Սեմինարիա
Դաս 100. Վարդապետություն և Ուխտեր 88․1–13, 41–50․ Քրիստոսի Լույսը

«Դաս 100․ Վարդապետություն և Ուխտեր 88․1–13, 41–50․ Քրիստոսի Լույսը», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 88․1–13, 41–50», Վարդապետություն և Ուխտեր․ Սեմինարիայի ուսուցչի ձեռնարկ

Դաս 100․ Վարդապետություն և Ուխտեր 88

Վարդապետություն և Ուխտեր 88․1–13, 41–50

Քրիստոսի Լույսը

Քրիստոսի նկարը՝ լույսի վրա կենտրոնացած

Օհայո նահանգի Կիրթլենդ քաղաքում գտնվող Ջոզեֆ Սմիթը և մի քանի քահանայապետեր աղոթեցին Երկնային Հորը՝ Սիոնի կառուցման վերաբերյալ հայտնության համար: Հայտնությունը ուսուցանեց ճշմարտություններ Հիսուս Քրիստոսի Լույսի զորության և մեծության մասին: Այս դասը նախատեսված է օգնելու ուսանողներին ավելի մեծ երախտագիտություն զգալ իրենց կյանքում Քրիստոսի Լույսի ազդեցության համար:

Հնարավոր ուսումնական վարժություններ

Այն, ինչ մենք զգում ենք

Ուսանողներին տվեք հետևյալ հարցը և գրի առեք նրանց պատասխանները: Կարող եք նաև հնարավորություն տալ նրանց քննարկել հարցը փոքր խմբերով, իսկ հետո գրատախտակին գրել նրանց պատասխանները:

  • Որո՞նք են այն բաների օրինակները, որոնք դուք կարող եք զգալ, բայց չտեսնել:

    Ուսանողները կարող են նշել այնպիսի բաներ, ինչպիսիք են՝ ջերմությունը, քամին, սերը, երախտագիտությունը, հավատքը և այլն:

  • Ինչո՞ւ է կարևոր իմանալ, որ կան բաներ, որոնք կարող եք զգալ, բայց չտեսնել:

Կարող եք առաջարկել ուսանողներին ոգեշնչում փնտրել՝ ճանաչելու Աստծո ազդեցությունն իրենց կյանքում:

Քրիստոսի Լույսի գործառույթները

Ջոզեֆ Սմիթը և Եկեղեցու ինը երեցները միասին հավաքվեցին Նյուել Ք. Ուիթնիի խանութի վերնահարկում՝ Օհայո նահանգի Կիրթլենդ քաղաքում։ Նրանք ցանկանում էին ավելի լավ հասկանալ Սիոնը կառուցելու իրենց պարտականությունները: Ջոզեֆը յուրաքանչյուր մարդու առաջարկեց հերթով աղոթել՝ իմանալու Տիրոջ կամքը: Աղոթելուց հետո մարգարեն ստացավ այն, ինչն այժմ գրանցված է Վարդապետություն և Ուխտեր 88 բաժնում։

Երբ ուսանողները սկսեն ընթերցումը, համոզվեք, որ նրանք հասկանում են, որ հատված 6-ը վերաբերում է Հիսուս Քրիստոսին:

Կարդացեք Վարդապետություն և Ուխտեր 88․6–13 հատվածները՝ փնտրելով, թե ինչ կարող են ձեզ ուսուցանել այս հատվածները Հիսուս Քրիստոսի և Նրա լույսի մասին:

  • Այս հատվածներից ի՞նչ ենք սովորում Քրիստոսի Լույսի մասին:

    Ի թիվս տարբեր գաղափարների, որոնցով ուսանողները կարող են կիսվել, օգնեք նրանց բացահայտել այն ճշմարտությունը, որ Քրիստոսի Լույսը կյանք և լույս է պարգևում Նրա բոլոր արարչագործություններին։

    Օգնեք ուսանողներին տեսնել, թե ինչպես կարող է իրենց առօրյա կյանքի վրա ազդել Քրիստոսի Լույսի միջոցով Աստծո ազդեցության հասկացողությունը։ Հետևյալ հարցը դա անելու եղանակներից մեկն է։

  • Երիտասարդներն ի՞նչ իրավիճակների են հանդիպում որոնք կարող եք օգտակար լինել նրանց՝ Աստծո ազդեցությունը ճանաչելու համար։ Ինչո՞ւ։

