“60-р хичээл—Сургаал ба Гэрээ 45:9–75, 2-р хэсэг: Хоёр дахь ирэлтэд бэлтгэх,” Сургаал ба Гэрээний семинарын багшийн гарын авлага (2025)
“Сургаал ба Гэрээ 45:9–75, 2-р хэсэг,” Сургаал ба Гэрээний семинарын багшийн гарын авлага
Есүс Христ амлалтуудаа гүйцэлдүүлэхээр дэлхийд дахин нэг удаа “сүр хүч хийгээд агуу алдар суунд” ирэх болно (Сургаал ба Гэрээ 45:44; мөн 16-р шүлгийг үзнэ үү). Сургаал ба Гэрээ 45 дээр Аврагчийн Хоёр дахь ирэлтэд бид хэрхэн бэлтгэж болох талаар Аврагч хайраар заасан. Энэ хичээлийн зорилго нь суралцагчдад Есүс Христийн Хоёр дахь ирэлтэд бэлтгэхэд туслах явдал юм.
Боломжит суралцах үйл ажиллагаа
Чухал үйл явдлуудад бэлтгэлтэй байх нь
Таны амьдралд бэлтгэл шаардсан ямар үйл ажиллагаа, даалгавар эсвэл үүргүүд байгааг бодож үз. Та ийн бодохдоо, өөрийн бэлтгэлтэй байсан мөн бэлтгэлтэй байгаагүй туршлагынхаа тухай бодоорой.
Есүс Христийн Хоёр дахь ирэлт бидний ямар ч туршлагатай харьцуулшгүй үйл явдал байх болно. Энэ үйл явдалд бэлтгэлтэй байх нь Түүнийг эргэн ирэхийг хүлээхдээ бидэнд ямар байхыг мөн Түүнийг эргэн ирэх үед бидэнд юу тохиолдохыг тодорхойлж чадна.
Сургаал ба Гэрээ 45:44 болон Арван хоёр төлөөлөгчийн чуулгын ахлагч Нийл Л.Андэрсэны хэлсэн үгийг уншаад, Аврагчийн Хоёр дахь ирэлт ямархуу байхыг олж мэд.
Христийн тухай ярих хүслийг маань Түүний эргэн ирэх талаарх төсөөлөл хамгийн их бадраадаг. Түүний хэзээ ирэхийг бид мэдэхгүй ч эргэн ирэх үеийнх нь үйл явдлууд үнэхээр гайхалтай байх болно! Тэрээр бүх ариун тэнгэр элчийнхээ хамт сүр хүч хийгээд агуу алдар суугаар тэнгэрийн үүлэн дундуур гарч ирэх болно. Зөвхөн цөөн хэдэн тэнгэр элч ч биш, харин бүх ариун тэнгэр элчтэйгээ ирнэ. (Нийл Л.Андэрсэн, “Бид Христийн тухай ярьдаг,” 2020 оны 10-р сарын Ерөнхий чуулган, 99)
Та энэ масштабаар дараах мэдэгдлүүд дээр өөртөө хэр итгэлтэй байна гэж өөрийгөө дүгнэж байна вэ?
Есүс Христийн Хоёр дахь ирэлтэд бэлтгэх
Сургаал ба Гэрээ 45:9, 32, 39, 57, 71-ийг уншаад, Аврагчийн биднийг Өөрийнх нь Хоёр дахь ирэлтэд бэлтгэхэд урьдаг арга замуудыг олж мэд.
Ариун газруудад зогсож, Ариун Сүнсийг зам заагчаа болгох
Тараах материалаас нэг юм уу хоёр хэсгийг сонгож ав. Тараах материалын ард өсвөр үеийнхэн энэ хэсгийн сургаалуудыг амьдралдаа хэрэгжүүлж болох хоёр юм уу гурван арга замыг бичиж болно.
Бүлгүүдээс тараах материалуудаа ар талаар нь харуулаад ангидаа байрлуулахыг хүс. Суралцагчдыг өөр өөр хэрэгжүүлэх санаануудыг уншаад, ангийн голоор алхахад урь. Эсвэл бүлгүүд цааснуудаа өөр хоорондоо солилцож болно.
Амьдралдаа хэрэгжүүлбэл тустай гэж үзсэн ямар нэг үйлдлийг сонгон ав.
Суралцагчдыг хичээлийн үеэр сурч мэдсэн, мэдэрсэн зүйлсээ хуваалцахад урь. Тэднийг өөрт төрсөн бодол, мэдрэмжийн дагуу үйлдэхэд урь. Хичээлээ төгсгөхдөө, энэ хичээлийн эхэнд үзүүлсэн үнэлгээний огноогоо дахин харуулахыг бод. Суралцагчдыг Аврагчийн Хоёр дахь ирэлтэд бэлтгэх бэлтгэлдээ хэр итгэлтэй байгаагаа дахин үнэлж үзэхэд урь.