«Դաս 121․ Վարդապետության սերտման վարժություն 8․ Կիրառել հոգևոր գիտելիքներ ձեռք բերելու սկզբունքները», Վարդապետություն և Ուխտեր․ Սեմինարիայի ուսուցչի ձեռնարկ (2025)
«Վարդապետության սերտման Վարժություն 8», Վարդապետություն և Ուխտեր․ Սեմինարիայի ուսուցչի ձեռնարկ
Դաս 121. Վարդապետություն և Ուխտեր 106–108
Վարդապետության սերտման վարժություն 8
Կիրառել հոգևոր գիտելիքներ ձեռք բերելու սկզբունքները
Վարդապետության սերտումը կօգնի ուսանողներին կառուցել իրենց կյանքի հիմքը Հիսուս Քրիստոսի և Նրա ավետարանի վրա: Այս դասը կօգնի ուսանողներին կիրառել վարդապետության սերտման հատվածներում պարունակվող ճշմարտությունները, ինչպես նաև սովորել ու կիրառել հոգևոր գիտելիքներ ձեռք բերելու աստվածային սկզբունքները:
Հնարավոր ուսումնական վարժություններ
Վարդապետության սերտման կրկնություն․ Կիրառել
Յուրաքանչյուր ուսանողի տվեք մի թերթիկ։ Առաջարկեք ուսանողներին իրենց թղթերի վրա գրել մի դժվար իրավիճակ, որի հետ բախվում է իրենց ծանոթներից մեկը, և իրենց թուղթը դնել տարայի մեջ: Խնդրեք ուսանողներին չներառել անուններ կամ մանրամասներ, որոնք խիստ անձնական են:
Ուսանողներին բաժանեք զույգերի և հանձնարարեք, որ յուրաքանչյուր զույգ ընտրի երկու թուղթ տարայից: Առաջարկեք զույգերին վերանայել Վարդապետություն և Ուխտեր սուրբ գրության վարդապետության սերտման հատվածները՝ օգտագործելով Վարդապետության սերտման հիմնարար փաստաթղթի ցանկը և քննարկել, թե ինչպես տարբեր հատվածներ կարող են կիրառել իրենց թղթերում գրված իրավիճակներից առնվազն մեկի համար: Ցանկության դեպքում ուսանողները կարող են նաև կիրառել հատվածներ այլ սուրբ գրքերից: Բավարար ժամանակ հետո առաջարկեք զույգերին կիսվել դասարանի հետ, թե ինչպես են իրենց քննարկած հատվածները կիրառվում իրենց թղթերից մեկում գրված իրավիճակի համար:
Եթե ուսանողներին օգնելու կարիք լինի մի իրավիճակում, որը հստակորեն չի լուծվում վարդապետության սերտման հատվածով, դուք կարող եք ուղղորդել նրանց դեպի մի հատված, որը կարող է կիրառվել ցանկացած իրավիճակում, օրինակ՝ Վարդապետություն և Ուխտեր 8.2–3 կամ 2 Նեփի 32․3։
Այնպես հաշվարկեք, որ այս վարժությունը տևի ընդամենը 10–15 րոպե, որպեսզի դասի ընթացքում բավարար ժամանակ լինի վարդապետության սերտման վարժության համար:
Սովորեք և կիրառեք հոգևոր գիտելիքներ ձեռք բերելու սկզբունքները
Դասի մնացած մասի նպատակն է օգնել ուսանողներին կիրառել հոգևոր գիտելիքներ ձեռք բերելու սկզբունքները կյանքի իրական իրավիճակներում: Անհրաժեշտության դեպքում դուք կարող եք առաջարկել ուսանողներին նախ կրկնել սկզբունքները պարբերություններ 5–12-ում Վարդապետության սերտման հիմնարար փաստաթղթի «Ձեռք բերել հոգևոր գիտելիքներ» բաժնից։ Առաջարկվող կրկնության վարժություններն ընդգրկված են սեմինարիայի այս ձեռնարկի հավելվածում՝ «Վարդապետության սերտման կրկնության վարժություններ» բաժնում:
Կարող եք ցուցադրել երիտասարդ աղջկա նկար, օրինակ՝ հետևյալ նկարը։ Դասարանին առաջարկեք պատկերացնել այդ աղջկա կյանքի հակիրճ մանրամասները՝ որպես հիմք վերցնելով ձեր տարածքի Եկեղեցու անդամներին։ Օրինակ՝ ուսանողները կարող են կիսվել, թե ինչպես են պատկերացնում այդ աղջկա ընտանիքը, հետաքրքրությունները և Եկեղեցու հանդեպ վերաբերմունքը:
