Doktrina ug mga Pakigsaad 46–48

Doktrina ug mga Pakigsaad 46–48

Kinatibuk-ang Pagpasabot

Wala madugay human ang mga Santos nagkapundok sa Kirtland, Ohio, niadtong 1831, ang mga pangutana misugod sa pagtungha mahitungod sa pipila ka mga binuhatan ug mga pamatasan sa pipila ka mga miyembro sa Simbahan. Ang mga tawo nga dili mga miyembro usahay wala iapil sa mga miting sa sakramento, ug ang pipila ka mga miyembro nagsugod sa pagpahayag og talagsaong mga matang sa pagsimba, nag-angkon nga nakadawat og espirituhanong mga gasa. Ang Ginoo mipadayag og importante nga mga kamatuoran ngadto ni Propeta Joseph Smith sa pagtul-id niini nga mga pamatasan ug sa pagtudlo sa mga Santos mahitungod sa espirituhanong mga gasa.

Hatagi og gibug-aton ang ehemplo ni Jesukristo: Usa ka paagi sa pagbutang ni Jesukristo sa sentro sa atong pagtudlo ug sa pagkat-on mao ang paghatag og gibug-aton kon sa unsang paagi Siya mao ang hingpit nga ehemplo sa tanang mga baroganan sa ebanghelyo. Bisan kon ang ehemplo sa Manluluwas wala direkta nga gihisgotan diha sa usa ka tudling sa kasulatan, makatabang kita sa mga tigkat-on sa paghimo og mga koneksiyon tali sa unsay atong nakat-onan diha sa asoy sa kasulatan ug sa ehemplo sa Manluluwas. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Hatagi og Gibug-aton ang Ehemplo ni Jesukristodiha sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 46:1–6.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 46:1–6

Katuyoan sa leksiyon: Aron matabangan ang mga estudyante nga mapalambo ang ilang mga paningkamot sa pagmugna og usa ka maabiabihon nga palibot sa mga miting sa Simbahan.

• Pagpangandam sa estudyante: Dapita ang mga estudyante nga mainampoong maghunahuna mahitungod sa usa ka tawo diha sa ilang branch, ward, o klase sa Simbahan kinsa makabenepisyo sa ilang tabang aron mobati nga mas gihangop.

• Hulagway: “Welcome mga Bisita” nga paskin

• Mga bidyo: “Welcome” (1:05); “Inviting Others to ‘Come and Stay’” (1:39)

Doktrina ug mga Pakigsaad 46:7–33, Bahin 1

Katuyoan sa leksiyon: Aron matabangan ang mga estudyante nga mobati sa gugma sa Langitnong Amahan alang kanila samtang sila makakat-on kon nganong Iya kitang gipanalanginan og espirituhanong mga gasa.

• Pagpangandam sa estudyante: Dapita ang mga estudyante sa paghunahuna og mga higayon diin ang Espiritu Santo nagdasig kanila sa paghunahuna, pagsulti, o pagbuhat og usa ka butang nga nakapanalangin sa ilang mga kinabuhi o sa kinabuhi sa uban. Hangyoa sila sa paghunahuna kon unsa ang gitudlo niini nga kasinatian mahitungod sa gugma sa Langitnong Amahan alang sa Iyang mga anak.

• Bidyo: “My Heavenly Father Loves Me” (3:37)

• Sulod nga ipakita: Mga kahulogan sa espirituhanong mga gasa

• Handout: “Kini nga mga Gasa Naggikan sa Dios”

Doktrina ug mga Pakigsaad 46:7–33, Bahin 2

Katuyoan sa leksiyon: Aron matabangan ang mga estudyante nga mahimong mas mahisama ni Jesukristo samtang nagtinguha sila og mga gasa sa Espiritu.

• Pagpangandam sa estudyante: Dapita ang mga estudyante sa pagpunting sa ilang mga paningkamot nga mahisama kang Jesukristo sa tibuok adlaw sa wala pa kini nga leksiyon. Awhaga sila sa pag-ila sa personal nga mga kalig-on ug mga kahuyang nga ilang namatikdan sa ilang mga paningkamot. Hatagan sila og kahigayonan sa pagpangita og mga paagi sa paglig-on sa ilang mga kahuyang dinhi niini nga leksiyon.

• Mga bidyo: “Ang Pag-ula ni Jesukristo” (11:33; tan-awa gikan sa time code 9:44 hangtod sa 10:26)

• Sulod nga ipakita: Listahan sa mga lakang nga sundon sa mga estudyante sa kataposan sa leksiyon