Lesona 207: Sauniuniga mo le Malumalu

Talafaasolopito o Aiga ma le Auaunaga i le Malumalu

E Mafai Ona Tatou Faataunuuina Sauniga mo o Tatou Tuaa ua Maliliu i le Maota o le Alii

I le fuafuaga alofa mutimutivale a le Tama Faalelagi, o i latou o e na maliliu e aunoa ma le mauaina o sauniga faaola o le talalelei a Iesu Keriso e le o leiloloa e faavavau. E mafai ona tatou ofoina atu i o tatou tuaa ua maliliu le fesoasoani latou te manaomia e ala i le faia o talafaasolopito o aiga ma le auaunaga i le malumalu. O lenei lesona e mafai ona fesoasoani i tagata aoga e sue ai igoa o latou tuaa ua maliliu ma saunia ai e faatino sauniga mo i latou i totonu o malumalu a le Alii.

Gaoioiga E Ono Mafai Ona Aoao Ai

O faamanuiaga o galuega o talafaasolopito o aiga ma le auaunaga i le malumalu

Fesoasoani i tagata aoga e mafaufau loloto i faamanuiaga o loo maua e ala i talafaasolopito o aiga ma galuega o le malumalu. Afai na i ai ni aafiaga patino a tagata aoga, e mafai ona e valaaulia i latou e faasoa mai faamanuiaga na latou molimauina.

Afai e manaomia, e mafai foi ona e faasoa atu le vitio “Improve Your Temple Experience; Change Your Life” (3:21), o loo maua i le ChurchofJesusChrist.org, mai le faailo taimi 1:42 i le 3:21.

Improve Your Temple Experience; Change Your Life

Elder Scott speaks of youth doing family history and how the youth in Kansas City embraced and succeeded in the work.

O le isi filifiliga o le faasoa atu lea o le molimau lenei.

Na faasoa mai e Pierre-Alban, o se tamaitiiti e 17 tausaga le matua o loo nofo i Farani, le molimau lenei e uiga i lona aafiaga i le asiasi atu i le malumalu:

O le taimi muamua lava na ou alu ai i le Malumalu o Bern Suitiselani, sa matou o ai ma lo’u aiga ma uo. Na aumai e lenei aafiaga ia te a’u le olioli tele. Sa matou lagonaina uma le Agaga. Sa ou iloa o le mea sa ou faia sa lelei ma sa mitamita le Atua i la matou galuega. Ou te iloa o le malumalu e aumaia ia i tatou le tele o faamanuiaga. A tatou faaavanoa se taimi e faia ai galuega o le malumalu mo o tatou tuaa, e faamanuiaina i tatou e le Tama Faalelagi. O le a fiafia o Ia i mea ua tatou faia mo Ana fanau i Lona maota. (Pierre-Alban C., Mo Le Malosi o le Autalavou,, Ape. 2022, totonu o le faavaa pito i luma)

• O a faamanuiaga ua e iloa o loo maua e ala i talafaasolopito o aiga ma le auaunaga i le malumalu?

• E mafai faapefea ona e amata fesoasoani i se tasi e manao e auai i galuega o le malumalu ma talafaasolopito o aiga ae e te le iloa pe faapefea ona amata?

Faatinoina sauniga mo e ua maliliu

Mafaufau e faasoa atu nisi o aafiaga mai le talafaasolopito o le Ekalesia o tagata o e na aoaoina e uiga i le papatisoga mo e ua maliliu ina ua faatoa aoaoina i lenei tisipenisione. E mafai ona e valaaulia tagata aoga e faitau le fuaitau lenei mai le Au Paia, Vol. 1, O Le Tulaga Faatonuina o le Upumoni ma talanoaina mea ua latou aoaoina ma se paga.

