Lesona 63: Fotopampianarana sy Fanekempihavanana 46–48

Fotopampianarana sy Fanekempihavanana 46:7–33, Tapany 2

“Katsahonareo fatratra tokoa ny fanomezam-pahasoavana tsara indrindra”

Rehefa miezaka ny ho tonga tahaka an’i Jesoa Kristy isika dia mety ho kivy noho ny fahalementsika. Noho i Jesoa Kristy, dia afaka mandray ny Fanahy Masina sy ireo fanomezam-pahasoavana ara-panahy isika mba hanampiana antsika ho tonga kokoa tahaka ny Mpamonjy kokoa. Ity lesona ity dia afaka manampy ireo mpianatra ho tonga tahaka an’i Jesoa Kristy kokoa rehefa mikatsaka ny fanomezam-pahasoavan’ny Fanahy izy ireo.

Sahanasa fianarana azo atao

Mikatsaka ny ho tonga tahaka an’ Andriamanitra

Azonao atao ny manomboka ny fotoam-pianarana amin’ny alalan’ny fanasana ireo mpianatra hieritreritra ireo fahalemena na tsy fahatanterahana izay mety hiteraka fahasorenana na hanakana antsika tsy ho tonga tahaka ny Ray any An-danitra sy i Jesoa Kristy. Asao ny mpianatra maromaro hanoratra ny valintenin’izy ireo eny amin’ny solaitrabe.

Alaivo sary an-tsaina hoe miaiky ny olona iray fa miaina ireo fahalemena sasany voatanisa eny amin’ny solaitrabe ka mieritreritra hoe, “Tsy afaka mandresy ireo zavatra ireo aho. Efa ohatr’izao mihitsy aho.”

• Inona no fantatrao momba an’i Jesoa Kristy izay hanampy io olona io ny hahatakatra azy?

Fanomezam-pahasoavan’ny Fanahy

Iray amin’ireo fomba ahafahan’ny Ray any An-danitra sy i Jesoa Kristy manampy antsika handresy ny fahalementsika ny fanomezana antsika fanomezam-pahasoavana ara-panahy.

• Inona no fantatrao na tadidinao momba ny fanomezam-pahasoavana ara-panahy?

Mety hamaly amin’ny alalan’ny fahamarinana nianarany avy tamin’ny lesona teo aloha ny mpianatra (“Fotopampianarana sy Fanekempihavanana 46:7–33, Tapany 1”). Raha toa ka tsy nampianatra ity lesona ity ianao dia azonao atao ny mianatra izany mba hanampiana ireo mpianatra hahatakatra ireo fanomezam-pahasoavana ara-panahy rehefa ilaina izany.

Vakio ny Fotopampianarana sy Fanekempihavanana 46:8 ary asongadino ny fanasan’ny Mpamonjy mifandray amin’ireo fanomezam-pahasoavana ara-panahy.

Inona araka ny eritreritrao no dikan’ny hoe mikatsaka fanomezam-pahasoavana ara-panahy?

• Ahoana no mety hanampian’ny fikatsahana fanomezam-pahasoavana ara-panahy antsika amin’ny ezaka ataontsika mba ho tonga tahaka an’ Andriamanitra?

Ny Rahalahy Tad R. Callister, Filohan’ny Sekoly Alahady maneran-tany teo aloha, dia nanazava ny fomba anampian’ireo fanomezam-pahasoavana ara-panahy ireo antsika ho tonga tahaka an’ Andriamanitrakokoa:

Ny Sorompanavotan’i Jesoa Kristy

Mampianatra antsika ny fomba hanampian’ny Sorompanavotan’i Jesoa Kristy antsika mba handresy ireo zavatra manakana ny fivoarantsika Rahalahy Callister.

Noho ny Sorompanavotan’i Kristy, dia afaka ny handray ny fanomezana ny Fanahy Masina isika sy ireo fanomezam-pahasoavana ara-panahy miaraka amin’izany. Ireo fanomezana ireo dia toetra araka an’ Andriamanitra. Noho izany, isaky ny mandray fanomezam-pahasoavan’ny Fanahy isika, dia lasa mitovy kokoa amin’ Andriamanitra. Tsy ananana ahiahy fa izany no antony anentanan’ny soratra masina antsika matetika ny mba hikatsaka ireo fanomezam-pahasoavana ireo.

