Սեմինարիա
Դաս 168. Դիմել աստվածային աղբյուրներին՝ պատասխաններ գտնելու համար

«Դաս 168. Դիմել աստվածային աղբյուրներին՝ պատասխաններ գտնելու համար», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Դիմել աստվածային աղբյուրներին՝ պատասխաններ գտնելու համար», Վարդապետություն և Ուխտեր․ Սեմինարիայի ուսուցչի ձեռնարկ

Դաս 168. Վարդապետության սերտում. Ինչպես պատասխաններ գտնեմ իմ հարցերին

Դիմել աստվածային աղբյուրներին՝ պատասխաններ գտնելու համար

Ձեռք բերել հոգևոր գիտելիքներ, Մաս 4

Երիտասարդները ուսումնասիրում են համակարգչով

Վարդապետության սերտման նպատակներից մեկն է օգնել ուսանողներին սովորել և կիրառել հոգևոր գիտելիքներ ձեռք բերելու սկզբունքները: Այս դասը կօգնի ուսանողներին հասկանալ, թե որքան կարևոր է փնտրել ճշմարտությունը Երկնային Հոր և Հիսուս Քրիստոսի կողմից սիրով տրամադրված աղբյուրներից:

Հնարավոր ուսումնական վարժություններ

Տեղեկությունների առատություն

Կարող եք մի բաժակ ջուր բերել՝ ցուցադրելու համար։ Խնդրեք ուսանողներին պատկերացնել, որ իրենց առաջարկում են խմել այդ ջուրը: Հարցրեք նրանց, թե ինչ կցանկանային իմանալ այդ ջրի մասին՝ նախքան կորոշեն խմել այն:

Ճիշտ այնպես, ինչպես մենք ցանկանում ենք իմանալ մեր օրգանիզմը մտնող նյութերի ծագման աղբյուրը, մենք պետք է գնահատենք նաև այն աղբյուրները, որոնց դիմում ենք տեղեկություններ ստանալու համար, երբ հարցեր ենք ունենում ավետարանի կամ մեզ հետաքրքրող թեմաների վերաբերյալ:

Նախկինում Առաջին նախագահությունից երեց Դիտեր Ֆ․ Ուխդորֆը բացատրել է.

Երեց Դիտեր Ֆ. Ուխդորֆ

Աշխարհի պատմության մեջ մենք երբևէ հնարավորություն չենք ունեցել ստանալու ավելի շատ տեղեկատվություն. սակայն դրա մի մասը հավաստի է, մի մասը՝ կեղծ, իսկ մեծ մասը` մասամբ ճիշտ:

Հետևաբար, պատմության մեջ երբևէ այդքան կարևոր չի եղել հասկանալ, թե ինչպես ստույգ տարբերել ճիշտը սխալից։ (Դիտեր Ֆ․ Ուխդորֆ, «Ի՞նչ է ճշմարտությունը» [Ելույթ Եկեղեցու կրթական համակարգի հոգևոր հավաքում, հունվար 13, 2013 թ․], broadcasts.ChurchofJesusChrist.org)

  • Ի՞նչ աղբյուրների եք սովորաբար դիմում, երբ ավետարանին վերաբերող հարց եք ունենում:

  • Ինչպե՞ս իմանալ՝ արդյոք աղբյուրը վստահելի է:

Աստված բոլոր ճշմարտությունների աղբյուրն է

Կարող եք գրատախտակին ցուցադրել սուրբ գրությունների հետևյալ հղումները, որպեսզի օգնեք ուսանողներին հասկանալ, թե ինչու է անհրաժեշտ դիմել Երկնային Հորը և Հիսուս Քրիստոսին՝ ճշմարտությունը փնտրելիս:

Կարող եք առաջարկել ուսանողներին ինքնուրույն կամ խմբով ուսումնասիրել հատվածներից մի քանիսը կամ բոլորը: Կարող եք նրանց առաջարկել գրատախտակին գրել իրենց գտած բառերը կամ արտահայտությունները, որոնք նկարագրում են Երկնային Հոր և Հիսուս Քրիստոսի հատկանիշները:

Կարդացեք ստորև բերված սուրբ գրությունները՝ փնտրելով բառեր կամ արտահայտություններ, որոնք կօգնեն ձեզ հասկանալ, թե ինչու մենք պետք է դիմենք Երկնային Հորը և Հիսուս Քրիստոսին՝ ճշմարտությունը գտնելու համար։

  • Ինչպե՞ս են այս հատվածներն օգնում ձեզ հասկանալ, թե մենք ինչու պետք է ապավինենք Երկնային Հորը և Հիսուս Քրիստոսին՝ ճշմարտությունը փնտրելիս:

