Bahagi 80
Paghahayag na ibinigay sa pamamagitan ni Joseph Smith, ang Propeta, para kay Stephen Burnett sa Hiram, Ohio, Marso 7, 1832.
1–5, Tinawag sina Stephen Burnett at Eden Smith na mangaral sa alinmang lugar nila piliin.
1 Katotohanan, ganito ang wika ng Panginoon sa iyo, aking tagapaglingkod na Stephen Burnett: Humayo ka, humayo ka sa daigdig at ipangaral ang ebanghelyo sa bawat nilikha na inaabot ng tunog ng iyong tinig.
2 At sapagkat ninanais mo ang isang kasama, ibibigay ko sa iyo ang aking tagapaglingkod na si Eden Smith.
3 Anupa’t magsihayo kayo at ipangaral ang aking ebanghelyo, kung sa hilaga o sa timog, sa silangan o sa kanluran, hindi ito mahalaga, sapagkat kayo ay hindi magkakamali.
4 Anupa’t ipahayag ang mga bagay na inyong narinig, at tunay na pinaniniwalaan, at nalalaman na totoo.
5 Dinggin, ito ang kalooban niya na tumawag sa inyo, ang inyong Manunubos, maging si Jesucristo. Amen.