Doktrina ug mga Pakigsaad 60–63

Doktrina ug mga Pakigsaad 60–63

Kinatibuk-ang Pagpasabot

Human si Propeta Joseph Smith ug ang pipila ka mga elder sa Simbahan nangalagad sa mga Santos sa Missouri sa ting-init sa 1831, miabot ang panahon sa ilang pagpauli ngadto sa Ohio. Ang mga pagpadayag nga narekord diha sa Doktrina ug mga Pakigsaad 60–62 naglangkob og tambag gikan sa Ginoo aron tabangan ang mga elders diha sa ilang biyahe. Diha sa Doktrina ug mga Pakigsaad 63, ang Ginoo mitul-id sa dili husto nga mga kinaiya sa mga Santos sa Ohio.

Pagtutok sa makapakabig nga mga baroganan: Tabangi ang mga estudyante sa pagdiskobre sa doktrina ug mga baroganan nga makaimpluwensiya sa ilang relasyon ngadto sa Langitnong Amahan ug ni Jesukristo. Dasiga sila sa pag-analisar kon sa unsang paagi kini nga mga kamatuoran makapalawom sa ilang pagkakabig ug makatabang kanila sa paglihok nga adunay hugot nga pagtuo. Alang sa dugang pa kon sa unsang paagi kini gibuhat sa Manluluwas, tan-awa sa seksiyon nga “Gitudlo sa Manluluwas ang mga Kamatuoran nga Naggiya ngadto sa Pagkakabig ug Paglig-on sa Hugot nga Pagtuo” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 60–62.”

Pangandam sa pagtudlo

Ang mosunod nga impormasyon naghatag og mga ideya kon unsa ang gikinahanglan nimong andamon daan alang sa matag leksiyon.

Doktrina ug mga Pakigsaad 60–62

Katuyoan sa leksiyon: Aron matabangan ang mga estudyante nga makasabot og dugang mahitungod sa mga gilaoman ug mga tinguha sa Manluluwas alang kanila.

• Pagpangandam sa estudyante: Dapita ang mga estudyante sa paghunahuna sa mga higayon sa ilang kinabuhi nga tingali misalig sila sa impluwensiya sa Espiritu Santo ug sa ilang kaugalingong paghukom sa paghimo og desisyon. Dapita sila sa pagkonsiderar kon sa unsang paagi ang Ginoo mipanalangin kanila niini nga mga sitwasyon.

• Sulod nga ipakita: Mga sitwasyon sa sinugdanan sa leksiyon; ang tsart alang sa kalihokan sa pagtuon

Doktrina ug mga Pakigsaad 63:1–23

Katuyoan sa leksiyon: Aron matabangan ang mga estudyante nga mobati sa kamahinungdanon sa personal nga pagkamasulundon ngadto sa balaod sa Ginoo sa kaputli.

• Pagpangandam sa estudyante: Dapita ang mga estudyante sa pagtuon sa mosunod nga mga seksiyon sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022): “Magkinabuhi sa kahayag sa Dios” (mga pahina 16–21) ug “Ang inyong lawas sagrado” (mga pahina 22–29). Dapita ang mga estudyante sa pagpangita sa mga sumbanan sa Ginoo nga may kalabotan sa balaod sa kaputli.

• Hulagway nga ipakita: Hulagway ni Jesukristo

• Butang nga dad-on: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022) alang sa mga estudyante nga tingali walay magamit nga digital

Doktrina ug mga Pakigsaad 63:57–64

Katuyoan sa leksiyon: Aron matabangan ang mga estudyante nga mobati sa kamahinungdanon sa paggamit sa ngalan sa Manluluwas nga adunay balaang pagtahod.

• Pagpangandam sa estudyante: Dapita ang mga estudyante sa pagtuon sa Doktrina ug mga Pakigsaad 63:57–64, mangita sa mga pagtulun-an mahitungod ni Jesukristo nga makaapekto sa paagi sa ilang pagsulti mahitungod Kaniya.