    Քննարկման ընթացքում նշեք, որ Աստված բոլոր ճշմարտությունների աղբյուրն է։ Կարող եք գրել այս սկզբունքը գրատախտակին:

  • Որտե՞ղ կարող ենք գտնել այն ճշմարտությունը, որը գալիս է Երկնային Հորից և Հիսուս Քրիստոսից:

Փնտրեք վստահելի աղբյուրներ

Ստորև ներկայացված ուսումնական վարժությունը կօգնի ուսանողներին հասկանալ, թե ինչու իրենք պետք է օգտվեն աստվածային աղբյուրներից, որոնցով Աստված օրհնել է իրենց:

Կարդացեք «Ձեռք բերել հոգևոր գիտելիքներ» բաժնի 11–12-րդ պարբերությունները Վարդապետության սերտման հիմնարար փաստաթղթում (2023): Փնտրեք ուսմունքներ, որոնք կարող են առաջնորդել մեզ՝ մեր հարցերի պատասխանները գտնելու ջանքերում:

  • Ի՞նչ բառեր կամ արտահայտություններ գտաք, որոնք նկարագրում են, թե ինչու է կարևոր օգտվել աստվածային աղբյուրներից:

  • Որո՞նք են Երկնային Հորից և Հիսուս Քրիստոսից եկող աղբյուրները, որոնց մենք կարող ենք դիմել՝ ճշմարտությունը փնտրելիս: Ինչպե՞ս են այդ աղբյուրները ցուցադրում Երկնային Հոր և Հիսուս Քրիստոսի սերը մեր հանդեպ:

Հետևյալ վարժությունները կարող են օգնել ուսանողներին հասկանալ, թե ինչպես գտնել աստվածային աղբյուրները և ինչպես գնահատել իրենց հանդիպած այլ աղբյուրների վստահելիությունը։ Կարող եք օգտագործել մեկ կամ երկու վարժություն՝ կախված ձեր տրամադրության տակ եղած ժամանակից և ձեր ուսանողների կարիքներից:

Վարժություն Ա. Գտնել աստվածային աղբյուրները

Նախքան ուսանողներին կառաջարկեք կատարել հետևյալ վարժությունը, կարող եք նրանց ցույց տալ, թե ինչպես օգտագործել Եկեղեցու կողմից կազմված՝ ուսումնասիրության օժանդակ նյութերը, որոնք օգնում են գտնել աստվածային աղբյուրները: Դուք կարող եք ընտրել ավետարանական որևէ թեմա և ուսանողներին ցույց տալ, թե որտեղ կարող են գտնել լրացուցիչ տեղեկություններ՝ օգտագործելով քայլ 2-ում նշված նյութերը:

Ուսանողներին ցույց տալուց հետո, թե ինչպես գտնել աստվածային աղբյուրները, հնարավորություն տվեք նրանց անել դա ինքնուրույն կամ դասըկերոջ հետ: Կարող եք օգնել ուսանողներին սկսել՝ ներկայացնելով և ցուցադրելով հետևյալ ցուցումները։

Աստվածային աղբյուրները գտնելու համար օգտագործեք Եկեղեցու կողմից կազմված՝ ուսումնասիրության օժանդակ նյութերը՝ կատարելով հետևյալ երկու քայլը.

  1. Ընտրեք ավետարանական թեմա՝ տեղեկություններ գտնելու համար: Թեմաների օրինակներներ են՝ Մորմոնի Գրքի թարգմանությունը, Առաջին Տեսիլքի պատմությունները և Իմաստության խոսքը: Դուք կարող եք ընտրել ավետարանական ցանկացած թեմա, որը ձեզ հետաքրքրում է:

  2. Գտեք աստվածային աղբյուրներ՝ օգտագործելով Եկեղեցու կողմից կազմված ուսումնասիրության օժանդակ նյութերը։ Ուսումնասիրության օժանդակ նյութերի օրինակներ են՝ Թեմաներ և հարցեր, Սուրբ գրքերի ուղեցույցը, Gospel Library հավելվածի որոնման գործառույթը, Եկեղեցու պատմություն թեմաները և գերագույն համաժողովի ելույթները։

    Երբ ուսանողներն աշխատում են՝ գտնելու աստվածային աղբյուրները, դուք կարող եք շրջել դասարանում, որպեսզի օգնեք ուսանողներին, որոնք հնարավոր է հարցեր կամ օժանդակության կարիք ունենան: Ուսումնասիրության համար ուսանողներին ժամանակ տրամադրելուց հետո նրանց կարող եք տալ հետևյալ հարցերը, որոնք օգտակար կլինեն՝ իրենց փորձառությունները քննարկելու համար:

  3. Ի՞նչ գաղափարներ ձեռք բերեցիք աստվածային աղբյուրներ գտնելու ընթացքում:

