Սեմինարիա
Դաս 119․ Վարդապետություն և Ուխտեր 107.1–20. «Սուրբ քահանայությունը»

«Դաս 119․ Վարդապետություն և Ուխտեր 107․1–20․ «Սուրբ քահանայությունը», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 107․1–20», Վարդապետություն և Ուխտեր․ Սեմինարիայի ուսուցչի ձեռնարկ

Դաս 119. Վարդապետություն և Ուխտեր 106–108

Վարդապետություն և Ուխտեր 107․1–20

«Սուրբ քահանայությունը»

երիտասարդները ձեռնադրվում են կոչման համար

1835 թվականի գարնանը Տասներկու Առաքյալների նորաստեղծ Քվորումի անդամները պատրաստվում էին մեկնել իրենց առաջին միսիայի վայր: Տիրոջ այս հայտնությունում մանրամասներ տրվեցին՝ օգնելու նրանց և մյուսներին կատարել իրենց քահանայության պարտականությունները: Այս դասը կօգնի ուսանողներին հասկանալ Փրկչի զորության և Նրա քահանայության իշխանության վրա հիմնվելու կարևորությունը՝ Նրա Եկեղեցում ծառայելիս:

Հնարավոր ուսումնական վարժություններ

Հավելումներ

Սկսեք դասը՝ առաջարկելով ուսանողներից մեկին գրատախտակին նկարել մի ծառ՝ բազմաթիվ ճյուղերով: Առաջարկեք դասարանին նշել, թե ծառի որ մասերն են հավելումներ (ճյուղերն ու տերևները): Ծառը նկարող ուսանողին առաջարկեք անջատել հավելումներ մեկը՝ ջնջելով այն մասը, որտեղ ճյուղը միանում է ծառի բնին: Դասարանին առաջարկեք քննարկել հետևյալ հարցերը, որպեսզի նախապատրաստեք նրանց հասկանալու, թե մենք ինչու պետք է կապված մնանք Փրկչի և Նրա քահանայության հետ.

  • Ի՞նչ է տեղի ունենում կցորդի հետ, երբ այն անջատվում է ծառից։ Ինչո՞ւ։

Կարդացեք Հովհաննես 15.5 հատվածը՝ փնտրելով, թե ինչ է ուսուցանել Փրկիչը, որը վերաբերում է այս առարկայական դասին:

  • Ի՞նչ սովորեցիք:

  • Ինչո՞ւ է Փրկչի հետ կապված մնալն անհրաժեշտ՝ Նրա Եկեղեցում ծառայելու մեր ջանքերում:

Ժամանակ տրամադրեք ուսանողներին՝ մտածելու Հիսուս Քրիստոսի հետ իրենց կապի մասին: Առաջարկեք նրանց ոգեշնչում փնտրել և մտածել, թե ինչպես այդ կապը ոչ միայն կօրհնի իրենց անձամբ, այլև կզորացնի իրենց՝ օրհնելու ուրիշներին Եկեղեցու կոչումների և սպասավորության հանձնարարությունների միջոցով:

Քահանայության հավելումները

Որպեսզի օգնեք ուսանողներին հասկանալ 107 բաժնի համատեքստը, ներկայացրեք հետևյալ տեղեկությունները ձեր խոսքերով.

1835 թ. մարտի 28-ին Տասներկու Առաքյալների նորաստեղծ Քվորումի անդամները պատրաստվում էին միսիա ծառայել Միացյալ Նահանգների արևելքում: Որոշ առաքյալներ վստահ չգիտեին, թե ինչպես ծառայել իրենց նոր կոչումներում: Տերը հայտնությամբ տվեց Վարդապետություն և Ուխտեր 107 բաժինը, որպեսզի ուսուցանի նրանց քահանայության մասին և խրախուսի իրենց հանձնարարություններում:

Կարդացեք Վարդապետություն և Ուխտեր 107․1–4 հատվածները և փնտրեք, թե ինչ է ուսուցանել Տերը քահանայության մասին։

  • Ի՞նչ իմացաք Մելքիսեդեկյան Քահանայության մասին:

Համեմատեք քահանայության անունը, որը գրված է հատված 3-ում, այն բանի հետ, ինչ ուսուցանել է նախկինում Առաջին Նախագահությունից նախագահ Դիտեր Ֆ. Ուխդորֆը․

Երեց Դիտեր Ֆ. Ուխդորֆ

Քրիստոսը երկրի վրա ողջ ճշմարիտ քահանայության իշխանության և զորության աղբյուրն է: Սա Նրա աշխատանքն է, որում մենք արտոնված ենք օգնելու. (Դիտեր Ֆ. Ուխդորֆ, «Քահանայության ուրախությունը» Լիահոնա, նոյեմբեր 2012, 59)

  • Ինչո՞ւ եք կարծում, որ կարևոր է հասկանալ, որ քահանայության ողջ զորությունը գալիս է անմիջապես Հիսուս Քրիստոսից:

Նախքան հետևյալ հատվածները կարդալը՝ առաջարկեք ուսանողներին վերհիշել հավելումների մասին իրենց քննարկումը: Գրատախտակին նկարեք մեկ այլ ծառ և վերնագրեք այն Հիսուս Քրիստոսի Եկեղեցի: Այնուհետև գրատախտակին գրեք հետևյալը. Մելքիսեդեկյան քահանայություն, Ահարոնյան քահանայություն, Սփոփող միություն, Երիտասարդ կանանց միություն, Կիրակնօրյա դպրոց, Երեխաների միություն։

Դասընկերոջ հետ կարդացեք Վարդապետություն և Ուխտեր 107.5, 13–14 հատվածները՝ փնտրելով, թե գրատախտակի վրա գրված բառերից որ մեկը կարող եք համեմատել ծառի բնի հետ, և որը կարող եք համեմատել հավելումների հետ։

  • Ելնելով ձեր կարդացածից, ի՞նչը կարող եք համեմատել ծառի բնի հետ: Որո՞նք են հավելումները։

    Երբ ուսանողները պատասխանեն նախորդ հարցերին, կարող եք ծառի բունը վերնագրել Մելքիսեդեկյան քահանայություն իսկ հավելումները (կամ ճյուղերը)՝ Ահարոնյան քահանայություն և Եկեղեցու կազմակերպություններ, որոնք նշված են գրատախտակին:

    Առաջարկեք ուսանողներին հատված 5-ում նշել այն ճշմարտությունը, որ Փրկչի Եկեղեցու բոլոր իշխանություններն ու պաշտոնները Մելքիսեդեկյան քահանայության հավելումներն են։

  • Տերը Ահարոնյան քահանայությունը և Եկեղեցու կազմակերպությունները համեմատում է Իր Մելքիսեդեկյան քահանայության «հավելումների» հետ. ի՞նչ կարող ենք սովորել այս համեմատությունից:

դասընթացի պատկերակՕգտագործեք մարգարեների խոսքերը՝ ընդգծելու վարդապետությունն ու սկզբունքները։ Հետևյալը մարգարեական խոսքերի օգտագործման օրինակ է՝ ուսանողների վարդապետության ըմբռնումը խորացնելու համար: Սրա վերաբերյալ լրացուցիչ ուսուցում ստանալու համար տես «Ուսուցանեք սուրբ գրություններից և վերջին օրերի մարգարեների խոսքերից» դասընթացը՝ Ուսուցիչների կատարելագործման հմտություններ ուսուցողական նյութում։ Կարող եք կիրառել հետևյալ հմտությունը․ «Պատրաստեք առաջարկներ, որոնք օգնում են ուսանողներին սուրբ գրություններում գտած ճշմարտությունները կապել ապրող մարգարեների խոսքերի հետ»։

Առաջին Նախագահությունից նախագահ Դալլին Հ. Օուքսը կիսվել է հետևյալով՝ Եկեղեցու կոչումներում քահանայության իշխանության մասին։

Նախագահ Դալլին Հ․ Օուքս

Վերջին հաշվով՝ Հիսուս Քրիստոսը, ում քահանայությունն է մեզ շնորհվում, կրում է քահանայության բոլոր բանալիները։ Նա միակն է, ով որոշում է, թե ինչ բանալիներ պատվիրակել մահկանացուներին և ինչպես այդ բանալիները օգտագործել։ …

… Քանի որ սուրբ գրություններն ասում են, որ «եկեղեցու բոլոր մյուս իշխանությունները [և] պաշտոնները այս [Մելքիսեդեկյան] քահանայության հավելումներն են» (Վ&Ու 107.5), այն, ինչ կատարվում է այդ քահանայության բանալիների ղեկավարությամբ, կատարվում է քահանայության իշխանությամբ: (Դալլին Հ. Օուքս, «Քահանայության բանալիները և իշխանությունը», Լիահոնա, մայիս 2014, 50)

Հիշեցրեք ուսանողներին, որ Հիսուս Քրիստոսը քահանայության ողջ զորության աղբյուրն է (տես Վարդապետություն և Ուխտեր 107.3)։ Կարող եք ծառի բնի վրա գրել Փրկչի զորություն բառերը՝ Մելքիսեդեկյան քահանայություն բառերի կողքին։

  • Գիտակցումը, որ Եկեղեցում յուրաքանչյուր կոչում կապված է Փրկչի զորության հետ, ինչպե՞ս կարող է օգնել ձեզ ավելի լավ ծառայել ձեզ շրջապատող մարդկանց

  • Ե՞րբ եք զգացել, որ Փրկչի զորությունն օգնում է ձեզ Եկեղեցու ծառայության մեջ:

Զգալ քահանայության զորությունը

Առաջարկեք ուսանողներին կարդալ հետևյալ հատվածները և քննարկել ստորև ներկայացված երեք հարցը դասընկերոջ հետ: Կարող եք հարցերը ցուցադրել, որպեսզի ուսանողները տեսնեն դրանք:

