« គោលលទ្ធិ និងសេចក្ដីសញ្ញា ៤៩–៥០ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៤៩–៥០ » ព្រះគម្ពីរគោលលទ្ធិ និងសេចក្តីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៤៩–៥០
គោលលទ្ធិ និងសេចក្តីសញ្ញា ៤៩–៥០
ទិដ្ឋភាពទូទៅ
នៅពេលសាសនាចក្រត្រូវបានបង្កើតឡើង ហើយរីកចម្រើននៅរដ្ឋអូហៃអូ ព្រះអង្គសង្គ្រោះបានបើកសម្ដែងព្រះបន្ទូលរបស់ទ្រង់តាមរយៈព្យាការី យ៉ូសែប ស្ម៊ីធ ដើម្បីឲ្យកែតម្រូវជំនឿ និងការអនុវត្តខុសឆ្គងទាំងឡាយ ។ នៅក្នុងវិវរណៈមួយសម្រាប់សហគមន៍សាសនាមួយដែលហៅថា ពួកសេកើរ ព្រះអម្ចាស់បានបង្រៀនគោលលទ្ធិរបស់ទ្រង់អំពីអាពាហ៍ពិពាហ៍ គ្រួសារ និងការអនុវត្តផ្សេងៗទៀត ។ ទ្រង់ក៏បានចង្អុលបង្ហាញផងដែរថា សមាជិកសាសនាចក្រជាច្រើនត្រូវបានគេបោកបញ្ឆោតដោយគំនិតចម្លែក និងវិញ្ញាណក្លែងក្លាយ ។ ទ្រង់បានបង្រៀនពួកគេអំពីរបៀបដើម្បីដឹងខុសនិងត្រូវ ហើយស្ថាបនានៅលើសិលារបស់ទ្រង់ ។
ជួយសិស្សឲ្យទទួលខុសត្រូវលើការរៀនសូត្ររបស់ពួកគេ ៖ របៀបមួយដើម្បីជួយពួកគេឲ្យក្លាយជាអ្នកចូលរួមដ៏សកម្ម គឺត្រូវលើកទឹកចិត្តឲ្យសួរសំណួរ និងអញ្ជើញសិស្សផ្សេងទៀតឲ្យឆ្លើយសំណួរទាំងនោះ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានជួយអ្នកដទៃឲ្យទទួលខុសត្រូវលើការរៀនសូត្ររបស់ពួកគេ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៥០ ផ្នែកទី ១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៤៩
គោលបំណងមេរៀន ៖ ដើម្បីជួយសិស្សឲ្យយល់អំពីសារៈសំខាន់នៃអាពាហ៍ពិពាហ៍ និងគ្រួសារនៅក្នុងផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាអំពីអារម្មណ៍របស់ពួកគេផ្ទាល់អំពីអាពាហ៍ពិពាហ៍និងគ្រួសារ ។ សូមឲ្យពួកគេសញ្ជឹងគិតអំពីមូលហេតុដែលអាពាហ៍ពិពាហ៍រវាងបុរសម្នាក់ និងស្ត្រីម្នាក់មានសារៈសំខាន់ចំពោះផែនការរបស់ព្រះវរបិតាសួគ៌ ។
-
សំណៅចែក ៖ « អាពាហ៍ពិពាហ៍ និងគ្រួសារគឺត្រូវបានតែងតាំងឡើងដោយព្រះ »
គោលលទ្ធិ និងសេចក្ដីសញ្ញា ៥០ ផ្នែកទី ១
គោលបំណងមេរៀន ៖ ដើម្បីជួយសិស្សឲ្យយល់អំពីរបៀបដែលព្រះអម្ចាស់អាចជួយពួកគេឲ្យស្គាល់សេចក្តីពិត និងចៀសវាងការបោកបញ្ឆោត ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យទូលសូមព្រះវរបិតាសួគ៌ដើម្បីជួយពួកគេឲ្យស្គាល់ និងចៀសវាងការបោកបញ្ឆោត ។
-
រូបភាព ៖ រូបភាពសត្វស្កា
-
វីដេអូ ៖ « Deceive Me Not » ( ១៥:០៤ ) ចាប់ពីនាទីទី ១:៥៦ ដល់នាទីទី ៣:១៥; « Make Time for the Lord » ( ៥:៣៧ ) ចាប់ពីនាទីទី ១:០០ ដល់នាទីទី ២:២៩
គោលលទ្ធិ និងសេចក្ដីសញ្ញា ៥០ ផ្នែកទី ២
គោលបំណងមេរៀន ៖ ដើម្បីផ្តល់ឱកាសឲ្យសិស្សអនុវត្តតាមការបង្រៀន និងការរៀនសូត្រដោយព្រះវិញ្ញាណនៃសេចក្តីពិត ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិ ឬបទគម្ពីរផ្សេងទៀតដែលមានអត្ថន័យសម្រាប់ពួកគេ ហើយរៀបចំដើម្បីបង្រៀនវាដល់អ្នកដទៃ ។
-
សំណៅចែក ៖ « ការបង្រៀនតាមរបៀបរបស់ព្រះអង្គសង្គ្រោះ »
-
វីដេអូ ៖ « Teaching in the Savior’s Way with Elder Uchtdorf » ( ៥៣:៣៤ ) ចាប់ពីនាទីទី ១៩:០១ ដល់នាទីទី ២០:០៦