Tokāteline mo e Ngaahi Fuakava 84

Tokāteline mo e Ngaahi Fuakava 84

Vakai Fakalūkufuá

Hili e foki ki ʻapi ha kulupu ʻo e Kaumātuʻá mei heʻenau ngāue fakafaifekaú, naʻa nau fakataha mo e Palōfita ko Siosefa Sāmitá. Lolotonga ʻenau lotu fakatahá, naʻe maʻu ʻe he Palōfitá ha fakahā naʻá ne ʻomi ha ngaahi fakakaukau fekauʻaki mo e mālohi ʻo e anga faka-ʻOtua ʻoku lava ke maʻu ʻe he houʻeiki fafiné mo tangatá ʻo fakafou ʻi he ngaahi ouau ʻo e lakanga fakataulaʻeikí. Naʻe fakamatalaʻi foki ʻe he Fakamoʻuí ʻa e fakapapau mo e fuakava ʻoku fakaʻaongaʻi ki Hono mālohi ʻo e lakanga fakataulaʻeikí mo fekauʻi ʻEne kau ākongá ke fakamoʻoniʻi ʻEne ongoongoleleí ki he māmaní kotoa.

ʻEke ha ngaahi fehuʻi fakatupu fakakaukau: ʻE lava ʻe he fakakaukau mo e vakavakaiʻi fakatāutahá ke fakaafeʻi ai e Laumālie Māʻoniʻoní ke tokoni ki he tokotaha ako takitaha ke vakai ki he ngaahi meʻá “ʻo hangē ko honau anga moʻoní, pea … hangē ko honau angamoʻoni ʻe ʻi aí” (Sēkope 4:13). ʻOku tokoni ʻa e ngaahi vakaiʻi-fakaekita leleí ke fakakaukau ʻa e kau akó ki heʻenau mahino lolotongá pea mo e mahuʻinga ʻo e ngaahi moʻoni ʻo e ongoongoleleí, pea pehē ki he founga ke moʻui ʻaki kinautolú. Ki ha fakamatala lahi ange ki he founga naʻe fakahoko ai ʻeni ʻe he Fakamoʻuí, vakai ki he konga “Naʻe ʻOmi ʻe he Fakamoʻuí ha Ngaahi Faingamālie ke Akoʻi ai e Kakaí ʻe he Laumālie Māʻoniʻoní” ʻi he Ko e Faiako ʻi he Founga ʻa e Fakamoʻuí. Te ke lava foki ʻo vakai ki ha sīpinga ʻo e founga ke fakahoko ai ʻeni ʻi he lēsoni ʻo e uike ní, “Tokāteline mo e Ngaahi Fuakava 84:1–32.”

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ʻo e meʻa ʻe ala fiemaʻu ke teuteuʻi kimuʻa ‘i he lēsoni takitaha.

Tokāteline mo e Ngaahi Fuakava 84:1–32

Taumuʻa ʻo e lēsoní: Ke tokoni ke ongoʻi ʻe he kau akó ʻa e mahuʻinga hono maʻu e mālohi ʻo e anga faka-ʻOtua ʻoku ʻomi ʻe Sīsū Kalaisi ʻo fakafou ʻi Heʻene ngaahi ouau ʻo e lakanga fakataulaʻeikí.

Teuteu ʻa e tokotaha akó: Fakaafeʻi ʻa e kau akó ke nau fakalaulauloto ki he meʻa ʻoku nau ʻilo fekauʻaki mo e ngaahi ouau ʻo e lakanga fakataulaʻeikí pea mo e ʻuhinga ʻoku mahuʻinga ai ʻi heʻenau moʻui fakafoʻituitui ko e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

Tokāteline mo e Ngaahi Fuakava 84:33–44

Taumuʻa ʻo e lēsoní: Ke tokoni ke fakaloloto e mahino ʻa e kau akó ki he fakapapau mo e fuakava ʻo e lakanga fakataulaʻeikí.

• Teuteu ʻa e tokotaha akó: Fakaafeʻi ʻa e kau akó ke nau fakakaukau ki he founga kuo tāpuekina ai kinautolu ʻi heʻenau fakahoko mo tauhi e ngaahi fuakava mo e ʻOtuá. Kole ange ke nau teuteu ke vahevahe ʻa e founga kuo fakatupulaki ai ʻa e mālohi ʻo e ʻOtuá ʻi heʻenau moʻuí ʻi heʻenau fāifeinga ke tauhi ʻenau ngaahi fuakavá.

• Laʻipepa Tufá: “Fakaloloto Hoʻo Mahino ki he Fakapapau mo e Fuakava ʻo e Lakanga Fakataulaʻeikí (Konga 1 mo e Konga 2)”

Tokāteline mo e Ngaahi Fuakava 84:49–102

Taumuʻa ʻo e lēsoní: Ke tokoni ke ongoʻi ʻe he kau akó ha holi faka-Kalaisi ke vahevahe ʻa e ongoongoleleí mo e tokotaha kotoa pē ʻi he māmaní.

• Teuteu ʻa e tokotaha akó: Fakaafeʻi ʻa e kau akó ke fehuʻi ki ha taha fekauʻaki mo e ngaahi tāpuaki ʻo hono tali ʻa e ʻEiki ko Sīsū Kalaisí mo ʻEne ongoongolelei kuo fakafoki maí. Kapau ʻe lava, fakaafeʻi kinautolu ke fehuʻi ki ha taha naʻe papitaiso hili hono akoʻi ia ʻe he ongo faifekaú.

• Laʻiʻata ke fakaʻaliʻalí: Ko ha mape ʻo e māmaní

• Vitioó: “A Change of Heart” (4:39)

Akoako Fakataukei Fakatokāteline 6

Taumuʻa ʻo e lēsoní: Ke tokoni ke mahino ki he kau akó ʻa e ngaahi moʻoni naʻe akoʻi ʻi he ngaahi potufolofola fakataukei fakatokāteliné pea ako mo fakaʻaongaʻi ʻa e ngaahi tefitoʻi moʻoni fakalangi ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi ʻa e kau akó ke nau fehuʻi ki ha mēmipa matuʻotuʻa ange ʻo e fāmilí pe taki ʻo e Siasí ʻa e ʻuhinga ʻoku nau fili ai ke kei mālohi ʻi he Siasí pea faivelenga ki he ongoongolelei ʻo Sīsū Kalaisí.