Վարդապետություն և Ուխտեր 111–114

Վարդապետություն և Ուխտեր 111–114

Ակնարկ

1836թ-ին Եկեղեցին մեծ պարտքերի մեջ էր։ Մարգարե Ջոզեֆ Սմիթը և Եկեղեցու այլ ղեկավարներ ճամփորդեցին Սալեմ (Մասաչուսետս), որտեղ նրանք հույս ունեին գումար ձեռք բերել՝ պարտքերը մարելու համար։ Սալեմում Ջոզեֆը հայտնություն ստացավ, որը գրանցված է Վարդապետություն և Ուխտեր 111 բաժնում։ 1837 թվականին Տասներկու Առաքյալների Քվորումի Նախագահ Թոմաս Բ. Մարշը Ջոզեֆ Սմիթից ուղղորդում խնդրեց իր կոչման վերաբերյալ:

Կենտրոնացեք Երկնային Հոր և Հիսուս Քրիստոսի վրա․ Ամենամեծ օրհնությունը, որ ուսուցիչները կարող են տալ ուսանողներին՝ օգնելն է նրանց ճանաչել և սիրել Երկնային Հորը և Հիսուս Քրիստոսին: Պատրաստվելու և դասեր ուսուցանելու ընթացքում փնտրեք ոգեշնչում, թե ինչպես անել դա: Այս մասին ավելին իմանալու համար տես «Ուսուցանեք Հիսուս Քրիստոսի տիտղոսների, դերերի և հատկանիշների մասին» բաժինը Ուսուցանել Փրկչի ձևով ձեռնարկում։ Դրա օրինակը կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 111»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 111

Դասի նպատակը․ օգնել ուսանողներին ավելի մեծ վստահություն զգալ Երկնային Հոր և Հիսուս Քրիստոսի հանդեպ:

Ուսանողի նախապատրաստում․ առաջարկեք ուսանողներին մտածել խնդիրների կամ դժվարությունների մասին, որոնց իրենք բախվում են, և թե որքանով են վստահ, որ կարող են հաղթահարել դրանք, և որ ամեն ինչ կկարգավորվի:

Վարդապետություն և Ուխտեր 112

Դասի նպատակը․ օգնել ուսանողներին խոնարհաբար առաջնորդություն խնդրել Երկնային Հորից:

• Ուսանողի նախապատրաստում․ դասի ընթացքում ուսանողներին առաջարկեք մտածել, թե Երկնային Հոր կողմից ինչպիսի ուղղորդում է իրենց անհրաժեշտ: Կարող եք նախօրոք առաջարկել ուսանողներին մտածել իրենց կյանքի և Նրա առաջնորդության մասին, որի կարիքն ունեն:

• Տեսանյութ. «Ինչպես եմ ես հետևում #ԼսիրՆրան կոչին. Երեց Նիլ Լ. Անդերսեն» (2:51)

Գնահատեք ձեր գիտելիքները 8

Դասի նպատակը․ օգնել ուսանողներին հիշել և գնահատել, թե Վարդապետություն և Ուխտեր սուրբ գրության ուսումնասիրության իրենց փորձառությունները ինչպես են օգնել իրենց աճել հոգևորապես:

• Առարկաներ․ տարբեր չափերի մի քանի քար, որոնք կարող են օգտագործվել ճանապարհային ուղենիշ ստեղծելու համար

• Նկար․ ներկայիս Առաջին Նախագահություն և Տասներկու Առաքյալների Քվորում