Mataupu Faavae ma Feagaiga 49–50

Mataupu Faavae ma Feagaiga 49–50

Vaaiga Aoao

A o faatuina le Ekalesia ma tuputupu ae i Ohaio, sa faaali mai e le Faaola Lana afioga e ala mai i le Perofeta o Iosefa Samita e faasa’o ai talitonuga ma faiga sese. I se faaaliga mo se nuu faalelotu ua ta’ua o le au Sieka, sa aoao atu ai e le Alii Lana aoaoga faavae e uiga i le faaipoipoga, aiga, ma isi faiga masani. Sa ia ta’ua foi e faapea, e toatele tagata o le Ekalesia sa faaseseina e manatu ese ma agaga sese. Sa Ia aoaoina i latou i le ala e iloatino ai le upu moni mai mea sese ma atiae i luga o Lana papa.

Fesoasoani i tagata aoao e tauave le tiutetauave mo lo latou aoaoina: O se tasi o auala e fesoasoani ai ia i latou ia avea ma tagata auai mataalia o le uunaia lea o fesili ma valaaulia isi tamaiti aoga e tali na fesili. Mo nisi faamatalaga i le ala na faia ai e le Faaola lenei mea, tagai i le vaega “Na Fesoasoani le Faaola i Isi ina ia Tauave o Latou Tiute mo le Latou Aoaoina” i totonu o le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaautuina “Mataupu Faavae ma Feagaiga 50, Vaega 1.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 49

Faamoemoega o le lesona: Ina ia fesoasoani i tamaiti aoga ia malamalama i le taua o le faaipoipoga ma le aiga i le fuafuaga a le Tama Faalelagi.

• Sauniuniga a le tamaitiiti aoga: Valaaulia tamaiti aoga e mafaufau i o latou lava lagona e uiga i le faaipoipoga ma le aiga. Fai atu ia i latou e mafaufau loloto pe aisea latou te manatu e taua ai le faaipoipoga i le va o se alii ma se tamaitai i le fuafuaga a le Tama Faalelagi.

• Tufaaga: “O le Faaipoipoga ma le Aiga Ua Faauuina e le Atua”

Mataupu Faavae ma Feagaiga 50, Vaega 1

Faamoemoega o le lesona: Ina ia fesoasoani i tamaiti aoga ia malamalama i le auala e mafai ai e le Alii ona fesoasoani ia i latou ia iloa le upu moni ma aloese mai le faaseseina.

• Sauniuniga a le tamaitiiti aoga: Mafaufau e valaaulia tamaiti aoga e ole atu i le Tama Faalelagi e fesoasoani ia i latou ia iloa ma aloese mai le faaseseina.

• Ata: O se ata o se skunk

• Vitio: “Aua E Te FaaseseIna A’u” (15:04) mai le faailotaimi 1:56 i le 3:15; “Faaavanoa le Taimi mo le Alii” (5:37) mai le faailotaimi 1:00 i le 2:29

Mataupu Faavae ma Feagaiga 50, Vaega 2

Faamoemoega o le lesona: Ina ia tuu atu i tamaiti aoga le avanoa e faataitai ai le aoao atu ma le aoao mai e ala i le Agaga o le Upumoni.

• Sauniuniga a le tamaitiiti aoga: Valaaulia tamaiti aoga e filifili se fuaitau o le atamai i aoaoga faavae po o se isi mau e taua ia i latou ma saunia e aoao atu i isi.

• Tufaaga: “Aoao Atu i le Ala a le Faaola”

• Vitio: “Aoao Atu i le Ala a le Faaola ma Elder Uchtdorf” (53:34) mai le faailotaimi 19:01 i le 20:06