Դաս 127. Վարդապետություն և Ուխտեր 111–115

Գնահատեք ձեր գիտելիքները 8

Վարդապետություն և Ուխտեր 95–115

Մեր հոգևոր ուսման մասին խորհրդածելը և այն գնահատելը կարող են օգնել մեզ ավելի մոտենալ Փրկչին: Այս դասը կօգնի ուսանողներին հիշել և գնահատել, թե Վարդապետություն և Ուխտեր սուրբ գրության ուսումնասիրության իրենց փորձառություններն ինչպես են օգնել իրենց աճել հոգևորապես:

Հնարավոր ուսումնական վարժություններ

Գնահատեք ձեր հոգևոր առաջընթացը

Տարբեր չափերի մի քանի քար բերեք դասարան և ուսանողներին հանձնարարեք ստեղծել ճանապարհային ուղղանիշ: Առաջարկեք ուսանողներին շարել մի քանի քար և տեսնել, թե ինչն է ստեղծում կայուն հիմք: (Որպես այլընտրանք, ցուցադրեք ճանապարհային ուղղանիշի նկար:) Կարող եք նշել, որ հին ժամանակներում և մեր օրերում ճանապարհային այս ուղղանիշները ապահովում են ճանապարհորդների անվտանգությունը և ցույց են տալիս ուղղությունը: Վարժության վերաբերյալ կարող եք տալ հետևյալ հարցերը.

• Ի՞նչ տարբեր ճանապարհային ուղենիշներ են տվել Երկնային Հայրը և Հիսուս Քրիստոսը՝ մեզ ուխտի ճանապարհով դեպի Իրենց ներկայություն առաջնորդելու համար:

• Ճանապարհային ուղղանիշն ինչպե՞ս կարող է հանդիսանալ Փրկչի խորհրդանիշը:

Օգնեք ուսանողներին հասկանալ, որ սուրբ գրությունների հատվածները, որ իրենք ուսումնասիրել են, իրենց սովորած դասերը և այն ուսմունքները, որ իրենք կիրառել են Վարդապետություն և Ուխտեր սուրբ գրության ուսումնասիրության ժամանակ, նման են իրար վրա շարված քարերի, որոնք ապահովում են անվտանգություն և ուղղություն են ցույց տալիս՝ ուխտի ճանապարհով ուսանողների ճամփորդության ընթացքում: Առաջարկեք ուսանողներին վերանայել իրենց կատարած նշումները և սուրբ գրությունները, որոնք իրենք ուսումնասիրել են վերջին մի քանի շաբաթվա ընթացքում (Վարդապետություն և Ուխտեր 95–115)՝ խորհելով իրենց սովորած ճշմարտությունների մասին:

Վարդապետություն և Ուխտեր գրքի ուսումնասիրության ձեր փորձառության մասին խորհելիս՝ աղոթքով հրավիրեք Հոգուն՝ օգնելու ձեզ ճանաչել այն առաջընթացը, որը դուք ունենում եք՝ ձեր Երկնային Հորը և ձեր Փրկիչ Հիսուս Քրիստոսին ավելի մոտենալու ճանապարհին:

Ցուցադրեք հետևյալ հարցերը՝ օգնելու ուսանողներին խորհել իրենց հոգևոր առաջընթացի շուրջ: Առաջարկեք ուսանողներին ուսումնասիրության իրենց օրագրերում պատասխանել հետևյալ հարցերից երկուսին կամ մի քանիսին։

• Ձեր սովորած կամ կիրառած ո՞ր հոգևոր ճշմարտություններն են օգնել ձեզ ավելի մոտ զգալ Երկնային Հորը և Հիսուս Քրիստոսին:

• Ինչպե՞ս են այս ճշմարտությունները ձեզ ուղղություն տվել և ապահովել ձեր անվտանգությունը ուխտի ճանապարհին:

• Վարդապետություն և Ուխտեր սուրբ գրության ո՞ր սուրբգրային հատվածներն են առավել կարևոր եղել ձեզ համար: Ինչո՞ւ։

