Doktrina ug mga Pakigsaad 76

Doktrina ug mga Pakigsaad 76

Kinatibuk-ang Pagpasabot

Samtang nagtrabaho sa dinasig nga hubad sa Biblia ug namalandong sa mga kasulatan, ang Propeta Joseph Smith ug si Sidney Rigdon nakasinati og usa ka talagsaon nga panan-awon. Ang Manluluwas mipakita kanila og sunod-sunod nga gagmayng mga panan-awon nga nakatabang sa pagtudlo mahitungod sa Iyang tahas isip Manluluwas sa tanang katawhan, ang pagkapukan ni Satanas, ug mga paghulagway sa matag usa sa mga gingharian sa himaya.

Pagpangutana og mga pangutana nga nagdapit og pagpamalandong: Ang personal nga pagpamalandong ug pagtimbang-timbang sa kaugalingon mahimong modapit sa Espiritu Santo sa pagtabang sa matag estudyante nga makakita sa mga butang “ingon nga sila gayod mao, ug … sila gayod mahimo unya” (Jacob 4:13). Ang epektibo nga mga pagtimbang-timbang sa kaugalingon makatabang sa mga estudyante sa pagkonsiderar sa ilang kasamtangan nga pagsabot sa mga kamatuoran sa ebanghelyo, kon nganong ang mga kamatuoran may kalabotan, ug kon unsaon sa pagpuyo niini. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Naghatag ang Manluluwas og mga Oportunidad alang sa mga Tawo nga Matudloan pinaagi sa Espiritu Santo” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 76:71–112.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 76:1–19

Katuyoan sa leksiyon: Aron matabangan ang mga estudyante nga makakat-on pinaagi sa gahom sa Espiritu Santo samtang sila naggahin og panahon sa pagpamalandong sa mga pulong sa Manluluwas.

• Pagpangandam sa estudyante: Dapita ang mga estudyante sa paghunahuna sa mga kahimtang o mga sitwasyon nga ilang giatubang karon o tingali atubangon diin sila nagkinahanglan o gusto nga makadawat og giya gikan sa Ginoo pinaagi sa Espiritu Santo.

• Bidyo: “When Thou Art Converted” (11:21; tan-awa gikan sa time code 3:16 hangtod sa 4:19)

Doktrina ug mga Pakigsaad 76:19–24

Katuyoan sa leksiyon: Aron matabangan ang mga estudyante nga mobati og dugang nga gugma alang ni Jesukristo ug sa Iyang tahas diha sa plano sa Langitnong Amahan.

• Pagpangandam sa estudyante: Awhaga ang mga estudyante sa pagsulat og usa ka kapahayag nga gusto nilang mahibaloan sa tanang tawo mahitungod ni Jesukristo ug sa pag-andam sa pagpakigbahin unsay ilang gisulat.

• Mga materya nga dad-on: Dako nga mga palid sa papel kon mopili ka nga irekord ug ipakita sa mga estudyante ang ilang mga panabot; giimprinta nga mga kopya sa “Buhi ang Manunubos Ko, Niini Nasayod Ako” (Himno, nu. 80) kon ang mga estudyante walay magamit nga mga libro sa himno

• Sulod nga ipakita: Mga instruksiyon alang sa mga kalihokan A ug B kon ang mga estudyante magtrabaho niini nga sila ra o uban sa usa ka grupo

Doktrina ug mga Pakigsaad 76:50–70

Katuyoan sa leksiyon: Aron matabangan ang mga estudyante nga mobati og paglaum nga sila makadawat sa kahimayaan pinaagi ni Jesukristo.

• Pagpangandam sa estudyante: Ikonsiderar ang pagdapit sa mga estudyante sa pagbasa sa Doktrina ug mga Pakigsaad 76:50–70, mangita sa unsay gisulat ni Propeta Joseph Smith ug ni Sidney Rigdon mahitungod sa celestial nga gingharian ug niadtong makapanunod niini.

• Sulod nga ipakita: Tsart aron matabangan ang mga estudyante nga magtuon sa Doktrina ug mga Pakigsaad 76:50–70

• Bidyo: “Am I Good Enough?” (3:28)

• Handout: “Paglaom pinaagi ni Jesukristo”

Doktrina ug mga Pakigsaad 76:71–112

Katuyoan sa leksiyon: Aron matabangan ang mga estudyante nga mahimong mas maisogon sa ilang pagpamatuod ni Jesukristo.

• Pagpangandam sa estudyante: Ikonsiderar ang pagdapit sa mga estudyante sa paghunahuna kon unsa ang gipasabot sa magmaisogon sa ilang pagpamatuod ni Jesukristo. Mahimo sila nga motimbang-timbang sa ilang lebel sa pagkamaisogon ug ikonsiderar ang mga kalamboan nga ilang mahimo.

• Bidyo: “Maisog diha sa Pagpamatuod ni Jesus” (15:28; tan-awa gikan sa time code 13:19 hangtod sa 14:03)