Mataupu Faavae ma Feagaiga 106–108

Mataupu Faavae ma Feagaiga 106–108

Vaaiga Aoao

E pei lava ona sa Ia faia i taimi o le Feagaiga Fou, ua valaauina e Iesu Keriso ia perofeta, aposetolo, ma isi e taitaia Lana Ekalesia i aso nei ma molimau atu ia te Ia i le lalolagi atoa. I le Mataupu Faavae ma Feagaiga 107, o loo faamalamalama mai ai e Iesu le matafaioi a nei taitai filifilia ma tuuina atu faamatalaga e fesoasoani ai ia i latou ma isi e faataunuu o latou tiutetauave faaleperisitua.

Faaaoga upu a perofeta e faamamafa ai aoaoga faavae ma mataupu faavae: O perofeta ma aposetolo soifua e aoao atu, faamatala, ma faamalamalama atu aoaoga faavae ma mataupu faavae o loo aoao mai i tusitusiga paia. O le faaaogaina o upu faaperofeta e mafai ona fesoasoani i tagata aoga ia malamalama atili ai ma ola i le talalelei a Iesu Keriso. Mo nisi faamatalaga i le ala na faia ai e le Faaola lenei mea, tagai i le vaega “Sa Aoao atu le Faaola mai Tusitusiga Paia” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 107:1–20.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 107:1–20

Faamoemoega o le lesona: Ina ia fesoasoani i tagata aoga ia malamalama i le taua o le utuvai mai i le mana o le Faaola ma Lana pule o le perisitua a o latou auauna atu i Lana Ekalesia.

• Sauniuniga a le tagata aoga: Valaaulia tagata aoga e mafaufau i taimi na latou lagonaina ai le mana o le Faaola e fesoasoani ai ia i latou e auauna atu i Lana Ekalesia. E mafai ona aofia ai valaauga i a latou korama ma vasega po o tofiga o auaunaga.

• Vitio: “The Tender Mercies of the Lord” (17:15; matamata mai le faailo taimi 6:55 i le 8:53)

Mataupu Faavae ma Feagaiga 107:21–100

Faamoemoega o le lesona: Ina ia fesoasoani i tagata aoga ia lagona le faateleina le mautinoa o Aposetolo o ni molimau faapitoa a Iesu Keriso.

• Sauniuniga a le tagata aoga: Faasoa atu i tagata aoga o perofeta ma aposetolo ua valaauina e avea ma molimau faapitoa a Iesu Keriso (tagai i le Mataupu Faavae ma Feagaiga 107:23). Valaaulia i latou e sauniuni mo le vasega i le iloiloina lea o se lauga o le konafesi aoao talu ai nei mai se tasi o le Au Peresitene Sili po o le Korama a Aposetolo e Toasefululua. Faatonu i latou e vaavaai mo mea latou te aoao mai e uiga ia Iesu Keriso.

• Anomea: O ipu e ono e mafai ona faaputu i totonu o se tafatolu

• Anotusi e faaali atu: Fasi pepa o loo faapipii faataamilo i le potu faatasi ai ma valaauga o loo maua i le Mataupu Faavae ma Feagaiga 107 ma fuaiupu o loo ta’ua ai nei valaauga o loo tusia ai i luga

• Vitiō: “Neil L. Andersen: Molimau Faapitoa a Keriso” (5:24; matamata mai le faailotaimi 4:15 i le 5:24)

• Anomea mo tagata aoga: Kopi ua lolomiina o saunoaga o le konafesi talu ai nei po o isi saunoaga talu ai nei mai Aposetolo mo tagata aoga o e e lē mafai ona mauaina faaeletonika

Faataitaiga o le Atamai i Aoaoga Faavae 8

Faamoemoega o le lesona: Ina ia fesoasoani i tagata aoga ia faaaoga upumoni ua maua i fuaitau o le atamai i aoaoga faavae ma aoao ma faaaoga mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e faamatala atu se manatuaga i se uo po o se tagata o le aiga ia mataupu faavae taitasi e tolu o le mauaina o le malamalama faaleagaga. Afai e i ai ni mataupu faavae e faigata ona manatua, valaaulia tagata aoga e faaaoga le Pepa Autu o le Atamai i Aoaoga Faavae (2023) e toe faamanatu ai a o lei amataina le vasega.

• Anomea: Fasipepa laiti mo tagata aoga taitasi; o se koneteina mo le faiaoga e tuu ai pepa i totonu

• Ata e faaali atu: Ata o se tamaita’i talavou