Սեմինարիա
Դաս 164․ Ամրացրեք ձեր հոգևոր հիմքը

«Դաս 164․ Ամրացրեք ձեր հոգևոր հիմքը», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Ամրացրեք ձեր հոգևոր հիմքը», Վարդապետություն և Ուխտեր․ Սեմինարիայի ուսուցչի ձեռնարկ

Դաս 164. Վարդապետության սերտում. Ինչպես պատասխաններ գտնեմ իմ հարցերին

Ամրացրեք ձեր հոգևոր հիմքը

Վարդապետության սերտման նախաբան

Սոլթ Լեյք Սիթիի տաճարի կառուցումը

Որպես Հիսուս Քրիստոսի աշակերտներ վերջին օրերում, մենք բախվում ենք բազմաթիվ հոգևոր վտանգների և դժվարությունների: Հակառակորդի ազդեցության դեմ ամուր կանգնելու համար մենք պետք է մեր կյանքը կառուցենք միակ հաստատուն հիմքի՝ Հիսուս Քրիստոսի վեմի վրա: Այս դասը կօգնի ուսանողներին հասկանալ, թե ինչպես կարող է վարդապետության սերտումը օրհնել իրենց կյանքը և օգնել կառուցել իրենց հոգևոր հիմքը Հիսուս Քրիստոսի վրա:

Հնարավոր ուսումնական վարժություններ

Այս դասը կարող է օգտագործվել՝ ուսանողներին վարդապետության սերտման նպատակներին ծանոթացնելու համար: Այն կարող է նաև օգտագործվել՝ վարդապետության սերտմանը ծանոթ ուսանողներին հիշեցնելու սեմինարիայի իրենց ուսումնառության այս կարևոր մասի արժեքի մասին: Այս դասը կարող եք ուսուցանել նոր օրացուցային տարվա սկզբին, բայց կարող եք նաև կրկին վերադառնալ այս դասին, եթե ուսուցանում եք ուսանողների նոր խմբի:

դասընթացի պատկերակՈւսուցիչների համար նախատեսված «Վարդապետության սերտում. Ուսուցում» նյութը կարող է օգտակար լինել՝ հասկանալու համար, թե ինչպես կիրառել վարդապետության սերտումը ձեր ուսուցման մեջ: Այս ուսուցողական նյութը հասանելի է ChurchofJesusChrist.org կայքում։

Մեր հոգևոր հիմքը

Օգնեք ուսանողներին հասկանալ Հիսուս Քրիստոսի վեմի վրա իրենց հոգևոր հիմքը կառուցելու կարևորությունը: Դուք կարող եք դա անել՝ քննարկելով Սոլթ Լեյքի տաճարի վերանորոգումը, ընդգծելով այն աշխատանքը, որը կատարվել է՝ երկրաշարժերից և այլ հնարավոր վտանգներից հիմքը պաշտպանելու համար: Կարող եք նկարներ ցուցադրել։ Կարող եք նաև ցուցադրել «President Nelson—Temple Foundation» տեսանյութը (2:03)։

2:3
Սոլթ Լեյք Սիթիի տաճարի կառուցումը 1
Սոլթ Լեյք Սիթիի տաճարի կառուցումը 2
Սոլթ Լեյք Սիթիի տաճարի կառուցումը 3
Սոլթ Լեյք Սիթիի տաճարի կառուցումը 4

  • Ձեր կարծիքով, ինչո՞ւ այդքան ժամանակ և միջոցներ հատկացվեցին Սոլթ Լեյքի տաճարի վերանորոգման և հիմքի բարելավման համար:

  • Այն, ինչ արվել է տաճարի համար, ինչպե՞ս կարող ենք համեմատել մեր անձնական կյանքի հետ:

Կարդացեք Հելաման 5․12 հատվածը՝ փնտրելով ճշմարտություններ և սկզբունքներ, որոնք կարող են օգնել ձեզ ավելի լավ հասկանալ Հիսուս Քրիստոսի վեմի վրա կառուցված հոգևոր հիմքի անհրաժեշտությունը:

  • Ի՞նչ օգնեց ձեզ հասկանալ այս հատվածն այն մասին, թե ինչու է մեզ անհրաժեշտ այն զորությունը, որը գալիս է Հիսուս Քրիստոսից:

  • Ի՞նչ ճշմարտություն սովորեցիք այս հատվածից այն մասին, թե ինչ կարող է տեղի ունենալ, երբ մենք կենտրոնացնենք մեր կյանքը Փրկչի վրա:

    Կարող եք առաջարկել ուսանողներին գրատախտակին գրել իրենց սովորածը մեկ նախադասությամբ: Այնուհետև կարող եք նրանց հնարավորություն տալ բացատրել իրենց պատասխանները: Նրանք կարող են ասել նմանատիպ ճշմարտություն․ եթե մենք կառուցենք մեր հոգևոր հիմքը Հիսուս Քրիստոսի վեմի վրա, մենք չենք կարող ընկնել։

  • Ձեր կարծիքով, ի՞նչ է նշանակում կառուցել մեր հոգևոր հիմքը Հիսուս Քրիստոսի վեմի վրա:

Ուսանողները կարող են կիսվել նմանատիպ գաղափարներով․ կենտրոնացնենք մեր կյանքը Հիսուս Քրիստոսի և Նրա ուսմունքների վրա, հետևենք Նրա օրինակին և կանոնավոր կերպով ապաշխարենք:

Նախագահ Ռասսել Մ. Նելսոնը նկարագրել է այն պատճառները, թե մենք ինչու պետք է մեր հիմքը կառուցենք Հիսուս Քրիստոսի վեմի վրա.

Նախագահ Ռասսել Մ. Նելսոն

Հիմա է ժամանակը, որ մեզանից յուրաքանչյուրը ձեռնարկի արտակարգ միջոցներ, որոնք, գուցե, նախկինում երբեք չենք ձեռնարկել, որպեսզի ամրացնենք մեր անձնական հոգևոր հիմքերը։ Աննախադեպ ժամանակները պահանջում են աննախադեպ միջոցներ։

Թանկագին եղբայրներ և քույրեր, սրանք վերջին օրերն են: Եթե ես և դուք ցանկանում ենք դիմակայել գալիք վտանգներին և ճնշումներին, անչափ կարևոր է, որ մեզանից յուրաքանչյուրը ամուր հոգևոր հիմք ունենա, որը կառուցված է մեր Քավիչի՝ Հիսուս Քրիստոսի վեմի վրա։ …

Տերը հայտարարել է, որ անկախ այսօրվա աննախադեպ մարտահրավերներից, նրանք, ովքեր իրենց հիմքը կառուցում են Հիսուս Քրիստոսի վրա և սովորում են օգտվել Նրա զորությունից, չպետք է ենթարկվեն այս դարաշրջանի հատուկ տագնապներին: (Ռասսել Մ․ Նելսոն, «Տաճարը և ձեր հոգևոր հիմքը», Լիահոնա, նոյեմբեր 2021, 93)

  • Այս ելույթն ի՞նչ է ձեզ օգնում հասկանալ այն մասին, որ ձեզ անհրաժեշտ է ամուր հոգևոր հիմք։

Կարող եք առաջարկել ուսանողներին մտածել, թե իրենք ինչ փորձառություն են ունենում կյանքում, որն օգնում է հասկանալ Փրկչի վեմի վրա իրենց հիմքը կառուցելու անհրաժեշտությունը: Այնուհետև առաջարկեք նրանց գնահատել իրենց հոգևոր հիմքի ամրությունը: Դա կարող եք անել՝ ցուցադրելով հետևյալ ինքնագնահատականը, որը վերաբերում է վարդապետության սերտման տարբեր արդյունքներին, որոնց մասին ուսանողները կսովորեն այս դասում: Ուսանողները կարող էին լուռ գնահատել իրենք իրենց կամ գրել իրենց պատասխանները ուսումնասիրության օրագրերում:

Հետևյալ պնդումներից յուրաքանչյուրի համար գնահատեք ինքներդ ձեզ 1-ից (ամենևին համաձայն չեմ) մինչև 5-ը (լիովին համաձայն եմ) սանդղակով:

  1. Երբ ինձ գայթակղում է հակառակորդը կամ ազդեցություն է ունենում ինձ վրա, ես ապավինում եմ Հիսուս Քրիստոսին և Նրա ուսմունքներին։

  2. Ես գիտեմ, թե ինչպես ստանալ վարդապետության վերաբերյալ, անձնական, սոցիալական կամ պատմական իմ հարցերի պատասխանները:

  3. Ես կարող եմ բացատրել ուրիշներին Հիսուս Քրիստոսի վարդապետությունը:

  4. Ես կարող եմ գտնել սուրբ գրությունների կարևոր հատվածներ, որոնք պարունակում են Քրիստոսի վարդապետությունը:

  5. Ես ապավինում եմ Հիսուս Քրիստոսի օրինակին և ուսմունքներին, որոնք օգնում են ինձ կատարել ամենօրյա ընտրություններ:

Վարդապետության սերտում

Բացատրեք, որ վարդապետության սերտումը եղանակնեից մեկն է, որով ուսանողները կարող են իրենց հիմքը կառուցել Հիսուս Քրիստոսի վեմի վրա՝ սեմինարիայում իրենց փորձառության միջոցով։ Եթե ունեք ուսանողներ, որոնք նախկինում մասնակցել են սեմինարիայի դասերին, կարող եք խնդրել նրանց բացատրել, թե ինչ գիտեն վարդապետության սերտման մասին: Կարող եք նաև ծանոթացնել ուսանողներին վարդապետության սերտմանը՝ ցուցադրելով «What Is Doctrinal Mastery?» տեսանյութը։ (3։56), որը հասանելի է ChurchofJesusChrist.org կայքում։

4:3

Կարդացեք «Վարդապետության սերտման նախաբան» բաժինը Վարդապետության սերտման հիմնական փաստաթղթում (2023)։ Խորհեք, թե ինչպես կարող է վարդապետության սերտմանը մասնակցելը օգնել ձեզ ամուր հիմք կառուցել Հիսուս Քրիստոսի վեմի վրա:

Կարող եք առաջարկել ուսանողներին կարդալ միասին՝ փոքր խմբերով: Ուսանողներից մեկը կարող է խմբի ուսանողներին հանձնարարել կարդալ տարբեր պարբերություններ, մյուսը կարող է գրի առնել կարևոր բացահայտումները, իսկ երրորդը՝ խմբի բացահայտումները հայտնել դասարանին:

  • Որո՞նք են վարդապետության սերտման երկու գլխավոր արդյունքները:

    Համոզվեք, որ ուսանողները հասկանում են, որ այդ արդյունքները հետևյալն են․ (1) հոգևոր գիտելիքներ ձեռք բերելու սկզբունքները սովորելն ու կիրառելը և (2) վարդապետության սերտման սուրբ գրության հատվածները և դրանցում ուսուցանվող՝ Հիսուս Քրիստոսի ավետարանի վարդապետությունը սերտելը։

    Օգտակար կլինի բացատրել, որ ուսանողները ամբողջ տարվա ընթացքում կմասնակցեն դասերին, որոնք նպատակն է ապահովել այս արդյունքները։ Նրանք հնարավորություն կունենան բացատրել վարդապետությունը իրենց բառերով, մտապահել վարդապետության սերտման հատվածների սուրբ գրության հիմնական արտահայտությունները և օգտագործել հոգևոր գիտելիքներ ձեռք բերելու սկզբունքները՝ վարդապետությունը իրական կյանքի իրավիճակներում կիրառելու համար:

  • Ըստ ձեզ՝ վարդապետության սերտումն ինչպե՞ս կարող է օգնել ձեզ կառուցել ձեր հիմքը Հիսուս Քրիստոսի վեմի վրա։

  • Ինչպե՞ս կարող է վարդապետության սերտմանը մասնակցելը պաշտպանել ձեզ ապագա դժվարություններից և հակառակորդի հարձակումներից:

Օգնեք ուսանողներին հասկանալ, որ վարդապետության սերտմանը ակտիվորեն մասնակցելու ջանքերը կարող են օգնել իրենց ավելի վստահորեն դառնալ դեպի Հիսուս Քրիստոսը: Այն ուսանողներին, որոնք նախկինում մասնակցել են վարդապետության սերտմանը, խնդրեք կիսվել, թե այն ինչպես է օրհնել իրենց կյանքը: Վկայեք, որ եթե իրենք ապավինեն Հիսուս Քրիստոսին, կկարողանան դիմակայել այն դժվարություններին, որոնց բախվում են այսօր և պատրաստվել այն դժվարություններին, որոնց կարող են բախվել ապագայում: