Угдорфын хэлсэн үгийг харуулах нь тустай байж болох юм.

• Ахлагч Угдорфын хэлсэн үгээс юу нь найзад тань тусалж болох вэ? Яагаад?

• Тэмдгүүдийг мөнхийн талаас харах гэж хичээх нь түүнд хэрхэн тусалж болох вэ?

Та суралцагчдыг Есүс Христийн Хоёр дахь ирэлтийн талаар мэдэрдэг итгэл найдвараа хуваалцахад урьснаар хичээлээ төгсгөж болно.

Нэмэлт эх сурвалж

Өнөөдрөөс эхлэн Аврагчийн Хоёр дахь ирэлтийг хүртэл бид юуг тэсэн ядан хүлээх ёстой вэ?

Ерөнхийлөгч Рассэлл М.Нэлсон ийн хуваалцсан.

Өдөр бүр сэтгэл сэрдхийм мэдээгээр дүүрэн байдаг энэ цаг мөчид [Тэнгэрлэг Эцэг болон Есүс Христийн] хайрыг мэдрэх нь амин чухал юм. Заримдаа та нарт унтлагын хувцсаа өмсөн орондоо орж эвхэрч хэвтээд, үймээн самуун өнгөрсний дараа хэн нэгэн сэрээгээсэй гэж хүсэх өдрүүд ч байсан байх.

Гэхдээ хайрт ах, эгч нар аа, олон сайн сайхан зүйл биднийг хүлээж байгаа. Ирэх өдрүүдэд бид дэлхийд урьд өмнө үзэгдэж байгаагүй, Аврагчийн хүч чадлын хамгийн агуу илрэлүүдийг харах болно. Өнөөдрөөс “сүр хүч хийгээд агуу алдар суутайгаар” [Иосеф Смит—Матай 1:36] эргэн ирэх тэр өдрийг хүртэл Тэрээр итгэлтэй хүн бүрийн дээр тоо томшгүй олон боломж, адислал, гайхамшгийг хүртээх болно. (Рассэлл М.Нэлсон, “Ертөнцийг ялж, амралтыг олох нь,”Лиахона, 2022 оны 11-р сар, 95)

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Христийн тухай ярих хүслийг маань Түүний эргэн ирэхийг төсөөлөх төсөөлөл хамгийн их бадраадаг. …

Хөшигний наад эсвэл цаад талаас нэгэн цагт Түүнтэй уулзахаар өргөгдөх болно хэмээн та төсөөлж чадах уу? Энэ бол зөвт хүмүүст өгөх Түүний амлалт юм. Энэхүү гайхамшигтай үйл явдал бидний бодгалийг мөнхөд өөрчлөх болно. (Нийл Л.Андэрсэн, “Бид Христийн тухай ярьдаг,” 2020 оны 10-р сарын Ерөнхий чуулган, 99)

Хожмын үед амьдрахын хэцүүг бид мөнхийн талаас нь хэрхэн харж чадах вэ?

Ахлагч Дийтр Ф.Угдорф хожмын үед амьдрах талаар дараах зүйлсийг ажиглажээ.

Дэлхийн хилэнцтийг хүлцэн, тэр бүү хэл дөвийлгөх нь Сатаны бусдад хүчээр нөлөөлөх гэсэн өөр нэгэн арга зам юм.

Бидний дэлхий ертөнц төгс бус байсаар ирсэн, цаашдаа ч ийм байх болно. Олон гэм буруугүй хүн байгалийн нөхцөл байдал, хүмүүний харгис зан байдлаас болж зовлонд нэрвэгддэг. Өнөө үеийн ёс суртахууны доройтол, ёс бус байдал нь өвөрмөц бөгөөд айдас төрүүлмээр.

Ийм байгаа ч би энэ цаг үед амьдрах энэ боломжоо түүхийн өөр ямар ч цаг үеэр солихгүй. Бид урьд хожид байгаагүй хөгжил цэцэглэлт, гэгээрэл, давуу талтай цаг үед амьдрахаар хэмжээлшгүй ихээр адислагдсан билээ. Юуны түрүүнд бид дэлхийн аюул заналыг өөр өнцгөөс харж, тэдгээр аюулаас хэрхэн зайлсхийх эсвэл тэдгээрийг шийдвэрлэх арга замыг өгдөг Есүс Христийн сайн мэдээний бүрэн байдлыг хүлээн авахаар адислагдсан.

