Doktrina ug mga Pakigsaad 129–132

Doktrina ug mga Pakigsaad 129–132

Katibuk-ang Pagpasabot

Samtang ang mga Santos naa sa Illinoi, gipakigbahin ni propeta Joseph Smith ang importanteng mga pagtulun-an bahin sa lainlaing hilisgotan, apil ang kaimportante sa pagkuhag kahibalo ug salabotan, ang mga panalangin nga atong madawat pinaagi sa pagtuman sa mga sugo sa Dios, ug ang kinaiyahan sa Dios. Gipaila niya ang doktrina sa mahangtorong kaminyoon ug mitudlo nga kinahanglan kitang mosulod sa bag-o ug walay kataposang pakigsaad sa kaminyoon aron makadawat og mga panalangin sa kahimayaan. Girekord usab sa Propeta ang usa ka pagpadayag nga may kalabotan sa dinaghan nga kaminyoon, usa ka pagpadayag nga gihangyo sa Ginoo nga himoon sa unang mga miyembro sa Simbahan.

Ipahibalo sa mga tigkat-on nga ang ilang mga tampo gihatagan og bili: Sa tibuok leksiyon, pangitag mga paagi aron matabangan ang mga estudyante nga mobati nga ang ilang mga tampo gihatagan og bili ug importante. Pananglitan, dihang iisa sa mga estudyante ang ilang mga kamot aron mokomento, pwede nimo silang tawagon sa ilang ngalan ug ipahayag ang imong tinguha nga madungog ang unsay ilang isulti. Alang sa dugang pa kon giunsa sa Manluluwas pagtabang sa Iyang mga tigkat-on nga mobati nga gihatagan og bili, tan-awa ang seksiyon nga “Gipaniguro sa Manluluwas Nga ang Tanan Mibati nga Gitahod ug Gihatagan og Bili” diha sa Pagtudlo Sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon niining semanaha nga nag-ulohan og “Doktrina ug mga Pakigsaad 130.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 130

Katuyoan sa leksiyon: Aron tabangan ang mga estudyante sa pagpraktis sa pagtudlo sa mga elemento sa doktrina ni Jesukristo.

• Pagpangandam sa estudyante: Dapita ang mga estudyante sa pagpamalandong sa bisan unsang bag-o lang nga mga kahigayonan sa pagtudlo diha sa balay o sa simbahan. Ikonsiderar ang pagdapit nila sa pagtambong nga andam sa paghisgot sa ilang mga kalamposan ug mga hagit sa pagtudlo sa ebanghelyo sa Manluluwas.

• Handout: “Pagtudlo og mga Kamatuoran gikan sa Doktrina ug mga Pakigsaad 130 (Bahin 1 ug Bahin 2)”

Doktrina ug mga Pakigsaad 131

Katuyoan sa leksiyon: Aron tabangan ang mga estudyante nga masabtan ang kaimportante sa mahangtorong kaminyoon diha sa plano sa Langitnong Amahan.

• Pagpangandam sa estudyante: Dapita ang mga estudyante sa paghangyo sa usa ka minahal o lider sa Simbahan nga ipakigbahin ang pipila sa mga panalangin nga ilang nadawat tungod sa ilang kaminyoon sa templo. Pwedeng dapiton ang mga estudyante nga ipakigbahin ang ilang nakat-onan sa klase.

• Bidyo: “Eternal Marriage, an Apostolic Perspective” (5:26)

• Sulod nga ipakita: Mga instruksiyon alang sa kalihokan sa pagtuon ubos sa ulohan nga “Ang Kaimportante sa Kaminyoon diha sa Plano sa Dios”

Doktrina ug mga Pakigsaad 132:1-2, 34-66

Katuyoan sa leksiyon: Aron tabangan ang mga estudyante nga mas masabtan ang sugo sa Ginoo sa pipila ka Santos sa paghimo sa dinaghan nga kaminyoon sa unang mga adlaw sa Simbahan.

• Pagpangandam sa estudyante: Dapita ang mga estudyante nga motambong nga andam nga mopakigbahin og usa ka ehemplo sa usa ka tawo diha sa mga kasulatan nga misunod sa lisod nga sugo sa Dios.

• Mga hulagway: Abraham, Maria, Jesukristo.

• Mga bidyo: “Is It Hard to Be the Prophet?” (1:54); “Faith Is Not by Chance, but by Choice” (15:01; tan-awa gikan sa time code 6:25 hangtod 8:27)

• Handout: “Mga kinuha gikan sa ‘Dinaghang Kaminyoon sa Kirtland ug Nauvoo’”

Pagbansay 9 sa Doktrinal nga Kahanas

Katuyoan sa leksiyon: Aron hatagan ang mga estudyante og mga kahigayonan sa pagpraktis nga sag-ulohon ang mga pakisayran sa mga tudling sa doktrinal nga kahanas ug sa may kalambigitan niini nga makahuloganon nga mga hugpong sa mga pulong sa kasulatan. Kini nga leksiyon makatabang usab nila sa pagkat-on ug paggamit sa balaang mga baroganan para sa pag-angkon og espirituwal nga kahibalo.

• Pagpangandam sa estudyante: Dapita ang mga estudyante sa pagpraktis sa pagsag-ulo sa pakisayran sa kasulatan ug sa makahuloganon nga mga hugpong sa mga pulong sa ksaulatan sa pipila ka tudling sa doktrinal nga kahanas nga ilang natun-an.

• Aytem nga dalhon: Pitsel sa tubig ug pipila ka baso