Սուրբ գրությունների ուսումնասիրության հմտություններ

Սուրբ գրությունների ուսումնասիրության հմտություններ

Ակնարկ

Սուրբ գրությունների ուսումնասիրության հմտությունները կարող են օգնել մեզ ավելի լավ ուսումնասիրել սուրբ գրությունները և օգնել մեզ ավելի մոտենալ Փրկիչ Հիսուս Քրիստոսին: Հիսուս Քրիստոսի վրա կենտրոնանալը, ծանոթագրությունները, ճշմարտությունները գտնելը, սուրբ գրությունների ուսումնասիրության գործիքների օգտագործումը և համատեքստը հասկանալը կարող են օգնել ավելի իմաստալից դարձնել սուրբ գրությունների ուսումնասիրությունը:

Ժամանակացույցի առաջարկ․ Այս դասերը կարելի է ուսուցանել ցանկացած պահի: Այնուամենայնիվ, կարող է արդյունավետ լինել սուրբ գրությունների ուսումնասիրության հմտությունների մեկ կամ մի քանի դասեր ուսուցանել ուսումնական տարվա սկզբին, այնուհետև մի քանի շաբաթը մեկ այլ հմտություն ներդնել: Սա թույլ կտա ուսանողներին սովորել և կիրառել այս հմտությունները ողջ տարվա ընթացքում:

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Կենտրոնանանք Հիսուս Քրիստոսի վրա սուրբ գրություններում

Դասի նպատակը. Օգնել ուսանողներին կենտրոնանալ Փրկչի վրա՝ սուրբ գրությունները, մասնավորապես Վարդապետություն և Ուխտեր գիրքը ուսումնասիրելիս:

• Ուսանողի նախապատրաստում․ Առաջարկեք ուսանողներին Վարդապետություն և Ուխտերում գտնել Հիսուս Քրիստոսի անունը կամ տիտղոսը, որը կարևոր է իրենց համար և պատրաստվել կիսվել իրենց գտածով։

• Նյութեր ցուցադրման համար. Փրկչի մշուշոտ նկար և մեկ այլ նկար՝ ֆոկուսի մեջ

• Տեսանյութ․ ««Անուն»․ Ինչպե՞ս պետք է անվանենք Նրան» (1:47)

Գտնել ճշմարտություններ սուրբ գրություններում

Դասի նպատակը. Օգնել ուսանողներին գտնել սուրբ գրություններում ավետարանի ճշմարտությունները և մեծացնել Տիրոջը մոտենալու կարողությունը:

• Ուսանողի նախապատրաստում․ Որպես սուրբ գրությունների ամենօրյա ուսումնասիրության մաս, առաջարկեք, որ ուսանողները փորձել գտնել ավետարանի ճշմարտություններ, որոնք կօգնեն իրենց կյանքում, ինչպես նաև խորհել, թե ինչ իրենք արեցին դրանք գտնելու համար:

• Տեսանյութ. «Թանկարժեք մարգարիտների առակը» (6:47, դիտել 2:13-ից մինչև 4:20-ը)

• Նյութեր ցուցադրման համար. Երիտասարդ կնոջ նկար, որը լողափում ավազի մեջ գոհարներ է փնտրում և գտնում

• Աշխատաթերթ. «Գտեք ճշմարտություններ սուրբ գրություններում»

• Նյութեր. Թղթեր յուրաքանչյուր ուսանողի համար

Սուրբ գրությունների նոթագրում

Դասի նպատակը․ Օգնել ուսանողներին նշումներ կատարել և գրառումներ ավելացնել իրենց սուրբ գրություններում, որպեսզի իրենց ուսումնասիրությունն ավելի իմաստալից դառնա և իրենց ավելի մոտեցնի Երկնային Հորը և Հիսուս Քրիստոսին:

• Ուսանողի նախապատրաստում․ Առաջարկեք ուսանողներին սուրբ գրությունների ամենօրյա ուսումնասիրության ընթացքում նշել այն, ինչը առավել կարևոր է իրենց համար՝ հատկապես այն բառերը կամ արտահայտությունները, որոնք օգնում են իրենց հասկանալ կամ զգալ Երկնային Հոր և Հիսուս Քրիստոսի սերը: Նրանք կարող են պատրաստվել կիսվելու, թե ինչ են նշել և ինչու:

• Նյութեր ցուցադրության համար. Մի քանի օրինակ, թե ինչպես մարդիկ կարող են նշումներ կատարել իրենց սուրբ գրություններում (նաև, եթե օգտակար է, գտեք եղանակ՝ ցույց տալու, թե ինչպես կարելի է նշումներ կատարել սուրբ գրություններում՝ Gospel Library հավելվածում):

• Տեսանյութ «Նշումներ կատարելու համակարգ, որը գործում է ձեզ համար» (1:56), «Նշումներ կատարեք սուրբ գրություններում» (1:45)

Սուրբ գրությունների ուսումնասիրության գործիքներ

Դասի նպատակը․ Օգնել ուսանողներին բարելավել սուրբ գրությունների իրենց անձնական ուսումնասիրությունը և ամրապնդել իրենց հարաբերությունները Երկնային Հոր և Հիսուս Քրիստոսի հետ՝ սուրբ գրությունների ուսումնասիրության գործիքների օգտագործման միջոցով:

• Ուսանողի նախապատրաստում․ Առաջարկեք ուսանողներին ասել այն գործիքները, որոնք հասանելի են՝ այսօրվա աշխարհում մեզ օգնելու համար և հասանելի չէին 50 տարի առաջ: Խնդրեք նրանց պատրաստվել բացատրելու, թե ինչպես են այդ գործիքները ազդում մեր կյանքի վրա։

• Նյութեր ցուցադրման համար. Մարդու նկարներ՝ գութանով, ժամանակակից բերքահավաք մեքենայով, ձի հեծած և ինքնաթիռով

Հասկանալ սուրբ գրությունների համատեքստը

Դասի նպատակը. Օգնել ուսանողներին հասկանալ, թե ինչպես կարող է սուրբ գրությունների համատեքստը սուրբ գրությունների ուսումնասիրությունն ավելի իմաստալից դարձնել:

• Ուսանողի նախապատրաստում․ Առաջարկեք ուսանողներին պատրաստվել այս դասին՝ կարդալով բաժնի գլխագիրը Վարդապետություն և Ուխտեր գրքի բաժինն ուսումնասիրելուց առաջ: Խնդրեք նրանց ուշադրություն դարձնել, թե ինչ տարբերության է դա հանգեցնում բաժնի բովանդակությունը հասկանալու համար:

• Նյութեր ցուցադրման համար. Մարդու մի նկար, որը հրում է մեկ այլ մարդու, և մարդու նկար, որը մեկ այլ մարդու հեռու է հրում մեքենայից (նաև, եթե օգտակար է, ցուցադրեք լրացուցիչ նյութեր համատեքստի վերաբերյալ՝ Gospel Library հավելվածում):