Doktrina ug mga Pakigsaad 89–92

Doktrina ug mga Pakigsaad 89–92

Kinatibuk-ang Pagpasabot

Sama sa naandan sa kadaghanan sa katawhan niadtong 1830, pipila ka miyembro sa Simbahan mogamit og tabako ug moinom og makahubog nga ilimnon. Ingong tubag sa mga pag-ampo ni Joseph Smith bahin niining butanga, gipadayag sa Ginoo ang Pulong sa Kaalam, nga narekord sa Doktrina ug mga Pakigsaad 89. Sa ulahing bahin nianang tuiga, giordinahan si Sidney Rigdon ug si Frederick G. Williams isip mga magtatambag sa Propeta. Gipadayag sa Ginoo ang mga instruksiyon bahin sa mga responsibilidad niana nga kapangulohan.

Gamita ang mga pulong sa mga propeta sa paghatag og gibug-aton sa doktrina ug mga baroganan. Ang buhi nga mga propeta ug apostoles nagtudlo, nagpasabot, ug nagpatin-aw sa doktrina ug mga baroganan nga gitudlo sa mga kasulatan. Ang paggamit sa mga propetikanhong mga pulong makatabang sa mga estudyante nga mas makasabot ug magkinabuhi sa ebanghelyo ni Jesukristo. Alang sa dugang kon giunsa kini paghimo sa Manluluwas, tan-awa ang seksiyon “Ang Manluluwas Mitudlo gikan sa mga Kasulatan” diha sa Pagtudlo Sumala sa Pamaagi sa Manluluwas. Makakita usab ka og ehemplo kon unsaon sa pagbuhat niini diha sa leksiyon karong semanaha nga nag-ulohan og “Doktrina ug mga Pakigsaad 90.”

Pangandam sa pagtudlo

Ang mosunod nga impormasyon naghatag kanimo og mga ideya kon unsay kinahanglan nimong andamon daan alang sa matag leksiyon:

Doktrina ug mga Pakigsaad 89:1–17

Katuyoan sa leksiyon: Aron tabangan ang mga estudyante nga mahimong mapasalamaton sa mahigugmaong instruksiyon sa Ginoo nga nailhan nga ang Pulong sa Kaalam.

• Pagpangandam sa estudyante: Dapita ang mga estudyante nga maghunahuna og mga pamaagi nga mahimong mas maayong dapit ang kalibotan kon wala ang mga droga, makahubog nga ilimnon, tabako, ug uban pang posibleng makadaot nga substansiya. Pwede usab silang maghunahuna kon sa unsang paagi lahi ra kaayo ang ilang kinabuhi kon walay miabuso niini nga mga substansiya.

• Sulod nga ipakita: Mga paon (o larawan sa paon sa pagpangisda), manwal sa tag-iya sa produkto nga pamilyar sa mga estudyante

• Imahe nga ipakita: Lawak diin gipahigayon ang Tunghaan sa mga Propeta

• Bidyo: “You Will Be Freed” (2:55)

• Materyal alang sa mga estudyante: Usa ka piraso sa papel alang sa matag estudyante

Doktrina ug mga Pakigsaad 89:18–21

Katuyoan sa leksiyon: Aron tabangan ang mga estudyante nga madawat ang gisaad nga mga panalangin pinaagi sa pagpili nga mosunod sa Pulong sa Kaalam.

• Pagpangandam sa estudyante: Dapita ang mga estudyante sa pagbasa sa tudling sa doktrinal nga kahanas sa Doktrina ug mga Pakigsaad 89:18–21, nga mangita kon unsay gisaad sa Ginoo kon ilang tumanon ang Pulong sa Kaalam. Dasiga ang mga estudyante sa pagtambong sa klase nga andam sa pagpakigbahin og mga ehemplo kon sa unsang paagi nila nakita nga tumanon sa Ginoo ang maong mga saad.

• Sulod nga ipakita: Drowing sa usa ka bahiya [bay] nga adunay hinimo sa tawo nga babag nga nagbulag niini sa kadagatan

• Mga imahe nga ipakita: Si Daniel nga mibalibad sa pagkaon sa karne sa hari, Pagpalabay nga nagpakita sa dugo sa poste sa pultahan

Doktrina ug mga Pakigsaad 90

Katuyoan sa leksiyon: Aron tabangan ang mga estudyante nga mobati sa kaimportante sa direksiyon nga gihatag ni Jesukristo sa Ang Simbahan ni Jesukristo sa mga Santos sa Ulahing mga Adlaw pinaagi sa Iyang Unang Kapangulohan.

• Pagpangandam sa estudyante: Dapita ang mga estudyante sa pagpangitag pagtulun-an o pamahayag gikan sa usa ka sakop sa Unang Kapangulohan nga nakaapektar sa ilang kinabuhi.

• Materyal nga ipakita: Usa ka yawe, usa ka sudlanan nga puwedeng kandadohan nga naay yawe

• Materyal para sa mga estudyante: Gamayng piraso sa papel para sa matag estudyante, mga kopya sa labing bag-o nga pakigpulong sa mga sakop sa Unang Kapangulohan para sa mga estudyante nga dili makaakses sa mga pakigpulong niini nga klase diha sa ilang mga device

• Imahe nga ipakita: Ang Unang Kapangulohan sa 1833 nga naa si Joseph Smith, Sidney Rigdon, ug Frederick G. Williams

• Bidyo: “Where Are the Keys?” (2:51)