Mataupu Faavae ma Feagaiga 89–92

Mataupu Faavae ma Feagaiga 89–92

Vaaiga Aoao

E pei ona masani ai le toatele o tagata i le vaitau o le 1830, sa faaaoga e nisi o tagata o le Ekalesia le tapaa ma inu ava malosi. I le tali atu i tatalo a le Perofeta o Iosefa Samita e uiga i le mataupu, na faaali mai ai e le Alii le Upu o le Poto, o loo tusia i le Mataupu Faavae ma Feagaiga 89. Mulimuli ane i lena tausaga, sa faauuina ai Sini Rikitone ma Feterika G. Viliamu o ni fesoasoani i le Perofeta. Na faaali mai e le Alii faatonuga e uiga i tiutetauave o lenei au peresitene.

Faaaoga upu a perofeta e faamamafa ai aoaoga faavae ma mataupu faavae. O perofeta ma aposetolo soifua e aoao atu, faamalamalama, ma faamatala atu aoaoga faavae ma mataupu faavae o loo aoao mai i tusitusiga paia. O le faaaogaina o upu faaperofeta e mafai ona fesoasoani i tagata aoga ia malamalama atili ai ma ola i le talalelei a Iesu Keriso. Mo nisi faamatalaga i le ala na faia ai e le Faaola lenei mea, tagai i le vaega “Sa Aoao atu le Faaola mai Tusitusiga Paia” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 90.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi:

Mataupu Faavae ma Feagaiga 89:1–17

Faamoemoega o le lesona: Ina ia fesoasoani i tagata aoga ia lagona le lotofaafetai mo faatonuga alofa a le Alii ua lauiloa o le Upu o le Poto.

• Sauniuniga a le tagata aoga: Valaaulia tagata aoga e mafaufau i ni auala o le a avea ai le lalolagi ma se nofoaga e sili atu ona lelei pe afai e le o i ai ni fualaau faasaina, ava malosi, tapaa, po o nisi vailaau oona e ono lamatia ai. Atonu foi latou te mafaufau i le ala o le a ese ai o latou olaga patino pe afai e leai se tasi e faaaogaina nei vailaau.

• Anotusi e faaali atu: Maunu fagota (po o se ata o maunu fagota), o le tusi faasino a lē e onaina mo se oloa gaosi e masani ai tagata aooga

• Ata e faaali mai: Potu sa faia ai le Aoga a Perofeta

• Vitiō: “You Will Be Freed” (2:55)

• Anomea mo tagata aoga: Pepa atoa mo tagata aoga taitasi

Mataupu Faavae ma Feagaiga 89:18–21

Faamoemoega o le lesona: Ina ia fesoasoani i tagata aoga ia maua faamanuiaga folafolaina a le Faaola e ala i le filifili e ola i le Upu o le Poto.

• Sauniuniga a le tagata aoga: Valaaulia tagata aoga e faitau le fuaitau o le atamai i aoaoga faavae Mataupu Faavae ma Feagaiga 89:18–21, ma vaavaai mo mea ua folafola mai e le Alii pe a latou tausia le Upu o le Poto. Uunaia tagata aoga e o mai saunia i le vasega e faasoa mai ni faataitaiga o auala na latou vaaia ai le faataunuuina e le Alii o na folafolaga.

• Anotusi e faaali atu: Atatusi o se faga [vaifagaloa] ma se papuipui na faia e le tagata lea e vavaeeseina ai mai le vasaloloa

• Ata e faaali atu: Ua musu Tanielu e ai aano o manufasi a le tupu, o le Paseka o loo faaalia ai le toto i luga o le faitotoa

Mataupu Faavae ma Feagaiga 90

Faamoemoega o le lesona: Ina ia fesoasoani i tagata aoga ia lagonaina le taua o le taitaiga na tuuina mai e Iesu Keriso i Le Ekalesia a Iesu Keriso o le Au Paia o Aso e Gata Ai e ala i Lana Au Peresitene Sili.

• Sauniuniga a le tagata aoga: Valaaulia tamaiti aoga e sue se aoaoga po o se faamatalaga mai se tasi o le Au Peresitene Sili na aafia ai o latou olaga.

• Anomea e faaali atu: O se ki, o se koneteina e mafai ona lokaina i se ki

• Anomea mo tagata aoga: Tamai fasipepa mo tagata aoga taitasi, kopi o lauga talu ai nei a uso o le Au Peresitene Sili mo tagata aoga o e e le mafai ona maua lauga i le vasega i luga o a latou masini

• Ata e faaali atu: O le Au Peresitene Sili i le 1833 na aofia ai Iosefa Samita, Sini Rikitone, ma Feterika G. Viliamu

• Vitiō: “O Fea o I Ai Ki?” (2:51)