Կարդացեք Վարդապետություն և Ուխտեր 107.8, 18–20 հատվածները՝ փնտրելով, թե ինչպես է Փրկիչն Իր քահանայության միջոցով զորություն տալիս նրանց, ովքեր ծառայում են Եկեղեցում։

վարդապետության սերտման հատվածի պատկերակ Վարդապետություն և Ուխտեր 107․8 հատվածը վարդապետության սերտման հատված է: Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

  • Որո՞նք են այն «հոգևոր բաները» (հատված 8), որոնցով Տերն օրհնում է մեզ Իր Մելքիսեդեկյան քահանայության միջոցով:

    Օգնեք ուսանողներին հասկանալ, որ «հոգևոր բաներում» սպասավորելը ներառում է օրհնություններ, արարողություններ և ուխտեր սպասավորելը:

  • Ինչպե՞ս են Ահարոնյան քահանայության «արտաքին արարողությունները», որոնք նշված են հատված 20-ում (օրինակ՝ մկրտությունը և հաղորդությունը), օգնում կապել ձեզ Հիսուս Քրիստոսի հետ:

  • Ե՞րբ է որևէ մեկի կապը Փրկչի հետ՝ իր ծառայության ժամանակ, օրհնություն եղել ձեր կյանքում:

Կարող եք բերել մի մարդու օրինակ, որը օրհնվել է, երբ ուրիշները ծառայել են այնպես, որ կապվել են Փրկչի զորության հետ։ Օրինակներից մեկը ներկայացված է «Տիրոջ գորովագութ ողորմությունները» տեսանյութի 6:55-8:53 հատվածում՝ ChurchofJesusChrist.org կայքում։ Այս ուղերձում Տասներկու Առաքյալների Քվորումից երեց Դեյվիդ Ա․ Բեդնարը կիսվել է քահանայության մի ղեկավարի մասին պատմությունով, որն ուղղորդվում էր Աստծո կողմից՝ իր ցցի երիտասարդներին ծառայելիս:

2:3

The Tender Mercies of the Lord

I testify that the tender mercies of the Lord are available to all of us and that the Redeemer of Israel is eager to bestow such gifts upon us.

Անձնական կիրառություն

Երիտասարդ կանանց նախկին գերագույն նախագահ քույր Բոնի Լ. Օսկարսոնն ուսուցանել է, թե քահանայության իշխանությունն ինչպես կարող է զորացնել երիտասարդ կանանց իրենց կոչումներում: Խորհեք, թե ինչպես կարող են նրա խոսքերը կիրառելի լինել բոլոր երիտասարդների համար՝ իրենց ծառայության մեջ։

Նախագահ Բոննի Լ. Օսկարսոն

Եկեղեցու երիտասարդ կանայք պետք է իրենց տեսնեն որպես հիմնական մասնակիցներ քահանայության կողմից ղեկավարվող փրկության աշխատանքում և ոչ թե որպես ուղղակի դիտորդներ կամ աջակցողներ: Դուք կրում եք կոչումներ և կարգվել եք նրանց կողմից, ովքեր կրում են քահանայության բանալիները՝ գործելու որպես զորությամբ և իշխանությամբ օժտված ղեկավարներ այս աշխատանքում: Երբ դուք մեծարում եք ձեր կոչումները դասարանի նախագահություններում և հոգեպես նախապատրաստվում, միասին խորհրդակցում, հասնում օգնության՝ ծառայելով ձեր դասարանի անդամներին, և միմյանց սովորեցնում ավետարանը, դուք զբաղեցնում եք ձեր տեղը այս աշխատանքում, և ինչպես դուք, այնպես էլ ձեր հասակակիցները կօրհնվեն: (Բոննի Լ. Օսկարսոն «Վեր կացեք զորությամբ, Սիոնի քույրեր», Լիահոնա, նոյեմբեր 2016, 14)։

  • Ի՞նչը տպավորեց ձեզ այս խոսքերում: Ինչո՞ւ։

    Հրավիրեք ուսանողներին իրենց օրագրում պատասխանել հետևյալ հարցին. Կարող եք առաջարկել ուսանողներին կիսվել իրենց պատասխաններով:

  • Ի՞նչ սովորեցիք այսօր՝ Եկեղեցում ձեր ծառայության մեջ Փրկչի զորության և Նրա քահանայության իշխանության վրա հիմնվելու կարևորության մասին։

Մտապահեք

Կարող եք օգնել ուսանողներին այս դասի ընթացքում անգիր սովորել վարդապետության սերտման հղումը և հիմնական արտահայտությունը, ապա կրկնել դրանք հետագա դասերի ժամանակ: Սուրբգրային հիմնական արտահայտությունն է «Մելքիսեդեկյան քահանայությունը … զորություն ու իշխանություն ունի … հոգևոր բաներում սպասավորելիս»։ Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: