Mataupu Faavae ma Feagaiga 58–59

Mataupu Faavae ma Feagaiga 58–59

Vaaiga Aoao

Ia Aokuso 1831, sa faatoa taunuu ai se vaega o le Au Paia i le Itumalo o Siakisone, Misuri. Sa toatele na mananao e fesoasoani i le Faaola e fausia Siona, ae sa le mautinoa po o le a le mea e fai. Sa faamalamalama mai e le Alii sa Ia faamoemoeina i latou e faaaoga lo latou faitalia e saili ai ni auala e auauna ai. Sa ia valaaulia foi i latou ia salamo i a latou agasala ma faatonuina i latou e tausia le aso Sapati ia paia.

Faalauteleina le aafiaga o le aoaoina: Pe a e valaaulia i latou o loo e aoaoina e faatino ia aoaoga faavae moni, o loo e vaalaulia i latou e faalautele atu lo latou aoaoga i o latou aiga ma olaga o aso uma. Fesoasoani i au tagata aoga ia vaai i le aoaoina faaleagaga o se aafiaga i lea aso ma lea aso nai lo o se mea e na o le vasega e tupu ai. E mafai ona fesoasoani lenei mea i tagata aoga ia atili faaosofia ai e aoao ma faaaoga aoaoga o le talalelei. Mo nisi faamatalaga i le ala na faia ai e le Faaola lenei mea, tagai i le vaega “Na Valaaulia e le Faaola Isi ina ia Ola i Mea na ia Aoao Atu” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 58:26–29.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 58:26–29

Faamoemoega o le lesona: Ina ia fesoasoani i tagata aoga ia malamalama pe faapefea ona mulimuli i le faataitaiga a le Faaola o le faia o mea lelei.

• Sauniuniga a le tagata aoga: Valaaulia tagata aoga e mafaufau i se tasi latou te iloa e maua auala e auauna atu ai i auala faaKeriso. Tuu atu ia i latou e mafaufau loloto i mea e mafai ona latou aoaoina e faatatau i le uiga o le Faaola mai le faataitaiga a lenei tagata.

• Anotusi e faaali atu: Siata e fesoasoani ai i tagata aoga e suesue le Mataupu Faavae ma Feagaiga 58:26–29

• Vitio: “E Agaalofa Iesu Keriso ma Faamalolo tagata” (6:32); “Fafine Naina ua Oti Lana Tane” (2:22)

Mataupu Faavae ma Feagaiga 58:38–60

Faamoemoega o le lesona: Ina ia fesoasoani i tagata aoga ia lagona le faamoemoe e faamagalo e le Faaola i latou o e salamo ia latou agasala.

• Sauniuniga a le tagata aoga: Valaaulia tagata aoga e mafaufau i fesili po o atugaluga e faalotovaivaia ai nisi o talavou mai le salamo pe a uma ona latou faia se mea sese. Valaaulia i latou e mafaufau loloto i mea ua latou iloa e uiga ia Iesu Keriso e mafai ona fesoasoani e foia ai na fesili po o atugaluga.

• Ata e faaali atu: Ata o se talavou

• Anomea: Mo Le Malosi o le Autalavou: O Se Taiala mo le Faia o Filifiliga (2022)

• Vitio: “O Iesu Keriso o le Malosio le Autalavou” (14:12; matamata mai le faailotaimi 0:34 i le 2:12); “E Finagalo le Faaola e Faamagalo Atu” (5:50)

Mataupu Faavae ma Feagaiga 59

Faamoemoega o le lesona: Ina ia fesoasoani i tagata aoga e faamamalu le Alii e ala i le filifili e tausia le Aso Sapati ia paia.

• Sauniuniga a le tagata aoga: Valaaulia tagata aoga e mafaufau loloto pe o a ni o latou lagona e uiga i le Sapati. Valaaulia i latou e mafaufau pe aisea na poloaiina ai i tatou e le Faaola e faataatia ese se aso se tasi i vaiaso taitasi e taulai atu ai ia te Ia ma Lana talalelei.

• Anomea: Mo Le Malosi o le Autalavou: O Se Taiala mo le Faia o Filifiliga

• Vitio: “Tau Lava o Mataupu Faavae o le Amiotonu” (10:11; matamata mai le faailotaimi 4:59 i le 5:24 ma le 5:24 i le 6:26); “I Lo’u Aso Paia—Faamamaluina o le Sapati” (1:30)