Sa faapotopoto le Au Paia i Navu mo le konafesi aoao ia Oketopa 1840. Na aoao atili atu i latou e Iosefa e uiga i le papatisoga mo e ua maliliu, ma faamalamalama atu o agaga o e ua maliliu o loo faatali i o latou aiga o loo feola ina ia mauaina le sauniga faaola mo i latou.

I le va o sauniga o le konafesi, na faavavevave atu ai le Au Paia i le Vaitafe o Misisipi, i le mea o loo tutu ai ni nai toeaina i le vai e oo atu i o latou puimanava, ma valaau mai ia i latou ia papatisoina mo matua o o latou matua, tamā, tina, uso ma tuafafine, ma fanau ua maliliu. Na vave lava mulimuli ane, ona papatisoina Ailama mo lona uso o Alavini.

Ao matamata atu Vilate Kimball i toeaina i le vaitafe, na ia manao ia papatisoina mo lona tina, lea na maliu i le silia ma le sefulu tausaga talu ai. Sa ia moomoo maimau pe ana ua toe foi mai Heber mai Egelani e faatinoina le sauniga, ae talu ai na uunaia e Iosefa le Au Paia ia faaolaina e ua maliliu i le vave e mafai ai, sa ia filifili ai e papatisoina mo lona tina i le taimi lava lena.

O mafaufauga foi o Ema Samita sa i ai i le aiga. O lona tamā, o Isaako Hale, na maliu ia Ianuari 1839. …

… E ui i lea, na alofa Ema i lona tamā ma sa papatisoina mo ia i le vaitafe. Na ia le taliaina le talalelei toefuataiina i lenei olaga, ae sa ia faamoemoe o le a le tumau ai faapena e faavavau. (Au Paia, 1:423–24)

• O le a se mea aoga na e maua mai nei aafiaga?

E faaopoopo atu i isi mea na ta’ua, e mafai ona e faailoa atu o nei papatisoga sa faia i le Vaitafe o Misisipi ae le o le malumalu. I lena taimi, sa leai se malumalu po o se faatanoa o le vai papatisoga i Navu. Atonu foi e matauina e tagata aoga sa papatisoina Ema Samita mo lona tamā. E mafai ona e faamalamalama atu mulimuli ane, na faaali mai e le Alii le mamanu o tamaitai o loo faatinoina sauniga mo tamaitai ma alii mo alii (tagai i le Au Paia, 1:578–79).

Faitau le Mataupu Faavae ma Feagaiga 124:29–36, ma vaavaai mo mea na faaali mai e le Alii ia Iosefa Samita e uiga i papatisoga sa faia e le Au Paia i Navu mo e ua maliliu.

• O le a le mea na faaali mai e le Alii?

• O le a se mea e mafai ona aoao mai e nei fuaiupu e uiga ia te Ia?

  Atonu o le a faailoa mai e tagata aoga ni upumoni eseese e uiga i le Alii lea e faamamafaina ai le taua o loo Ia tuuina i Luga o Ona malumalu. O se tasi o faataitaiga o le, e taliaina lea e le Alii sauniga tatou te faatinoina mo o tatou tuaa ua maliliu i Ona malumalu paia.

  E mafai foi e tagata aoga ona ta’ua upumoni e faatatau i uiga faaalia o le Alii. Atonu latou te faailoa mai o Iesu Keriso e onosai ma tonu aua na Ia folafola atu i le Au Paia “le lava o le taimi” (fuaiupu 31,33) e fausia ai le malumalu. E ui o le vaega o totoe o lenei lesona o loo taulai atu i le faatinoina o sauniga i malumalu aemaise lava mo o tatou tuaa, afai e mananao ai tagata aoga, ia e sa’oloto e faaalu se taimi e talanoaina ai uiga o Iesu Keriso.

• O le a se mea e mafai ona tatou aoao mai le faaaogaina e le Alii o upu “papatisoga mo o outou tagata ua maliliu”? (tagai i le Mataupu Faavae ma Feagaiga 124:32–33; 127:5).

Na saunoa mai Elder Quentin L. Cook o le Korama a Aposetolo e Toasefululua e uiga i o tatou tuaa:

Na faatatau le Alii i uluai faatonuga faafaaaliga i le “papatisoga mo o outou tagata maliliu” [Mataupu Faavae ma Feagaiga 127:5; ua faaopoopoina le faamamafa]. O la tatou matafaioi faaleaoaoga faavae ua faatatau lea i o tatou lava tuaa. E mafua lenei mea ona o faalapotopotoga faaselesitila o le lagi e faavae lea i aiga. (Quentin L. Cook, “O A’a ma Lala,” Liahona, Me 2014, 45)

• Na faapefea ona e aafia i le aoaoina e uiga i ou tuaa? E faapefea ona faatosinaina ai oe?

• E te manatu e mafai faapefea e le faatinoina o sauniga o le malumalu mo ou tuaa ua maliliu ona aafia ai lou sootaga ma le Tama Faalelagi?

O le vaega e mafai ona e faia i le galuega o le faaolataga a le Alii

E mafai ona e valaaulia tagata aoga e mafaufau i o latou aafiaga i talafaasolopito o aiga ma galuega o le malumalu e ala i le toe mafaufau i le lelei o le faatatau ai o faamatalaga nei ia i latou.

I se fua o le 1 e oo i le 5 (1 = e le moni ma le 5 = moni lava), ia fua ai le lelei o le faamatalaina o oe e nei faamatalaga.

Ua ou iloa le auala e maua ai igoa a o’u tuaa.

Ua ou iloa le auala e auina atu ai igoa o o’u tuaa i le malumalu.

Ou te fia sailia igoa o o’u tuaa ma faatino sauniga mo i latou i le malumalu.

Ou te lagonaina le taua o le faia o galuega mo o’u aiga ua maliliu.

Uunaia tagata aoga e faasoa mai o latou malamalamaaga ma aafiaga i galuega o malumalu ma talafaasolopito o aiga. Fesili atu ia i latou po o le a se mea latou te mananao e aoao ma po o a mea latou te manaomia ai se fesoasoani. Valaaulia i latou e aoao mai le tasi i le isi ma mai le Agaga Paia e ala i le talanoaina o faamanuiaga e mafai ona aumaia e le galuega o le malumalu ma talafaasolopito o aiga.

A manaomia, mafaufau e faaali se tasi o vitio nei.

“Focus on the Temple” (7:18; matamata mai le faailo taimi 3:50 seia oo i le 4:36)

Taulai atu i le Malumalu

Ua aoao mai Peresitene Nelson e uiga i le taua o malumalu ma fofogaina mai fuafuaga i le fausiaina o isi malumalu fou.

“Spiritual Dynamite” (2:40)

Spiritual Dynamite

Family history and temple service combine to create a spiritual power that will enable you to become the person God wants you to be. You can read Elder Renlund's talk from Family Discovery Day here.Read about Alfred Nobel - Man of Peace.

“Faapotopotoina o le Aiga o le Atua” (4:18)

Gathering the Family of God

Family History enthusiasts share touching experiences they had while finding their ancestors’ stories.

Laasaga e mafai ona e faia

Faaali atu laasaga nei e mafai ona fesoasoani i tagata aoga e auai ai i talafaasolopito o aiga ma galuega o le malumalu. Uunaia tagata aoga o e na faia muamua nei laasaga e fesoasoani i isi tagata aoga i le tele e mafai ai.

• Laasaga 1. Fatu se faitotoa o le Ekalesia.

• Laasaga 2. Suesue i le tamaitusi O Lo’u Aiga: Tala e Aumaia Faatasi ai i Tatou , FamilySearch, po o le polokalama o le Gafa o le Aiga.

• Laasaga 3. Faaaoga le matapule Sauniga Ua Saunia.

• Laasaga 4. Fai se taimi faatulagaina e auai ai i le malumalu.

Valaaulia se tagata aoga e faataitai pe faapefea ona faaaoga le matapule Sauniga Ua Saunia. Uunaia tagata aoga e sii mai ma aoao e faaaoga le polokalama o le Gafa o le Aiga. I le polokalama, e mafai ona latou kiliki i le aikona o le malumalu ma le sootaga Sauniga Ua Saunia e su’e ai igoa o tagata o le aiga e mafai ona latou faia o latou sauniga. Fesoasoani i tagata aoga e aoao pe faapefea ona talosaga ma lolomi kata o igoa e ave i le malumalu. A uma ona maua e tagata aoga igoa o nisi o tuaa, uunaia i latou e aoao pe faapefea ona fesootai i latou ma soo se faamatalaga patino o loo maua e uiga i na tuaa. Valaaulia tagata aoga o loo i ai se pepa faataga o le malumalu e faatulaga se taimi faatulagaina e auai atu ai i le malumalu.

Afai e manaomia, o faamatalaga nei e mafai ona maua ai se taitaiga faaopoopo.

• “How do I create a Church account using ChurchofJesusChrist.org?”

• “E faapefea ona e manao e amata?”

• “How to Start a Family Tree on FamilySearch: Adding the First Four Generations”

• O Lo’u Aiga: O Tala e Aumai Faatasi ai i Matou

• “Sauniga ua Saunia”

O le taimi lava e fesoasoani ai tagata aoga i le tasi ma le isi e su’e igoa e ave i le malumalu, e mafai ona e valaaulia i latou e faasoa mai ni malamalamaaga ma ni lesona na aoaoina. Uunaia i latou e mafaufau e uiga i le Faaola ma Lona finagalo mo i tatou e fesoasoani i o tatou tuaa. E mafai ona e fesili:

• E te manatu e mafai faapefea i le auai i le galuega o le malumalu ma talafaasolopito o aiga i le taimi nei ona fesoasoani e saunia ai oe e osia ma tausia feagaiga ma le Atua i Lona malumalu?

• E mafai faapefea e le faia o talafaasolopito o aiga ma le auaunaga i le malumalu ona faalolotoina lou alofa mo le Faaola?

Punaoa Faaopoopo

Aisea e manaomia ai au e o’u tuaa?

Na aoao mai Elder Gerrit W. Gong o le Korama a Aposetolo e Toasefululua e faapea:

Tatou te faamamaluina o tatou tuaa e ala i le tatalaina o le lagi e ala i galuega i le malumalu ma talafaasolopito o aiga ma e ala i le avea ma sooga mausali i le filifili o o tatou augatupulaga. …

… O auaunaga lē manatu faapito i le malumalu mo e pele ua avea ai le Togiola a lo tatou Faaola ma mea moni mo i latou faapea i tatou. O le faapaiaina, e mafai ai ona tatou toe foi i le aiga i le afioaga o le Atua o ni aiga ua faatasia e faavavau. (Gerrit W. Gong, “E Tofu i Tatou ma se Tala,” Liahona, Me 2022, 44–45)

O a faamanuiaga e oo mai i galuega o le malumalu ma talafaasolopito o aiga?

Na folafola mai Elder Quentin L. Cook o le Korama a Aposetolo e Toasefululua:

Ou te folafola atu o le faatinoina ma le alofa o sauniga mo tuaa o le a faamalosia ai ma puipuia a tatou talavou ma aiga i se lalolagi ua faateteleina le leaga. (Quentin L. Cook, “O Le Alofa Tele i le Fanau a lo Tatou Tama,” Liahona, Me 2019, 79)

Na aoao mai Elder Dale G. Renlund o le Korama a Aposetolo e Toasefululua:

E maofa ma ofoofogia e faapea, e ala atu i talafaasolopito o aiga ma galuega o le malumalu, e mafai ai ona tatou fesoasoani e togiola e ua maliliu.

Ae, a o tatou auai i talafaasolopito o aiga ma galuega o le malumalu i aso nei, ua tatou agavaa foi e maua faamanuiaga o le “faamalologa” ua folafola mai e perofeta ma aposetolo. … O lenei lisi umi e aofia ai faamanuiaga nei:

• Faateleina le malamalama e uiga i le Faaola ma Lana taulaga togiola;

• Faateleina le tosinaga a le Agaga Paia e lagona ai le malosiaga ma le taitaiga mo tatou lava olaga;

• Faateleina le faatuatua, ina ia mafai ona faalolotoina ma tumau le liuaina i le Faaola;

• Faateleina le tomai ma le faaosofia e aoao ai ma salamo ona o le malamalama po o ai i tatou, o fea tatou te o mai ai, ma se vaaiga manino i le mea tatou te o i ai;

• Faateleina le faaleleia, faapaiaina, ma le puleaina o faatosinaga i o tatou loto;

• Faateleina le olioli e ala i se tomai faateleina e lagona ai le alofa o le Alii;

• Faateleina faamanuiaga faaleaiga, e tusa lava po o a o tatou tulaga faaleaiga i le taimi nei, tuanai, po o le lumanai pe o le a foi le lē atoatoa e ono i ai o tatou gafa faaleaiga;

• Faateleina le alofa ma le talisapaia mo tuaa ma tagata soifua o aiga, ina ia tatou lē toe lagonaina le tuuatoatasi;

• Faateleina le mana e iloatino ai vaega e manaomia ona faamaloloina ma o lea la, faatasi ai ma le fesoasoaniga a le Alii, e auauna atu ai i isi;

• Faateleina le puipuiga mai faaosoosoga ma faatosinaga malolosi a le fili; ma le

• Faateleina fesoasoaniga e foia ai ni loto atuatuvale, nutimomoia pe popole ma toe faamaloloina ai e manunua.

Afai na e tatalo mo soo se tasi o nei faamanuiaga, ia e auai i talafaasolopito o aiga ma galuega o le malumalu. A e faia lea mea, o le a taliina mai au tatalo. (Dale G. Renlund, “Galuega o Talafaasolopito o Aiga ma le Malumalu: Faamauga ma le Faamalologa,” Liahona, Me 2018, 47)

O le a se mea e mafai ona ou faia pe afai ou te nofo mamao ese mai soo se malumalu?

Na faapea mai Elder Gary E. Stevenson o le Korama a Aposetolo e Toasefululua:

Ua faatelelina le latalata atu pea o malumalu ia te outou. Peitai, mo outou e nonofo mamao po o ni tulaga foi e le o mafai ai ona auai soo i le malumalu, e tatau lava ona outou tausia i taimi uma lo outou lava agavaa e auai. E mafai ona e faia galuega taua i fafo o malumalu ao e suesue ma tuuina atu igoa o ou aiga. (Gary E. Stevenson, “O Fea o I Ai Ki ma le Pule o le Perisitua?,” Liahona, Me 2016, 31)

Ae faapefea pe afai ou te le iloa pe faapefea ona maua ou tuaa?

Na saunoa mai Elder Benjamín De Hoyos o le Fitugafulu:

O outou e le o lagona le gafatia e faia lenei galuega, e tatau ona outou silafia e le o tuua na o outou. E mafai ona tatou liliu uma atu i meafaigaluega ua saunia e le Ekalesia ma o loo maua i nofoaga autu o le FamilySearch, lea sa masani ona tatou taʼua o nofoaga autu o talafaasolopito o aiga. O nei nofoaga Autu o le FamilySearch ua mamanuina ina ia mafai e toetoe lava o tagata uma, faatasi ai ma sina fesoasoani, ona suʼe faamatalaga o latou augatuaa ma faatulaga lelei ina ia mafai ona latou aveina atu i le maota o le Alii. Faamolemole e faafesootai faufautua o talafaasolopito o aiga i la outou uarota po o le paranesi, o e o le a taialaina oe i laasaga uma o le ala. (Benjamín De Hoyos, “O Le Galuega o le Malumalu ma Talafaasolopito o Aiga—E Tasi ma e Tasi le Galuega,” Liahona, Me 2023, 53–54)

Gaoioiga Faaopoopo e Aoao Ai

Fesootai ma o tatou tuaa

Mafaufau e valaaulia ni nai tagata aoga e faasoa mai ni mea na latou iloa e uiga i o latou tuaa. Uunaia tagata aoga e faasoa mai faamatalaga auiliili e fesoasoani ia i latou e lagona ai se fesootaiga ma nei tagata o le aiga. E mafai ona e faaali atu se kata o sauniga ma fai atu i tagata aoga e faasoa mai pe faapefea ona fesoasoani nei kata ia i tatou e faatino ai sauniga mo o tatou tuaa i totonu o malumalu. Afai e tatau ai, faamalamalama atu o kata o sauniga o le malumalu e fesoasoani e siaki ai galuega o le malumalu a o faatinoina sauniga mo o tatou tuaa.

O le tusiga “Sauniaina o Lau Tama mo Papatisoga ma Faamauga o le Malumalu” e mafai ona fesoasoani i au tagata aoga e saunia ai mo le malumalu e ala i le sailia o le igoa o se tuaa.

“Glad Tidings: The History of Baptisms for the Dead”

E mafai ona faamanuiaina tagata aoga mai le aoaoina e uiga i le talafaasolopito o papatisoga mo e ua maliliu i lenei tisipenisione. Mafaufau e faaaoga le vitio lenei ma taofi i taimi eseese e faataga ai tagata aoga e fai ni fesili pe faasoa mai ni malamalamaaga.

“Glad Tidings: The History of Baptisms for the Dead” (6:55)

Glad Tidings: The History of Baptisms for the Dead

Joseph Smith's struggle with his brother Alvin's death led eventually to the introduction of baptisms for the dead. This new ordinance was embraced by saints in Nauvoo who did the first genealogical and family history research in Church history.

Faamanuiaga folafolaina o le faapotopotoina o o tatou aiga

Afai e mananao tagata aoga e taulai atu i faamanuiaga o le faatinoina o sauniga mo tuaa ua maliliu i le malumalu, e mafai ona e faaali atu se tasi o vitio nei. Uunaia tagata aoga e faamaumau faamanuiaga ua folafola mai e le Alii ma atonu e filifili se tasi pe lua e saili.

• “Faapotopotoina o le Aiga o le Atua” (2:10)

  Gathering the Family of God

  President Henry B. Eyring describes how we can grow closer to our ancestors through family history and temple work.

• “O Faamanuiaga Folafolaina o le Galuega o Malumalu ma Talafaasolopito o Aiga” (3:26)

  O Faamanuiaga Folafolaina o le Galuega o Malumalu ma Talafaasolopito o Aiga

  Modern apostles, including David A. Bednar, Quentin L. Cook, Neil L. Andersen and Dale G. Renlund have promised many powerful blessings to those who participate in Family History and Temple Service.

• “O Faamanuiaga Folafolaina o le Galuega o Malumalu ma Talafaasolopito o Aiga 2” (4:04)

  The Promised Blessings of Temple and Family History Work 2

  Temple and family history work can provide you with purpose and strength as you selflessly engage in it. It can also help you understand that you are precious in the eyes of God.

O le toatele o e ua maliliu ua mananao ia faamauina i o latou aiga

Fesoasoani i tagata aoga ia iloa e toatele o latou tuaa e mananao ia faatino a latou sauniga o le malumalu. E mafai ona e faasoa atu tala na tuuina mai e taitai o le Ekalesia i le konafesi aoao.

Sa faasoa mai e Peresitene Russell M. Nelson le mea lenei ia Aperila 2016:

I la’u savali i le konafesi talu ai, sa ou faamatalaina ai lo’u aafiaga faataumaoi i le tele o tausaga talu ai a o avea ai ma se fomai tipitipi, sa le mafai ai ona ou laveaiina ni ola o ni auuso teineiti se toalua. …

O se faamai o le fatu mai le taimi na fanau ai sa aafia ai le fanau e toatolu a Ruth ma Jimmy Hatfield. O le la atalii muamua, o Jimmy Jr., na maliu e aunoa ma se aafiaga na iloaina. Sa ou aafia i lenei tulaga ina ua saili mai e matua se fesoasoani mo le la fanau teine e toalua, o Laural Ann ma lona uso laitiiti, o Gay Lynn. Sa nutimomoia lo’u loto ina ua maliliu uma teineiti i le maea ai o taotoga. E malamalama lava, sa matua lofituina lava faaleagaga Ruth ma Jimmy. …

Ona oo lea i le tasi po ia Me talu ai, sa fafaguina au e na teineiti e toalua mai le isi itu o le veli. E ui sa ou lei vaaia pe faalogoina i la’ua i ou lagona faaletino, ae na ou lagonaina lo la faatasi mai. I le faaleagaga, sa ou lagonaina ai le la aioiga. Sa puupuu lava ma manino le la savali: “Brother Nelson, e le i faamauina i ma’ua i se tasi! E mafai ona e fesoasoani mai ia i ma’ua?” …

Ia Iuni, sa ou tootuli moni ai lava i luma o Jimmy, ua 88 nei ona tausaga, ma faia se talanoaga faamaoni lava ma ia. Sa ou talanoa i ai e uiga i aioiga a ona afafine ma ta’u atu ia te ia o le a faamamaluina lava au e faatino le sauniga o le faamauga mo lona aiga. …

…Ma e lei leva atu la, i le Malumalu o Payson Iuta, sa ou maua ai le avanoa taua tele e faamau ai Ruth ia Jimmy ma le la fanau e toafa ia i la’ua. Sa ma fetagisi ma Wendy i lena aafiaga mamalu. Sa tele ni loto na faamaloloina i lena aso! (Russell M. Nelson, “O Le Tau o le Mana o le Perisitua,” Liahona, Me 2016, 66–67).

Na faasoa mai e Elder Gary E. Stevenson lenei aafiaga ia Aperila 2016:

O Fea o I Ai Ki ma le Pule o le Perisitua?

Elder Stevenson teaches about how priesthood keys and authority were restored and how they can bless young men and young women.

Talu ai nei sa ou iloaina se tina na te avatua soo lava lana fanau i le malumalu e faatino papatisoga sui. I lea aso faapitoa, a o faamaeaina e lenei aiga a latou papatisoga ma tuua foi le malumalu, sa ulufale atu se alii i le potu papatiso ma se fusi tele o igoa o lona lava aiga. I le iloaina ai e le o i ai ma se tasi o totoe i le potu papatiso e fesoasoani atu i nei igoa faaleaiga, sa maua atu e le tagata faigaluega o le malumalu le aiga lea ua sauni e tuua le malumalu ma talosga atu i tamaiti pe latou te manatu e mafai ona toe ulufale atu ma toe sui tasi lava e fesoasoani i nei papatisoga. Sa latou malilie ma le loto i ai ma toe foi atu i totonu. A o papatisoina le fanau, sa faalogologo lo latou tina, ma amata ona iloaina ia igoa ma e lei pine, ae matua maofa lava, i le iloaina o igoa faaleaiga a le tagata lea o tuaa ua maliliu o lona foi aiga. O se alofa mutimutivale agamalu ma le matagofie mo i latou. (Gary E. Stevenson, “O Fea o I Ai Ki ma le Pule o le Perisitua?,” Liahona, Me 2016, 31)