“Lesson 121—Pagsasanay sa Doctrinal Mastery 8: Ipamuhay ang mga Alituntunin ng Pagtatamo ng Espirituwal na Kaalaman,” Manwal ng Titser ng Seminary para sa Doktrina at mga Tipan (2025)
“Pagsasanay sa Doctrinal Mastery 8,” Manwal ng Titser ng Seminary para sa Doktrina at mga Tipan
Lesson 121: Doktrina at mga Tipan 106–108
Pagsasanay sa Doctrinal Mastery 8
Ipamuhay ang mga Alituntunin ng Pagtatamo ng Espirituwal na Kaalaman
Ang doctrinal mastery ay makatutulong sa mga estudyante na maitayo ang pundasyon ng kanilang buhay kay Jesucristo at sa Kanyang ebanghelyo. Ang lesson na ito ay tutulong sa mga estudyante na maipamuhay ang mga katotohanang matatagpuan sa mga doctrinal mastery passage at matutuhan at maipamuhay ang mga banal na alituntunin para magtamo ng espirituwal na kaalaman.
Mga Posibleng Aktibidad sa Pag-aaral
Pagrerebyu ng doctrinal mastery: Ipamuhay
Maaari mong bigyan ang bawat estudyante ng maliit na piraso ng papel. Sabihin sa mga estudyante na isulat sa kanilang papel ang isang mahirap na sitwasyon na kinakaharap ng isang taong kakilala nila at ilagay ang kanilang papel sa isang lalagyan. Sabihin sa mga estudyante na huwag magbahagi ng mga pangalan o mga detalyeng masyadong personal.
Pagpartner-partnerin ang mga estudyante at papiliin ang bawat magka-partner ng dalawang papel mula sa lalagyan. Sabihin sa magkaka-partner na rebyuhin ang mga doctrinal mastery passage sa Doktrina at mga Tipan gamit ang listahan sa Doctrinal Mastery Core Document at talakayin kung paano maipapamuhay ang iba’t ibang passage sa kahit isa sa mga sitwasyon sa kanilang mga papel. Kung gugustuhin, maaari ding gumamit ang mga estudyante ng mga passage mula sa iba pang mga aklat ng banal na kasulatan. Pagkalipas ng sapat na oras, sabihin sa magkaka-partner na ibahagi sa klase kung paano maipapamuhay ang mga passage na tinalakay nila sa isang sitwasyon sa isa sa kanilang mga papel.
Kung kailangan ng mga estudyante ng tulong sa isang sitwasyon na hindi malinaw na natalakay ng isang doctrinal mastery passage, maaari mo silang ituon sa isang passage na maaaring naaangkop sa anumang sitwasyon, tulad ng Doktrina at mga Tipan 8:2–3 o 2 Nephi 32:3.
Huwag hayaang lumampas nang 10–15 minuto ang aktibidad na ito para makapaglaan ng sapat na oras para sa pagsasanay sa pagsasabuhay ng doctrinal mastery kalaunan sa lesson.
Alamin at ipamuhay ang mga alituntunin ng pagtatamo ng espirituwal na kaalaman
Ang natitirang bahagi ng lesson ay naglalayong tulungan ang mga estudyante na maipamuhay ang mga alituntunin ng pagtatamo ng espirituwal na kaalaman sa makatotohanang sitwasyon. Kung kinakailangan, anyayahan mo muna ang mga estudyante na rebyuhin ang mga alituntunin sa talata 5–12 ng bahaging “Pagtatamo ng Espirituwal na Kaalaman” sa Doctrinal Mastery Core Document. Mayroong mga iminumungkahing aktibidad sa pagrerebyu sa “Mga Aktibidad sa Pagrerebyu ng Doctrinal Mastery” sa appendix ng manwal na ito sa seminary.
Maaari kang magpakita ng larawan ng isang dalagita na tulad ng sumusunod. Anyayahan ang klase na mabilisang gumawa ng mga detalye para sa kanyang buhay batay sa mga miyembro ng Simbahan sa inyong lugar. Halimbawa, maaaring ibahagi ng mga estudyante kung ano sa palagay nila ang kanyang pamilya, mga interes, at mga nadarama tungkol sa Simbahan.
Ipakita ang sumusunod na sitwasyon. Sabihin sa mga estudyante na magbahagi ng mga alituntunin ng pagtatamo ng espirituwal na kaalaman na makatutulong sa isang dalagita sa sitwasyong ito at itanong kung bakit.
(Bilang alternatibo, maaari mong iwang blangko ang mga may salungguhit na alalahanin sa sitwasyon at sabihin sa mga estudyante na kumpletuhin ang sitwasyon sa pamamagitan ng pagsusulat sa pisara ng mga posibleng maging tanong o alalahanin ng dalagita tungkol sa kababaihan at sa priesthood. Ang pag-anyaya sa mga estudyante na magdagdag ng mga detalye sa mga sitwasyon ay magbibigay-daan sa kanila na ligtas na maipahayag ang mga personal na alalahanin na nauugnay sa kanilang buhay.)
Habang naghahandang magturo sa kanyang klase ng Young Women sa Linggo, sinimulang pag-aralan ni Andrea ang Doktrina at mga Tipan 107. Matapos basahin ang talata 8, panandalian siyang huminto at nagsimulang mapaisip kung paano naaangkop ang priesthood sa mga dalagita. Nag-alala siya at napaisip kung mas nagtitiwala ang Diyos sa Kanyang mga anak na lalaki kaysa sa mga anak Niyang babae. Naalala rin niya na kamakailan lang ay may napanood siyang video online na nagpapahayag ng mga opinyon tungkol sa pagtrato sa kababaihan sa Simbahan ni Jesucristo. Binatikos ng isang tao ang Simbahan sa pamamagitan ng pagpapahiwatig na nililimitahan ang kababaihan dahil hindi sila binibigyan ng mga katungkulan sa priesthood.
Bigyan ang mga estudyante ng maraming oras upang talakayin ang mga alituntunin na sa palagay nila ay makatutulong kay Andrea. Batay sa kanilang talakayan, maaari kang pumili ng mga bahagi mula sa natitirang materyal ng lesson na makatutulong sa kanila na mas maunawaan ang mga alituntuning hindi nila natalakay nang mas malaliman.
Kumilos nang may pananampalataya
Maaari mong ilagay ang mga estudyante sa maliliit na grupo, ipakita ang mga sumusunod na tanong, at anyayahan ang mga estudyante na talakayin ang kanilang mga sagot sa kanilang mga grupo. Lumibot sa silid at pakinggan ang kanilang mga talakayan, at magdagdag ng mga kabatiran o patnubay kung kinakailangan.
-
Paano magiging isang oportunidad ang mga tanong at alalahanin ni Andrea upang mapalakas niya ang kanyang pananampalataya kay Jesucristo at katapatan sa Kanyang Simbahan?
-
Anong pang-uudyok ang maaaring gawin ni Satanas kaugnay ng mga tanong at alalahanin niya na maaaring maglayo sa kanya kay Jesus?
-
Paano ninyong sasabihin na harapin niya ang kanyang mga tanong at alalahanin nang may pananampalataya?
Suriin ang mga konsepto at tanong nang may walang-hanggang pananaw
Sabihin sa mga estudyante na basahin ang talata 8 ng bahaging “Pagtatamo ng Espirituwal na Kaalaman” sa Doctrinal Mastery Core Document, at alamin ang mga katotohanan na makatutulong kay Andrea.
Ang sumusunod na aktibidad ay isang paraan upang maibahagi ng mga estudyante ang nalaman nila. Sabihin sa mga estudyante na kumpletuhin ang unang hakbang sa ibaba. Maghintay hanggang sa makumpleto nila ang bawat hakbang bago ipakumpleto ang susunod na hakbang.
-
Isulat sa iyong study journal ang isang katotohanan mula sa talata 8 na sa palagay mo ay makatutulong kay Andrea at kung bakit.
-
Lumibot sa silid, at subukang maghanap ng ibang estudyante na pinili rin ang katotohanang pinili mo. Talakayin sa isa’t isa kung paano ito makatutulong kay Andrea.
-
Magdagdag ng mga makabuluhang ideya na ibinahagi sa iyo ng ibang estudyante sa pahina ng iyong journal.
-
Muling lumibot sa silid, at maghanap ng ibang estudyante na pumili ng katotohanang iba sa pinili mo. Ibahagi sa isa’t isa ang mga ideya mula sa inyong mga journal.
Pagkatapos ng nakaraang aktibidad sa pagbabahagi, maaaring makatulong ang ilan sa mga sumusunod na tanong para magkaroon ng talakayan sa klase na maaaring humantong sa mga karagdagang ideya.
-
Ipagpalagay na hindi makahanap si Andrea ng malinaw na sagot sa kung bakit hindi nagtataglay ng mga katungkulan sa priesthood ang kababaihan. Ano ang nalalaman ninyo tungkol sa plano ng Ama sa Langit at kung ano ang nadarama Niya tungkol sa Kanyang mga anak na babae na nais ninyong maalala niya?
-
Aling mga doctrinal mastery passage mula sa Doktrina at mga Tipan (o iba pang aklat ng banal na kasulatan) ang makatutulong na magpaalala kay Andrea ng plano at mga nadarama ng Diyos para sa kanya?
Hangaring mas makaunawa sa pamamagitan ng sources na itinalaga ng Diyos
Maaari mong sabihin sa mga estudyante na talakayin ang mga sumusunod na prompt o pahiwatig sa ka-partner. Pagkatapos ay sabihin sa mga boluntaryo na ibahagi sa klase ang tinalakay nila.
-
Ang sources na ginagamit ni Andrea sa paghahanap ng impormasyon ay mahalaga dahil …
-
Papayuhan ko si Andrea na hanapin ang mga sagot sa pamamagitan ng pagpunta sa … at huwag maghanap ng mga sagot sa pamamagitan ng pagpunta sa …
Maaaring maghanap at magbahagi ang mga magkaka-partner ng mga halimbawa mula sa mga banal na kasulatan, kasaysayan ng Simbahan, o sa buhay ng kababaihan sa ating panahon na nagpapakita ng pagmamahal at tiwala ng Ama sa Langit sa Kanyang matatapat na anak na babae.
Maaari ding maghanap at magbahagi ang mga magkaka-partner ng mga pahayag mula sa mga makabagong lider ng Simbahan na makatutulong kay Andrea. Kung kinakailangan, maaari kang magmungkahi ng sources gaya ng sumusunod:
-
Mga mensahe sa pangkalahatang kumperensya gaya ng “Mga Espirituwal na Kayamanan” (Russell M. Nelson Liahona, Nob. 2019, 76–79)
-
Mga Turo ng Relief Society General Presidency tulad ng “Relief Society General Presidency Addresses Four Key Questions about Women and the Priesthood” (Aubrey Eyre, Church News, Mayo 2, 2019, thechurchnews.com)
-
Mga seleksyon ng Pangkalahatang Hanbuk ng Simbahan tulad ng “Mga Alituntunin ng Priesthood” (kabanata 3 sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, ChurchofJesusChrist.org)
Katapusan
Maaari mong tapusin ang klase sa pamamagitan ng pag-anyaya sa mga estudyante na mapanalanging sagutin ang isa sa mga sumusunod na tanong sa kanilang study journal:
-
Ano sa palagay mo ang ipagagawa sa iyo ng Ama sa Langit sa mga tanong o alalahanin mo?
-
Paano nakakaapekto sa iyong ugnayan sa Ama sa Langit at kay Jesucristo ang pagpiling sundin ang mga alituntunin ng pagtatamo ng espirituwal na kaalaman kapag nagkakaroon ng mga problema o alalahanin?