Nampianatra ny Filoha George Q. Cannon hoe: “Tsy misy olona tokony hiteny hoe, -Tsy vitako ny mifehy tena tsy manao izany satria efa toetra voajanahary ato amiko izany.- Tsy voamarina ny amin’izany izy. Izany no antony nampanantenain’ Andriamanitra ny … hanome fanomezam-pahasoavana izay hanaisotra [ireny fahalementsika ireny]. … Raha misy manana tsy fahalavorariana amintsika dia andraikitsika ny mivavaka mba hahazo izay fanomezam-pahasoavana hahatonga antsika ho tonga lafatra.” (Tad R. Callister, “Ny Sorompanavotan’i Jesoa Kristy,” Liahona, mey 2019)

• Inona no ianaranao avy amin’io teny nambara momba ny fanomezam-pahasoavana ara-panahy io?

  Ampio ny mpianatra hahatakatra fa manasa antsika hikatsaka ny fanomezam-pahasoavan’ny Fanahy ny Ray any An-danitra mba hahafahantsika ho tonga tahaka Azy kokoa.

• Inona avy ireo fanomezam-pahasoavana ara-panahy azon’ny olona iray katsahina mba handresena ireo fahalemena voalaza tany am-piandohan’ny lesona?

Azonao atao ny manasa ireo mpianatra hanoratra fanomezam-pahasoavana ara-panahy eo akaikin’ny fahalemena mifanaraka amin’izany eny amin’ny solaitrabe. Ohatra, raha nosoratana teny amin’ny solaitrabe ny hoe fahatezerana dia mety hilaza nyfanomezam-pahasoavan’ny faharetana ny mpianatra. Raha toa ka nanoratra hoe tsy ampy fahatokian-tena ny mpianatra, dia afaka mikatsaka ny fanomezam-pahasoavan’ny herim-po na finoana izy ireo.

Mba hanampiana ny mpianatra amin’ity sahanasa ity, dia azonao atao ny manasa azy ireo hamerina hijery ireo fanomezam-pahasoavana ara-panahy ao amin’ny Fotopampianarana sy Fanekempihavanana 46:13–25. Azonao atao koa ny mampiasa ny teny nambaran’ny Rahalahy Callister mba hampahatsiahivana ireo mpianatra fa ireo toetra tahaka ny an’i Kristy, toy ireo izay voatanisa ao amin’ny Môrônia 7:45 na Fotopampianarana sy Fanekempihavanana 4:5–6, dia azo raisina ho fanomezam-pahasoavana ara-panahy ihany koa. Ampahatsiahivo ny mpianatra fa misy fanomezam-pahasoavana ara-panahy hafa tsy voatanisa ao amin’ny soratra masina.

Saintsaino ny ezaka ataonao mba ho tonga tahaka ny Ray any An-danitra sy i Jesoa Kristy. Valio ao anatin’ny diary fandalinanao ireto fanontaniana manaraka ireto:

• Inona no fahalemena na tsy fahalavorariana tianao horesena?

• Inona avy ireo fanomezam-pahasoavana ara-panahy azonao tadiavina mba handresena izany fahalemena izany?

Ahoana no fomba hikatsahantsika fanomezam-pahasoavana ara-panahy?

Amporisiho ireo mpianatra hampiasa ireto sahanasa fandalinana manaraka ireto mba hitadiavana ireo fomba ahafahan’ny Ray any An-danitra sy i Jesoa Kristy manampy azy ireo eo am-pikatsahan’izy ireo ny fanomezam-pahasoavana ara-panahy voatanisa ao amin’ny diariny.

Vakio ny Fotopampianarana sy Fanekempihavanana 46:7–10, 30–33. Mitadiava fitarihana izay hanampy anao hikatsaka fanomezam-pahasoavana ara-panahy.

• Nahoana araka ny eritreritrao no afaka manampy anao amin’ny ezaka ataonao hikatsaka fanomezam-pahasoavana ara-panahy ireo fihetsika hitanao?

Mety hanampy ny mampahatsiahy ny mpianatra fa ny fikatsahana fanomezam-pahasoavana ara-panahy dia dingana atao mandritra ny fiainana, ary ny Tompo dia manome azy ireo araka ny sitrapony sy ny fotoanany (jereo ny Môrônia 10:17).

