Doktrina ug mga Pakigsaad 115–120

Doktrina ug mga Pakigsaad 115–120

Kinatibuk-ang Pagpasabot

Niadtong Enero 1838, si Propeta Joseph Smith ug ang iyang pamilya mibalhin gikan sa Kirtland, Ohio, ngadto sa Far West, Missouri, human ang migrabeng paglutos gikan sa mga kaaway sa Simbahan. Sa misunod nga mga bulan, nakadawat ang Propeta og mga pagpadayag diin gipahayag sa Ginoo ang importante ng mga kamatuoran, lakip ang ngalan sa Iyang Simbahan ug ang balaod sa ikapulo. Sa ulahing bahin sa maong tuig, nag-atubang ang mga Santos sa Missouri og grabeng paglutos, apil ang mando gikan sa gobernador sa Missouri nga papahawaon ang mga Santos gikan sa estado.

Pagsukna og mga pangutana nga nag-aghat og pagdiskobre: Ang pagsukna og mga pangutana nga may kalabotan ug kinahanglan og pagpatin-aw makahatag og makahuloganon ug dagkong kahigayonan sa mga estudyante aron makakita ug makapakigbahin og doktrina ug mga baroganan. Alang sa dugang pa kon giunsa kini pagbuhat sa Manluluwas, tan-awa ang seksiyon nga “Ang Manluluwas Mihatag og mga Kahigayonan alang sa mga Tawo nga Matudloan pinaagi sa Espiritu Santo” diha sa Pagtudlo sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga nag-ulohan og “Doktrina ug mga Pakigsaad 115.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 115

Katuyoan sa leksiyon: Aron matabangan ang mga estudyante nga mabati ang kaimportante sa paggamit sa saktong ngalan sa Simbahan sa Manluluwas.

• Pagpangandam sa estudyante: Dapita ang mga estudyante sa paggahin og panahon sa paghunahuna sa ngalan sa Simbahan sa Manluluwas: Ang Simbahan ni Jesukristo sa mga Santos sa Ulahing mga Adlaw. Hangyoa sila sa pagpamalandong kon unsay ikatabang niini nga ngalan aron masabtan sa mga tawo ang mahitungod sa Simbahan.

• Mga Materyal para sa mga estudyante: Mga kopya sa pakigpulong nga “Ang Sakto nga Ngalan sa Simbahan” (Liahona, Nob. 2018, 87-90) para sa mga estudyante nga walay digital nga akses.

• Bidyo: “Ang Ngalan sa Simbahan Dili Mausab” (13:36; tan-awa gikan sa time code 10:45 hangtod 12:10)

Doktrina ug mga Pakigsaad 119–120

Katuyoan sa leksiyon: Aron matabangan ang mga estudyante nga madugangan ang ilang tinguha sa pagkinabuhi uyon sa balaod sa Manluluwas sa ikapulo.

• Pagpangandam sa estudyante: Dapita ang mga estudyante nga nakabayad sa ikapulo nga pamalandongan ang kasinatian ug sa pagkonsiderar kon unsay ilang gibati bahin sa pagkinabuhi uyon niini nga balaod. Dapita kadtong wala pay kinitaan nga hangyoon ang usa ka ginikanan o kasaligang hamtong nga ipakigbahin ang mga panalangin nga ilang nakita gikan sa pagbayad og ikapulo.

• Handout: “Mga pagtulun-an bahin sa Balaod sa Ikapulo sa Manluluwas”

• Mga bidyo: “Tithing: I Will Make a Leap of Faith” (4:47); “The Language of the Gospel” (12:27; tan-awa gikan sa time code 5:27 hangtod 7:40)

Gipapahawa sa Missouri

Katuyoan sa leksiyon: Aron matabangan ang mga estudyante nga mobati sa dakong tinguha sa pagdangop sa Dios kon mag-atubang sila og lisod nga mga situwasyon.

• Pagpangandam sa estudyante: Dapita ang mga estudyante sa pagpangutana sa ilang minahal nga ipakigbahin ang ilang mga kasinatian o kasinatian sa uban sa pagdangop o pagsalig sa Dios kon nag-atubang og lisod nga mga kahimtang.

• Sulod nga ipakita: Mga summary sa mga kahimtang nga padulong ngadto sa pagpapahawa sa mga Santos gikan sa Missouri

• Bidyo: “1838: The Year the Saints Were Driven Out of Missouri” (5:15)

• Handout: “Ang Asoy ni Amanda Smith sa Hawn’s Mill”