Эдгээр адислалын талаар бодох үед надад өвдөг сөгдөн, Тэнгэрлэг Эцэгийнхээ хүүхдүүдээ гэсэн хэзээ ч үл мөхөх хайрыг магтан дуулж, талархах хүсэл төрдөг. (Дийтр Ф.Угдорф, “Төгс хайр нь айдсыг хөөн зайлуулна,” 2017 оны 4-р сарын Ерөнхий чуулган)

Сургаал ба Гэрээ 45:25, 28, 30. “Харийнханы цаг” гэж юу вэ?

Хэрэв энэ нь тус болохоор бол та “харийнханы цаг” гэдэг нь харийнхан (иудейчууд биш) Есүс Христийн сайн мэдээг хүлээн авах боломжтой болсон тэрхүү Сэргээлтээр эхэлж буй цаг үеийг (Сургаал ба Гэрээ 45:28) хэлж байгааг тайлбарлаж болно. Энэ цаг нь Харийнхан “хүмүүний дүрмүүдийн улмаас тэд зүрх сэтгэлээ [Их Эзэнээс] буруулах” (Сургаал ба Гэрээ 45:29–30) үед төгсөх болно.

Нэмэлт суралцах үйл ажиллагаа

Хожмын үед амьдарч байхдаа баяр баясгаланг олох

Та суралцагчдыг эцсийн өдрүүдийн зовлон зүдгүүр дунд баяр баясгаланг олоход урамшуулах замаар хичээлээ өндөрлөж болно. Та ерөнхийлөгч Рассэлл М.Нэлсоны дараах хэлсэн үгийг хуваалцаж болно.

“Та бүхэнд шантрах өдрүүд ч тохиолдох болно. Тиймээс бууж өгөлгүй, зоригтой байхын төлөө залбирагтун! Бас таны найзаа гэж бодож байсан хүмүүс ч та нараас урвах болно. Мөн нэлээд зүйл шударга бус мэт санагдах болно.

Гэвч та нар Есүс Христийг дагаснаар тогтвортой амар амгалан, жинхэнэ баяр баясгаланг олох болно гэдгийг би амлаж байна. Гэрээнүүдээ илүү чанд сахиж, өнөөгийн дэлхийд Сүмийг болон Бурханы хаант улсыг хамгаалах үед Их Эзэн зөвхөн Есүс Христийн Хожмын Үеийн Гэгээнтнүүдийн Сүмийн гишүүдийн гүйцэлдүүлж чадах зүйлсийг бүтээх хүч чадал, мэргэн ухаанаар таныг адислах болно.” (Russell M. Nelson, “The Future of the Church: Preparing the World for the Savior’s Second Coming,” Ensign, Apr. 2020, 17)

Та суралцагчдыг хүнд хэцүү үед Есүс Христийг дагаснаар хүлээн авдаг амар амгалан, баяр баясгаланг хэрхэн мэдэрснээ хуваалцахад урьж болно.

Энэ хичээлээ гурван өөр модны зургийг үзүүлснээр эхлүүлэхийг бод. Тухайлбал: Навч нь шарласан нэг мод; цастай, навчгүй нэг мод; навч нь нахиалж буй нэг мод. Суралцагчид зураг болгон дээрээс энэ нь зун хэзээ болохыг илтгэж байгааг хуваалцаж болно. Та дараа нь Сургаал ба Гэрээ 45:36–38-ыг уншаад, Аврагчийн сургаалт зүйрлэлийг Түүний Хоёр дахь ирэлтийн өмнөх тэмдгүүдтэй харьцуулж болно. Та самбарт навчгүй шахам нэг мод зураад, суралцагчдыг хичээлийн үеэр тэмдгүүдийг нээж олох бүрд навчин дотор нь тэмдгийг нь бичээд, тэмдэг болгон дээр навч нэмж болно.