Ny Loholona Mervyn B. Arnold, izay tao amin’ny Fitopololahy teo aloha, dia nizara fomba iray hafa ahafahantsika mikatsaka fanomezam-pahasoavana ara-panahy avy amin’ Andriamanitra:

Rehefa mikatsaka ny hahazo fanomezam-pahasoavana ara-panahy isika dia afaka mandalina ireo ohatra nasehon’ny Mpamonjy sy ny fampianarany izay mahakasika izany fanomezana manokana izany ary avy eo miezaka ny mampiditra ireo fampianarana ireo eo amin’ny fiainantsika. (Mervyn B. Arnold, “Messages from the Doctrine and Covenants: Seek Ye the Best Gifts,” Ensign, mar. 2005, 66)

Mba hanampiana ny mpianatra hiomana hampihatra ny torohevitra avy amin’ilay teny nambara teo aloha, dia azonao atao ny manasa azy ireo hieritreritra fanomezam-pahasoavana ara-panahy iray ary hamolavola maodely ho an’ny iray kilasy mba hahatakarana ny fampianaran’ny Loholona Arnold. Ohatra, raha misafidy ny fanomezam-pahasoavan’ny herim-po ny mpianatra dia azonao atao ny manontany hoe:

• Ahoana no nanehoan’i Jesoa Kristy herim-po nandritra ny fiainany? (Jereo ny Matio 26:47–56.)

• Inona no nampianarin’ny Mpamonjy antsika momba ny herim-po ao amin’ny soratra masina? (Jereo ny Josoa 1:9.)

• Inona no azon’ny olona atao mba hampiharana ny fampiasana herim-po eo amin’ny fiainany?

• Inona no fihetsika azon’ny olona iray atao mba hanasana ny fanampian’ny Mpamonjy rehefa mikatsaka ny fanomezam-pahasoavan’ny herim-po izy ireo?

Aorian’io fifanakalozan-kevitra io dia asehoy ireto torolalana manaraka ireto ary asao ny mpianatra handalina samirery ny fanomezam-pahasoavana ara-panahy iray.

Jereo ao amin’ny diarinao ilay fanomezam-pahasoavana nosoratanao izay tianao hokatsahina. Vitao ireto dingana manaraka ireto:

1. Tadiavo ao amin’ny soratra masina ny ohatra iray maneho ny Mpamonjy mampiseho izany fanomezam-pahasoavana izany.

2. Mitadiava andinin-tsoratra masina izay mirakitra fampianarana fanampiny momba izany fanomezam-pahasoavana izany.

3. Mitanisà zavatra roa na telo azonao atao mba hampiharana ny fampiasana izany fanomezam-pahasoavana izany eo amin’ny fiainanao.

4. Manorata zavatra izay hataonao mba hanasana ny fanampian’ny Mpamonjy rehefa manohy mikatsaka izany fanomezam-pahasoavana izany ianao. Raha ilaina, dia jereo ny Fotopampianarana sy Fanekempihavanana 46:7–10, 30–33.

Azonao atao ny mamarana amin’ny fanasana ireo mpianatra hizara ny fanomezam-pahasoavana katsahin’izy ireo sy ny zavatra nianarany avy amin’ny ohatra nasehon’ny Mpamonjy. Ampitandremo izy ireo mba tsy hizara ireo fahalemena izay ezahin’izy ireo horesena izay mety mahakasika loatra ny tenany manokana ka tsy tokony horesahina. Amporisiho ny mpianatra handray andraikitra amim-pahatokiana eo anatrehan’ny fahatsapana azony ary hanohy hanasa ny fanampian’ny Ray any An-danitra rehefa mikatsaka fanomezam-pahasoavana ara-panahy izy ireo.

Loharanom-pitaovana fanampiny

Ahoana no ahafahako miasa amim-pinoana rehefa mikatsaka ny hampitombo ireo fanomezam-pahasoavana ara-panahy?

Nampianatra izao ny Loholona Juan Pablo Villar ao amin’ny Fitopololahy:

Manatanjaka ireo hozatsika ara-panahy

Mampianatra ny Loholona Villar fa tokony manao asa araky ny finoantsika an’i Jesoa Kristy isika fa tsy mamaky sy mianatra mikasika ny finoana fotsiny.

Noho ny Famerenana tamin’ny laoniny ny filazantsara dia afaka ny hahatakatra ny fomba hanampian’ny Raintsika any An-danitra antsika hanana fanomezam-pahasoavana ara-panahy isika. Mety hitranga kokoa ny hoe omeny fahafahana isika hamboly ireny fanomezam-pahasoavana ara-panahy ireny ao amintsika toy izay hoe omeny fotsiny antsika izy ireny kanefa tsy misy ezaka ara-panahy na ara-batana akory. Raha miray feo amin’ny Fanahiny isika dia hahay hamantatra ireny fahafahana azo araraotina ireny ary avy eo manao asa mifanaraka amin’izany.

Raha mikatsaka ny hanana faharetana kokoa isika dia mety ho tojo antsika ny hoe mila mampihatra faharetana eo am-piandrasana ny valin’ny zavatra iray. Raha te hanana fitiavana kokoa ho an’ny namantsika isika dia afaka ny manorina izany amin’ny alalan’ny fipetrahana eo akaikin’ny olona vaovao iray rehefa any am-piangonana. (Juan Pablo Villar, “Manatanjaka ireo hozatsika ara-panahy,” Liahona, mey 2019)

Ahoana no ahafahan’ny fanomezam-pahasoavana ara-panahy manampy ahy amin’ireo fitsapana eo amin’ny fiainako?

Nizara ny Filoha Dallin H. Oaks hoe:

Tokony hikatsaka fanomezam-pahasoavana ara-panahy isika. Afaka mitarika antsika ho any amin’ Andriamanitra izy ireo. Afaka miaro antsika amin’ny herin’ny fahavalo izy ireny. Afaka manonitra ny tsy fahampiantsika izy ireny, ary afaka manarina ny tsy fahalavorariantsika. …

Hitako fa niasa tao amin’ny tokantrano nitaiza ahy izany fitsipika izany. Rehefa namoy ny vadiny ny reniko, dia nisy zavatra banga teo amin’io reniko mananotena io. Nivavaka mafy izy mba hahazoana ny zavatra nilainy hanatontosany ny andraikiny hitaizana ireto zanany kely anankitelo! Nikatsaka izy, mendrika izy, ary dia voatahy izy! Nivaly tamin’ny fomba maro ny vavaka nataony, ka tafiditra tao anatin’izany ny fandraisana fanomezam-pahasoavana ara-panahy. Nanana maro izy, fa ny iray niraikitra tao an-tsaiko dia ny fanomezam-pahasoavan’ny finoana, fijoroana ho vavolombelona, ary ny fahendrena. Vehivavy mahery tao Ziona izy, ohatra lehibe amin’ny soratra masina iray izay tiany hindramina, dia ny fampanantenan’i Lehia an’i Jakôba zanany lahy izany fa Andriamanitra dia “hanokana ny fahorianao ho tombontsoanao.” (2 Ne. 2:2). (Dallin H. Oaks, “Spiritual Gifts,” Ensign, sep. 1986, 72)

Sahanasa fianarana fanampiny

Fotopampianarana sy Fanekempihavanana 46:7, 32. Fanehoana fisaorana

Mety handray soa avy amin’ny fifanakalozan-kevitra momba ny fankasitrahana ny mpianatra rehefa mandalina ny Fotopampianarana sy Fanekempihavanana 46 izy ireo. Ny fomba iray hanaovana izany dia ny fanasana ireo mpianatra hamaky ny Fotopampianarana sy Fanekempihavanana 46:7, 32 mba hitadiavana ilay didy miverimberina.

Resaho miaraka amin’ny mpianatra ny maha-zava-dehibe ny fankasitrahana. Ao anatin’ny fifanakalozan-kevitra dia azonao atao ny manasa ny mpianatra hikaroka teny nambara avy amin’ireo mpitarika ao amin’ny Fiangonana na hihira hira iray momba ny herin’ny fankasitrahana.

President Russell M. Nelson on the Healing Power of Gratitude​ - subtitled

In his 96 years, President Russell M. Nelson of The Church of Jesus Christ of Latter-day Saints has seen many trials. But he says there's a simple remedy to help us find joy in hard times—gratitude.

Fotopampianarana sy Fanekempihavanana 46:33. Mampihara hatsaran-toetra sy fahamasinana

Hevero ny hijery ilay horonan-tsary hoe “Club Aucune grossièreté” (4:56). Asao ny mpianatra hitady ny fomba nampiharan’io zatovo io ny fanomezam-pahasoavan’ny hatsaran-toetra sy ny fahamasinana. Raha tsy izany, dia azonao atao ihany koa ny manasa ireo mpianatra mba hamantatra ireo fanomezam-pahasoavana ara-panahy samihafa izay mety ho nilain’ilay zatovolahy mba handresena ireo sakana sy hanatanterahana ny zavatra nataony.

