Tokāteline mo e Ngaahi Fuakava 76

Tokāteline mo e Ngaahi Fuakava 76

Vakai Fakalūkufuá

Naʻe aʻusia ʻe he Palōfita ko Siosefa Sāmitá mo Sitenei Likitoni ha meʻa-hā-mai fakaofo lolotonga ʻena ngāue ki hono liliu fakalaumālie ʻo e Tohi Tapú mo fakalaulauloto ki he folofolá. Naʻe fakahā ange ʻe he Fakamoʻuí ha fanga kiʻi meʻa-hā-mai iiki naʻe tokoni ke akoʻi fekauʻaki mo Hono fatongia ko e Fakamoʻui ʻo e faʻahinga kotoa ʻo e tangatá, hinga ʻa Sētané, mo e ngaahi fakamatala ʻo e ngaahi puleʻanga kotoa pē ʻo e nāunaú.

ʻEke ha ngaahi fehuʻi fakatupu fakakaukau: ʻE lava ke hoko ʻa e fakakaukau mo e vakavakaiʻi fakatāutahá ke fakaafeʻi ai e Laumālie Māʻoniʻoní ke tokoni ki he tokotaha ako takitaha ke vakai ki he ngaahi meʻá “ʻo hangē ko honau anga moʻoní, pea … hangē ko honau angamoʻoni ʻe ʻi aí” (Sēkope 4:13). ʻOku tokoni ʻa e siviʻi fakaekita leleí ke fakakaukau e kau akó ki he mahino ʻoku nau lolotonga maʻu ki he ngaahi moʻoni ʻo e ongoongoleleí, ʻuhinga ʻoku mahuʻinga ai ʻa e ngaahi moʻoní, pea mo e founga ke moʻui ʻaki ai kinautolú. Ki ha fakamatala lahi ange ki he founga naʻe fakahoko ai ʻeni ʻe he Fakamoʻuí, vakai ki he konga “Naʻe ʻOmi ʻe he Fakamoʻuí ha Ngaahi Faingamālie ke Akoʻi ai e Kakaí ʻe he Laumālie Māʻoniʻoní” ʻi he Ko e Faiako ʻi he Founga ʻa e Fakamoʻuí. Te ke lava foki ʻo vakai ki ha sīpinga ʻo e founga ke fakahoko ai ʻeni ʻi he lēsoni ʻo e uike ní, “Tokāteline mo e Ngaahi Fuakava 76:71–112.”

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ʻo e meʻa ʻe ala fiemaʻu ke teuteuʻi kimuʻa ‘i he lēsoni takitaha.

Tokāteline mo e Ngaahi Fuakava 76:1–19

Taumuʻa ʻo e lēsoní: Ke tokoni ki he kau akó ke nau ako ʻi he mālohi ʻo e Laumālie Māʻoniʻoní ʻi heʻenau tuku ha taimi ke fakalaulauloto ai ki he ngaahi folofola ʻa e Fakamoʻuí.

• Teuteu ʻa e tokotaha akó: Fakaafeʻi ʻa e kau akó ke nau fakakaukau ki ha ngaahi tūkunga ʻoku nau lolotonga fehangahangai mo ia pe ʻe lava ke nau fehangahangai mo ia ʻa ia ʻoku nau fiemaʻu ai ke maʻu ha fakahinohino mei he ʻEikí ʻo fakafou ʻi he Laumālie Māʻoniʻoní.

• Vitiō: “When Thou Art Converted” (11:21; mamata mei he taimi 3:16 ki he 4:19)

Tokāteline mo e Ngaahi Fuakava 76:19–24

Taumuʻa ʻo e lēsoní: Ke tokoni ke ongoʻi ʻe he kau akó ha ʻofa lahi ange kia Sīsū Kalaisi mo Hono fatongia ʻi he palani ʻa e Tamai Hēvaní.

• Teuteu ʻa e tokotaha akó: Poupouʻi ʻa e kau akó ke hiki ha sētesi ʻe taha ʻoku nau fiemaʻu ke ʻilo ʻe he kakai kotoa pē fekauʻaki mo Sīsū Kalaisi pea mateuteu ke vahevahe ʻa e meʻa ne nau tohí.

• Naunau ke ʻomí: ʻŪ laʻipepa lalahi kapau te ke fili ke lekooti ʻe he kau akó mo fakaʻaliʻali ʻenau ngaahi fakakaukaú; ngaahi tatau kuo paaki ʻo e “ʻOku Moʻui Hoku Huhuʻí” (Ngaahi Himí, fika 68) kapau ʻoku ʻikai maʻu ʻe he kau akó ha tohi himi

• Meʻa ke fakaʻaliʻalí: Ngaahi fakahinohino ki he ongo ʻekitivitī A mo e E kapau ʻe ngāue ki ai ʻa e kau akó ʻiate kinautolu pē pe mo ha kulupu

Tokāteline mo e Ngaahi Fuakava 76:50–70

Taumuʻa ʻo e lēsoní: Ke tokoni ke ongoʻi ʻe he kau akó ha ʻamanaki lelei te nau lava ʻo maʻu ʻa e hākeakiʻí ʻo fakafou ʻia Sīsū Kalaisi.

• Teuteu ʻa e tokotaha akó: Fakakaukau ke fakaafeʻi ʻa e kau akó ke lau ʻa e Tokāteline mo e Ngaahi Fuakava 76:50–70, ʻo kumi ʻa e meʻa naʻe tohi ʻe he Palōfita ko Siosefa Sāmitá mo Sitenei Likitoni fekauʻaki mo e puleʻanga fakasilesitialé mo kinautolu te nau maʻu iá.

• Meʻa ke fakaʻaliʻalí: Saati ke tokoni ki he kau akó ke nau ako ʻa e Tokāteline mo e Ngaahi Fuakava 76:50–70

• Vitiō: “Am I Good Enough?” (3:28)

• Laʻipepa Tufá: “‘Amanaki Lelei ‘ia Sīsū Kalaisí”

Tokāteline mo e Ngaahi Fuakava 76:71–112

Taumuʻa ʻo e lēsoní: Ke tokoni ki he kau akó ke nau loto-toʻa ange ʻi heʻenau fakamoʻoni kia Sīsū Kalaisí.

• Teuteu ʻa e tokotaha akó: Fakakaukau ke fakaafeʻi ʻa e kau akó ke nau fakakaukau ki he ʻuhinga ʻo e loto-toʻa ʻi heʻenau fakamoʻoni kia Sīsū Kalaisí. Te nau lava ʻo fakafuofuaʻi ʻa e tuʻunga ʻo ʻenau loto-toʻá mo fakakaukau ki ha ngaahi fakalakalaka te nau ala fakahoko.

• Vitiō: “Toʻa ʻi he Fakamoʻoni ʻo Sīsuú” (15:28; mamata mei he taimi 13:19 ki he 14:03)