աշխատաթերթի պատկերակՀետևյալ վարժությունը նախատեսված է օգնելու ուսանողներին ավելի մեծ երախտագիտություն զգալ Քրիստոսի Լույսի համար և այն ազդեցության, որ այդ լույսն ունի իրենց կյանքում:

Կարող եք չորս աշխատանքային անկյուն ստեղծել դասասենյակում․ յուրաքանչյուր ուսանող կարող է մոտենալ այդ անկյուններին և կատարել վարժությունը: Ուսանողներին առաջարկեք յուրաքանչյուր անկյունին մոտենալիս իրենց հետ ունենալ իրենց օրագիրը, գրիչ և իրենց սուրբ գրությունները: Որպես այլընտրանք կարող եք ուսանողներին բաժանել չորս հոգանոց խմբերի և յուրաքանչյուր ուսանողի հանձնարարել կատարել աշխատաթերթի բաժիններից մեկը։ Այնուհետև ուսանողները կարող են իրենց սովորածով կիսվել խմբի անդամների հետ:

Քրիստոսի Լույսը

Տվեք Քրիստոսի Լույսի սահմանումը

Կարդացեք Վարդապետություն և Ուխտեր 88․12–13 հատվածները՝ փնտրելով Քրիստոսի Լույսի նկարագրություններից մեկը։

Կարդացեք Քրիստոսի լույսի հետևյալ սահմանումը.

«[Քրիստոսի Լույսը] աստվածային էներգիան է, այն զորությունը կամ ազդեցությունը, որը բխում է Աստծուց՝ Քրիստոսի միջոցով, և կյանք ու լույս է տալիս ամեն ինչին։ Դա այն օրենքն է, որով բոլոր բաները կառավարվում են երկնքում և երկրի վրա (Վ&Ու 88․6–13)։ Այն նաև օգնում է մարդկանց հասկանալ ավետարանի ճշմարտությունները և կանգնել ավետարանի ճանապարհի վրա, որը տանում է դեպի փրկություն» (Սուրբ գրքերի ուղեցույց, «Լույս, Քրիստոսի Լույսը», scriptures.ChurchofJesusChrist.org)

  • Ինչպե՞ս կամփոփեք, թե ինչ հասկացաք՝ ինչ է Քրիստոսի Լույսը:

  • Ի՞նչ եք կարծում, ինչպե՞ս է անձամբ ձեզ վրա ազդում Քրիստոսի Լույսը:

Քրիստոսի Լույսը՝ որպես մեր խիղճը

Քրիստոսի Լույսի դրսևորումներից մեկը մեր խիղճն է: Գրեք մի այնպիսի սահմանում, որ Երեխաների միության երեխան հասկանա, թե ինչպես եք դուք պատկերացնում, թե ինչ է խիղճը։

Կարդացեք հետևյալ սահմանումը և տեսեք, թե ինչ կարող եք ավելացնել ձեր սահմանմանը.

«[Խիղճը] ճշտի և սխալի ներքին զգացումն է․ այն գալիս է Քրիստոսի Լույսից, որը բոլոր մարդկանց մեջ է (Մորոնի 7.16)։ Մենք ծնվել ենք ճիշտն ու սխալը տարբերելու բնական ունակությամբ՝ Քրիստոսի Լույսի շնորհիվ, որը տրված է յուրաքանչյուր մարդու (Վ&Ու 84․46)։ Այդ ունակությունը կոչվում է խիղճ: Դրանով օժտված լինելը մեզ դարձնում է պատասխանատու էակներ: Ինչպես մյուս ունակությունները, մեր խիղճը կարող է մեռել մեղքի կամ սխալ օգտագործելու պատճառով»։ (Սուրբ գրքերի ուղեցույց, «Խիղճ», scriptures.ChurchofJesusChrist.org)

Կարդացեք Վարդապետություն և Ուխտեր 84․45–46 և Մորոնի 7․16 հատվածները՝ փնտրելով բառեր կամ արտահայտություններ, որոնք նկարագրում են, թե ինչպես է Քրիստոսի Լույսը գործում որպես մեր խիղճը: Կարող եք այս երկու հատվածների համար խաչաձև հղում ստեղծել:

  • Այս հատվածներից ո՞ր արտահայտությունն է օգնում է ձեզ հասկանալ, թե ինչ է խիղճը:

  • Ձեր կարծիքով, ինչո՞ւ են Երկնային Հայրը և Հիսուս Քրիստոսը ձեզ խիղճ տվել։

Ձեր խիղճի ձայնին լսելը կամ այն անտեսելը ինչպե՞ս կարող է ազդել ձեր կատարած ընտրությունների և ձեր հավերժական նպատակակետի վրա:

