Doktrina ug mga Pakigsaad 49–50

Doktrina ug mga Pakigsaad 49–50

Kinatibuk-ang Pagpasabot

Samtang ang Simbahan natukod ug mitubo sa Ohio, ang Manluluwas mipadayag sa Iyang pulong pinaagi ni Propeta Joseph Smith sa pagtul-id sa sayop nga mga pagtuo ug mga binuhatan. Sa usa ka pagpadayag alang sa relihiyosong komunidad nga gitawag og Shakers, ang Ginoo mitudlo sa Iyang doktrina mahitungod sa kaminyoon, pamilya, ug ubang mga binuhatan. Gihisgotan usab Niya nga daghang mga miyembro sa Simbahan ang nalimbongan sa katingad-an nga mga ideya ug dili tinuod nga mga espiritu. Siya mitudlo kanila kon unsaon sa pag-ila sa kamatuoran gikan sa sayop ug sa pagtukod diha sa Iyang lig-on nga sukaranan.

Tabangi ang mga tigkat-on nga moako og responsibilidad alang sa ilang pagkat-on: Usa ka paagi sa pagtabang kanila nga mahimong aktibo nga mga partisipante mao ang pagdasig sa pagpangutana ug pagdapit sa ubang mga estudyante sa pagtubag niadtong mga pangutana. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Gitabangan sa Manluluwas ang Uban nga Mangako og Responsibilidad alang sa Ilang Pagkat-on” diha sa Pagtudlo Sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon niining semanaha nga giulohan og “Doktrina ug mga Pakigsaad 50, Bahin 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 49

Katuyoan sa leksiyon: Aron matabangan ang mga estudyante nga makasabot sa kamahinungdanon sa kaminyoon ug sa pamilya diha sa plano sa Langitnong Amahan.

• Pagpangandam sa estudyante: Dapita ang mga estudyante sa pagkonsiderar sa ilang kaugalingong mga pagbati mahitungod sa kaminyoon ug pamilya. Hangyoa sila sa pagpamalandong kon ngano kaha sa ilang hunahuna nga ang kaminyoon tali sa lalaki ug sa babaye importante sa plano sa Langitnong Amahan.

• Handout: “Ang Kaminyoon ug ang Pamilya gi-ordin sa Dios”

Doktrina ug mga Pakigsaad 50, Bahin 1

Katuyoan sa leksiyon: Aron matabangan ang mga estudyante nga makasabot kon sa unsang paagi ang Ginoo makatabang kanila sa pag-ila sa kamatuoran ug sa paglikay sa pagpanglimbong.

• Pagpangandam sa estudyante: Ikonsiderar ang pagdapit sa mga estudyante nga mangayo sa Langitnong Amahan nga tabangan sila nga maila ug malikayan ang pagpanglimbong.

• Hulagway: Usa ka hulagway sa skunk

• Mga bidyo: “Ayaw Paglingla Kanako” (15:04) gikan sa time code 1:56 hangtod sa 3:15; “Paggahin og Panahon alang sa Ginoo” (5:37) gikan sa time code 1:00 hangtod sa 2:29

Doktrina ug mga Pakigsaad 50, Bahin 2

Katuyoan sa leksiyon: Aron mahatagan ang mga estudyante og oportunidad sa pagbansay sa pagtudlo ug pagkat-on pinaagi sa Espiritu sa Kamatuoran.

• Pagpangandam sa estudyante: Dapita ang mga estudyante sa pagpili og usa ka tudling sa doktrinal nga kahanas o ubang kasulatan nga makahuluganon alang kanila ug pangandam sa pagtudlo niini ngadto sa uban.

• Handout: “Pagtudlo Sumala sa Pamaagi sa Manluluwas”

• Bidyo: “Teaching in the Savior’s Way with Elder Uchtdorf” (53:34) gikan sa time code 19:01 hangtod sa 20:06