Ցուցադրեք հետևյալ սցենարը: Առաջարկեք ուսանողներին կիսվել հոգևոր գիտելիքներ ձեռք բերելու սկզբունքներով, որոնք կարող են օգնել երիտասարդ աղջկան այս իրավիճակում և բացատրել, թե ինչու կարող են օգնել:
(Որպես այլընտրանք, կարող եք դատարկ թողնել սցենարում ընդգծված մտահոգությունները և առաջարկել ուսանողներին լրացնել սցենարը՝ գրատախտակին գրելով հարցեր կամ մտահոգություններ, որոնք երիտասարդ աղջիկը կարող է ունենալ կանանց և քահանայության վերաբերյալ: Առաջարկելով ուսանողներին մանրամասներ ավելացնել սցենարներում՝ դուք նրանց հնարավորություն կտաք արտահայտել անձնական մտահոգությունները, որոնք առնչվում են իրենց կյանքին:)
Անդրեան պատրաստվում էր, որ կիրակի օրը ուսուցանի իր Երիտասարդ կանանց դասարանին, և պատրաստվելու ընթացքում նա սկսեց ուսումնասիրել Վարդապետություն և Ուխտեր 107 բաժինը։ Հատված 8-ը կարդալուց հետո նա կանգ առավ և սկսեց մտածել, թե քահանայությունը ինչպես է կիրառվում երիտասարդ կանանց համար: Նա մտահոգվեց և տարակուսեց, թե արդյոք Աստված ավելի շատ վստահում է Իր որդիներին, քան Իր դուստրերին։ Նա նաև հիշեց, որ վերջերս համացանցում տեսել է մի տեսանյութ, որտեղ կարծիքներ էին արտահայտվում Հիսուս Քրիստոսի Եկեղեցում կանանց նկատմամբ վերաբերմունքի մասին: Մի մարդ քննադատում էր Եկեղեցին՝ ակնարկելով, որ կանայք հետին պլան են մղված, քանի որ քահանայության պաշտոններ չեն զբաղեցնում։
Ուսանողներին շատ ժամանակ տվեք քննարկելու այն սկզբունքները, որոնք, իրենց կարծիքով, կարող են օգնել Անդրեային: Նրանց քննարկումից ելնելով՝ դասի մնացած մասի նյութից կարող եք ընտրել բաժիններ, որոնք կարող են օգնել նրանց ավելի լավ հասկանալ այն սկզբունքները, որոնք նրանք այնքան էլ խորությամբ չեն քննարկել:
Գործեք հավատքով
Կարող եք ուսանողներին փոքր խմբերի բաժանել և ցուցադրել հետևյալ հարցերը՝ առաջարկելով քննարկել իրենց պատասխանները խմբերում: Շրջեք սենյակում և լսեք նրանց քննարկումները՝ անհրաժեշտության դեպքում լրացնելով մտքերը կամ ուղղորդելով:
-
Անդրեայի հարցերն ու մտահոգություններն ինչպե՞ս կարող են հնարավորություն տալ նրան ամրացնել իր հավատքն առ Հիսուս Քրիստոս և նվիրվածությունը Նրա Եկեղեցուն:
-
Իր հարցերի ու մտահոգությունների պատճառով ի՞նչ կարող է սատանան գայթակղել նրան անել, որը կարող է նրան հեռացնել Հիսուսից:
-
Ինչո՞ւ կառաջարկեիք նրան հավատքով մոտենալ իր հարցերին և մտահոգություններին:
Քննեք հասկացությունները և հարցերը հավերժության հեռանկարից
Առաջարկեք ուսանողներին կարդալ պարբերություն 8-ը Վարդապետության սերտման հիմնարար փաստաթղթի «Ձեռք բերել հոգևոր գիտելիքներ» բաժնից և փնտրել ճշմարտություններ, որոնք կարող են օգնել Անդրեային։
Հետևյալ վարժությունը եղանակներից մեկն է, որի միջոցով ուսանողները կարող են կիսվել իրենց գտածով: Առաջարկեք ուսանողներին կատարել ստորև բերված առաջին քայլը: Սպասեք, մինչև նրանք կատարեն նախորդ քայլը, ապա առաջարկեք կատարել հաջորդ քայլը:
-