Քրիստոսի Լույսը յուրաքանչյուրի մեջ է

Պատկերացրեք, որ ձեզ խնդրում են կիրակնօրյա դպրոցում կիսվել մի հակիրճ մտքով, թե ինչպես կարելի է ավելի լավ վերաբերվել բոլոր մարդկանց, հատկապես նրանց, ովքեր տարբերվում են ձեզանից: Դուք կարող եք օգտվել հետևյալ նյութերից և ցանկացած այլ աղբյուրներից, որոնք ձեզ օգտակար են թվում:

Տասներկու Առաքյալների Քվորումի նախագահ Բոյդ Ք. Փաքերը (1924–2015) ուսուցանել է.

Նախագահ Բոյդ Ք. Փաքեր

Որքան շատ իմանանք Քրիստոսի Լույսի մասին, այնքան ավելի շատ կհասկանանք կյանքի մասին և այնքան ավելի խոր սեր կունենանք ողջ մարդկության հանդեպ: Մենք կլինենք ավելի լավ ուսուցիչներ, միսիոներներ և ծնողներ և ավելի լավ տղամարդիկ, կանայք և երեխաներ: Մենք ավելի խոր հարգանք կունենանք Եկեղեցու մեր եղբայրների և քույրերի հանդեպ և նրանց հանդեպ, ովքեր չեն հավատում: …

Քրիստոսի Լույսը համընդհանուր է՝ ինչպես արևի լույսը: Որտեղ որ կա մարդկային կյանք, այնտեղ կա Քրիստոսի Լույսը: Ամեն մի կենդանի հոգի օժտված է դրանով: …

Եթե մենք հասկանանք, որ Քրիստոսի Լույսն իսկապես բոլորի մեջ է, ում մենք տեսնում ենք… և մեր ներսում է, … մենք կունենանք այնպիսի քաջություն և ոգեշնչում, որ կգերազանցեն այն, ինչ մենք մինչ այժմ գիտեինք: Եվ դա պետք է այդպես լինի։ Եվ դա կլինի այդպես։ Այս ամենը ավետարանի ճշմարտության մի տարր է, որը քչերն են միայն հասկանում: (Բոյդ Ք. Փաքեր «Քրիստոսի լույսը», Ensign ապրիլ 2005 թ․, 8, 13–14)

Երկու-երեք նախադասությամբ գրեք, թե ինչպես կարող է Քրիստոսի Լույսի վերաբերյալ հասկացողությունը ազդել այն բանի վրա, թե ինչպես եք դուք վերաբերվում մարդկանց:

Քրիստոսի Լույսը տիեզերքում

Ձեզ երբևէ հուզե՞լ է այս երկրի և տիեզերքի գեղեցկությունը կամ վեհությունը: Ի՞նչ զգացումներ են առաջացնում այս բաները ձեր մեջ:

Կարդացեք Վարդապետություն և Ուխտեր 88․7–10, 45–47 հատվածները և փնտրեք, թե ինչ եք սովորում Քրիստոսի Լույսի, երկրի և տիեզերքի մասին:

  • Ի՞նչ կարող ենք սովորել Տիրոջ մասին՝ Նրա արարածներից։

  • Տիեզերքում Աստծո ազդեցությունը հասկանալն ինչպե՞ս կարող է օգնել մեզ հասկանալ Նրա ազդեցությունը մեր կյանքում:

Աշխատանքային անկյուններում աշխատելու համար ուսանողներին ժամանակ տալուց հետո կարող եք նրանց հնարավորություն տալ կիսվել իրենց սովորածով և զգացածով: Հետևյալ հարցերը կարող են օգնել։

  • Ի՞նչ սովորեցիք Քրիստոսի Լույսի մասին, որն ազդեցիկ էր ձեզ համար:

  • Ի՞նչ ձևով եք տեսել Քրիստոսի Լույսի ազդեցությունը ձեր կյանքում:

  • Ձեր կարծիքով, ձեր կյանքում Քրիստոսի Լույսը տեսնելն ու ճանաչելն ինչպե՞ս կարող է ազդել Երկնային Հոր և Հիսուս Քրիստոսի հետ ձեր հարաբերությունների վրա:

Կարող եք կիսվել, թե ինչպես է ձեզ վրա ազդել Քրիստոսի Լույսն ավելի լավ հասկանալը: