Mataupu Faavae ma Feagaiga 133–134

Mataupu Faavae ma Feagaiga 133–134

Vaaiga Aoao

I le Mataupu Faavae ma Feagaiga 133, na faaali mai ai e le Alii mea o le a tutupu o le a muamua mai i Lona Afio Mai Faalua ma le ala e mafai ai e Lana Au Paia ona saunia mo na mea na tutupu; Sa Ia faaalia mai foi nisi mea se tele e faatatau i Ona uiga faaalia ma uiga auaumama. I le Mataupu Faavae ma Feagaiga 134, na otooto mai ai e taitai o le Ekalesia talitonuga o le Ekalesia e uiga i le malo ma tapuaiga.

Taulai atu ia Iesu Keriso a o e aoao atu tusitusiga paia: Faaalu se taimi e fesoasoani ai i tagata aoga ia iloa upumoni e uiga i le Faaola ma Lona mana togiola. Faasino atu i ai fuaitau o mau e ono faateleina ai lo latou faatuatua ia te Ia. Mafaufau e fai atu fesili o le a valaaulia ai tagata aoga e mafaufau loloto pe mafai faapefea e Iesu Keriso ona faamanuia, faamalolosia, ma taialaina i latou. Mo nisi faamatalaga i le ala e faia ai lenei mea, tagai i le vaega “Aoao atu e uiga i Faalagiga, Matafaioi, ma Uiga o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 133:41–56.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 133:1–40

Faamoemoega o le lesona: Ina ia fesoasoani i tagata aoga e saunia mo le Afio Mai Faalua o Iesu Keriso.

• Sauniuniga a le tagata aoga: Valaaulia tagata aoga e faitau ma mafaufau loloto i le Mataupu Faavae ma Feagaiga 29:10–11 ma mafaufau pe o a ni o latou lagona i le saunia e feiloai ma le Faaola pe a toe afio mai o Ia i le lalolagi.

• Anomea: Pepa lautele po o se isi pepa mo tagata aoga taitasi; maka lanu po o penivali

• Pepa e tufa atu: “Ua Valaaulia i Tatou e Iesu Keriso e Saunia mo Lona Afio Mai Faalua e ala i le …”

Mataupu Faavae ma Feagaiga 133:41–56

Faamoemoega o le lesona: Ina ia fesoasoani i tagata aoga ia malamalama i uiga ma aga a Iesu Keriso.

• Sauniuniga a le tagata aoga: Valaaulia tagata aoga e sue se ata o loo faaalia ai le Afio Mai Faalua o le Faaola. Uunaia i latou e talanoa ma o latou aiga po o uo i uiga o le Faaola o loo faaalia i le ata.

• Ata e faaali atu: O le Afio Mai Faalua o Iesu Keriso

• Anomea: Fasipepa mo vaega toalaiti o tagata aoga e faasoa mai

Mataupu Faavae ma Feagaiga 134

Faamoemoega o le lesona: Ina ia fesoasoani i tagata aoga ia malamalama i le taua o le saolotoga faaletapuaiga ma le usitaia o tulafono a le malo i mea o loo latou nonofo ai.

• Sauniuniga a le tagata aoga: Valaaulia tagata aoga e taumafai e aoao po o le a le aiaiga faavae a lo latou malo i le faaaogaina o tapuaiga faalelotu. E mafai e tagata aoga ona fesili atu i se matua po o se tagata matua faatuatuaina mo se fesoasoani i le aoaoina e uiga i lenei mea.

• Vitio: “The Book of Mormon: What Would Your Life Be Like without It?” (15:01; matamata mai le faailo taimi 0:00 i le 3:16)

• Pepa e tufa atu: “Matou te Talitonu i le Usiusitai i Tulafono a le Malo o Loo Tatou Nonofo Ai”; “Matou te Talitonu i le Saolotoga o Tapuaiga ma le Lotofuatiaifo”

Iloilo Lou Aoaoina 9

Faamoemoega o le lesona: Ina ia fesoasoani i tagata aoga e iloilo pe na faapefea ona fesoasoani le suesueina o le Mataupu Faavae ma Feagaiga i lo latou tuputupu a’e faaleagaga.

• Sauniuniga a le tagata aoga: Valaaulia tagata aoga e mafaufau pe na faapefea ona tuputupu ae ma faalolotoina lo latou malamalama ma le molimau o le talalelei i le tausaga ua tuanai pe lua. E mafai foi ona latou tomanatu i mea latou te lagona ua faia ai se eseesega tele i lo latou alualu i luma faaleagaga.

• Ata e faaali atu: Tulaga eseese o le fausiaina o le Malumalu o Sate Leki; Faatanoa o le Vai Papatisoga i le Malumalu

• Anotusi e faaali atu: O maa talatala ma lamolemole po o se ata o ni maa talatala ma lamolemole