102-р хичээл—Сургаал ба Гэрээ 88:51–95: ‘Надад ойр байгтун, мөн би та нарт ойр байх болно,’” Сургаал ба Гэрээний семинарын багшийн гарын авлага (2025)
“Сургаал ба Гэрээ 88:51–95,” Сургаал ба Гэрээний семинарын багшийн гарын авлага
102-р хичээл: Сургаал ба Гэрээ 88
“Надад ойр байгтун, мөн би та нарт ойр байх болно”
![]()
Зураг
Аврагч гараа сунгаж байгаа нь
Сургаал ба Гэрээ 88-ын энэ хэсэгт Есүс Христ Өөрийн бүтээлүүдийг хэрхэн удирдаж, биднийг Өөрт нь ойртоход урьдаг талаараа илчилсэн. Энэ хичээл нь суралцагчдад Тэнгэрлэг Эцэг, Есүс Христ хоёртой ойр байхаас ирдэг адислалуудыг хүлээн авахад тусалж чадна.
Боломжит суралцах үйл ажиллагаа
Ойр дотно харилцааг хөгжүүлэх тухай сэдвээр ярилцлага өрнүүлэх замаар хичээлийг эхлүүл. Та суралцагч бүрийг дотно хүнийхээ нэрийг самбарт бичихэд урьж болно. Яагаад тэр хүнийг сонгосноо хуваалцахыг цөөн суралцагчаас хүс.
Та суралцагчдад дараахтай адил бататгах асуултуудыг тавьж болно.
Сургаал ба Гэрээ 88-д Аврагч Өөрийн бүтээлүүдийг удирддаг хүчнийхээ талаар дүрсэлсэн (41–45-р шүлгийг үзнэ үү). Тэрээр бид тэнгэр дэх одод болон гаргуудыг харахдаа “сүр жавхлан хийгээд сүр хүчиндээ хөдлөн яваа Бурханыг харсан” (Сургаал ба Гэрээ 88:47) гэж заасан. Дараа нь Тэрээр Бурхан бүтээлүүдтэйгээ хэрхэн харьцдаг талаар сургаалт зүйрлэл ярьсан. Уг сургаалт зүйрлэлд Бурхан Өөрийн хүүхдүүдийн оршин суух олон дэлхийг бүтээсэн ба тус бүрд нь зочилдог гэдгийг заадаг. Их Эзэн найз нөхдөдөө Өөртэй нь ойр байхдаа Өөрийг нь дуудахыг зарлиглажээ (51–62-р шүлгийг үзнэ үү).
Сургаал ба Гэрээ 88:63-ыг уншаад, Есүс Христ биднийг юу хийхэд урьж байгааг олж мэд.
-
Та нарын хувьд ямар урилга утга учиртай санагдсан бэ?
-
Та нар эдгээр урилгаас ямар зарчмуудыг тодорхойлж болох вэ?
Суралцагчид янз бүрийн, тухайлбал намайг Есүс Христэд ойртох тусам Тэр надад ойртох болно зэрэг зарчмуудыг тодорхойлж магадгүй. Бид Есүс Христэд ойртох тусам Тэнгэрлэг Эцэгт бас ойртдог гэдгийг та онцолж болох юм.
Энэ зарчмыг ойлгоход нь суралцагчдад туслахын тулд уг сургаалт зүйрлэлд үүнийг хэрхэн дүрсэлсэн талаар ярилцаж болно. Дараах асуултууд мөн тусалж болох юм. Үүнд:
-
Тэнгэрлэг Эцэг, Есүс Христ хоёрт ойртох гэдэг нь юу гэсэн үг болохыг та нар хэрхэн тайлбарлах вэ?
-
Та нар тэднийг ямар арга замаар бидэнд ойртдог гэж бодож байна вэ?
-
Хүн Тэнгэрлэг Эцэг, Есүс Христ хоёртой ойр байхыг хүсэж болох ямар шалтгаанууд байдаг вэ?
Тэнгэрлэг Эцэг, Есүс Христ хоёрт хэр ойр байгаагаа эргэцүүлэн бодох боломжийг суралцагчдад олго. Та тэднийг судлах тэмдэглэлийнхээ хуудсан дээр “Тэнгэрлэг Эцэг ба Есүс Христ” гэж бичихэд урьж болно. Дараа нь суралцагчдаас өөрсдийгөө зурахыг хүс. Суралцагчид Бурхан, Түүний Хүү хоёртой ойр байгаа мэт мэдэрч байсан үеэ, юу тэдэнд ийн мэдрэхэд нь тусалсан талаар эргэцүүлж болно. Мөн тэд одоо Тэнгэрлэг Эцэг, Есүс Христ хоёртой хэр ойр байгаагаа эргэцүүлэн бодож болно.
Хэрэв Их Эзэнээс холдсон мэт санагдаж байвал нөхцөл байдлаа өөрчлөх үйлдлийг хийж болно гэдгийг суралцагчдад сануул. Суралцагчдыг хэрэгцээнийхээ талаар, Тэнгэрлэг Эцэг, Есүс Христ хоёртой илүү ойр байсан бол тэд хэрхэн адислагдах байснаа эргэцүүлэн бодоход урь. Суралцагчдыг Тэдэнтэй ойр байхын тулд юу хийж чадахаа мэдэхээр хувийн илчлэлт эрэлхийлэхэд урамшуул.
Суралцагчид дараах хүснэгтийг самбарт эсвэл судлах тэмдэглэл дээрээ бөглөж болно. Шаардлагатай бол тэдэнд Сургаал ба Гэрээ 88:63–69 дэх янз бүрийн хэллэгийг ойлгоход нь тусал. Жишээлбэл: Залбирахдаа зохисгүй зорилго хийгээд дэлхийн хүслийг агуулж болохгүй гэдгийг тайлбарлан 65-р шүлгийг илүү тодруулж болно. Та суралцагчдад 64–65-р шүлэгт байгаа шаардлагатай гэдэг үг нь тохиромжтой эсвэл зөв гэсэн утгатайг ойлгоход тусалж болно.
Сургаал ба Гэрээ 88:63–69-ийг судлаад, дараах хүснэгтийг бөглө.
|
Тэнгэрлэг Эцэг, Есүс Христ хоёрт ойртох арга замууд
|
Тэнгэрлэг Эцэг, Есүс Христ хоёрт ойр байхаас ирдэг адислалууд
|
|---|
| |
Тэдэнд эдгээр шүлгийг ойлгуулах нэг арга бол нэг суралцагчийг ангийн өмнө Аврагчийн зургийг барьж зогсоход урих явдал юм. Өөр нэг суралцагчаас ангийн ард зогсохыг хүс.
Суралцагчдыг олж мэдсэн зүйлээ хуваалцах бүрд ангийн хамгийн ард зогсож буй суралцагч Аврагчийн зургийг барьсан суралцагч руу ойртоно. Аврагчийн зургийг барьсан суралцагч ч бас түүн рүү ойртож болно.
Та суралцагчдад Тэнгэрлэг Эцэг, Есүс Христ хоёрт ойртох арга замуудыг ойлгуулахын тулд “Нэмэлт эх сурвалж” дахь мэдэгдлүүдийг ашиглаж болно.
Дараах асуултууд нь суралцагчдад уншсан шүлгээсээ олж мэдсэн зүйлээ ярилцахад тусална.
-
Эдгээр үйлдэл Тэнгэрлэг Эцэг, Есүс Христ хоёрт ойртоход хэрхэн тусалж чадна гэж та нар бодож байна вэ?
-
Эдгээр адислал Тэдэнтэй харилцах та нарын харилцаанд хэрхэн нөлөөлж болох вэ?
“How I #HearHim: Elder Dale G. Renlund” (3:00) видеог үзүүлэх талаар бодож үз. Ахлагч Рэнланд Есүс Христэд ойртох талаар юу зааж байгааг олж мэдэхийг суралцагчдаас хүс. Суралцагчдыг түүний туршлагаас сурсан зүйлээ ярилцахад урь.
Тэднийг судлах тэмдэглэлдээ дараах асуултуудад хариулж бичихэд урих нь тэднийг ангийнхантай хуваалцахад бэлтгэнэ. Та мөн Есүс Христэд ойртохын тулд юу хийснээ, Түүнийг танд ойртож байгааг мэдэрсэн хувийн туршлагаа хуваалцаж болно.
-
Та нар Тэнгэрлэг Эцэг, Есүс Христ хоёрт ойр байх гэж хэрхэн хичээж байгаа вэ?
-
Та нар эсвэл таньдаг хэн нэгэн чинь Тэдэнтэй ойр байхаар хичээснийхээ төлөө хэрхэн адислагдаж байсан бэ?
Суралцагчдыг Тэнгэрлэг Эцэг, Есүс Христ хоёрт ойртохын тулд юу хийж чадахаа мэдэхэд хөтлөх Ариун Сүнсийг эрэлхийлэхэд урь. Тэдэнд өдөөлтүүдийг хичээлийн үеэр аль хэдийн хүлээн авсан байж магадгүйг нь сануул.
Суралцагчид Тэнгэрлэг Эцэг, Есүс Христ хоёрт ойртохын тулд хэрхэн хичээх, энэ нь тэдэнд тулгарч буй сорилт бэрхшээлийг даван туулахад хэрхэн тусалж болох тухай мөн даван туулах шаардлагатай аливаа саад бэрхшээлийнхээ тухай бичиж болно. Тэд зурсан зураг дээрээ бичиж эсвэл тэмдэглэл үйлдээд, гэртээ авч харьж болох юм.
Суралцагчдыг Тэнгэрлэг Эцэгт залбирахдаа юу хийхээр төлөвлөж байгаагаа хуваалцаж, Түүнээс тусламж хүсэхэд урамшуул.