No Cussing Club

One boy’s crusade to encourage clean language has far-reaching effects.

Fotopampianarana sy Fanekempihavanana 47. Mirakitra tsy miato ny tantara

Asao ny mpianatra hieritreritra zava-nitranga iray tena tiany teo amin’ny tantaran’ny Fiangonana na tantara iray avy amin’ny tantaram-pianakaviany. Avelao izy ireo hizara amin’ny iray kilasy na amin’ny vondrona kely izany.

• Inona no zava-tsarobidy entin’ny fahatsiarovana ireo zava-nitranga ireo?

Vakio ny Fotopampianarana sy Fanekempihavanana 47:1–4, mba hitadiavana ny antso noraisin’i John Whitmer.

• Mety ho nanao ahoana Ny Fiangonan’i Jesoa Kristy ho an’ny Olomasin’ny Andro Farany raha toa ka tsy nisy firaketana ny tantaran’ny Fiangonana?

Mety ho liana ny hianatra kokoa momba ny tantaran’ny Fiangonana ao amin’ny firenenao ny mpianatra amin’ny alalan’ny fikarohana ny “Histoires du monde” ao amin’ny fizarana “Histoire de l’Église” ao amin’ny Médiathèque de l’Évangile. Amporisiho ireo mpianatra hampiasa ireo loharano maro misy mba hanampiana azy ireo hahafantatra kokoa ny tantaran’ny Fiangonana toy ny fizarana “Histoire de l’Église” ao amin’ny Médiathèque de l’Évangile, history.ChurchofJesusChrist.org, na ny andian-boky Olomasina. Azonao atao ihany koa ny manasa ny mpianatra hametraka tanjona hanoratra ao anaty diary na hampiasa fomba hafa amin’ny firaketana ny tantaran’ny tena manokana.

Fotopampianarana sy Fanekempihavanana 47. Ny sitrapon’ny Tompo no hatao

Asao ny mpianatra hamaky ny sasin-tenin’ny fizarana ao amin’ny Fotopampianarana sy Fanekempihavanana 47 ary hitady ny zavatra tsapan’i John Whitmer momba ny antsony ho mpahay tantara ao amin’ny Fiangonana. Ifanakalozy hevitra miaraka amin’ny mpianatra ny mety hitrangan’ny fangatahana azy ireo hanatanteraka andraikitra iray na antso ato amin’ny Fiangonana izay tsy tian’izy ireo hatao. Azonao atao ny mizara ny fijoroana ho vavolombelona anananao fa rehefa mikatsaka ny hanao ny sitrapon’ny Tompo isika dia hanampy antsika amin’ireo andraikitra ireo Izy.

Rehefa nantsoina ho ao amin’ny Fitopololahy ny Loholona Neil L. Andersen ao amin’ny Kôlejin’ny Apôstôly Roambinifolo dia nampianatra izy hoe:

Whom the Lord Calls, the Lord Qualifies

Elder Neil L. Andersen delivers a message titled "Whom the Lord Calls, the Lord Qualifies."

Henoko ny Filoha Monson nilaza hoe: “Ary izay antsoin’ny Tompo dia ataony mahafeno fepetra.” Fantatro fa marina izany, ary manome fanantenana ahy ny hijery mihoatra noho ny tsy fahampiam-pahaizako manokana izany. Fantatro fa rehefa manao ny asan’ny Tompo isika dia hiaraka amintsika Izy, hampatanjaka antsika Izy, hanorina ny fahafaha-manaontsika Izy. Efa niainako izany. Nahatsapa ny Fanahiny mankahery aho. Ao anatin’ireo volana sy ireo taona ho avy dia tena hila azy aho. (Neil L. Andersen, “Whom the Lord Calls, the Lord Qualifies,” Ensign, mey 1993, 82)

Azonao atao ihany koa ny mampahatsiahy ireo mpianatra fa rehefa omena antso toa sarotra ao am-piangonana izy ireo, dia afaka mikatsaka ireo fanomezam-pahasoavan’ny Fanahy izay hanampy azy ireo hanatanteraka ny asa nampanaovina azy ireo.