Fotopampianarana sy Fanekempihavanana 58–59

Fotopampianarana sy Fanekempihavanana 58–59

Topimaso ankapobeny

Tamin’ny Aogositra 1831, dia nisy vondrona Olomasina tonga vao haingana tao amin’ny Fivondronan’i Jackson, Missouri. Naniry ny hanampy ny Mpamonjy hanorina an’i Ziona izy ireo, saingy tsy azon’izy ireo antoka hoe inona no hatao. Nanazava ny Tompo fa tokony hampiasa ny fahafahany misafidy izy ireo mba hitadiavana fomba hanompoana. Nanasa azy ireo hibebaka amin’ny fahotany ihany koa Izy, ary nanome toromarika azy ireo mba hitandrina ny andro Sabata ho masina.

Fanitarana ny traikefa amin’ny fianarana: Rehefa manasa ireo izay ampianarinao ianao mba handray andraikitra eo anatrehan’ny fotopampianarana marina dia manasa azy ireo ianao mba hanitatra ny traikefa amin’ny fianarana hatrany an-tokantranony sy eo amin’ny fiainany andavanandro. Ampio ny mpianatrao hahita ny fianarana ara-panahy ho toy ny zavatra iainana isan’andro fa tsy zavatra mitranga ao an-dakilasy fotsiny. Izany dia afaka manampy ireo mpianatra ho lasa mazoto kokoa hianatra sy hampihatra ny fampianaran’ny filazantsara. Raha te hianatra bebe kokoa momba ny fomba nanaovan’ny Mpamonjy izany dia jereo ny fizarana “Ny Mpamonjy dia nanasa ny hafa hiaina ny zavatra nampianariny” ao amin’ny Mampianatra araka ny fomban’ny Mpamonjy. Afaka mahita ohatra iray momba ny fomba hanaovana izany koa ianao ao amin’ny lesona amin’ity herinandro ity mitondra ny lohateny hoe “Fotopampianarana sy Fanekempihavanana 58:26–29.”

Miomana hampianatra

Ity fampahalalana manaraka ity dia manome hevitra anao momba ny zavatra mety hilaina homanina mialoha ho an’ny lesona tsirairay.

Fotopampianarana sy Fanekempihavanana 58:26–29

Tanjon’ny lesona: Mba hanampiana ny mpianatra hahatakatra ny fomba hanarahana ny ohatry ny Mpamonjy amin’ny fanaovana ny tsara.

• Fanomanana ny mpianatra: Asao ny mpianatra hieritreritra olona iray fantany izay mahita fomba hanompoana amin’ny fomba tahaka ny an’i Kristy. Asaivo misaintsaina ny zavatra azony ianarana momba ny toetran’ny Mpamonjy avy amin’ny ohatra nasehon’io olona io izy ireo.

• Votoatiny haseho: Tabilao hanampiana ny mpianatra handalina ny Fotopampianarana sy Fanekempihavanana 58:26–29

Fotopampianarana sy Fanekempihavanana 58:38–60

Tanjon’ny lesona: Mba hanampiana ireo mpianatra hahatsapa fanantenana fa ny Mpamonjy dia mamela ireo izay mibebaka amin’ny fahotany.

• Fanomanana ny mpianatra: Asao ny mpianatra hieritreritra fanontaniana na ahiahy izay manakivy ny zatovo sasany tsy hibebaka rehefa avy nanao fahadisoana izy ireo. Asao izy ireo hieritreritra ny zavatra fantany momba an’i Jesoa Kristy izay afaka manampy azy ireo hamaly ireo fanontaniana na olana ireo.

• Sary haseho: Sarin’ny zatovo iray

• Fitaovana: Ho zatovo mahery!: Torolalana amin’ny fanaovana safidy (2022)

• Horonan-tsary: “I Jesoa Kristy no maha zatovo mahery” (14:12; jereo manomboka amin’ny mari-potoana 0:34 hatramin’ny 2:12); “Manam-piniavana hamela heloka ny Mpamonjy” (5:50)

Fotopampianarana sy Fanekempihavanana 59

Tanjon’ny lesona: Mba hanampiana ireo mpianatra hanaja ny Tompo amin’ny alalan’ny fisafidianana ny hitandrina ny andro Sabata ho masina.

• Fanomanana ny mpianatra: Asao ny mpianatra hisaintsaina izay zavatra tsapany momba ny Sabata. Asao izy ireo hieritreritra hoe nahoana ny Mpamonjy no mandidy antsika hanokana andro iray isan-kerinandro mba hifantohana Aminy sy amin’ny filazantsarany.

• Fitaovana: Ho zatovo mahery!: Torolalana amin’ny fanaovana safidy

• Horonantsary: “Amin’ny fitsipiky ny fahamarinana irery ihany” (10:11; jereo manomboka amin’ny mari-potoana 4:59 hatramin’ny 5:24 sy 5:24 hatramin’ny 6:26)