Fotopampianarana sy Fanekempihavanana 137–138

Fotopampianarana sy Fanekempihavanana 137–138

Topimaso ankapobeny

Ny drafitry ny Ray any An-danitra ho an’ny fahasambarana dia manolotra famonjena ho an’ny zanany rehetra. Tamin’ny taona 1836 dia nampiseho fahitana momba ny fanjakana selestialy an’i Joseph Smith ny Tompo. Tamin’ny 1918, dia nahita fahitana momba ny asa fanompoana nataon’ny Mpamonjy tany amin’ny tontolon’ny fanahy ny Filoha Joseph F. Smith.

Amporisiho ny mpianatra hizara ireo fahamarinana izay ianarany. Izany dia hanampy azy ireo hiaina sy haneho ireo fahamarinana izay ampianarina azy ireo ary hanampy azy ireo hatoky tena amin’ny fahafahany hizara ireo fahamarinana amin’ny sehatra hafa. Raha mila fanazavana fanampiny momba ny fomba nanaovan’ny Mpamonjy izany dia jereo ny fizarana “Ny Mpamonjy dia namporisika ny hafa hizara ireo fahamarinana nianaran’izy ireo” ao amin’ny Mampianatra araka ny fomban’ny Mpamonjy. Afaka mahita ohatra iray momba ny fomba hanaovana izany koa ianao ao amin’ny lesona amin’ity herinandro ity izay mitondra ny lohateny hoe “Fotopampianarana sy Fanekempihavanana 138, Tapany 1.”

Miomàna hampianatra

Ity fampahalalana manaraka ity dia manome hevitra anao momba ny zavatra mety hilainao homanina mialoha ho an’ny lesona tsirairay.

Fotopampianarana sy Fanekempihavanana 137

Tanjon’ny lesona: Hanampy ny mpianatra hampitombo ny fankasitrahany ny drafitry ny famonjen’ny Ray any An-danitra.

• Fanomanana ny mpianatra: Asao ny mpianatra hisaintsaina ny fomba anoloran’ny drafitry ny fahasambarana famonjena ho an’ireo zanaky ny Ray any An-danitra, anisan’izany ireo izay tsy mandray izany eto amin’ny fiainana an-tany.

• Horonan-tsary:“Ary ny zazakely no hiroaka azy” (16:55; jereo manomboka eo amin’ny mari-potoana 4:40 hatramin’ny 6:00)

Fotopampianarana sy Fanekempihavanana 138, Tapany 1

Tanjon’ny lesona: Hanampy ny mpianatra hahatakatra ny fomba anoloran’ny Mpamonjy famonjena ho an’ireo zanaky ny Ray any An-danitra any amin’ny tontolon’ny fanahy.

• Fanomanana ny mpianatra: Asao ny mpianatra hisaintsaina ny zavatra fantany amin’izao fotoana izao sy izay tsy fantany momba ny zavatra mitranga amin’ireo zanaky ny Ray any An-danitra aorian’ny fahafatesan’izy ireo.

• Horonan-tsary: “Ny fahitana momba ny fanavotana ny maty” (15:20; jereo manomboka amin’ny mari-potoana 8:39 hatramin’ny 10:33)

Fotopampianarana sy Fanekempihavanana 138, Tapany 2

Tanjon’ny lesona: Hanampy ny mpianatra hahatsapa ho marisika handray anjara amin’ny asa atao any amin’ny tempoly sy ny asa momba ny tantaram-pianakaviana.

• Fanomanana ny mpianatra: Asao ny mpianatra hamerina hijery ny zavatra mety ho nataony vao haingana mba handraisana anjara amin’ny asa atao any amin’ny tempoly sy ny asa momba ny tantaram-pianakaviana ary ny fomba nitahian’izany ny fiainan’izy ireo.

• Fitaovana: Taratasy sy fitaovana fanoratana mba hamoronana dépliant

• Taratasy zaraina: “Natokana hanampy amin’ny fanangonana an’i Isiraely amin’ny alalan’ny asa atao any amin’ny tempoly sy ny tantaram-pianakaviana”

• Horonan-tsary: “Des cœurs enlacés” (16:12; jereo manomboka amin’ny minitra faha-10:21 hatramin’ny faha-11:30), “Les bénédictions promises de l’œuvre de l’histoire familiale et du temple” (3:26)