Ուսանողներին բավարար ժամանակ տալուց հետո, որպեսզի գրեն իրենց պատասխանները, մի քանի պատրաստակամ ուսանողի առաջարկեք դասարանի հետ կիսվել իրենց պատասխաններից մի քանիսով։ Նրանք կարող են կիսվել սուրբ գրությունների այն հատվածներով, որոնք առավել կարևոր են եղել իրենց համար և բացատրել, թե ինչու։ Կիսվելու ժամանակ սուսանողները կարող են քարեր ավելացնել ճանապարհային ուղենիշի վրա։

Ընտրելիս, թե հետևյալ վարժություններից որը օգտագործել, հաշվի առեք Հոգու հուշումները և ձեր ուսանողների կարիքները։

Բացատրեք, թե Փրկչի քահանայությունը և քահանայության բանալիներն ինչպես են օրհնում Նրա Եկեղեցին

Օգնեք ուսանողներին գնահատել, թե ինչ են իրենք վերջերս սովորել Փրկչի քահանայության և քահանայության բանալիների մասին: Դաս 119. Վարդապետություն և Ուխտեր 107.1–20 հատվածների իրենց ուսումնասիրության ընթացքում ուսանողները կարող են սովորել, որ նրանք, ովքեր ծառայում են Եկեղեցում, կարող են ստանալ Փրկչի զորությունը՝ Նրա քահանայության միջոցով: Վարդապետություն և Ուխտեր 110, Մաս 2-ի իրենց ուսումնասիրության ընթացքում ուսանողները կարող են սովորել Կիրթլենդի Տաճարում Ջոզեֆ Սմիթի և Օլիվեր Քաուդերիի քահանայության բանալիների վերականգնման մասին։

Կարող եք կիսվել նաև հետևյալ սցենարով։ Իրենց պատասխանները գրելիս ուսանողները կարող են վերանայել նշումները, որոնք կատարել են իրենց օրագրերում կամ իրենց նշած սուրբ գրությունները։

Բեքին և Մայքլը քույր և եղբայր են, որոնք վերջերս են միացել Եկեղեցուն: Նրանց ընտանիքում միայն իրենք են Եկեղեցու անդամներ։ Նրանք երկուսն էլ ամուր վկայություններ ունեն Մորմոնի Գրքի, Մարգարե Ջոզեֆ Սմիթի և Հիսուս Քրիստոսի վերականգնված Եկեղեցու մասին, բայց գիտակցում են, որ դեռ շատ բան ունեն սովորելու: Եկեղեցում մի կիրակի նրանք լսեցին, որ մեկը խոսում էր այն մասին, թե ինչպես են Փրկչի քահանայությունը և քահանայության բանալիներն օրհնում Եկեղեցու յուրաքանչյուր անդամի: Նրանք իրականում չգիտեին, թե դա ինչ է նշանակում:

• Ի՞նչը կարող եք օգտագործել Վարդապետություն և Ուխտեր գրքի ձեր վերջին ուսումնասիրությունից, որպեսզի օգնեք Բեքիին և Մայքլին ավելի լավ հասկանալ, թե ինչպես են մեզ՝ որպես Եկեղեցու անդամների օրհնում Փրկչի քահանայության զորությունը և քահանայության բանալիները։

Եթե ուսանողները օգնության կարիք ունենան, կարող եք նորից գրատախտակին նկարել Դաս 119. Վարդապետություն և Ուխտեր 107.1–20 հատվածների ծառը և պիտակել ճյուղերը Եկեղեցու տարբեր կազմակերպությունների անուններով։ Ուսանողները կարող են կիսվել, որ տղամարդիկ և կանայք, որոնք կոչումներ են ստանում Եկեղեցում, զորություն են ստանում Փրկչից՝ Իր Եկեղեցում մարդկանց ծառայելու համար: Իրենց բացատրության ընթացքում ուսանողները կարող են օգտվել բաժին 107-ի հատվածներից՝ ցույց տալու համար, որ Փրկչի Եկեղեցու բոլոր իշխանություններն ու պաշտոնները Մելքիսեդեկյան Քահանայության կցորդներն են։ Նրանք կարող են օգտագործել հատվածներ 5, 8, 14, 18–20 կամ իրենց ընտրությամբ այլ հատվածներ՝ դա ուսուցանելու համար:

Որպես այլընտրանք, դուք կարող եք ցուցադրել նկարներ, որոնք պատկերում են Մովսեսի, Եղիասի և Եղիայի այցելությունները Կիրթլենդի Տաճար․ այդ այցելությունները նկարագրված են Վարդապետություն և Ուխտեր 110 բաժնում։ Առաջարկեք ուսանողներին կիսվել, թե ովքեր են եղել այս այցելուները և ինչ բանալիներ են նրանք վերականգնել: Խրախուսեք նրանց իրենց բացատրության մեջ օգտվել բաժին 110-ից։

Ավելի մեծ վստահություն ունեցեք, որ առաքյալները Հիսուս Քրիստոսի հատուկ վկաներն են

Նախորդ դասի ժամանակ ուսանողները սովորեցին, որ Առաջին Նախագահությունը և Տասներկու Առաքյալների Քվորումը Քրիստոսի անվան հատուկ վկաներն են ամբողջ աշխարհում և ինչու է դա այդպես (տես Վարդապետություն և Ուխտեր 107․23)։ Ուսանողներին հնարավորություն տվեք խորհելու իրենց վկայության շուրջ՝ այն մասին, որ մարգարեներն ու առաքյալները Քրիստոսի հատուկ վկաներն են մեր օրերում և Հիսուս Քրիստոսի կողմից հանձնարարություն ունեն՝ օգնել մեզ ավելի մոտենալ Իրեն:

Դա անելու եղանակներից մեկը Առաջին Նախագահության և Տասներկու Առաքյալների Քվորումի վերջին նկարը ցուցադրելն է՝ տալով ստորև նշված հարցը։ Ուսանողներին բավարար ժամանակ տվեք, որպեսզի խորհեն և օրագրերում գրեն իրենց մտքերը։ Բավարար ժամանակ տալուց հետո մի քանի պատրաստակամ ուսանողի առաջարկեք կիսվել իրենց մտքերով:

• Ի՞նչ եք արել վերջերս, որն ազդել է ձեր վկայության վրա այն մասին, որ մարգարեներն ու առաքյալները իսկապես Քրիստոսի հատուկ վկաներն են։

  Եթե կարծում եք, որ ուսանողների համար օգտակար կլինի կատարել լրացուցիչ վարժություն՝ մեծացնելու իրենց վստահությունն առ այն, որ մարգարեներն ու առաքյալները Քրիստոսի հատուկ վկաներն են, կարող եք առաջարկել նրանց կատարել հետևյալ վարժություններից մեկը.

• Ընտրեք Առաջին Նախագահության կամ Տասներկու Առաքյալների Քվորումի վերջին ուղերձներից մեկը, որն առավել նշանակալից է ձեզ համար: Մտածեք, թե ինչպես է այդ ուղերձն ազդել Հիսուս Քրիստոսի հանդեպ ձեր վերաբերմունքի վրա:

• Պատասխանեք Առաջին Նախագահության կամ Տասներկու Առաքյալների Քվորումի անդամներից մեկի հրավերին սոցիալական ցանցում: Կիսվեք հրավերով սոցիալական ցանցի ձեր էջում։

• Սոցիալական ցանցում պատասխանեք գրառմանը կամ ուղիղ հաղորդագրություն ուղարկեք Առաջին Նախագահության կամ Տասներկու Առաքյալների Քվորումի անդամին՝ հայտնելով ձեր երախտագիտությունը վերջին ուղերձի համար, որն օգնել է ձեզ ավելի մոտ զգալ Փրկչին՝ Հիսուս Քրիստոսին:

Բավարար ժամանակ հատկացնելուց հետո առաջարկեք մի քանի ուսանողի դասարանի հետ կիսվել իրենց գրածով:

Պատրաստվեք երկրպագելու Տիրոջը տաճարում

Նախորդ դասերի ընթացքում ուսանողները հնարավորություններ ունեցան պատրաստվել երկրպագելու Տիրոջը Իր տաճարում: Ահա վերջին դասերի մի քանի ամփոփումներ, որոնք օգնեցին այդ գործընթացում․

• Բաժին 95-ում ուսանողները կարող էին քննարկել տաճարում երկրպագության համար զոհաբերություններ անելը:

• Բաժին 97-ում նրանք կարող էին վերանայել, թե ինչպես են տաճարային երաշխավորագրերի հարցերն օգնում մեզ դառնալ սրտով մաքուր:

• Բաժին 109-ում ուսանողները բացահայտեցին տաճարային երկրպագության հետ կապված օրհնություններ և մտածեցին այն մասին, թե այդ օրհնություններն ինչպես կարող են իրենց մոտիվացնել կյանքում:

• Բաժին 110-ում ուսանողները կարող էին քննարկել, թե իրենց արժանավորությունն ինչպես կարող է օգնել մոտ զգալ իրենց Տիրոջը՝ Նրա տաճարում (տես Վարդապետություն և Ուխտեր 110.5–10)։

Առաջարկեք ուսանողներին վերանայել որոշակի նպատակները կամ ծրագրերը, որ իրենք կազմել են, որպեսզի պատրաստվեն երկրպագելու Նրան Իր տաճարում։

• Վերջերս ի՞նչ ջանքեր եք գործադրել՝ ավելի լավ պատրաստվելու՝ տաճարում Տիրոջը երկրպագելու համար:

Եթե ուսանողների համար օգտակար կլինեն ավելի որոշակի հարցեր ծրագրերի կամ նպատակների վերաբերյալ, որոնց վրա նրանք կարող են աշխատել, կարող եք ցուցադրել հետևյալ տեքստը և խնդրել, որ նրանք պատասխանեն այս հարցերին իրենց ուսումնական օրագրերում:

Երբ ձեր ուսումնասիրության օրագրում պատասխանում եք հետևյալ հարցերից մեկին կամ մի քանիսին, խնդրեք անձնական հայտնություն՝ ձեզ առաջնորդելու համար։

• Ի՞նչ զոհաբերություններ եք արել կամ պատրաստ եք անել՝ ցույց տալու համար, որ Տիրոջը տաճարում երկրպագելը առաջնահերթություն է ձեր կյանքում:

• Ի՞նչ օրհնություններ եք տեսել ձեր կյանքում՝ տաճարային երաշխավորագրերի հարցերի ձեր պատասխանների շուրջ խորհելիս՝ պատրաստվելով մտնել Տիրոջ տուն:

• Ի՞նչ եք արել, որպեսզի ձգտեք արժանավոր լինել երկրպագելու Տիրոջը տաճարում:

Մտածեք, թե ինչպես եք դուք օրհնվել ձեր ջանքերի համար։ Ի՞նչ եք շարունակելու անել կամ սկսել եք անել, որպեսզի ավելի լավ պատրաստված լինեք՝ Նրա տաճարում երկրպագելու համար:

Իրենց առաջընթացը վերանայելիս՝ խրախուսեք ուսանողներին գործել ցանկացած փոփոխության ուղղությամբ, որը կատարելու վերաբերյալ իրենք հուշում են զգացել։ Գովեք ուսանողների ջանքերը՝ Երկնային Հորը, մեր Փրկչին և ավետարանն իրենց կյանքում առաջնահերթություն դարձնելու համար։ Կարող եք եզրափակել՝ կիսվելով այն օրհնությունների օրինակով, որոնք դուք ստացել եք՝ Փրկչին Իր տաճարում երկրպագելուն պատրաստվելիս: