Aoaoga a Taitai o le Ekalesia

Aoaoga a Taitai o le Ekalesia

Vaaiga Aoao

E masani ona fetalai mai le Alii ia i tatou e ala mai i Ana auauna (tagai i le Mataupu Faavae ma Feagaiga 1:38). A o tatou faalogologo atu ma suesue i savali mai taitai o le Ekalesia, e mafai ona tatou aoao i mea e finagalo le Faaola ia tatou iloa. O nei lesona e mafai ona fesoasoani i tagata aoga e suesue ai savali a le Alii e tuuina mai e ala mai i Ana auauna.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Sauniuni mo le Konafesi Aoao

Fautuaga o le saoasaoa: O lenei lesona e mafai ona aoaoina ao lei taitai oo i le konafesi aoao ia Aperila po o Oketopa.

Faamoemoega o le lesona: Ina ia fesoasoani i tagata aoga e saunia ai e faalogo i savali patino mai le Faaola i le konafesi aoao.

• Sauniuniga a le tagata aoga: E mafai ona e valaaulia tagata aoga e talanoa ma o latou aiga e uiga i mea e mafai ona latou faia e saunia ai ma auai i le konafesi aoao.

• Ata: Ata o se aiga o loo matamata i le Konafesi Aoao

• Anotusi e faaali atu: O fesili o le iloiloga faaletagata lava ia agai i le amataga o le lesona.

• Pepa e tufa atu: “Sauniuni mo le Konafesi Aoao”

Suesueina o Savali a Auauna a le Alii

Fautuaga o le saoasaoa: Mafaufau e aoao atu lenei lesona a o lei faia lesona nei i lenei vaega. E mafai ona e aoao atu i le latalata i le amataga o le tausaga aoga e faailoa atu ai i tagata aoga le suesueina o savali a taitai o le Ekalesia.

Faamoemoega o le lesona: Ina ia fesoasoani i tagata aoga ia lagonaina le taua o le suesue ma le faaaogaina o savali a le Alii na tuuina mai e Ana auauna.

• Sauniuniga a le tagata aoga: Valaaulia tagata aoga e o mai saunia e faasoa mai se faamatalaga mai se taitai o le Ekalesia e taua ia i latou ma faamatala mai pe aisea. O lenei faamatalaga e mafai ona sau mai se lauga o le konafesi aoao, se savali o le faasalalauga, se faasalalauga faaagafesootai, po o se mea e talitutusa.

• Anomea mo tagata aoga: O se vaega po o se savali atoa mai le konafesi aoao, mai le Liahona po o le mekasini o le Mo le Malosi o le Autalavou pe mai se faigalotu po o se faasalalauga a le Ekalesia

• Ata e faaali atu: O se ata o le Au Peresitene Sili ma le Korama a Aposetolo e Toasefululua i le taimi lenei

• Vitio: “Let Us All Press On” (6:01; matamata mai le faailotaimi 1:17 seia oo i le 1:58)

Mamanu: Aoaoga a Taitai o le Ekalesia

Fautuaga o le saoasaoa: O lesona uma e faaaoga ai lenei mamanu e mafai ona aoao atu i soo se taimi i le tausaga aoga po o soo se vaiaso i le saoasaoa o le Sau, Mulimuli Mai ia te A’u . Peitai, afai ete lei faaaogaina muamua lenei mamanu, atonu e aoga le aoao atu o le lesona o le “Filifiliga mo le Faavavau” o loo i lalo a o lei saunia se lesona fou i se savali mai se taitai o le Ekalesia. O le lesona o loo aumaia ai se faataitaiga mo le aoao atu e uiga i se savali mai se taitai o le Ekalesia.

Faamoemoega o le lesona: O lenei mamanu ua tuuina atu ai ia te oe ni manatu e fesoasoani ai i tagata aoga e suesue i savali mai taitai O le Ekalesia a Iesu Keriso o le Au Paia o Aso e Gata Ai.

• Sauniuniga a le tagata aoga: Faasoa atu i tagata aoga le autu o le savali o le a latou suesueina i le vasega. Uunaia i latou e faitau, matamata, pe faalogologo i le savali a o lei amataina le vasega. Valaaulia i latou e saunia ma le agaga tatalo mo le Agaga Paia e aoao i latou a o latou suesue i savali a auauna a Iesu Keriso.

“O Filifiliga mo le Faavavau”

Faamoemoega o le lesona: Ina ia tuuina atu se faataitaiga o le auala e mafai ai e faiaoga ona faaaoga le “Mamanu: Aoaoga a Taitai o le Ekalesia” e taiala ai le vasega a o latou suesue i nei savali, ma ia faalolotoina le malamalama o tagata aoga i mataupu faavae e fesoasoani ai ia i latou e saunia mo le ola e faavavau.

• Sauniuniga a le tagata aoga: Valaaulia tagata aoga e sauni ma le agaga tatalo e suesue i le saunoaga a Peresitene Russell M. Nelson “Filifiliga mo le Faavavau” (faigalotu i le lalolagi atoa mo talavou matutua, 15 Me, 2022, ChurchofJesusChrist.org). E mafai ona latou mafaufau i ni a latou fesili o i ai e uiga i lo latou lumanai ma tatalo i le Tama Faalelagi mo ni tali. I se isi itu, valaaulia tagata aoga e faitau, matamata, pe faalogologo i le “Filifiliga mo le Faavavau” a o lei amataina le vasega.

• Pepa e tufa atu: “‘Filifiliga mo le Faavavau’ Vaega 1”; “’Filifiliga mo le Faavavau’ Vaega 2”; “‘Filifiliga mo le Faavavau’ Vaega 3”

• Anomea mo tagata aoga: Pepa ma isi sapalai mo tagata aoga e fatu ai se mea tau faatufugaga