« គោលលទ្ធិ និងសេចក្ដីសញ្ញា ១០៩–១១០ ៖ ទិដ្ឋភាពទូទៅ »សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ១០៩–១១០ »សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ១០៩–១១០
គោលលទ្ធិ និងសេចក្តីសញ្ញា ១០៩–១១០
ទិដ្ឋភាពទូទៅ
ក្រោយពីធ្វើការ និងលះបង់អស់រយៈពេលជិតបីឆ្នាំមក ព្រះវិហារបរិសុទ្ធខឺតឡង់បានសាងសង់រួចរាល់ ។ ព្រះអម្ចាស់បានបើកសម្តែងនូវការអធិស្ឋានឧទ្ទិសឆ្លងដល់ព្យាការី យ៉ូសែប ស្ម៊ីធ ( សូមមើល គោលលទ្ធិ និងសេចក្ដីសញ្ញា ១០៩ ) ។ បន្ទាប់ពីការឧទ្ទិសនៅព្រះវិហារបរិសុទ្ធនេះមក ព្រះអង្គសង្គ្រោះបានបំពេញសេចក្ដីសន្យារបស់ទ្រង់ដើម្បី « សម្ដែងកាយ [ ទ្រង់ផ្ទាល់ ] ដល់រាស្ត្រ [ របស់ទ្រង់ ] » នៅក្នុងដំណាក់របស់ទ្រង់ ( សូមមើល គោលលទ្ធិ និងសេចក្តីសញ្ញា ១១០:៧ ) ។ សារទូតសួគ៌ាបីអង្គក៏បានបង្ហាញកាយ និងបានស្ដារកូនសោបព្វជិតភាពសំខាន់ៗផងដែរ ។
ផ្ដោតលើគោលការណ៍ប្រែចិត្តជឿ ៖ សូមជួយសិស្សឲ្យរកឃើញគោលលទ្ធិ និងគោលការណ៍នានាដែលអាចមានឥទ្ធិពលលើទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្តីជំនឿ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ១១០ ផ្នែកទី ១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ១០៩
គោលបំណងមេរៀន ៖ ដើម្បីជួយសិស្សឲ្យមានបំណងកាន់តែចង់ចូលរួមក្នុងព្រះវិហារបរិសុទ្ធច្រើនឡើង ហើយទទួលបានពរជ័យដែលបានសន្យារបស់ព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតពីអារម្មណ៍របស់ពួកគេអំពីព្រះវិហារបរិសុទ្ធ ។ ពួកគេប្រហែលជាចង់អាន គោលលទ្ធិ និងសេចក្ដីសញ្ញា១០៩:១០–១៣ ហើយរកមើលពរជ័យនៃការចូលរួមក្នុងព្រះវិហារបរិសុទ្ធដែលមានអត្ថន័យចំពោះពួកគេ ។
-
រូបភាពដែលត្រូវបង្ហាញ ៖ ព្រះវិហារបរិសុទ្ធផ្សេងៗ និងព្រះវិហារបរិសុទ្ធខឺតឡង់
-
ព័ត៌មានដែលត្រូវរៀបចំ ៖ អ្នកអាចចង់ស្វែងរកការពិតមួយចំនួននៅក្នុងព្រះវិហារបរិសុទ្ធដូចជា ចំនួនព្រះវិហារបរិសុទ្ធដែលកំពុងដំណើរការ តើមានព្រះវិហារបរិសុទ្ធប៉ុន្មានដែលបានប្រកាសនៅក្នុងសន្និសីទទូទៅចុងក្រោយ ព្រះវិហារបរិសុទ្ធដែលនៅជិតទីតាំងថ្នាក់របស់អ្នកបំផុត ។ ល ។ សម្រាប់ស្ថិតិព្រះវិហារបរិសុទ្ធ អ្នកអាចចូលទៅកាន់គេហទំព័រ ChurchofJesusChristTemples.org/statistics/ ។
-
វីដេអូ ៖ « The Blessings of the Temple » ( ៣:៣៧ ) ឬ « Strength beyond My Own » ( ៣:៤៧ )
-
សម្ភារសម្រាប់សិស្ស ៖ សៀវភៅទំនុកតម្កើង ឬសំណៅចម្លងនៃទំនុកតម្កើងបទ « ព្រះវិញ្ញាណនៃព្រះ » ( ទំនុកតម្កើង ល.រ. ២ )
គោលលទ្ធិ និងសេចក្ដីសញ្ញា ១១០ ផ្នែកទី ១
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលភាពស័ក្ដិសមរបស់យើងរៀបចំឲ្យយើងខិតទៅជិតព្រះអម្ចាស់នៅក្នុងព្រះវិហារបរិសុទ្ធរបស់ទ្រង់ ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាពីអត្ថន័យនៃការមានភាពស័ក្តិសមដើម្បីចូលទៅក្នុងព្រះវិហារបរិសុទ្ធ និងមូលហេតុដែលវាមានតម្លៃ ។ អ្នកក៏អាចអញ្ជើញពួកគេឲ្យសុំសមាជិកគ្រួសារ ឬអ្នកដឹកនាំសាសនាចក្រឲ្យចែកចាយគំនិតរបស់ពួកគាត់ផងដែរ ។ សូមអញ្ជើញសិស្សឲ្យមករៀនដោយត្រៀមខ្លួនដើម្បីចែកចាយការយល់ដឹង និងសំណួររបស់ពួកគេ ។
-
រូបភាពដែលត្រូវបង្ហាញ ៖ រូបភាពរបស់ព្រះអង្គសង្គ្រោះ
-
វីដេអូ ៖ « Jesus Christ Appears in the Ancient Americas » ( ១៦:៤៣ ចាប់ពីនាទីទី ១១:៥២ ដល់នាទីទី ១៤:០៥ )
-
មាតិកាដែលត្រូវបង្ហាញ ៖ រូបគំនូរព្រះវិហារបរិសុទ្ធដោយមានផ្លូវនាំទៅកាន់ព្រះវិហារបរិសុទ្ធនោះ
-
សម្ភារសម្រាប់សិស្ស ៖ សំណៅចម្លង ឬការចូលទៅកាន់សំណួរសម្ភាសទទួលប័ណ្ណចូលព្រះវិហារបរិសុទ្ធ
គោលលទ្ធិ និងសេចក្ដីសញ្ញា ១១០ ផ្នែកទី២
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលកូនសោបព្វជិតភាពដែលបានស្ដារឡើងវិញដល់ព្យាការី យ៉ូសែប ស្ម៊ីធ អាចផ្ដល់ពរជ័យដល់ជីវិតរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសប្រធានបទមួយក្នុងចំណោមប្រធានបទទាំងឡាយខាងក្រោមនេះ ហើយពិចារណាពីរបៀបដែលវាជាពរជ័យមួយក្នុងជីវិតរបស់ពួកគេ ៖ កិច្ចការផ្សព្វផ្សាយសាសនា ដំណឹងល្អរបស់ព្រះយេស៊ូវគ្រីស្ទ ឬព្រះវិហារបរិសុទ្ធ និងពង្សប្រវត្តិ ។
-
រូបភាពដែលត្រូវបង្ហាញ ៖ ការបង្ហាញព្រះកាយរបស់ព្រះអង្គសង្គ្រោះនៅក្នុងព្រះវិហារបរិសុទ្ធខឺតឡង់
-
សំណៅចែក ៖ « កូនសោទាំងឡាយនៃបព្វជិតភាពត្រូវបានស្ដារឡើងវិញនៅក្នុងព្រះវិហារបរិសុទ្ធខឺតឡង់ ( ផ្នែកទី ១ និង ផ្នែកទី ២ ) »