Ձեր ուսումնասիրության օրագրում գրեք պարբերություն 8-ից մի ճշմարտություն, որը, ձեր կարծիքով, կարող է օգնել Անդրեային և բացատրեք, թե ինչու այն կարող է օգնել:
-
Շրջեք սենյակում և փորձեք գտնել մեկ այլ ուսանողի, որը ընտրել է նույն ճշմարտությունը, ինչ դուք: Քննարկեք միմյանց հետ, թե դա ինչպես կարող է օգնել Անդրեային:
-
Ձեր օրագրի էջում ավելացրեք նշանակալից գաղափարներ, որոնցով մյուս ուսանողը կիսվել է ձեզ հետ:
-
Շրջեք սենյակում և գտեք մեկ այլ ուսանողի, որը ընտրել է մեկ այլ ճշմարտություն: Կիսվեք միմյանց հետ ձեր օրագրերում գրված գաղափարներով։
Կիսվելու վարժությունից հետո հետևյալ հարցերը կօգնեն սկսել դասարանային քննարկում, որը կարող է հանգեցնել հետագա գաղափարների:
-
Ենթադրենք, որ Անդրեան չի կարողանում հստակ պատասխան գտնել, թե ինչու կանայք քահանայության պաշտոններ չեն զբաղեցնում: Ի՞նչ գիտեք Երկնային Հոր ծրագրի և այն մասին, թե Նա ինչպես է վերաբերվում Իր դուստրերին, որը դուք կցանկանաք, որ Անդրեան հիշի:
-
Վարդապետություն և Ուխտեր սուրբ գրությունից (կամ այլ սուրբ գրքերից) վարդապետության սերտման ո՞ր հատվածները կարող են օգնել հիշեցնել Անդրեային Աստծո ծրագրի և իր հանդեպ Նրա վերաբերմունքի մասին:
Ձգտեք մեծացնել հասկացողությունը աստվածային աղբյուրների միջոցով
Ուսանողներին առաջարկեք որևէ դասընկերոջ հետ քննարկել հետևյալ հուշումները։ Ապա առաջարկեք կամավորներին դասարանի հետ կիսվել իրենց քննարկածով։
-
Աղբյուրները, որոնցից Անդրեան օգտվում է տեղեկություններ գտնելու համար, կարևոր են, քանի որ …
-
Ես Անդրեային խորհուրդ կտայի պատասխաններ փնտրել՝ օգտվելով …, այլ ոչ թե պատասխաններ փնտրել՝ օգտվելով …
Դասընկերները կարող են փնտրել և կիսվել օրինակներով՝ սուրբ գրություններից, Եկեղեցու պատմությունից կամ մեր օրերի կանանց կյանքից, որոնք ցույց են տալիս Երկնային Հոր սերն ու վստահությունը Իր հավատարիմ դուստրերի հանդեպ:
Դասընկերները կարող են նաև փնտրել և կիսվել Եկեղեցու ժամանակակից ղեկավարների խոսքերով, որոնք կարող են օգնել Անդրեային: Անհրաժեշտության դեպքում կարող եք առաջարկել հետևյալ աղբյուրները.
-
Գերագույն համաժողովի ելույթներ, օրինակ՝ «Հոգևոր գանձեր» (Ռասսել Մ. Նելսոն, Լիահոնա, նոյեմբեր 2019, 76–79)
-
Սփոփող միության գերագույն նախագահության ուսմունքները «Սփոփող միության գերագույն նախագահությունն անդրադառնում է կանանց և քահանայության վերաբերյալ չորս հիմնական հարցերի» (Օբրի Էյր, Church News, մայիս 2, 2019, thechurchnews.com)
-
Եկեղեցու Ընդհանուր ձեռնարկի ընտրյալ բաժիններ, օրինակ՝ «Քահանայության սկզբունքները» (գլուխ 3 Ընդհանուր ձեռնարկում. Ծառայել Հիսուս Քրիստոսի Վերջին Օրերի Սրբերի Եկեղեցում, ChurchofJesusChrist.org)
Եզրափակում
Կարող եք ավարտել դասը՝ առաջարկելով ուսանողներին իրենց ուսումնասիրության օրագրերում աղոթքով պատասխանել հետևյալ հարցերից մեկին.
-
Ձեր կարծիքով, ի՞նչ կցանկանար Երկնային Հայրը, որ դուք անեիք ձեր հարցերը կամ մտահոգությունները լուծելու համար:
-
Հոգևոր գիտելիքներ ձեռք բերելու սկզբունքներին հետևելու ընտրությունն ինչպե՞ս կարող է ազդել Երկնային Հոր և Հիսուս Քրիստոսի հետ ձեր հարաբերությունների վրա, երբ հարցեր կամ մտահոգություններ են առաջանում: