172-р хичээл: Судар судлах ур чадвар

Сударсудлах арга хэрэгсэл

Судлах тусламжийг ашиглах нь

Энэ хичээл нь танд судар судлах хэрэгслүүдээр дамжуулан Тэнгэрлэг Эцэг, Есүс Христ хоёртой харилцах таны харилцааг хүчирхэгжүүлж, хувиараа судраас судлах үйл явцыг тань сайжруулахад тусална.

Суралцагчийн бэлтгэл: Суралцагчдыг 50 жилийн өмнө боломжгүй байсан ч өнөөгийн дэлхийд бидэнд тусалж болох хэрэгслүүдийг хуваалцахаар бэлтгэлтэй ирэхэд урь. Тэдгээр хэрэгсэл нь бидний амьдралд ямар өөрчлөлт авчирдаг тухай тайлбарлахад бэлдэхийг тэднээс хүс.

Боломжит суралцах үйл ажиллагаа

Хэрэгсэл

Дараах зургуудыг (бусад ижил төстэй зураг) харуулаад, суралцагчдыг дараах асуултуудад хариулахад урих талаар бодож үз.

• Эдгээр хэрэгсэл бидний аялж, ажиллах чадварт хэрхэн нөлөөлсөн бэ?

• Олон жилийн турш бидний аливаа зүйлийг хийх чадамжийг нэмэгдүүлдэг өөр бусад ямар хэрэгсэл зохион бүтээгдсэн бэ?

• Бид эдгээр хэрэгслийг мэдэхгүй бас хэрхэн ашиглахыг мэддэггүй байсан бол хэр өөр байх байсан бол?

Аялж, ажиллахад аливаа хэрэгслүүдийг ашигладаг шиг судраас судлахад бас Тэнгэрлэг Эцэг, Есүс Христ хоёрт илүү ойртоход тусалдаг хэрэгслүүд гэж байдаг.

Ням гаргийн ангийн ерөнхий ерөнхийлөгч асан Тэд Р.Каллистэр ах дараах захиасыг хуваалцжээ.

Өнөө үеийнхэн урьд нь олон өвөг дээдэст танигдаагүй байсан үнэн болон ойлголт, нэмэлт баталгаа зэргийг мэдэж авч байгаа нь—өнөө үеийнхэн илүү зөв шударга, илүү ухаалаг учраас биш, харин илүү сайн хэрэгслүүдийг ашиглах боломжтой байгааг харуулж байна. Морь, анжис бүхий мэдлэг туршлага арвин тариаланч өөрийн хүссэнээр удирддаг илүү өндөр технологийн трактор бүхий адил ур чадвартай тариаланчийг гүйцэхгүй. Механик тооны машинтай математикч өндөр хурдны компьютертой нэгнийг гүйцэхгүй. Гар дурантай Галилео хамгийн өндөр дэвшилтэт дурантай Галилеотой адилаар ертөнцийг олж нээж чадахгүй. Их Эзэн өмнөх үеийнхнээс илүү ихээр сайн мэдээний мэдлэгийг биднээс хүсэх учиртай, яагаад гэвэл бидэнд илүү их зүйл байна. (Tad R. Callister, The Infinite Atonement [2000], 21)

Дараах асуултуудыг тунгаан бод.

• Асуултынхаа хариултыг олоход мөн Тэнгэрлэг Эцэг, Есүс Христ хоёрт илүү ойртоход тусалдаг судар судлах арга хэрэгслүүдийг та хэр сайн мэдэх вэ?

• Тэдгээрийг ашиглахад танд ямар санагддаг вэ?

Энэ хичээлийг судалж байхдаа та судар судлах арга хэрэгслүүдийг илүү сайн ойлгохыг мөн тэдгээр нь танд хэрхэн тусалж болохыг эрэлхийл.

Тодорхойлох: Судар судлах арга хэрэгслүүдийг ашиглах нь

Судар судлах арга хэрэгслүүд гэж юу болохыг суралцагчдад тодорхой ойлгуулахад туслах дараах зүйлсийг хий.

Суралцагчдыг ангийн урд гарч ирээд, Их Эзэний бидэнд асуултынхаа хариултыг олоход болон Тэнгэрлэг Эцэг, Есүс Христ хоёрт илүү ойртоход туслахын тулд өгсөн судар судлах арга хэрэгслүүдийг бичихэд урь. Суралцагчдын дурдаагүй дараах хэрэгслүүдээс аль нэгийг нь нэмэх талаар бодож үз.

Зүүлт тайлбар

Topical Guide

Судруудын удирдамж

Index to the Triple Combination

Газрын зураг

Сүмийн түүхийн гэрэл зургууд

Самбар дээрх төрөл бүрийн хэрэгслүүд рүү зааж, суралцагчдаас тэдгээр нь юу болохыг мөн хаанаас тэдгээрийг олж болохыг асуу. Хэрэв суралцагчид тэдгээрээс нэгийг нь ч мэдэхгүй тохиолдолд дараах тайлбарыг ашиглан хаанаас олж болохыг суралцагчдад үзүүл.

Зүүлт тайлбар— Зүүлт тайлбар нь хуудасны доод хэсэг рүү чиглүүлдэг, шүлэгт жижиг үсгээр эшлэгдсэн ба холбогдох шүлэгтэй холбоотой нэмэлт судрын эшлэл, сэдвүүдийг олоход тусалдаг. Gospel Library аппликэйшн руу ороод, зүүлт тайлбар дээр товшиход адилхан мэдээлэл харагдана.

Газрын зургууд болон Сүмийн түүхийн гэрэл зургууд— Эдгээр эх сурвалжийг гурамсан судрын төгсгөлөөс эсвэл Gospel Library апп-ын Судрууд, Судлах тусламж хэсгээс олж болно.

Загвар

Судар судлах арга хэрэгслийг хэрхэн ашиглах талаар загварчлахын тулд дараах үйл ажиллагааг хийж гүйцэтгэ. Үүнд:

Уучлалын тухай мэддэг болон мэдэхийг хүсэж байгаа зүйлээ бод.

Сургаал ба Гэрээ 64:9–11-ийг уншаад, уучлалын талаарх үнэнүүдийг олж мэд.

• Та юу сурч мэдсэн бэ? Эдгээр шүлэг нь Тэнгэрлэг Эцэг, Есүс Христ хоёрын талаар юуг илүү сайн ойлгоход тань тусалдаг вэ?

  Мөн суралцагчдыг судрын тухай ойлголтоо илүү гүнзгийрүүлэхийн тулд ямар хэрэгслийг ашиглаж болох талаар хуваалцахад урь. Суралцагчдыг судлах хэрэгслийн тухай хуваалцах үед нь үүнийг хэрхэн ашиглахыг асууж, тэдний зааврыг дагахад урь. Жишээлбэл: Тэд эдгээр шүлгийн зүүлт тайлбаруудаас судруудыг хайж болно. Тэд мөн судруудын удирдамжаас “Есүс Христ,” “Гэтэлгэх,” “Өршөөх” эсвэл “Цагаатгал”гэдэг үгсийг хайж болно.

  Суралцагчдыг сурч мэдсэн зүйлсээ болон энэ нь яагаад өөрсдөд нь утга учиртай байсан тухай хуваалцахад урь.

• Судар судлах арга хэрэгслүүд таны судлах үйл явцад хэрхэн тусалсан бэ?

Дадлага хийх

Гарч ирээд, өөрсдийнхөө болон таньдаг хүмүүсийнхээ илүү ихийг мэдэхийг хүсэж байгаа зүйлс эсвэл үүнд хариулсан сайн мэдээний сэдвүүд болон асуултуудыг самбарт бичихэд суралцагчдыг урь. Эсвэл та суралцагчдын хариултыг авахын тулд сонголтоор нэршилгүй асуулга үүсгэх хэрэгслийг ашиглаж болно.

Хэрэв суралцагчдад санаа гаргахад хэцүү байвал дараах сэдвүүдийг самбарт бичих талаар бодож үз. Суралцагчдын асуултад туслах эсвэл тэдний судалж байгаа зүйл Есүс Христэд ойртоход нь тусалж болох дараах сэдвүүдээс (тэдний сонгосон сэдэв) нэгийг сонгоход урь.

• Өршөөл

• Илчлэлт хүлээн авах

• Тэнгэрлэг Эцэг

• Яагаад Есүс Христ бидэнд хэрэгтэй вэ

• Мөнх бус байдлын өмнөх оршихуй

• Сүнсний дэлхий

• Эцсийн шүүлт

• Гэрлэлт ба гэр бүл

• Есүс Христийн Хоёр дахь ирэлт

Эсвэл нэг найз нь дээр дурдсан сэдвүүдээс аль нэгийнх нь талаар илүү их мэдэхийг хүсэж байгаагаар суралцагчид жүжигчлэн тоглож болно.

Судар судлах арга хэрэгслүүдийг ашиглан, энэ сэдэв эсвэл асуултыг судлахад хэдэн минут зарцуул. Таны хувьд утга учиртай, асуултуудад тань хариулдаг эсвэл Тэнгэрлэг Эцэг, Есүс Христ хоёрт таныг ойртуулдаг үнэнүүдийг эрж хай.

Хангалттай хугацаа өнгөрсний дараа, суралцагчдыг хос хосоор нь эсвэл жижиг бүлгүүдэд хувааж, сурсан зүйлээ болон хэрхэн үүнийг сурсан тухай хуваалцахыг суралцагчдаас хүс. Хичээлийг төгсгөхдөө, суралцагчдыг дараах асуултад хариулахад урь.

• Хувиараа судар судлахдаа эдгээр арга хэрэгслийг тогтмол ашиглах нь хэрхэн таны Тэнгэрлэг Эцэг, Есүс Христ хоёрын талаарх мэдлэг болон харилцаанд нөлөөлсөн бэ?

Нэмэлт эх сурвалж

Судраас судлах нь миний амьдралыг хэрхэн гүн гүнзгий адисалдаг вэ?

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн заасан.

Судрууд бол сүнсний хамгаалалтын түлхүүрүүд мөн. Судрууд нь Бурханы хүүхэд бүрд Есүс Христ бол Аврагч бөгөөд Гэтэлгэгч гэдэг гэрчлэлийг авчрах сургаал, хууль, ёслолуудыг агуулдаг.

Зүүлт тайлбар, холбогдох эшлэл бүхий судруудыг олон хэлээр хэвлэхийн тулд олон жилийн турш бэлтгэж, асар их хүчин чармайлт гаргасаар байна. Бид судруудыг судлахыг хүссэн бүхий л хүмүүст тэдгээрийг хүртээмжтэй болгохоор хичээж байна. Тэд бидэнд хаашаа явж, юу хийхийг заадаг. Тэд бидэнд итгэл найдвар, мэдлэг өгдөг.

Олон жилийн өмнө Далын ахлагч С.Дилвөрт Янг судруудыг унших тухай хичээлийг надад заасан юм. Нэгэн гадас гишүүдийнхээ дунд үүссэн хурцадмал байдлыг арилгахын тулд тэдэнд зөвлөгөө өгөх хэрэгтэй байлаа.

“Би юу зөвлөх вэ?” гэж ерөнхийлөгч Янгаас би асуулаа.

“Судруудыг унш гэж тэдэнд хэл” хэмээн түүнийг энгийнээр хариулахад,

би: “Ямар судрууд?” гэж асуув.

“Ямар судар гэдэг нь чухал биш ээ. Жишээ нь, Мормоны Номыг нээгээд, уншиж эхэл гэж тэдэнд хэл. Удалгүй тэд амар амгалан ба урам зоригийг мэдрэх болно. Тэгээд асуудлын шийдэл аяндаа олдоно” хэмээн тэр хэлж билээ. (Boyd K. Packer, “The Key to Spiritual Protection,” Liahona, Nov. 2013, 26–27)

Ерөнхийлөгч Пакэр зүүлт тайлбар болон судруудын бусад арга хэрэгслийн талаар ийнхүү заасан.

Олон жил улиран одох тусам эдгээр судар Их Эзэн Есүс Христийг мэддэг, Түүний хүслийг дуулгавартай дагахаар тараагдсан, итгэлтэй Христийн шашинтнуудын залгамж үеийнхнийг төрүүлэх болно. …

… Илчлэлтүүд дэлхийн түүхэнд нээгдэж байгаагүйгээр тэдэнд нээгдэх болно. … Тэд өвөг дээдсийнхээ хүрч чадаагүй тийм өндөрлөгт сайн мэдээний мэдлэгийг эзэмшсэн байна. Тэд Есүс бол Христ хэмээх гэрчлэлтэй болж, Түүнийг тунхаглах мөн хамгаалах чадвартай байх болно. …

Дөрвөн боть судар дээрх эдгээр эшлэл нь дэлхийн түүхэнд хэзээ ч бүрэлдэж байгаагүй номлол, Их Эзэн Есүс Христийн сургаалын талаарх судрын мэдээллийн хамгийн ойлгомжтой эмхэтгэлүүдийг бүрдүүлдэг. (Boyd K. Packer, “Scriptures,” in Conference Report, Oct. 1982, 75–76; or Ensign, Nov. 1982, 53)

Судруудын хожмын үеийн гэгээнтнүүдийн хэвлэлд ямар арга хэрэгслүүд байдаг вэ?

Энэ асуултад хариулахаар илүү дэлгэрэнгүй мэдээлэл авахын тулд 2006 оны 10-р сарын Ensign дээрх “Scripture Study Tools”-ийг унших талаар бодож үз.

Нэмэлт суралцах үйл ажиллагаа

Илүү их суралцах арга хэрэгслийн дадлага

Хэрэв суралцагчид энэ хичээлд дурдсан суралцах арга хэрэгслүүдийг хэрхэн ашиглах талаар илүү ихийг мэдэж авах нь тэдэнд илүү ашигтай байвал тэднийг Арван хоёр төлөөлөгчийн чуулгын ерөнхийлөгч асан Боид К.Пакэрын (1924–2015) 1985 оны 12-р сарын Ensign дээрх “Using the New Scriptures” үгийг уншихад урих талаар бодож үз. Суралцагчдыг хос хосоор нь хуваагаад, “Зүүлт тайлбар” хэсгээс судлахыг хүс. Хангалттай хугацаа өнгөрсний дараа хоёр суралцагчийг сурсан зүйлээ нэг нэгэндээ заахад болон эдгээр арга хэрэгслийг ашиглан судалж болох асуултуудыг нэг нэгнээсээ асуухад урь. Ингэснээр тэд асуултуудынхаа хариуг олоход нь нэг нэгэндээ тусалж чадна.

Төрөл бүрийн үйл ажиллагаануудаас Сургаал ба Гэрээнд илүү их төвлөрсөн эсвэл судрыг үр ашигтай судлахад суралцагчдад туслах үйл ажиллагаануудыг ол.

Энэ материалыг хэрхэн ашиглах тухай нэг жишээ нь суралцагчдыг тав таваар нь бүлэгт хуваарилах юм. Дараах хичээлийн гарчиг тус бүрд нэг бүлэг хуваарилж, бүлэг бүрд нэг хүнийг оноо. Үүнд: “Зүүлт тайлбар,” “Topical Guide,” “Index to the Triple Combination,” “Bible Dictionary” ба “Сүмийн түүхийн он дараалал, газрын зураг болон гэрэл зургууд.” Тэд өөрсдийн хэсэг дэх материалуудыг судлаад, оногдсон арга хэрэгслийнхээ талаар бүлэгтээ заахаар бэлтгэж болно.