“Lesson 90—Doktrina at mga Tipan 79–80: Nagpapahayag ng Mabubuting Balita ng Malaking Kagalakan,” Manwal ng Titser ng Seminary para sa Doktrina at mga Tipan (2025)
“Doktrina at mga Tipan 79–80,” Manwal ng Titser ng Seminary para sa Doktrina at mga Tipan
Lesson 90: Doktrina at mga Tipan 77–80
Doktrina at mga Tipan 79–80
Nagpapahayag ng Mabubuting Balita ng Malaking Kagalakan
Nang tanggapin ng mga naunang Banal ang mensahe ng Pagpapanumbalik, nagkaroon sila ng matinding hangaring ibahagi ang ebanghelyo ni Jesucristo sa iba. Ibinahagi ng ilan ang kanilang mga paniniwala sa mga kapamilya at kaibigan. Ang iba ay tumugon sa panawagan ng Tagapagligtas na magmisyon. Ang lesson na ito ay makatutulong sa mga estudyante na ibahagi ang ebanghelyo ng Tagapagligtas sa buong buhay nila.
Mga Posibleng Aktibidad sa Pag-aaral
Mga pagkakataong ibahagi ang ebanghelyo ni Jesucristo
Tulungan ang mga estudyante na matukoy ang mga pagkakataong ibahagi ang ebanghelyo ni Jesucristo. Maaari mong sabihin sa mga estudyante na basahin ang pahayag na ito at talakayin ang mga sumusunod na tanong nang magkaka-partner o sa maliliit na grupo.
Ibinahagi ni Elder Dieter F. Uchtdorf ng Korum ng Labindalawang Apostol:
Saan man kayo naroon sa mundong ito, maraming pagkakataon upang ibahagi ang mabuting balita ng ebanghelyo ni Jesucristo sa mga taong nakikilala ninyo, kasamang nag-aaral, at kabahay o katrabaho at kasalamuha. (Dieter F. Uchtdorf, “Gawaing Misyonero: Pagbabahagi ng Nasa Puso Mo,” Liahona, Mayo 2019, 15)
-
Ano ang mga naging karanasan ninyo sa pagbabahagi ng ebanghelyo ni Jesucristo?
-
Ano sa palagay ninyo ang mga pagkakataon sa buong buhay ninyo kung saan maibabahagi ninyo ang ebanghelyo?
-
Gaano kayo kakumpiyansa sa kakayahan ninyong ibahagi sa iba ang ebanghelyo ni Jesucristo? Ano ang magpapahirap sa pagbabahagi ng ebanghelyo?
Sabihin sa mga estudyante na mapanalanging tukuyin ang isang tao na maaari nilang bahagian ng ebanghelyo ni Jesucristo. Kung inanyayahan ang mga estudyante na kumpletuhin ang aktibidad sa paghahanda, maaaring mayroon na silang naisip. Sabihin sa mga estudyante na isulat ang mga pangalan ng mga taong ito sa kanilang study journal. O, kung wala silang naisip, anyayahan silang patuloy na pagnilayan ang mga pagkakataon kung saan maibabahagi nila ang ebanghelyo sa iba. Hikayatin ang mga estudyante na maghangad ng inspirasyon mula sa Espiritu Santo sa buong karanasan na ito sa pagkatuto.
Mabubuting balita ng malaking kagalakan
Sa mga paghahayag na nakatala sa Doktrina at mga Tipan 79–80, tumawag ang Tagapagligtas ng tatlong indibiduwal upang magmisyon: sina Jared Carter, Stephen Burnett, at Eden Smith.
Basahin ang Doktrina at mga Tipan 79:1. Alamin kung paano inilarawan ng Panginoon ang mensaheng iniutos Niya kay Jared Carter na ibahagi sa iba.
-
Anong mga salita ang hinangaan ninyo mula sa talatang ito? Ano ang ipinagagawa sa atin ng Tagapagligtas?
Tulungan ang mga estudyante na matukoy na inaanyayahan tayo ni Jesucristo na ibahagi ang kagalakan ng Kanyang ebanghelyo sa lahat ng tao. Maaari mong isulat sa pisara ang Mabubuting balita ng malaking kagalakan. Sabihin sa mga estudyante na ilista kung ano ang nalalaman nila tungkol kay Jesucristo at sa Kanyang walang hanggang ebanghelyo na nagdudulot sa kanila ng malaking kagalakan.
Isipin ang buhay ng mga taong isinulat ninyo sa simula ng lesson. Isulat sa tabi ng kanilang mga pangalan kung paano sa palagay ninyo makapagdudulot sa kanila ng kagalakan ang “mabubuting balita” ng ebanghelyo.
Ang Doktrina at mga Tipan 79–80 ay naglalaman ng mga turo mula sa Tagapagligtas na makatutulong sa mga estudyante sa kanilang pagsisikap na ibahagi ang ebanghelyo. Mag-isip ng mga paraan na matutulungan mo silang matuklasan ang mga turong ito. Ang sumusunod na aktibidad ay isang paraan kung paano mo ito magagawa. Maaari itong baguhin upang matugunan ang mga pangangailangan ng iyong mga estudyante.
Bigyan ang bawat estudyante ng handout na may pamagat na “Mangaral ng Aking Ebanghelyo.” O sabihin sa mga estudyante na gumawa ng katulad na chart sa isang blangkong papel at bigyan sila ng mga tagubilin para sa bawat kahon.
Mangaral ng aking ebanghelyo
Mangaral ng Aking Ebanghelyo
Sa paggawa mo ng aktibidad na ito, maghanap ng mga turo mula kay Jesucristo na makatutulong sa iyo sa mga pagsisikap mong ibahagi ang kagalakan ng Kanyang ebanghelyo.
Basahin ang scripture passage at kumpletuhin ang mga tagubilin sa bawat parisukat. Kung kailangan mo ng karagdagang espasyo, maaari mong gamitin ang kabilang bahagi ng handout.
|
Muling isulat ang talatang ito gamit ang sarili mong mga salita. |
Gumuhit ng representasyon ng talatang ito. (Ang mga bigkis ay mga talaksan ng butil at simbolo ng mga taong tumatanggap sa ebanghelyo.) |
|
Isulat ang pinaniniwalaan mong pinakamahalagang salita o parirala sa talatang ito at magsulat ng isang maikling paliwanag kung bakit sa palagay mo ay mahalaga ito sa pagbabahagi ng ebanghelyo. |
Maghanap ng doctrinal mastery passage o ibang banal na kasulatan na nauugnay sa talatang ito. Isulat ang reference sa parisukat na ito. |
|
Sumulat ng isang dahilan kung bakit sa palagay mo ay binibigyan ng Panginoon ang mga misyonero ng mga kasama. |
Isulat kung paano kaya nauugnay ang talatang ito sa sarili nating mga pagsisikap na ibahagi ang ebanghelyo ni Jesucristo. |
|
Magsulat ng isang bagay na narinig, pinaniniwalaan, o alam mong totoo tungkol kay Jesucristo o sa Kanyang ebanghelyo. Isama kung bakit mahalagang marinig ng iba ang katotohanang iyon. |
Basahin ang talatang ito na para bang direkta itong sinasabi sa iyo. Isulat kung paano nagbibigay sa iyo ng kumpiyansa na ibahagi ang ebanghelyo ang kaalamang tinawag ka ng Tagapaglitas upang gawin ito. |
Ang isang posibleng paraan para magamit ang handout na ito ay alamin muna kung gaano kahabang oras ang kailangan ng mga estudyante para kumpletuhin ang bawat aktibidad. Ipaalam sa mga estudyante ang oras na inilaan para kumpletuhin nila ang aktibidad sa bawat kahon at mag-set ng timer. Tuwing tutunog ang timer, sabihin sa kanila na ipasa ang kanilang papel sa isa pang estudyante, basahin ang isinulat ng kanilang mga kaklase, at gawin ang aktibidad sa susunod na kahon.
Pagkatapos ng aktibidad na ito, ipabalik sa mga estudyante ang mga papel sa orihinal na may-ari. Sabihin sa mga estudyante na basahin sa kanilang sarili ang lahat ng nakasulat sa kanilang papel. Maaaring magbahagi ang mga estudyante ng mga ideya mula sa kanilang mga kaklase o sa sarili nilang pag-aaral na sa palagay nila ay makatutulong sa kanilang pagsisikap na ibahagi ang kagalakan ng ebanghelyo ni Jesucristo.
Pagbabahagi ng ating narinig, pinaniniwalaan, at alam na totoo
Maaari mong balikan ang Doktrina at mga Tipan 80:4. Sa talatang ito, iniutos sa atin ng Panginoon na ibahagi ang ating narinig, pinaniniwalaan, at alam na totoo. Anyayahan ang ilang estudyante na ibahagi ang isinulat nila o ng kaklase nila sa parisukat na iyon.
Upang matulungan ang mga estudyante na mailarawan sa isipan kung paano nila magagamit ang natutuhan nila para ibahagi ang ebanghelyo, maaari kang magbahagi ng halimbawa sa pamamagitan ng kuwento o video. Ang isang video ay “Good Things to Share” (2:21), na mapapanood sa ChurchofJesusChrist.org.
Good Things to Share
Sharing what matters most is not unusual at all. What good things will you share?
-
Ano ang nadama ninyo ngayon na nagpatindi sa inyong hangaring ibahagi ang kagalakan ng ebanghelyo ng Tagapagligtas?
-
Ano ang ilang paraan na maipamumuhay ninyo nang habambuhay ang mga katotohanang natutuhan ninyo? ngayon sa buong buhay ninyo?
Sabihin sa mga estudyante na itala ang mga impresyong natanggap nila na makatutulong sa kanilang ibahagi ang kagalakan ng ebanghelyo ng Tagapagligtas sa mga indibiduwal na natukoy nila sa simula ng klase. Hikayatin ang mga estudyante na sundin ang kanilang mga impresyon at ibahagi ang kanilang mga paniniwala sa iba sa mga makabuluhang paraan tulad ng sa pamamagitan ng personal na pakikipag-usap, mga text message, o social media.