Mataupu Faavae ma Feagaiga 109–110

Mataupu Faavae ma Feagaiga 109–110

Vaaiga Aoao

Ina ua mavae le toeitiiti lava tolu tausaga o galuega ma le osigataulaga, ua saunia le Malumalu o Katelani. Na faaali mai e le Alii le tatalo o le faapaiaga i le Perofeta o Iosefa Samita (tagai i le Mataupu Faavae ma Feagaiga 109). Ina ua mavae lona faapaiaga, sa faataunuuina e le Faaola Lana folafolaga e “faaali atu [Ia lava] i [Lona] nuu” i Lona maota (tagai i le Mataupu Faavae ma Feagaiga 110:7). Sa faaali mai foi ni avefeau faalelagi se toatolu ma toefuatai mai ki taua o le perisitua.

Taulai atu i mataupu faavae e liua ai: Fesoasoani i tagata aoga ia iloa aoaoga faavae ma mataupu faavae e mafai ona tosina ai o latou sootaga ma le Tama Faalelagi ma Iesu Keriso. Mo nisi faamatalaga i le ala na faia ai e le Faaola lenei mea, tagai i le vaega o le “Na Aoao Atu e le Faaola Upumoni Ia e Taitai atu ai i le Liua ma Fausia ai le Faatuatua” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 110, Vaega 1.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 109

Faamoemoega o le lesona: Ina ia fesoasoani i tagata aoga ia lagonaina se manao faateleina e auai i le malumalu ma maua faamanuiaga folafolaina a le Alii.

• Sauniuniga a le tagata aoga: Valaaulia tagata aoga e mafaufau loloto pe o a ni o latou lagona e uiga i le malumalu. Atonu latou te mananao e faitau le Mataupu Faavae ma Feagaiga 109:10–13 ma vaavaai mo faamanuiaga o le auai atu i le malumalu e taua ia i latou.

• Ata e faaali mai: Malumalu eseese ma le Malumalu o Katelani

• Faamatalaga e saunia ai: Atonu e te manao e sue ni nai mea moni o le malumalu, e pei o le aofai o malumalu o loo faaaogaina, pe fia na fofogaina mai i le konafesi aoao talu ai, o le malumalu aupito lata ane i le nofoaga o lau vasega, ma isi mea faapena. Mo fuainumera o le malumalu, e mafai ona e asiasi i le ChurchofJesusChristTemples.org/statistics/.

• Vitio: “O Faamanuiaga o le Malumalu” (3:37) po o le “Malosi e Sili Atu i Lo’u Lava Malosi” (3:47)

• Anomea mo tagata aoga: O se tusi o viiga po o se kopi o le viiga “O Le Agaga o le Atua” (Viiga, nu. 2)

Mataupu Faavae ma Feagaiga 110, Vaega 1

Faamoemoega o le lesona: Ina ia fesoasoani i tagata aoga ia malamalama i le auala e saunia ai i tatou e lo tatou agavaa e faalatalata atili atu i le Alii i Lona malumalu.

• Sauniuniga a le tagata aoga: Valaaulia tagata aoga e mafaufau loloto i le uiga o le agavaa e ulu atu i le malumalu ma pe aisea e aoga ai. E mafai foi ona e valaaulia i latou e fai atu i se tagata o le aiga po o se taitai o le Ekalesia e faasoa mai o latou manatu. Valaaulia tagata aoga e o mai saunia i le vasega e faasoa mai o latou malamalamaaga ma fesili.

• Ata e faaali atu: Se ata o le Faaola

• Vitio: “Ua Faaali Atu Iesu Keriso i atu Amerika Anamua” (16:43; mai le faailotaimi 11:52 e oo i le 14:05)

• Anotusi e faaali atu: Atatusi o se malumalu ma se ala e tau atu i ai

• Anomea mo tagata aoga: Kopi o, po o le mauaina, o fesili o pepa faataga o le malumalu

Mataupu Faavae ma Feagaiga 110, Vaega 2

Faamoemoega o le lesona: Ina ia fesoasoani i tagata aoga ia malamalama i le auala e mafai ai e ki o le perisitua na toefuatai mai i le Perofeta o Iosefa Samita ona faamanuiaina ai o latou olaga.

• Sauniuniga a le tagata aoga: Valaaulia tagata aoga e filifili se tasi o mataupu nei ma mafaufau loloto pe na faapefea ona avea o se faamanuiaga i o latou olaga: galuega faafaifeautalai, le talalelei a Iesu Keriso, po o le malumalu ma talafaasolopito o aiga.

• Ata e faaali atu: O le faaali atu o le Faaola i le Malumalu o Katelani

• Pepa e tufa atu: “O Ki o le Perisitua na Toefuatai mai i le Malumalu o Katelani (Vaega 1 ma le Vaega 2)”