« មេរៀនទី ៦៦—គោលលទ្ធិ និងសេចក្ដីសញ្ញា ៥០ ផ្នែកទី ២ ៖ អំណោយទាននៃព្រះវិញ្ញាណ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៥០ ផ្នែកទី ២ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
នៅក្នុង គោលលទ្ធិ និងសេចក្តីសញ្ញា ៥០ ព្រះអង្គសង្គ្រោះបានបង្រៀនថា ពួកបរិសុទ្ធត្រូវតែបង្រៀន ហើយរៀនដំណឹងល្អដោយព្រះវិញ្ញាណនៃសេចក្តីពិត ។ ក្នុងនាមជាគ្រូបង្រៀនដ៏ចំណាន ព្រះយេស៊ូវគ្រីស្ទគឺជាគំរូដ៏ល្អឥតខ្ចោះនៃការបង្រៀនដោយព្រះវិញ្ញាណ ។ សមាជិកទាំងអស់នៃសាសនាចក្ររបស់ព្រះអង្គសង្គ្រោះនឹងមានឱកាសដើម្បីបង្រៀន និងរៀនដោយព្រះវិញ្ញាណពេញមួយជីវិតរបស់ពួកគេ ។ មេរៀននេះអាចផ្តល់ឲ្យសិស្សនូវឱកាសដើម្បីអនុវត្តការបង្រៀន និងការរៀនដោយព្រះវិញ្ញាណនៃសេចក្តីពិត ។
សកម្មភាពរៀនសូត្រដែលអាចមាន
ព្រះយេស៊ូវគឺជាគ្រូបង្រៀនដំណឹងល្អដ៏ឥតខ្ចោះ
សូមអានសេចក្តីថ្លែងការណ៍ខាងក្រោមដោយគណៈប្រធានទីមួយ ដោយរកមើលថាតើឱកាសបង្រៀនដំណឹងល្អអ្វីខ្លះដែលអ្នកនឹងមាននៅពេលនេះ និងនៅពេលអនាគត ។
ឱវាជាឱកាសដ៏រុងរឿងមួយដែលអ្នកមានដើម្បីបង្រៀនដំណឹងល្អរបស់ព្រះយេស៊ូវគ្រីស្ទ ! មិនថាអ្នកមាន ឬគ្មានការហៅបម្រើជាក់លាក់ដើម្បីបង្រៀនក៏ដោយ ក៏អ្នក គឺជា គ្រូបង្រៀនមួយរូបដែរ ។ ក្នុងនាមជាសិស្សរបស់ព្រះយេស៊ូវគ្រីស្ទដែលជាគ្រូបង្រៀនដ៏កំពូល នោះអ្នកមានឱកាសដើម្បីចែកចាយពន្លឺរបស់ទ្រង់នៅគ្រប់ទីកន្លែងដែលអ្នកទៅ—នៅក្នុងគេហដ្ឋាន ព្រះវិហារ នៅពេលអ្នកផ្តល់ការងារបម្រើដល់អ្នកដទៃ និងក្នុងចំណោមមិត្តភក្តិរបស់អ្នក ។ ការបង្រៀនដំណឹងល្អគឺជាការទុកចិត្តដ៏ពិសិដ្ឋមួយ ។ វាជាផ្នែកដ៏ចាំបាច់មួយនៃកិច្ចការរបស់ព្រះអម្ចាស់ ហើយវាដំណើរការបានយ៉ាងល្អបំផុត នៅពេលយើងធ្វើកិច្ចការនេះតាមរបៀបរបស់ទ្រង់ ។ ( ការបង្រៀនតាមរបៀបរបស់ព្រះអង្គសង្រ្គោះ [ ឆ្នាំ ២០២២ ] ទំព័រ ១ )
យើងបង្រៀន និងរៀនដោយព្រះវិញ្ញាណ
សូមអាន គោលលទ្ធិ និងសេចក្តីសញ្ញា ៥០:១៣–១៤, ១៧–២២ ដោយរកមើលអំពីរបៀបដែលព្រះអង្គសង្គ្រោះចង់ឲ្យបង្រៀនដំណឹងល្អរបស់ទ្រង់ ។
យើងអាចបង្រៀនតាមរបៀបរបស់ព្រះអង្គសង្គ្រោះ
យើងរៀនសេចក្តីពិតនៃដំណឹងល្អដោយព្រះវិញ្ញាណ