« គោលលទ្ធិ និងសេចក្ដីសញ្ញា ៧៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៧៦ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្ដីសញ្ញា ៧៦
គោលលទ្ធិ និងសេចក្ដីសញ្ញា ៧៦
ទិដ្ឋភាពទូទៅ
ពេលកំពុងធ្វើការលើការបកប្រែព្រះគម្ពីរប៊ីបដ៏បំផុសគំនិត និងកំពុងជញ្ជឹងគិតអំពីបទគម្ពីរ ព្យាការី យ៉ូសែប ស្ម៊ីធ និង ស៊ីឌនី រិកដុន មាននូវការនិមិត្តដ៏អស្ចារ្យមួយ ។ ព្រះអង្គសង្គ្រោះបានបង្ហាញពួកលោកនូវការនិមិត្តតូចៗជាបន្តបន្ទាប់ ដែលបានជួយបង្រៀនអំពីតួនាទីរបស់ទ្រង់ក្នុងនាមជាព្រះអង្គសង្គ្រោះនៃមនុស្សលោកទាំងអស់ ការធ្លាក់របស់សាតាំង និងការពិពណ៌នាអំពីនគរនៃសិរីល្អនីមួយៗ ។
សួរសំណួរដែលនាំឲ្យមានវិចារណញាណ ៖ វិចារណញាណផ្ទាល់ខ្លួន និងស្វ័យវាយតម្លៃអាចយាងអញ្ជើញព្រះវិញ្ញាណបរិសុទ្ធដើម្បីជួយសិស្សម្នាក់មើលឃើញអ្វីៗ « តាមដែលមាននៅពេលនេះ ហើយ … តាមដែលនឹងមាននៅពេលខាងមុខ » ( យ៉ាកុប ៤:១៣ ) ។ ស្វ័យវាយតម្លៃដែលមានប្រសិទ្ធភាព ជួយសិស្សឲ្យពិចារណាអំពីការយល់ដឹងបច្ចុប្បន្នរបស់ពួកគេអំពីសេចក្តីពិតនៃដំណឹងល្អ មូលហេតុដែលសេចក្តីពិតមានភាពទាក់ទង និងរបៀបរស់នៅតាមសេចក្តីពិត ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានប្រទានឱកាសនានាដល់មនុស្សដើម្បីឲ្យព្រះវិញ្ញាណបង្រៀនពួកគេ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៧៦:៧១–១១២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្ដីសញ្ញា ៧៦:១–១៩
គោលបំណងមេរៀន ៖ ដើម្បីជួយសិស្សឲ្យរៀនដោយព្រះចេស្តានៃព្រះវិញ្ញាណបរិសុទ្ធ នៅពេលពួកគេចំណាយពេលជញ្ជឹងគិតពីព្រះបន្ទូលរបស់ព្រះអង្គសង្រ្គោះ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីកាលៈទេសៈ ឬស្ថានភាពដែលពួកគេកំពុងប្រឈមមុខ ឬអាចប្រឈមមុខ ដែលពួកគេត្រូវការ ឬចង់ទទួលបានការណែនាំពីព្រះអម្ចាស់តាមរយៈព្រះវិញ្ញាណបរិសុទ្ធ ។
-
វីដេអូ ៖ « When Thou Art Converted » ( ១១:២១ សូមមើលពីនាទីទី ៣:១៦ ដល់ ៤:១៩ )
គោលលទ្ធិ និងសេចក្ដីសញ្ញា ៧៦:១៩–២៤
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍កាន់តែស្រឡាញ់ព្រះយេស៊ូវគ្រីស្ទ និងតួនាទីរបស់ទ្រង់នៅក្នុងផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមលើកទឹកចិត្តសិស្សឲ្យសរសេរប្រយោគមួយដែលពួកគេចង់ឲ្យមនុស្សទាំងអស់ដឹងអំពីព្រះយេស៊ូវគ្រីស្ទ និងដើម្បីត្រៀមខ្លួនចែកចាយអ្វីដែលពួកគេបានសរសេរ ។
-
សម្ភារដែលត្រូវយកមក ៖ ក្រដាសធំ ប្រសិនបើអ្នកជ្រើសរើសឲ្យសិស្សកត់ត្រា និងបង្ហាញការយល់ដឹងរបស់ពួកគេ ច្បាប់ចម្លងដែលបានបោះពុម្ពនៃបទ « ខ្ញុំដឹងថាព្រះប្រោសលោះខ្ញុំនៅរស់ » ( ទំនុកតម្កើង ល.រ. ៧៦ ) ប្រសិនបើសិស្សពុំអាចចូលប្រើប្រាស់ទំនុកតម្កើងបាន
-
មាតិកាដែលត្រូវបង្ហាញ ៖ សេចក្តីណែនាំសម្រាប់សកម្មភាព ក និង ខ ប្រសិនបើសិស្សនឹងធ្វើកិច្ចការនេះដោយខ្លួនពួកគេផ្ទាល់ ឬជាមួយក្រុម
គោលលទ្ធិ និងសេចក្ដីសញ្ញា ៧៦:៥០–៧០
គោលបំណងមេរៀន ៖ ដើម្បីជួយសិស្សទទួលអារម្មណ៍នៃសេចក្តីសង្ឃឹមថាពួកគេអាចទទួលភាពតម្កើងឡើងតាមរយៈព្រះយេស៊ូវគ្រីស្ទ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យអាន គោលលទ្ធិ និងសេចក្តីសញ្ញា ៧៦:៥០–៧០ ដោយរកមើលអ្វីដែលព្យាការី យ៉ូសែប ស្ម៊ីធ និង ស៊ីឌនី រិកដុន បានសរសេរអំពីនគរសេឡេស្ទាល និងអស់អ្នកដែលនឹងគ្រងនគរនេះ ។
-
មាតិកាដែលត្រូវបង្ហាញ ៖ តារាងដើម្បីជួយសិស្សសិក្សា គោលលទ្ធិ និងសេចក្តីសញ្ញា ៧៦:៥០–៧០
-
វីដេអូ ៖ « Am I Good Enough? » ( ៣:២៨ )
-
សំណៅចែក ៖ « សេចក្តីសង្ឃឹមតាមរយៈព្រះយេស៊ូវគ្រីស្ទ »
គោលលទ្ធិ និងសេចក្តីសញ្ញា ៧៦:៧១–១១២
គោលបំណងមេរៀន ៖ ដើម្បីជួយសិស្សឲ្យកាន់តែមានភាពក្លាហានក្នុងការថ្លែងទីបន្ទាល់របស់ពួកគេអំពីព្រះយេស៊ូវគ្រីស្ទ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យគិតអំពីអត្ថន័យនៃការមានភាពក្លាហាននៅក្នុងទីបន្ទាល់ពួកគេអំពីព្រះយេស៊ូវគ្រីស្ទ ។ ពួកគេអាចវាយតម្លៃកម្រិតនៃភាពក្លាហានរបស់ពួកគេ និងពិចារណាការកែលម្អដែលពួកគេអាចធ្វើ ។
-
វីដេអូ ៖ « ភាពក្លាហាននៅក្នុងទីបន្ទាល់ពីព្រះយេស៊ូវ » ( ១៥:២៨ មើលចាប់ពីនាទីទី ១៣:១៩ ដល់នាទីទី ១៤:០៣ )