Fotopampianarana sy Fanekempihavanana 81–83

Fotopampianarana sy Fanekempihavanana 81–83

Topimaso ankapobeny

Ny lohataonan’ny taona 1832 dia nandeha nankany Independence, Missouri, ny Mpaminany Joseph Smith sy ireo olona hafa mba ho fankatoavana ny didin’ny Tompo mikasika ny fananganana rafitra iray hanorenana an’i Ziona sy hikarakarana ny mahantra (jereo ny Fotopampianarana sy Fanekempihavanana 78). Tao dia nahazo fanambarana iray ny Mpaminany izay namaritra ny zavatra andrasan’ny Tompo amin’ny olony ary nanasa ireo mpikambana ao amin’ny Orinasa Miray mba hamatotra ny tenany amin’ny alalan’ny fanekempihavanana hitantana ny raharahan’ny Fiangonany.

Tariho ireo mpianatra hamantatra ny fitaoman’ny Tompo eo amin’ny fiainany: Rehefa manampy ny mpianatra hamantatra ny fomba nitahian’ny Mpamonjy ny fiainan’ny olona ao amin’ny soratra masina ianao dia mitadiava fomba hanampiana azy ireo hamantatra ny fomba itahiany ny fiainan’izy ireo tahaka izany koa. Raha mila fanazavana fanampiny momba ny fomba nanaovan’ny Mpamonjy izany ianao dia jereo ny fizarana hoe “Ampio ny mpianatra hamantatra ny fitiavan’ny Tompo sy ny heriny ary ny famindrampony” ao amin’ny Mampianatra araka ny fomban’ny Mpamonjy. Afaka mahita ohatra iray momba ny fomba hanaovana izany ianao ao amin’ny lesona ho an’ity herinandro ity izay mitondra ny lohateny hoe “Fotopampianarana sy Fanekempihavanana 82:1–7.”

Miomana hampianatra

Ity fampahalalana manaraka ity dia manome hevitra anao momba ny zavatra mety hilaina homanina mialoha ho an’ny lesona tsirairay.

Fotopampianarana sy Fanekempihavanana 82:1–7

Tanjon’ny lesona: Mba hanampiana ireo mpianatra hahatakatra ireo fomba nitahian’ny Tompo azy ireo sy ny fomba andrasany mba hampiasan’izy ireo ireo fitahiana ireo.

• Fanomanana ny mpianatra: Asao ny mpianatra hanao ny lisitr’ireo fitahiana azony avy amin’ny Tompo.

• Fitaovana ilaina omanina: Ireo zavatra hotazonin’ny mpianatra eny aloha ao an-dakilasy, toy ny tahadikan’ny Bokin’i Môrmôna, valopy izay ahitana vola be misoratra ety ivelany (ohatra, 1.000.000 dolara), ary vatomamy maromaro

• Taratasy zaraina: “Fitahiana avy amin’nyTompo”

Fotopampianarana sy Fanekempihavanana 82:8–24

Tanjon’ny lesona: Mba hanampiana ny mpianatra hahatakatra ny fomba fitandremana ireo fanekempihavanana ataontsika amin’ny Ray any An-danitra sy i Jesoa Kristy.

• Fanomanana ny mpianatra: Asao ny mpianatra hanontany ray na reny na mpitarika zatovo iray ny mahatonga ny fifandraisany amin’i Jesoa Kristy ho mafy orina amin’ny alalan’ny fankatoavana ny didiny .

• Fitaovana ilaina omanina: Andriamby roa

Tombano ny fianaranao 6

Tanjon’ny lesona: Mba hanampiana ireo mpianatra hanombantombana ny fivoarany ara-panahy avy amin’ny fandalinany ny Fotopampianarana sy Fanekempihavanana hatramin’izao.

• Fanomanana ny mpianatra: Asao ny mpianatra hisaintsaina ny fomba mety hivoaran’izy ireo ara-panahy, indrindra mba hanakaikezana kokoa an’i Jesoa Kristy.

• Sary haseho: Olona manao fitsangantsanganana an-tongotra, mitaingina bisikileta ary mihazakazaka; i Joseph Smith sy i Sidney Rigdon; kisary momba ny famakiana soratra masina