  4. Ի՞նչ օգտակար տեղեկություններ գտաք:

Վարժություն Բ. Գնահատել տեղեկությունների աղբյուրները

Ճշմարտությունը փնտրելու ընթացքում լինում են դեպքեր, երբ հանդիպում ենք Եկեղեցու կողմից չհրապարակված տեղեկությունների աղբյուրների: Այդ դեպքերում կարևոր է, որ մենք գնահատենք մեզ հասանելի տեղեկությունների հավաստիությունը:

  • Ի՞նչ կարող ենք անել՝ տեղեկությունների վստահելի և ոչ վստահելի աղբյուրները տարբերելու համար:

Ցուցադրեք հետևյալ հարցերը կամ տվեք դրանք ուսանողներին՝ աշխատաթերթի տեսքով: Ուսանողներին առաջարկեք ինքնուրույն կամ դասարանով կարդալ հարցերը։ Դրա հետ միասին կարող եք առաջարկել նրանց կարդալ հարցերի հետ կապված սուրբ գրությունները:

Ինչպես տարբերել ճշմարտությունը կեղծիքից

Վարդապետություն և Ուխտեր․ Սեմինարիայի ուսուցչի ձեռնարկ․ Ձեռք բերել հոգևոր գիտելիք, Մաս 4

Կարդացեք ստորև ներկայացվող հարցերը: Մտածեք, թե ինչպես կարող են նմանատիպ հարցերը օգնել ձեզ որոշել տեղեկությունների տարբեր աղբյուրների վստահելիությունն ու օգտակարությունը:

  • Ես ի՞նչ զգացի Սուրբ Հոգուց, երբ կարդացի կամ լսեցի այս տեղեկությունը (Տես Վարդապետություն և Ուխտեր 50․23–24:)

  • Արդյո՞ք այս տեղեկությունն ինձ ավելի է մոտեցնում Հիսուս Քրիստոսին և Նրա Եկեղեցուն (Տես Մորոնի 7.15–17:)

  • Արդյո՞ք այն խրախուսում է ինձ պահել Աստծո պատվիրանները:

  • Արդյո՞ք այն համապատասխանում է նրան, ինչ սուրբ գրություններն ու ժամանակակից մարգարեներն են ուսուցանում (Տես Բ Տիմոթեոս 3․15–17, Վարդապետություն և Ուխտեր 1․38:)

  • Արդյո՞ք այն հաստատում է այն ամենը, ինչը Սուրբ Հոգին ինձ արդեն ներկայացրել է որպես ճշմարտություն կամ արդյո՞ք այն չի դրդում ինձ կասկածի տակ դնել այդ ճշմարտությունները: (Տես Մորոնի 10․5:)

  • Արդյո՞ք այն գալիս է մի աղբյուրից, որը Փրկիչը կամ Նրա Եկեղեցու առաջնորդները վստահելի են համարում:

  • Իմ ծնողները կամ Եկեղեցու առաջնորդները ի՞նչ կասեին այս տեղեկության մասին (Եթե ես գայթակղություն եմ զգում այն թաքցնել նրանցից, ի՞նչ է դա ինձ ասում դրա աղբյուրի մասին:)

Երբ ուսանողները կարդան հարցերը, խնդրեք նրանց կիսվել, թե իրենց կարծիքով, ինչո՞ւ նմանատիպ հարցերը կարող են օգտակար լինել իրենց՝ խորհելու համար: Կարող եք նաև առաջարկել նրանց կիսվել օրինակներով, թե ինչպես են իրենք օգտագործել այս կամ նմանատիպ հարցերը՝ գնահատելու համար տեղեկությունների հավաստիությունը:

Կիրառեք ձեր սովորածը

Որպեսզի օգնեք ուսանողներին յուրացնել իրենց սովորածը, կարող եք առաջարկել նրանց՝ իրենց օրագրերում գրել հետևյալ հարցերից մեկի կամ երկուսի իրենց պատասխանը։ Այնուհետև կարող եք առաջարկել նրանց կիսվել իրենց մտքերով դասընկերոջ կամ դասարանի հետ:

  • Ի՞նչ սովորեցիք այսօր, որը կարող է օգնել ձեզ ավելի լավ գտնել ավետարանի վերաբերյալ ձեր հարցերի պատասխանները:

  • Ի՞նչ եք կարծում, այսօր ձեր սովորածն ինչպե՞ս կազդի ձեր հետագա գործողությունների վրա:

Վկայեք այն ճշմարտությունների մասին, որոնք դուք այսօր ուսումնասիրել եք և խրախուսեք ուսանողներին փնտրել այն ճշմարտությունը, որը Երկնային Հայրը և Հիսուս Քրիստոսը բացահայտել են աստվածային աղբյուրների միջոցով: